مشاكل البنات مع الشباب

ابن خالتى اصغر منى بيحبنى وبحبه ولكن

انا طالبة ثانوي ابن خالتى اصغر منى بسنة ونصف وبيحبنى وحاسة انى كمان بحبه بجنون لانه الحب الاول ليا والعائلة كلها تقريبا عارفة ماعدا بابا ولكن طول عمرى بخاف اكلم اى ولد عشان كدة طلبت منه يكون حبنا فى قلبنا ومنكلمش بعض الى أن نكبر ويخطبنى من بابا فوافق عشان ميعمليش مشاكل مع اهلى وفعلا بقالى 8شهور لم اكلمه او حتى اراه على الرغم من انه معاه رقم موبايلى وحاسة انى لازم اتكلم معاه واعرف اخباره عشان الحب مايضعيش مع الوقت وخاصة ان بابا رافض مبدا خطوبتى لاى شخص قبل نهاية تعليمى بالجامة يعنى على القل 6سنين . هل هناك حب يستمر بين اتنين مبيشفوش بعض 6سنين ؟ عشان انا فى بلد بعيده عنه ولو استمر الحب بينا خايفة بابا يرفضه عشان فرق السن وعشان كمان معروف عنه انه بيكلم بنات وبيشرب سجاير ومش منتظم فى التعليم . بس هو وعدنى انه مش هيكلم اى بنت تانى ولا هيشرب سجاير وانه هيلتزم فى الصلاة وكمان هيدخل ثانوي عام ويذاكر ويتخرج من كلية عالية وفعلا هو اتغير وخالتى كمان بتساعده على كدة . ولكن نفسى اكلمة جدا ومستغربة من عدم سؤاله عليا وخايفة يكون بيضحك عليا لانى مش بثق فى اى ولد . ارجوكم الحل بسرعة لانى مش عارفة ولا اذاكر …….

مشاكل وحلول ذات صلة

اضيف بتاريخ: Saturday, December 18th, 2010 في 15:52

كلمات مشاكل وحلول: , , , , , , , , , , , , ,

20 رد to “ابن خالتى اصغر منى بيحبنى وبحبه ولكن”

  1. ساحرالنساء
    19/10/2014 at 23:54

    القول انك تحبيه وهويحبك لكن الواقع يقول ايه انه شاب بتاع بنات ويشرب دخان وغير منتظم في تعليمه يعنى بصريح العبارة غير مناسب للارتباط به نهايا وابوكي معه كل الحق ازاي يوافق عليه وهوبالصفات دية وياخذمصروفه من اهله انصحك بعدم التفكيرفيه اطلاقا والاهتمام بدراستك وتفوقك سر نجاحك في الحياة والعمر قدامك حتلاقي ابن الحلال فعلا اللي يستاهلك ويسعدك

  2. ابواميرة
    20/12/2012 at 13:18

    اذاتبغي تعرفي مشاعرابن خالتك تجاهك اتصل عليه من رقم غيررقمك وخلي احدزميلاتك تتكلم معه وتحاول ان تتعرف عليه كاي بنت تريدالتعرف على شاب وعندهاحتعرفي ان كان بيحبك انت ومخلص لك اوانو بتاع بنات دي احسن حاجة تقدري تعرفيه فيها

  3. امنية
    18/03/2012 at 21:09

    هو ممكن تكونى انتى بتحبيه رغم صغر سنك بس هو مفتكرش انه يكون بيحبك لان من المعروف ان البنت بيكون تفكيرها انضج من تفكير الاولاد فى السن ده ومن الافضل انك ترتبطى بحد اكبر منك بحوالى 6 سنوات علشان يكون تفكيركم قريب من بعض وادعيلى انا مخطوبة لواحد اكبر منى ب 14 سنة وانا بحبه وهو بيحبنى والحمد لله متفاهمين جدا

  4. نيمو الحبوبه
    14/08/2011 at 04:20

    انتى مع الوقت ها تابلى ناس كتير و هو هايئابل ناس كتير ياعنى انتى لسه ادامك 6 سنين يعنى اكيد هاتابلى ناس كتير و اكيد ها تحبى حد\
    ما تفقاريش فى ابن خالتك علشان طول ما انتى بتفقرى فيه مش ها تعرفى تحبى حد

  5. mai
    26/06/2011 at 05:18

    مش عارفه ايه الدافع في الحب ده
    اساسا فرق السن مش كويس بين البنت والولد لو البنت اكبر

  6. مجروحه والله
    27/05/2011 at 18:37

    يا بنتى فكرى كويس بس خدى بالك من صغر السن و اهم حاجه دلوقتى ركزى فى مذكرتك و دراستك علشان خاطر اهلك مش يقولو حاجة عليكى فى اى وقت من الاوقات و ربنا معاكى و معانا ادعيلى انا كمان اخد اللى بجبه

  7. على خضر
    28/04/2011 at 19:09

    انتي طالبة ثانوي وهو أصغر منك بسنة ونصف يعني ربما يكون في اعدادي او في الصف الاول الثانوي مثلا وده بصراحة سن صغير جدا خاصة بالنسبة له وغير مضمون الحب في هذه السن الصغيرة ووارد جدا أن تتغير مشاعر كليكما مع الوقت والنضج ومرور الايام والسنين

  8. آه ياعمرى
    19/04/2011 at 20:12

    انتى وهو بدرى على تحديد المصير ده لانى طول المرحله دى المشاعر فى تغيير يوم عن يوم الدراسه دلوقتى اهم والحب لا عيب ولا حرام اذا فى حدود الالتزام والافضل ان تنتظرى حد اكبر منك ودا رايي وربنا يوفق الجميع

  9. أحمد
    18/04/2011 at 06:33

    من فضلك أنت ما زلت صغيرة وهز أصغر ، متفكريش في حاجة زي كده ، واجتهدي وعلى قدر تعبك واحترامك هتلاقي المحترمين كتير جداوبرده شيك ، صادقين ، وربما المال غير ميسور ، ولكن سيعمل المستحيل من أجل طهرك ونقائك ، وستتربعين على سويداء قلبه ، وأظن أن كل هذا لا يتحقق إلا بعد الخطوبة ، هو أنت ليه متخديش الأحسن ، هو أصغر منك ، وبيشرب سجائر ، ربنا يهديه ، ولكن فكري في الأحسن ، إنسان على دين خلوق مجتهد وهتقابلي كتيير إذا كنت كذلك ، كوني فاطمة حتى تأخذي عليًا. المهم تذاكري ، ولما تفتكريه اتوضي واسأل الله عزوجل نسيانه .

  10. SARA
    20/12/2010 at 15:46

    سلاموعليكم في البدايه انتي مش غلطانه ف حبك ليه متظلميهوش اتصلي بيه يمكن ف ظروف مانعاه عنك ولو حسيتي انه متغير ابعدي وفي الاخر ربنايوفقك

  11. ميوش
    20/12/2010 at 05:06

    اسمعي كلامي انا يا صاحبه المشكله بلاش تسكتي وتضيعيه من ايديكي بسكوتك ده لان البعيد عن العين بعيد عن القلب والتليفون بيقرب كل حاجه ممكن لو بعدتي هو يمل ويلاقي واحده تانيه ويتعلق بيها وساعتها هتعرفي انو كان مخلص وتتحسري عليه طول عمرك

  12. صاحبة المشكلة
    19/12/2010 at 21:22

    fبجد شكرا لحلولكم المقنعة ده بس انا احترت اكتر لانى مش عارفة اظلمه لانه بجد تعب معايا كتير ولا عارفة أصدقه لان مفيش ولد يتصدق اليومين دول . واكيد طبعا كلكم افتكرتم انه طفل مراهق ولكن بجد انا لما بكلمه بحس انه انسان عاقل جداواكبر من سنه بكتير وده اللى جذبنى ليه وخلانى احبه واكتر موقف خلانى احترمه لمااعترف لوالده ووالدته , واللى تاعبنى انه لحد دلوقتى مش متاكد من حبى ليه وكانت اخر كلمته فيها كان نفسه يسمع ردى لكن انا كنت خايفة

  13. فارس
    19/12/2010 at 14:26

    ممكن يكون شخص وفي جدا لأنه منقدش هعدكم مع بع بعدم الكلام زي (ما طلبتي ) وممكن يكون بيتعذب جدا هو كمان يا ريت انتي تكلميه بس تحددي المكالمات بمره أو اتنين في الاسبوع كله هترتاحوا كده أكتر وومكن يكون حبكم دافع لبناء مستقبل جيد مع بعض

  14. النبيل شارل
    19/12/2010 at 10:33

    يا بنت الكرام لا مانع من اختبارة بعض الاختبارات البسيطه كأن تتصلي بتلفونه من رقم غير رقمك وتري ردة فعله فأذا رأيتي انه اوفى بوعده ورفض مكالمتك فهنئا لك به واذا استمر في مكالمتك دون ان يعرف من انتي فلا تكلميه و ادفني الحب قبل ان يبدأ

  15. نورا محمد
    19/12/2010 at 07:56

    لو بيحبك هيثبتلك مع الوقت انه يستاهل الحب سيبى كل شى للنصيب ربنا معاكى بس اهم شى شوفى مذاكرتك كويس عشان فى اى حال من الاحوال متخسريش

  16. مازن
    18/12/2010 at 23:02

    بصى من الاخر باباكى مش هيوافق عشان انتى اكبر منه بسنه ونص شكرا تحياتى مازن

  17. n@m
    18/12/2010 at 19:02

    من الصعب عقليا انك تحبى واحد اصغر منك بس قلبيا من الطبيعى لان الحب ملهوش ميعاد ولا شروط بس ارجوكى اتاكدى الاول من حبه ليكى لان بصراحة دلوقتى الولاد ميضمنوش واسالى مجرب بس اتمنى انك تفكرى كويس فى موضوع السن ده وقولى لنفسك مش يمكن عشان انتى ماقبلتيش حد غيره فحسه انك بتحبيه بجنون بص نصيحة مجربة ركزى فى دراستك لانها اهم حاجة فى المرحلة اللى انتى فيها ديه وعلى فكرة ممكن تتطمنى عليه بالتليفون لانه مهما كان فهوابن خالتك

  18. tamer
    18/12/2010 at 18:37

    نتي طالبة ثانوي وهو أصغر منك بسنة ونصف يعني ربما يكون في اعدادي او في الصف الاول الثانوي مثلا وده بصراحة سن صغير جدا خاصة بالنسبة له وغير مضمون الحب في هذه السن الصغيرة ووارد جدا أن تتغير مشاعر كليكما مع الوقت والنضج ومرور الايام والسنين. ان رأيي الشخصي أن تلتفتي جيدا لدروسك ومذاكرتك وهو كمان وتتركي الامر كله لله يصرف المستقبل كيف يشاء .ربما فعلا تتزوجيه وربما هو تتغير مشاعره وربما أنت تتغير مشاعرك خاصة بعد دخول الجامعة وربما كليكما يتغير مشاعره في أن واحد. لاتسبقي الاحداث وركزي تماما فيماأنت فيه من دراسة وتعليم وفوضي الامر لله وليس هناك مانع من الاتصال بخالتك والاطمئنان عليها وعليه من حين لاخر بس بلاش محادثات في الموبايل خاصة بينكما دون علم الاهل وخاصة والدك وكوني دوما مثالا للبنت التي أحسن أبوها تربيتها فصانت نفسها وأهلها وربنا يوفقك.

  19. سيودا
    18/12/2010 at 18:28

    اللى بيحب حد بجد ميقدرش يستغنى عنة ولو يوم واذا كان مبيكلمكيش عشان ميعملش ليكى مشاكل على الاقل يكلمك مرة فى الاسبوع يطمن عليكى وعلى حبة

  20. ياسر حبيب الكل
    18/12/2010 at 17:36

    بص يابنت الناس انا عندى حل خرافة سيبك بلاحب بلابتاع ماتشغليش باللك لان كل حاجه فى النهايه قسمة ونصيب ومحدش يعرف نصيبه فين صح انتى خلى باللك من دراستك وزاكرى كويس وانشاء الله الى فيه الخير هيقدمه ربنا اخوكى فى الاسلام ياسر

اترك رداً أو حلاً لهذه المشكلة