القصة كلها وما فيها بتبتدى من سنتين..كنت كالعادة من بفتح الانترنت وبستخدمه كأى مستخدم عادى..انا لا انكر ان كان استخدامى كأى شاب بيحتوى على الأقل على حد ادنى من الهلس ولا انكر برضه انى كنت حاسس بفراغ هو اللى دفعنى انى كنت بحاول ادور على اى بنت جميلة اكلمها او املا الفراغ العاطفي اللى جوايا وعلشان كدة كنت بستخدم الانترنت وده نظرا لكونى خجول ومحترم جدا فى الواقع..على العموم..بداية القصة يمكن فى 2008 كنت لسة متخرج وحاسس ان الدنيا واسعة وجميلة والنجاح مفيش اسهل منه ..النت بدأ ياخد شكل ثابت فى حياتى ..بدأت اكلم بنات عليه واهذر واضحك واضيف فى ناس ويضيفوا فيا..كنت شايف انى بعيش تجربة جميلة وغريبة عليا بتعوض جوايا نقصى الناتج عن الخجل الزائد…هتقولولى طب ليه انت بتحكى كل ده؟!..هقول لكم انى عايز بس تفهموا الوضع اللى انا كنت فيه قبل ما ابدا فى سرد حكايتى علشان تبقوا فاهمين كويس كل الأبعاد والظروف..انا اتعرفت على بنت من بلد اجنبية مسلمة من دول البلقان ..هى مش جميلة قوى بس هى فيها مقاييس الجمال الأوروبى ..المهم..انا كلمتها وكلمتنى وبدأنا نسأل على بعض ونتكلم مع بعض كتيير ..وبعد فترة لقيتها بتتعلق بيا اكتر من الازم ..بقت تكلمنى وتبكيلى وتشاورنى فى امورها ..وتحكيلى عن كل اسرارها..انا لا انكر ابدا ان فى هذه الفترة انى كنت فى منتهى الفرحة..كنت حاسس انى مبسوط وحد بيسأل عليا وبنت جميلة بتشوف فيا انى انا كل حاجة ليها..فجأة قالتلى اعطينى رقم تليفونك ..اديتها رقم تليفونى وانا مبسوط..وبدأت تخش العلاقة فى مرحلة جديدة..اصبحت تقولى انا بحبك اووى ..وانا كمان بقيت بكلمها واقولها نفس الكلام..لحد ما ابتديت اشتغل..بدأت ادرك ان فى حاجات اهم فى حياتى لازم اعملها..كان لازم افكر فى مستقبلى..وهى بقت بتفكر فى يوم انى اجى بلدها ونتجوز..بقيت اتهرب واتخانق معاها..وبعدين لما القاها بدأت تعيط وحالتها مش كويسة ..اقول حرام عليا انا ليا اخوات بنات ..الحق عليا انا اللى من الأول عملت العلاقة ديه ولازم استمر لحد اما ربنا يعطينى سكته للهداية..انا خلتها تصلى وبقت كويسة حتى علمتها دينها اللى هى مش عارفة حاجة عنه..وعلمتها كمان عربى مش كتيير ..بس بقت تفهمنى…انا مش عارف ..البنت ديه صغيرة..انا قلت يمكن تمل منى لكن هى بالعكس كل يوم بتكلمنى وتقولى انا بعشقك متسبنيش انت ربنا بعتك ليا..مش عاررف اعمل ايه يا ناس دبرونى..انا فى حيرة انا بحبها ولا لأ..اسافرلها ازااى واتجوزها ازاى وانا لسة فى اول السكة؟..مليون سؤال وسؤال..وبعدين ده حب من الانترنت..يعنى مش عارف هى ممكن تكون كدابة ولا صادقة..انا مش عارف..افيدونى اثابكم الله..اخوكم فى الله
غريب
بصراحة اعجبني رد الاخ -مجنون نساء- واتفق معه في كل ماقال لك هو دا الراي الصحيح اتمنى انك تستفيد منه وربنا يؤفقك ويسترعليك ويكرمك بابنة الحلال اللي تستاهلك وتسعدك
شوف يااخي انا ضد كل ماقلته وارفضه جملةوتفصيلا لعدةاسباب 1- النت ليس وسيلة ناجحة لبناءعلاقةزوجية صادقةبين الاثنين 2- اختلاف العادات والاعراف واللغةوالاصول بينكما تماما في كل النواحي 3-كل منكما مايعرفش التاني حق المعرفة ولايعلم صدق مشاعره ولاعواطفه تجاه الاخر 4- استحالة الاهل يوافقوا على زواجك منها لمايعرفواانهاغريبةعنكم ومش من بلدك ولامن جنسكم وكمان انك تعرفها من خلال الانترنت 5- اجزم لك ان اغلب البنات اللواتي يستخدمن النت غيرصالحات للزواج ولاخيرفيهن انما يضيعن الوقت مع الشباب مثلك لاشباع رغباتهن المحرمة ولاجل الدردشةوالترفيه عن النفس فقط لاغير 6- خسارة تضيع وقتك ومالك على اشياء تافهه الله عزوجل سوف يحاسبك عليها اشغل وقت فراغك بذكرالله وطاعته واداءالفروض والعبادات عليك وربي بيكرمك من واسع فضله وبيرزقك ابنةالحلال الصالحة اللي تستاهلك وتقدرتسعدك في حياتك
اخي ربنايهديك ويصلح حالك اللهم امين اتقي الله في نفسك وفي البنت دي حرام عليك كل تعمله فيها وتاكدان علاقتكم والكلام معهاحرام شرعا لايجوز لانه من عمل الشيطان يريد اغواكمافي طريق الرذيلةوالخطايا توب لله واستغفره واقطع علاقتك بها نهايا وللابد وانسحب من حياتها بكل هدوء وتمنى لهاكل الخيروالسعادةمن جوا قلبك واعلم ان الحياة سلف ودين وكماتدين تدان واللي تعمله مع بنت ناس حيعمل في خواتك البنات ومن ترك شيئالله عزوجل ابدله الله بخير منه في الدنياوالاخرة وربك بيكرمك بالزوجةالصالحةمن بلدك اللي تقدرك وتسعدك
شوف .. الشخص الصادق موجود في اي مكان ممكن تلاقي الشخص الصادق في الشارع في المدرسة في النت في اي مكان يعني الصادق هو هو في اي مكان راح يبقى صادق وانا احب شخص عالنت وهو امكانياته جدا ضعيفة بس يحبني جدا والان اشتغل ويجمع فلوس عشان يسافرلي .. احنا الان نتعذب في كل يوم .. نتمنى في كل لحظة اننا نكون في بيت واحد بس الفلوس مفرقتنا .. والله الحب من بعيد عذاااااب هو حلو بس تعذبنا كثير .. انصحك انت لسى في اول الطريق وقف عن هذا الحب انصحك من كل قلبي واتمنى النصيحة تفيد معك
صـلي استخـآره وربنآ يـوفقـك
شوف الاحسن انك تنسحب بهدوءمن حياتها بلاش تعذب وتظلم البنت معك وغيرنمرتك وايملك وانساهاللابد وربي يكرمها بالزوج الصالح اللي يسعدها وانت ربي يكرمك بالزوجةالصالحةاللي تسعدك
يااخي والله حرام عليك اللي بتعمله مع البنت اترضاه لخواتك اقطع علاقتك بهافورا بلاش تعلق البنت وتحطمها اتقي الله في نفسك واعلم انه كماتدين تدان
اقفل التليفون لفتربها ولا لا لو بتحبها يبقا اعمل استخاره قبل دخولك تانى تكلمها وربنا يعمل الصالح
زواج فاشل
للاختلاف فى العادات والتقاليد بين المجتمعين
ابعد احسن لك 0
دى ممكن تكون ” ساقطة ” وفكر فى الاولاد
الرب يسوع يقدر ان يرشدك الى الصواب 0 سلام 0
على فكره انته مبتحبهاش ولا حاجه كل الحاجه انك كنت معجب بيها والمرحله ديه ما تططورتش عندك لحد مرحله الحب لكن هى للاسف حبيتك لان البنت غير الولدوكمان هى صغيره فما قيمتش الموضوع كويس انتى بقى عايز تسيبها بس موضوع تانيب الضمير بس هو الى مش مريحك وعايز حد يقولك سيبها عالشان تحس انك مستريح بس اسمحلى انته ظالمتها وكمان مش عايز حتى تديها ابسط حقوقها وتقولها انا اسف مش هينفع نكمل لانك محبتهاش اصلن فكر بقى وشوف انته هتختار ايه
استغفر الله العظيم يااحى اتقى ربنا فى بنات الناس
اذا الحب من نفس البلد من عنت صعب بئى كيف من دولةغير بعرف وحدة حبت شخص من بلدا بس غير منطئة بيبعد عنها ساعتين ونص وهو قال انو بحبا وتمو بحبو بعض سنين ونص وبالاخر تركوابعض للمسافة لي بيناتن مع العلم انو البنت كان شغلا بمنطئة الشب والشب شغلو بدولة تانية ومع هيك علاقتن فشلت ياشباب ويابنات بعدوا عن حب النت نهايتو واضحة
شوف مستقبلك احسن وابعد عنها وهى هاتلاقى حد تانى تلعب عليه
عمل استخاره عليها ل حسيت براحه توكل على الله واتزجها وفى الاستخاره ربنا هيبين لك كل شىء
اولا دى مشكله ناس كتيررر الحب من على النت المشكله مش فى الحب من على النت لانى بعتقد ان النت دا زيه زى اى وسيله تانيه النادى الشغل بس الفرق فى العلاقه هنا بتشوف وفى النت لا بنتعامل بس مع اراء وافكار ممكنافكارنا تبقى صادقه وممكن لا المشكله بردوا مش فى الشخصيه نفسها لان اى بنت بتقدر تتعامل معاها لكن المشكله فى العادات والتقاليد كل بلد ليها عاداتها ممكن اللى احنا شايفينه صح هما شايفنه لا اللى احنا شايفه مش عادى هما شايفنه عادى اولادك هيبقوا متلغبطين بين عادات هناك وعادات هنا عارف لو فتاه عربيه كنت هقولك مشمشكله لان العرب كلهم طباعهم واحده اللى عوزه اقوله دلوقتى ان الحب من على النت مش وحش ولا كذب لا فى ناس بيكونوا فعلا كويسين وفى ناس وحشيين جدا والحب احتمال كبير بيكون حقيقى لكن لو قدرت تتغلب على مشكله العادات مثلا وتعيش معاك فى مصر خلاص يبقى مبرررررروك مقدما لكن لو حسيت انها متمسكه بكل حاجه هناك يبقى خليك فى بلدك احسن
طالما قدرت انك تغيرها للافضل فهادشي كتير منيح وبدايه حلوة يمكن تكون سبب هدايتاوتصير احسن من بنات عربيات ومسلمات وازا بتحبك لاتفكر انوتتركك عسى انوربي يجعلكون زوجين صالحين وبدزريه صالحهوبالاخر كلو نصيب
اخي العزيز
انا فتاه مررت بكل ما تقوله ولكن ما يختلف عنك اننا تزوجنا والان اكره اللحظه التي شبكت فيها النت لاتعرف عليه لانه انسان مستهتر واحب غيري ويطمح لزواج بغيري مع اني واقسم بالله لم اقصر معه في شئ المهم فكر باولادك قبل اي شئ لو حصل خصام بينك وبينها وقررت العوده لبلدها اين سيذهب اولادك فهم بحضانتها فكر بالاولاد اولا ثم قرر انا شخصيا بهده اللحظه التي اكتب فيها ردي على موضوعك افكر بالطلاق من زوجي ولكن تفكيري منصب على اولادي ما افعل بهم وكيف اتصرف انا اعشقهم ولن اتخلى عنهم ولكن لو اخدهم مني
حرام عليك و الله العظيم حرام عليك
انا بنت و مريت بالتجربة دي مع واحد مستهتر زيك
بس خلاني اكره حياتي لحد دلوقتي ببكي طول اليوم
مش قادرة اعيش شهور بتحايل عليه بس يكلمني
انتوا بجد مش بتحسوا
للدرجة دي
انا حياتي ادمرت بسبب واحد زيك
منكم الله والله منكم الله
اخي
انتا لا تعرف تلك الفتاه لان كل العلاقه شاشه وسلك
لم تتعامل معها بصورة دايركت
ولو نفرض انك قدرت تعرفها
ازاي هتتاقلم مع بنت مش عربيه بالمرة
الحب الحب.هيهات دا صعب حتي تفهم لغتك ازاي هتفهم طبعك.متبصش تحت رجليك .بص ع المدي البعيد .هتعيشوا هنا ولا هناك ولما تحب تشوفوا الاهل
مشكلة انك تعتقد ان تركك للامر خطا
لكن الخطا انك تستمر
دي وجهة نظري
سوري للاطاله
اخي اذا وجدت ان كل السبل للوصول إليها مقطوعه وانت متأكد انك مهما سويت فلن تستطيع ملاقاتها والزواج منها فالافضل لك ولها ان تتركها فمن المعروف ان اي علاقه تتقوى مع الايام فاذا كانت ستحزن على فراقك شهر واحد فغدا ستحزن شهرين ووكل ما استمريت معها كل ما زاد تعلقها فيك لكن في النهايه ستصل إلى طريق مسدود
من الواضح انك معندكش خبرة فى الحياة وانك متقدرش تتحمل مسؤلية لسه واولا دي اجنبية واكيد عندها عادات وتقاليد غيرنا ودي هتسبب مشاكل في المستقبل ممكن فى الاول تحاول تتأقلم لكن اللى اتربت عليه هو الاساس وانا اسفه لو احبطك هذا الكلام بس انا شيفه اشياء انت من حبك ممكن متشفهاش وربنا يوفقك لما فيه الخير
انا بشوف فيك الانسان المخلص لنفسك وللغير وواقعى جدا لاكن طبعا مينفعش تسافر لان ظروفك الماديه متسمحش و طبعا لازم دعوه منها لاجل اتمام الزياره وطبعا هتودع فلوس بالبنك لانها هتكون سياحه كل ده محتاج اموال طائله وانت معكش اى حاجه لانك لسه بتبتدى حياتك والله لو هيه بتحبك لازم تساعدك علشان تقدرو توصلو لبعض لاكن انت لازم تعترف بانك فقير ماديا وغير قادر على الزواج حتى لا تفاجا بانك كده لانو اكيد طبعا هيه دلوقتى راسمه صوره بخيالها انك ابن رئيس او وزير الله يوفقك ويهيديك للطريق الصواب وشكرا
الصراحة اهم شى يمكن ظروفك ترضى بيها وربنا يوفقك متسيبهاش لعل معاها الخير وممكن تصلى استخارة ربنا يوفقك .
بلاش احسن شوف مستقبلك وحياتك وبلدك وبنات بلدك اولى بيك بجد وبعدين الموضوع صعب اوى الوصول لية ومن الصعب برضة انك تقنع اى حد بية من اهلك او كدة فبجد ابعد احسن وشوف حياتك وربنا هيوفقك ان شاء الله لان انت من الاول كان فراق عاطفى بسبب الوحده مثلا او كنت فاضى مش عندك مسئوليات لكن لما حسيت انك بقيت حد مسئول ولقيت ان فية حاجات كتير اهم بدأت تفوق وتركز ودة الى حصل فلازم تبعد وربنا يوفقك ان شاء الله
اولا تعددت الاسباب والموت واحدا؟النتيجه حب ونا افضل الحب الى بيبتدى عن بعد زى النت والبوبايل ” بس انتا عندك مشكلا الامكنيات السكن السفر العمل “”” كل دى عقبات ادامك تهدم اى حب حتى لو كات حقيقى ” لو كانت هيه عندها استعداد تسعدك كان بهه ونتا لازم تصرحها بكل الظروف دى وهيه الى هتقرر انها تكمل اوتسعدك او تبعد عنك وفى الحاله دى هيكون صميرك مرتاح لانك مكدبتش عليها والفقر مش عيب العيب اننا نكدب ونافق ونشتغل بعض خليك صريح ونتا ترتاح وهيكون القرار ليها هيه مش ليك انتا