مشاكل الحب الفاشل

خايف الحب يضرها نفسيا

انا شاب 24 سنة اتعرفت على بنت عندها 18 سنة وشهر جاى حتم 19 سنة
اتعرفنا على بعض فى الجروب الى انا ادمن بتاعه من حوالى اكتر من 3 اشهر وبعد كام اسبوع من تعارف كلمتنى على خاص وبقيت بتتعرف عليا وانا بعرفها وهى وثقت فيا واتعلقت فيا واعجبت بيا بشدة واعترفتلى بحبها ليا فطبعا انا قدرت اعترفها بحبها ليا وعرفت انها لسه مراهقة وكده وكانت مش بتقول عمرها حقيقى ليا غير بعد فترة من اعتراف بحبها لأنها مكنتشى بتثق فى ححد وطبعا انا كنت فاكرها 17 وداخلة على 18 بس هى قالت ليا بعدين وانا قولتلها انه مينفعشى وكده لأن مفيش حب على نت بل اعجاب بس
فمهم هى زعلت من كده بس انا قدرت اقنعها وسيطرت على موقف
المهم هى كل ما تحاول تعبر عن حبها كنت بفهمها وبمنعها علشان متتعلقشى فيا وكده بس معرفتش امنعها من تعلق بيا
وورتنى صورتها وانا وافقت عادى علشان اعرف شكلها زى ما هى عارفة شكلى فطبعا طلعت بنت زى قمر شكلها محترمة وبنت ناس ولابسها محترم
فبعد كده طلبت منى رقم تلفونى فضيقت من طلبها ورفضته واديتها كلام متنساهووش فى حياتها لأنى لاحظت انها بتعمل حاجة من ورا امها وكان لازم اعمل كده علشان متنساش نفسها وتحافظ عليها
فمهم لاحظت مرة انها بتكدب عليا وبتخبى عليا حاجة من تناقض كلامها عن صاحبتنا فمهم عملت حركة خلتنى اعرف انها مش بتخبى عليا حاجة او تكدب عليا وانها متقصدشى الكدب وكده
مهم لاحظت عيب تانى ان لسانها بيقول ساعات كلام زى دابش ومصطلحات عيب متقولهاش بنت زى كلمة ابوس وجنس
كلمة انا عاوز ابوس قالتها فى معنى غلط وهى كانت بتكلمنى فى بنت اخوها يعنى بنت اخوها بتبوسها وبتعلمها وانا ارد عليها اقولها اطفال بيعلمونا وكده وانا لاحظت كده وقولتلها غلط ودى حتعرفيها بعد جواز وخليتها تكلم مامتها والى كانت مقتنعة بيا وبكلامى معاها وقالت لها عيب وتقوليها لجوزك بس وقالت لها انى نصحتها وكده فقالت لها كلامى صح وتسمع كلامى
كلمة جنس قالتها فى كلام ملهووش علاقة بكلمة يعنى بقولها البسى لابس واسع دايما فهى قالت ليا علشان فى ناس مش كويسة فقولتلها لا بس كده فى حاجة تانية خالص فقالت علشان جنس يعنى فطبعا انا اضيقت من كلمة وقولتلها ايه علاقة كلمة جنس بلبس واسع فقالت امال ايه يعنى فقعدت اكلمها فى حوار لحد ما فهمت واعتذرت زى كل مرة وقولتلها تكلم مامتها فى كلام ده وكلعادة بكلمها زى ما بقولها وبتقولها عيب ونفس كلام الى بقولها عليه وكده
بس هى بدأت تبطل كلام وكده وتعرف غلطها وبقيت تسئلنى ساعات كلامى غلط ولا لا
مهم كنت عاوز اتكلم معاها صوت وكده طبعا هى معندهاش سماعة بميكرفون فطبعا استنيت تجيب موبيل حديث علشان نتكلم فمهم اخوها جاب موبيل وكده بس طبعا سافرت لظروفها فمهم قالتلها ممكن تستخدم مسجل بتاع موبيل قريبتها بس قالتلى مش حينفع علشان مش حتعرف تسجل الصوت وكده فحاول الاقى حل فقالت لما اروح البيت حبقى اتكلم معاك صوت وصورة فطبعا اضيقت من كلامها وبعدين عديتها بس كلمتها وفهمتها انه مينفعشى تقول لحد تكلمه صوت وصورة لأن برنامج صوت وبس وممكن يفتكرها بتتكلم اسكايب وكده فهى قالت ليا انها مبتكلمشى حد غريب صوت وصورة انت بس
فطبعا استغربت من كده وقعدت افهم منها بس الى وصلتله من كل ده ثقتها فيا ثقة كبيرة جدا وانا قولتلها عاوز اكلمها صوت مش صوت وصورة زى ما هى فاكرة وهى مبتكلمشى حد كده غير اختها الى برا مصر
وطبعا هزار متجاوز بس مش قلة ادب ده شئ تانى عملته معاهاوكانت بتقبله عادى جدا بس حسيت انى تجاوزت وندمت على كده لأنى حسيت انها ممكن تسترخص وكده وخوفت انى اتجاوز حدودى معاها
انا خليت البنت دى تصلى وتلتزم بصلاة بعد ما كان امها واخواتها بيقنعوها بصلاة وكده
انا مشكلتى معاها انى خايف انها تندم فى يوم انها عرفتنى فيه خصوصا انها بتحبنى ومتعلقة فيا وصريحة معايا وبكل شئ فى حياتها وانا طبعا لحد دلوقتى مقولتلهاش اى شئ خاص بالحب لأنى مرة قولتلها فى واقع حتعرفى طعم الحب الحقيقى يعنى فى واقع تلاقيه سواء كان معايا او مع غيرى انا طبعا مستنى تدخل كلية سنة دى فى محافظة بتاعتى فحيكون فى فرصة لمقابلة بينا وشرطى طبعا ان مامتها تكون موافقة على مقابلة الى بينا حتى مكالمة صوتية على فيس بوك لازم امها توافق عليها علشان متبقاش تعمل حاجة غلط من ورا مامتها خصوصا ان مامتها عارفة انها بتكلمنى وكده وواثقة فيا ومعجبة بيا وبتتمنى انها تجوز بنتها واحد زى وكده بس هى متعرفشى انها بتحبنى كده
وانا بصدفة بابا سئلنى عنها وكده فقولتله عنها اسمها وعائلتها منين وسنها ودراستها و كده يعنى فمهم بابا قالى متقولهاش كل حاجة عنك خد منها لكن متديهاش وكده فطبعا قولتله انى مقولتلهاش كل حاجة وكده وعارف بقول ايه فهنا بقيت مشكلة انى مقدرشى اقول انى عرفتها من كليتها وثقة فيها مش اوى وخوفى انها تتظلم وكده وخصوصا انها بنت ملهاش حد غير مامتها واخوتها وابوها متوفى من سنين وده خلاها تدور على حد يديها كلمة حلوة وهى حساسة حبتين يعنى ممكن كلمة وحشة تأثر فيها وتضيقها جامد
انا عجبنى فيها ثقتها فيا وانها معجبة بيا بشكل ده وانها مستعدة تعمل اى شئ علشانى بس الى مش عجبنى فيها ان ممكن حبها ده يتحول لشئ ضدها ويضرها نفسيا
انا بتمنى انى الاقى حل لمشكلة دى لأنى مش عاوز بنت دى تندم على معرفتى فى يوم من ايام

مشاكل وحلول ذات صلة

اضيف بتاريخ: Sunday, November 19th, 2017 في 02:36

كلمات مشاكل وحلول: , , , , , ,

ردود to “خايف الحب يضرها نفسيا”

  1. ابوالبتول
    02/05/2018 at 00:33

    انت عاوز تفهمنا انك مصلح اجتماعي حضرتك وخايف على البنت دي وعاوز لها الخير والصلاح طيب من الاول ليه تعرفت عليها واضفتها عندك في الجروب وخليتها تتعلق فيك وتتكلم معاها وكمان اعطيتها رقمك علشان تكلمك كل شوية لاشك انك شخص متناقض جدا وتدعي انك ملتزم وتعرف الحلال من الحرام والخير من الشر وفي نفس الوقت مستمر في علاقتك بالبنت المراهقة دي مال لاهلك دعوة بها لست مسوول عنها ولاعن تصرفاتها وسلوكها ولست بمصلح هذا الكون البنت من الواضح جدا انها عايشة في بيئىة منحطة جدا وبلاخلاق ولاتربية والدليل ان امها عارفه بعلاقتكما دي وان بنتها تكلم شاب غريب عنها وراضية بهذة التصرفات المحرمة والغير اخلاقية ماذا تتوقع اذا كانت الام بالشكل ده اكيد تكون البنت العن منها واوسخ منها فاقد الشي لايعطيه ابدا وفي مثل يقول – اقلب الجرة على فمها تطلع البنت لامها- ولوفرضنا انك ارتبطت بهذة الفتاة هل ترى انها الزوجة المناسبة لك وتشرفك وتحافظ علي شرفك وبيتك وسمعتك تبقى عبيط واهبل وساذج جدا الجواب باين من عنوانه ولاتقول انها صغيرة ومراهقة 17سنة ولا 18سنة من مثلها متزوجات وعندهم اولاد ايها المغفل الساذج الحقيقة انك انت من يحتاج للتعليم والتوعية والارشاد وليس البنت لوكنت حريص فعلا على خلاقك وسمعتك وسمعة اهلك لتركت البنت في حالها بعدما عرفت سلوكها المشين واهتميت في نفسك وتبعد عن العلاقات المحرمة واضافة كل من هب ودب عندك في الجروب وتدور لك عن بنت الحلال الصالحة اللي تستاهلك وتصون شرفك وسمعتك وتسعدك العمر كله

اترك رداً أو حلاً لهذه المشكلة