الحب قبل الزواج

انا و الحب قبل الزواج

السلام عليكم ورحمة الله وبركاتة

اقدم اجمل تحية واحترام الى كل القائمين على هذا الموقع المفيد والجميل وفى ميزان حسانتك بأذن الله . وكما اشكر كل الاخوة الافاضل الذين يقدمون خبراتهم بالحياة وارائهم لكل محتاج الى نصيحة او مساعدة . اليكم جميعا اجمل تحية .

بدون مقدمات حتى لا اطيل عليكم . انا شاب مقيم واعمل بالخارج . قبل سفرى بفترة قليلة صادفت بنت جميلة ومؤدبة وهى كانت رايحة الجامعة . حاولت كتير انى اكلمها لكن مفيش فرصة والوقت ضيق . سالت عليها وعرفت عنها كل التفاصيل. لانى خلاص كنت ناوى اتقدم واطلب ايديها. بس هيا احتمال كبير تكون ملحظتنيش ولا شافتنى لانها كانت مش مهتمة باى حاجة غير تعليمها .

بعدها سافرت ولما استقر الحال اتصلت على اهلها وانا هنا . وعرفتهم بنفسى وطلبت ايديها وسائلوا عليا طبعا . ووالدها وافق وامها كمان . وكل البيت عندهم وافق. بعدها قالوا استنى نكلم البنت ونشوف رايها . استنيت الرد بعدها البنت قالت مش بفكر فى موضوع الزواج دلوقتى خالص . انا انصدمت .لانى عيشت قصة حب زمان من قبل ماشوف البنت دى وقصة كاملة حب متبادل بس النصيب . ولما كونت نفسى بنفسى دلوقتى واتقدمت اترفض وبدون سبب.

بعدها اتصلت تانى عشان اعرف سبب لرفض البنت لانى خلاص حبيتها بجد وعايزة زوجة ليا . امها رديت وقالت . كلم عمها مهو مقيم عندك وكمان هو لية كلام معها ممكن يكلمها لانها رافضة الكلام معانا بموضوع الزواج بالمرة. المهم قابلت عمها وعمها وافق وهوا قالى انوا موافق لانوا شاف فيا شاب متدين ومحترم وكلم كمان والد البنت ووافق .وبعدين كلم البنت وقالت لعمها انا مش بفكر فى الارتباط دلوقتى اخلص امتحانات وبعدين ياعمى نتناقش فى الموضوع دة . عمها رد عليا بنفس كلام البنت . انا تعبت من التفكير صراحة قولتلوا انت شايف اة انتظر ولا اشوف مستقبلى لانى كتير صبرت . قالى يابنى عايز تصبر ونشوف هترد باة اصبر مش عايز كمل وشوف مستقبللك بس انا اتمنى انك تكون من نصيبها . وخلصت المكالمة .

انا دلوقتى تعبت من التفكير هل ردها دة فى خير . ولية مقالتش مش عايزة من البداية وقالت لما اخلص امتحانات نتناقش . ولا انا مكبر الموضوع والموضوع ميستهلش. انا اللى محتاجوا منكم تحللولى الموضوع كلوا . وتقولوا انا استنى ولا اعمل اة .وهل فى خيرلو استنيت لانى خايف اتصدم بصراحة ..واللى اتقدم للزواج قبل كدة يقولى اة الردود والكلام اللى بيكون فى الحالات دى . لانى بجد حبيتها . وعلى فكرة عشان محدش يقولى يمكن بتحب غيرك . انا سالت عليها واتاكدت من اخلاقها قبل ماسافر .وشوفت فيها صفات الزوجة الصالحة. ان شاء الله …. ووالدها اكد لى انها مفيش حد فى بالها غير التعليم دلوقتى .وادعولى بالتوفيق ولو حد عندوا (دعاء) للتوفيق من عند الله عز وجل . يكتبهولى ومحدش يبخل عليا بالرد وكمان اللى لية خبرة بالحياة يرد عليا ويعرفنى برائيوا ياريت . …………والله يحفظكم ويسعد كل ايامكم ويجعلها فرح وسرور يارب.

مشاكل وحلول ذات صلة

اضيف بتاريخ: Wednesday, October 13th, 2010 في 20:47

كلمات مشاكل وحلول: , , , , , ,

8 رد to “انا و الحب قبل الزواج”

  1. صاحب المشكلة
    14/10/2010 at 19:08

    السلام عليكم … جميعا .. وشكراً جزيلا لكل من شرفنى بالرد .
    استأذى .. حازم حمام.اليك اجمل تحية . انا فعلا من مجتمع متشدد جدا بالعادات والتقاليد .مش ريفى , لكنه مجتمع صعيدى . وتللك ميزة وليست عيب فى زمنا دة.
    بالنسبة انى اكلم البنت مباشرتاُ او ان يكون معايا رقم تليفونها فدة من المستحيل . فعلاً اولا لانى مش فى مصر . وثانياً لانى بكلمهم عن طريق تليفون البيت . وعمها على اتصال دايم بيا هنا.
    بالنسبة لموضوع انى اعرف شعورها قبل الارتباط وانى اعمل معها علاقة حب بريئة وكدة . فدة صدقنى وعن تجربة مريرة وطويلة فاشل بنسبة كبيرة جداأ. واللى لية خبرة بالدنيا هيعرف معنى كلامى . لانى حبيت وكانت قصة جميلة وحب متبادل ووفاء وتضحية . لكن اة النتيجة . فى الغالب بتكون الفشل وفى قصص بتنجح طبعا . بس انا مظبطتش معايا الحب قبل الزواج . فلقيت ان اقصر طريق واامن طريق هو دخول البيت من الباب . والحب موجود طبعا من ناحيتى . وكفاية عليا انى اكون اول حب فى حياتها واخر حب باذن الله. وبطريقتى ومدى اخلاصى فى حبى ليها اكيد هيكون فى حب متبادل . مدام انى قادر على انى اوصل حبى ليها بس بالطريق الصح .(الرسمى )يعنى . ولا اة ياستاذ . حازم.
    استاذ… صريح..شكرا على ردك بس على فكرة انا بفضفض ولا انت شايف ان الموقع عشان تكسير مقاديف البشر. وكمان انا بغربة وكل اللى حواليا والله ما فيهم حد حتى يعرف يتكلم كلمتين عربى وصدقت معرفت الموقع وبقى صديقى فى غربتى .ولا اة
    ارجو من اخوانى الاعزاء الرد على مشكلتى بعد قرائتها ومشكورين للرود.

    قَـيّـم هذا الحل: Thumb up 0 Thumb down 0

  2. ابو البنات
    14/10/2010 at 16:15

    الى الاخ الصعيدى مش معنى ان الراجل مؤدب ومحترم ويريد ان يدخل البيوت من ابوابها انه ريفى او قبيلى وحتى لو كان فهذه اخلاق شاب نحييه عليها وزى ما قالك الاخ مودى (مش معنى ان هو طلبها من اهلها ان هو يكون من مجتمع ريفى او قبلى لان كتير من المدن بيسيبوا الاختيار للاهل لان ممكن تكون خبرتهم اوسع فى حاجه زى دى)
    المهم نصيحه الى صاحب المشكله لو البنت مثلما ذكرت تكون انسانه كويسه فعلا وتستاهل بس فيه حاجه لازم تعملها وهى انك تتكلم مع البنت عن طريق عمها او والدها وتسالها فيه حد تانى فى حياتك ام لا وممكن تاخد موافقه مبدئيه منها مثلما اخذتها من اهلها ولكن بوعد منك انك لاتتطرق للحديث معها باى شكل حتى تنتهى من دراستها وفى هذا الوقت لا مانع من صداقه اهلك وتبادل الزيارات دون تعطيل الفتاه عن الدراسه ما دمت متمسك بها
    ولا تنسى ان الزواج قسمه ونصيب يعنى مش تقول انا هضيع وقتى ومين عالم هتكون من نصيبى ام لا لابد انك تضحى شويه وتصبر ما دمت ترى انها فتاة ممتازة
    ولو قالتلك لاسمح الله لا تعرف ساعتها انك غير مرغوب فيك كزوج ووقتها مفيش مشكله تتمنى لها التوفيق وتشوف حياتك
    وربنا يوفقك ويهديك الى ما يحبه ويرضاه

    قَـيّـم هذا الحل: Thumb up 0 Thumb down 0

  3. نهلة
    14/10/2010 at 15:23

    هو انسان محترم ولو حتى كان ريفى ده شرف

    قَـيّـم هذا الحل: Thumb up 1 Thumb down 0

  4. هيوف الدلووعة
    14/10/2010 at 14:55

    لا تقلق
    الموووضووع طبيعي عاتي
    وانا بنت وعارفة برضوو لوووول
    بس هي حاليا في جامعة
    فصعب انها تعطييك الموافقها عطول لمجرد انك شفتها وطلبتها من اهلها
    اكييد في ناس كتيير قريبيين منها في حياتها
    وفي الجامعة
    ومو معقول تعطيك انتا كل الاهتماام اول ما تيجي تخطبها
    مش هقوولك في حد في حياتها
    حتى لو انتا سالت ما راح تعرف شي اكييد
    بس ممكن تكون معجبه بناس معيينة
    هي بتطلع وبتشوف نااس كتييير
    اما انتا مش قدامها انتا بعييييد
    انتا المفرووض تقرب منها اكثر
    عن طريق الايمييل وبعدها التلفون
    بس متدخلش فجاه
    لازم يكون في مقدماات
    وهي غالبا هتوافق لانها قالت لما تخلص اختباارت
    فانتاحتاول في الفرصة دي تتقرب وربنا هيووفقك
    واذا محصلش نصيب خلااص
    متعلقش نفسسسك اعقلها وتوكل
    وامننالك التوفيق

    قَـيّـم هذا الحل: Thumb up 0 Thumb down 0

  5. الصريح
    14/10/2010 at 10:41

    انت كلامك كتير على الفاضى واللى كلامة كتير مش بتاع اى حاجه خالص

    لو انت جرىء صح روح قولها الكلام بدلا ماتتطلع اللى فى بطنك للناس
    ناس غريبة

    قَـيّـم هذا الحل: Thumb up 0 Thumb down 0

  6. mody
    14/10/2010 at 10:27

    آسف اولا سااستاذ حماده انا متفق معاك فى حكاية ان صاحب المشكله لازم يعرف رقم الموبايل بتاع اللى بيحبها يعرف منها ويتاكد اذا كان فيه آخر فى حياتها ولا لا لان ده اقصر الطرق واسهلها
    ثانيا مش معنى ان هو طلبها من اهلها ان هو يكون من مجتمع ريفى او قبلى لان كتير من المدن بيسيبوا الاختيار للاهل لان ممكن تكون خبرتهم اوسع فى حاجه زى دى
    وللبرنس صاحب المشكله اعرف رقمها من اى حد واعرف انت رايها ووفر على نفسك اى عذاب ممكن تحس بيه وربنا يجعلها من نصيبك وعلى راى الاستاذه شفيقه (الحب عذاب وحيره) ههههههههه وربنا معاك يابن خالتى

    قَـيّـم هذا الحل: Thumb up 0 Thumb down 0

  7. حازم حمام
    14/10/2010 at 03:36

    تحياتى…..

    يبدو انك ريفى او تعيش فى مجتمع قبلى تحكمه عادات وتقاليد القبيلة.
    السؤال هنا …كيف تتقدم الى خطبة فتاة قبل ان تؤسس معها علاقة عاطفية!!؟
    …كيف تكلم الاهل فى الخطوبة دون ان تعرف رأى البنت اولاً!!؟
    …كيف تخطبها من الاهل دون ان تعرف مشاعرها ناحيتك!!؟

    ألم اقل لك انك ريفى وتعيش فى مجتمع قبلى تحكمه الثقافة القبلية؟؟

    وانا انصحك بان تحاول ان تحصل على رقم المحمول الخاص بها وتكلمها بدون علم احد.وتعرف مشاعرها ناحيتك.
    وبناءاً على ذلك تحدد موقفك ناحيتها.

    يارب تتعلم الدرس…..وتقتنع بانك اخطأت!!

    الرجاء الرد اذا قرأت تعليقى..

    حازم حمام/محاسب الكترونى فى الخليج..
    صعيد مصر___سوهاج

    قَـيّـم هذا الحل: Thumb up 1 Thumb down 0

  8. elfarash
    14/10/2010 at 00:02

    وعليكم السلام ورحمه الله وبركاته عزيزي انت فعلا مكبر الموضوع زياده شويه ديه مش مشكله بالمره فعلا في بنات بتخاف تتخطب وهي والتعليم علشان مش فبه حاجه تعطلها وهي اكيد فعلا مش بتفكر في الزواج المهم انت لوشايف انها تستاهل انظر مش هيحصل حاجه اما لومش بتحبها ولااتعلقت بيها قوي ومستعجل علي الزواج ولقيت غيرها اتجوز بس انا انصحك انك تتنتظرها لان البنات الي زيها كده خلصوا من الزمن دهوربنا يوفقك بس يعني حاول تشاغلها منبعيد لبعيد يعني تودد لللاسره بالهدايا والزيارات ولوكنت مسافر اتكلم كل فتره بالتليفون اسئل عليهم وصادق والدها لكي لاتبتعد

    قَـيّـم هذا الحل: Thumb up 1 Thumb down 0

اترك رداً أو حلاً لهذه المشكلة