مشاكل الحب والزواج

اخسر اهلى ولا خطيبى حبيبى

انا فتاه عمرى 20 سنه اتخطبت لابن عمى خطوبه عاديه جدا ومكناش نعرف بعض قبل الخطوبه بس لما اتخطبتله وقربنا من بعض حبينا بعض جدا لدرجة اننا كنا مفيش اى حواجز بينا وكاننا متزوجين مش مخطوبين بس فى حدود الادب ومحصلش بينى وبينه اى حاجه وبعدين هو سافر وحصلت مشكله بينى وبينه واهله ادخلو فيها وابوه غلط فيا وفى اهلى وما غلط انا قلتله انى مش عايزه ابنه بس بعد كده ندمت اوى لانى بحبه جدا ومش قادره اتخيل حياتى مع واحد تانى غيره بس خطيبى كلمنى كتير وكلم اهلى علشان عايز يرجعلى بس المشكله مش فيا ولا فيه
المشكله فى اهلنا اهلى رافضين انى ارجعله غير لما ابوه يجى يتاسف وابوه مش موافق انه يجى واحنا تايهين بينهم ومش عارفين نعمل ايه بس خطيبى طلب منى انى اكلم ابوه وانا رافضه لانه هو اللى غلط مش انا وبعدين طلب منى انى استنى شويه لما الامور تهدى ويكلم ابوه تانى علشان يجى بس انا متاكده ان ابوه مش هيجى وفى نفس الوقت انا بحبه جدا ومش عارفه انساه ,ياريت حد يقولى اعمل ايه انا تعبانه اوى بسبب الموضوع ده

مشاكل وحلول ذات صلة

اضيف بتاريخ: Saturday, June 9th, 2018 في 21:21

كلمات مشاكل وحلول: , , ,

2 رد to “اخسر اهلى ولا خطيبى حبيبى”

  1. Dr-aaa
    11/06/2018 at 17:12

    أبوه زي أبوك ،،لو أبوك غلط حتقول تعال اتأسف لي فمابالك لو هو في نفس الوقت عمك،، لو عاوزه خطيبك اتصل بعمك فرصة خواتم رمضان والأجر لك لأنك ابتديت بالمصالحة،،إتصل بعمك قول له خواتم مباركة وعايديه بالعيد،،ولو مرة ثانية حصل خلاف فاترك من لسانك انك مش عاوزاه وحاولواتعجلوا بالزواج

    قَـيّـم هذا الحل: Thumb up 0 Thumb down 0

  2. ابوالبتول
    11/06/2018 at 02:20

    شوف يابنتي انتم اهل وده عمك اخو ابوك يعني في مقام والدك مايجراش حاجة لو انك تكلمت معو واعتذرتي منه وتصافت القلوب وانتهى الاشكال وصدقيني لو عملت كدا هتكوني احسن منهم وربنا بيجزي لك الاجر والثواب لانو دي صلة رحم والله عزوجل امرنا بوصلها ونهانا عن قطيعة الرحم وحذرنا من قطعها وعلشان تكتمل سعادتكم انت وخطيبك ابن عمك وربي يؤفقكم ويهدي النفوس ويصلح لكم الاحوال ويسعدكم في حياتكم الجاية ويبارك لكم فيها ان شاء الله

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة