الحب من طرف واحد

بحب ابن خالتى ومش متأكدة من حبه

انا عندى مشكله معذبانى ارجوكم لا تستهزءوا بمشكلتى لانها مخليه حياتى جحيم صدقونى ومحدش هيحس بيا غير اللى عايشين نفس الحكايه بتاعتى

انا عمرى 20 سنه وهو عمره 23 سنه وخلص جيش يوم 1 شهر 9 بقاله شهر وشويه و هو خريج تربيه وبيشتغل مدرس عربى ابتدائى وانا
طالبه فى الجامعة وداخله الفرقه الرابعة

انا اسفه جدا لان قصتى طويله شويه ارجو ان يكون عند حضرتكم سعه صدر وانا يهمنى

جدا انى اعرف رأيكم

انا مشكلتى انى بحب ابن خالتى جداا اوووووووووى بس هو ميعرفش حبى ليه ده

وخايفه يروح منى انا بحبه

بس خجلى يمنعنى انى اقوله انى بحبه او معجبه بيه طبعا لان انا من طبعى خجوله جداا

ومتدنيه اوى مش متعصبه يعنى لكن ملتزمه

وكمان انا طول عمرى مليش كلام مع الشباب لان انا بتكسف جدا

المشكله ان انا موقفه حياتى كلها علشان الشخص ده بمعنى انى برفض ادخل فى قصص

حب جديده و برفض ناس عايزه تتقدم لخطبتى بسبب حد مش حاسس بيا على امل انه

يجى فى يوم والايام ويقولى بحبك وانا كده ممكن افضل طول عمرى احبه وهو ولا هو هنا

وممكن عمرى يضيع جنبه وهو مش حاسس بيا

بس هو لما يلاقينى قاعده ساكته يروح جايب ماتش للاهلى ويغيظنى علشان هو زملكاوي وبيركز مع كلامى اوى لما بقول حاجه الاقيه مركز فى كلامى اوى حتى لو كلام عادى ملهوش لازم يعنى و حتى لو مش موجهاه ليه وساعات بيعلق على كلامى

والمشكله ان انا مش عارفه انا بالنسباله ايه هو لما بيجى يسلم عليا بيفضل متنحلى

وبيبصلى جامد فى عيونى ولفتره طويله ومش عارفه ايه سر البصه دى وانا كمان
انا بفضل متنحه بس لما بشوفه وهو كمان بيتنح لما بنبص لبعض بجد والله بنفضل نبص لبعض فتره طويله لما بنجى نسلم على بعض من غير كلام مش

فاهمه ليه !!! فى حاجه غريبه فى الموضوع انا حاسه انه بيحبنى ومكسوف يتكلم معايا

لانه شخصيه خجوله جدااااااااا وملهوش تجارب حب وكمان احنا علاقتنا بينهم مفيهاش

زيارات كتير احنا علطول بنكلمه فى التليفون بس الزيارات قليله جداا
لو احنا الاتنين بنتكسف يبقى مفيش حد هيبدأ يقول للتانى ابدا ههههههه هنفضل نتنح

لبعض وخلاص
انا معرفش اى حاجه عن مشاعره من ناحيتى يعنى انا من تصرفاته بيبان انه بيحبنى من تصرفاته

لكن مفيش حاجه تأكد ده

وكمان هو بيخاف عليا اوى لما كان بيروحنا انا وماما مره جه جنبى لان اتجاه العربيات كان من الناحيه بتاعتى معنى كده انه بيخاف عليا ويفضل يقولى خلى بالك متعديش دلوقتى استنى

ولما بنكون قاعدين بنتكلم بيفضل يبصلى ولما يلاقينى بصتله يبص على التليفزيون

انا حاولت اوضحله حبى ده اكثر من مره انا وانا بسلم عليه قولتله ازيك يا وناديته باسمه الدلع بس

انا مكنتش محضره انى اقوله كده هى طلعت منى لا اراديه كده ودى كانت اول مره اناديه باسمه الدلع

انا فى كل وقت بحس انه هيضيع من ايدى بس هعمل ايه مش بـ أيدى للاسف انا مفيش

حاجه اقدر اعملها اجرىء حاجه عملتها لما كنت عندهم كنت قاعده مع اخته وهو كان

قاعد فى الاوضه معانا وانا واخته كنا مشغلين اغانى على الموبيل بتاعى راحت اخته

قالتلى خدى انتى بقى اختارى اغنيه قولتلها ماشى انا هختار اغنيه دى وهى اغنيه تامر

حسنى هو فين وشغلنا اغانى كتير بس دى معبره اكتر
اهى كلمات الاغنيه علشان لو فى حد ميعرفهاش
( انا حاسس موجود هنا وهيحس بيا لوحده مش قادر خلاص هموت انا
هموت انا هو فين
محتاج احس بحبيب حوليا يكون فاهمني ومالي عنيا وكل ما فيه مخلوق ليا هو فين
ياريت اقابلو تعبت خلاص وكتير دورت فى وسط الناس على حد فيه نفس الاحساس هو

فين
يلا يالى هتبقي حبيبي فرصه مرة وحده بتيجي قوم كلمني خدني من ايدي هموت انا انت

فين
حس بيا دا الوقت بيجري حرام عليك دا انا هنا من بدري يلا يا عمري قربت امشي انت

فين
انا حاسس موجود هنا وهيحس بيا لوحده مش قادر خلاص هموت انا
هموت انا هو فين
يلا يالى هتبقي حبيبي فرصه مرة وحده بتيجي قوم كلمني خدني من ايدي هموت انا انت

فين )

كلمتها واضحه اهى وباينه جدا بكل اللى انا عايزه اقوله
وهو كان مشغل التليفزيون راح موطى الصوت شويه يعنى شكله ركز فى الاغنيه بس مش

علق خالص والاغنيه مش حركته خالص ابو الهول لم يتكلم ههههههههههههههه
بس بعد ما بدأ ماتش الاهلى وبتروجيت الدورى الموسم اللى فات قعد يغيظنى اصله

زملكاوى قعد يغظنى بقى و لما دخل فينا جول ويقول yes ويضحك راحت واحده من

قرايبتى قالتله خلى بالك دى اهلاويه ضحك اكتر وبرضه قعد يقول yes yes

على الجول ويقول يلا جيبوا التانى وقعد يغيظنى ( هو عارف ان اخويا اهلاوى بس مش

عارفه اذا كان يعرف ان ليا فى الكوره ولا لاء )

المهم وقولتله احمد حسن ان شاء الله

هيجيب جول قالى لا مش هيجيب بس مكانش باصصلى وهو بيتكلم وبعدين قولتله لا

هيجيب ان شاء الله فــ قال نفس الكلمه بتاعتى اللى قولتها ” لا ان شاء الله مش هيجيب

جول ” !!!!!!!!!!
انا بقى مبقتش فاهمه حاجه بصراحه ساعات احس انه بيحبى وساعات احس انه عادى

بيغظنى زى ما اخويا بيغظنى اوقات ده عادى يعنى مش دليل قوى على انه بيحبنى بجد

مش عارفه اعمل ايه. مبقتش فاهمه حاجه بجد!!!!!!
بس انا مش عايزه مامته تعرف حبى لابنها علشان مش تضغط عليه علشان عايزاه مش

يبقى مجبر على حاجه عايزاه ولا عايزه ماماته هى تجبره على حاجه انا عايزاه هو

اللى يطلب من ماماته انه يرتبط بيا بس على فكره انا ماما عارفه ان انا بحبه بس بتقولى

لو جه يتقدم اهلا وسهلا بس احنا منرميش نفسنا على حد انتى الف واحد يتمناكى انتى

مش بايره علشان ندلل عليكى انتى لسه العمر قدامك .

اما الاهتمام اه بحس اهتمام يعنى لما قولت ان اخويا مرضيش يجى علشان يشوف ماتش

الاهلى النهارده الساعه كذا فلما جه الميعاد جابهولى لوحده من غير ما اتكلم مع انه

زملكاوى بس جابلى ماتش الاهلى علشان اشوفه ولما سمعنى بقول لاخته انى بحب احمد

حلمى فى نجوم الكوميديا لما قلب فى القنوات ولقى احمد حلمى سابلى الفيلم كامل لحد ما

خلص ولما سمعنى وانا بقول ان بحب عمرو دياب لما لقى الكليب بتاعه سابه لحد ما

خلص وحاجات كتير من النوع ده .

هو من النوع الخجول اللى مش بياخد على الناس بسهوله لان انا هزر معايا بس بنت

خالى لما راحت عندهم مش بيكلمها خالص وكتير حتى يسلم على اخواتها الولاد

الصغيرين ومش يسلم عليها هيا!!!!!!!!!! بنت خالى نفسها هى اللى قاتلى كده وخالى

برضه قالى الحكايه دى قبل كده وخالى جابله مبرر انه بيتكسف مردتش اقوله انه سلم

عليا عادى ومش اتكسف علشان مش يضايق !!!!!!!!! المهم بقى ده مش يعتبر دليل على

حبه ولا انت ايه رأيك بس انا المرتين اللى روحتهم وانا كبيره سلم عليا فيهم لان انا فى

فتره طويله جدا مكنتش بروح هناك خالص الفتره من لما دخلت اولى اعدادى لحد لما

بقيت فى اولى جامعه فتره كبيره جدا يعنى مكنتش بروح عندهم ماما واخوايا وكلهم كانوا

بيروحوا بس انا كنت بتكسف اروح مش عارفه ليه بس طبعا وانا صغيره مش فاكره هو

كان بيعاملنى ازاى بس انا فاكره انه كلامنا برضه كان قليل بتعليمات من مامتى ليا

ولاخويا ومامته ليه ولكل اخواته ان الولاد يلعبوا سوا والبنات يلعبوا سوا .انا مش ببالغ

فى حكايه الكسوف دى ولا بتظاهر بيها دى حقيقه فيا انا ماما معودانى انى مش اتكلم من

الولاد وحتى عيال خالتى مش كانوا بيلعبوا معايا وانا صغيره وكانوا بيلعبوا مع اخويا

لان انا بنت والمفروض عيب انهم يكلمونى وانا برضه كانت ماما بتقولى نفس الكلام ف

احنا اتربينا فينا حته حاجز بينا مش واخدين على بعض يعنى.

ياريت اخته تكون حست وتقوله وتريحنى بس انا حاسه انها ملاحظه لان كذا مره وانا

ببصله تروح بصه عليا انا لما بلاقيها اخدت بالها انى ببص عليها ببص فى حته تانيه لحد

ما تشيل عينها من عليا ارجع ابصله تانى ههههههههه ,اصل انا ساعتها مكنتش عارفه

اشيل عينى من عليه لانه كان واحشنى اوى وماماته لاحظه ده اوى انا متأكده لانها كانت

قاعده جنبى وانا ببصله قدامها عادى هههههههه وهى مكانتش بتبصلى زى اخته .
وعلى فكره هو كمان كان عمال يبصلى بس طول ما انا مش باصه عليه ولما يكون

باصصلى واجى ابصله يروح شايل عينه من عليا ويبص على التليفزيون مش عارفه ليه

!! المرتين اللى جت عينى فى عينه وهو بيسلم عليا اول ما جيت ولما كان بيسلم عليا

واحنا مروحين المرتين دول بس لما عينى جت فى عينه بصلى جامد ومش شال عينه من

عينى وفضل متنحلى فتره طويله وخاصه وانا ماشيه وكمان كان موصلنا لحد الباب

وطلعوا كلهم يعنى ماما وكل اللى كانوا جايين معايا وسابونى اخر واحده فهو راح حاطط

ايده وماسك الباب وكان هيقفله وانا واقفه وراه ايده مش عارفه اعدى وكان هيقفل الباب

ويخلينى معاهم فى البيت على اساس ان انا مش تبع الناس اللى مشيت دى وبعد كده

متكلمتش هو شويه وهو بيقفل الباب راح اتنبه وساب ايده من الباب علشان اعرف اعدى

بجد الموضوع ده بيموتنى فى اليوم الف مره هموت نفسى بجد يحس بيا وبقعد ابكى لوحدى دائما لانه بيوحشنى جدا وهموت

نفسى بجد يحس بيا مش عارفه اعمل ايه علشان يحس بيه بالرغم ان احيانا احس انه
بيحبنى وحاسس بس معنهوش امكانيات ماديه تخليه يقدر يتقدم دلوقتى لكن اخاف ان يكون بيحب

فتاه اخرى وهنا ستأتى الصدمه بالرغم من ان امه وخالتى التانيه يؤكدوا انه متدين ومؤدب وملهوش

فى الكلام ده وخالتى سألته قدامى قبل كده مفيش حب جديد ارتبك كده وهزلها راسه لا

ماذا افعل انا فى حيره هل اتمسك بحبى الوحيد منذ الطفوله واحاول لعله يصبح حقيقه

ام احاول نسيانه وهذا هيكون شىء صعب بالنسبالى لان انا جربت مروحش عندهم لمده سنه اولى

وتانيه وثالثه ثانوى يعنى لمده 3 سنوات وبرضه معرفتش انساه !!! واول ما شوفت بعد الثلاث سنين

دول لقيت قلبى بيحن ليه وحبيته اكتر من الاول !!!

ماذا افعل ارجو الرد عليا رأيك هيريح قلبى كتير

مشاكل وحلول ذات صلة

اضيف بتاريخ: Sunday, October 17th, 2010 في 03:55

كلمات مشاكل وحلول: , , , , , , , , , , , ,

22 رد to “بحب ابن خالتى ومش متأكدة من حبه”

  1. نونو
    29/05/2016 at 00:08

    و انا كمان زيك بحب ابن خالتى جدا و مش قادره اتخيل حياتى من غيره

    قَـيّـم هذا الحل: Thumb up 0 Thumb down 1

  2. المتالمة
    11/04/2016 at 15:42

    انا اتالم من حبي لابن خالتي اكثر منكي اختي اتمنئ لكي التوفيق

    قَـيّـم هذا الحل: Thumb up 2 Thumb down 1

  3. شهد العسل
    03/05/2014 at 00:43

    انا بقول انك تصبري شوي وبعدين احكي مع اختو بالكي هو اعترفلك

    قيم هذا الحل سلباً او ايجاباً: Thumb up 5 Thumb down 7

  4. ميرو
    30/11/2013 at 19:50

    بصي انت انت كلمى اخته وقوليله بصراحة انا فى حاجة مضيقانى وكنت عاوزة اخد رايك فيه انا معجبة بشخصيه اخويا جدا وعجبنى اسلوبك فى الكلام وكنت عاوزة منك طلب حاولى تجبيلها سيرتى كدا يعنى مثلا خاليها يقولك رايها فيا بس متتحسسهوش انى قولتلك حاجة وهى تعرف منها كل حاجة وتقولك وفى طرق كتير علشان تعرفي تتكلمى معاها خصوصا انو قريبك

    قيم هذا الحل سلباً او ايجاباً: Thumb up 8 Thumb down 4

  5. ابواميرة
    23/10/2013 at 22:10

    احتمال ان الولد خجول جداومودب ولاله تجارب مع بنات مايعرفش الكلام معهم ابدا وانت تحبيه وعاوزه تعرفي مشاعره من ناحيتك تكلم مع اخته اللي هي صاحبتك وخليهاهمزةوصل لتعرفي مابداخل قلب هالشاب الغامض وكوني حذرةمن ردةفعله داممكن يسبب لك فضيحةامام اهلك اواهله اناافضل انك تبعدي عنه لفترةطويلة حتى تجدي تفسير لحقيقةمشاعره تجاهك اذااشتاق لك بيسال عنك اوبيجي هولزيارتكم وعندهاتتاكدي من كل شي واذالم يسال عنك امك اواحدمن اخوانك واحتى اتصل عليك بالتلفون فتاكدي انه مايحبك ولاحاسس فيك وانوكل اللي تمنيته كلهااوهام كاذبة وعندهاانسيه للابد وفكري في نفسك وتاكدي ان الله بيرزقك بابن الحلال اللي يستاهلك ويسعدك

    قيم هذا الحل سلباً او ايجاباً: Thumb up 8 Thumb down 1

  6. اميرة الكون
    30/07/2013 at 01:28

    انا نفس الحالة لان اخجل كثير و اخجل ايضا على ان اقول لاخته انت مدام اخته عارف بانكي تحبه قولي لها ان تلمح له بذالك او تصادقة و تعرف شعوره نحوك لان هناك بعض الشباب يقول ان فعل هذا على انه عملك زي اخته و اتمنى لكي ان تجديه يحبك و يصادقكي بحبه

    قيم هذا الحل سلباً او ايجاباً: Thumb up 5 Thumb down 0

  7. ابواميرة
    11/01/2013 at 10:40

    شوفي يابنتي انامش بتدخل في خصوصيتك لكن انبهك لاشياءلابدان تفكري فيها 1لاتفرظي نفسك على شخص هومايريدك اومش حاسس فيك 2 صوني كرامتك وكرامة اهلك واوع تفرطي فيهما3 احذري من الخلوة مع ابن خالتك اوكثرة النظربينكم لانهامدعاةللوقوع في الحرام 4لاتحاولي لفت انظاره معك اوالتكلم معه عبر الهاتف وانتوغريبين عن بعض 5 اسمع كلام مامتك واعملي به لانهااحرص الناس عليك 6 اياك من مصارحته بمشاعرك نحوه لكي ماتخسري نفسك كرامتك وربي يسعدك ويوفقك

    حل مناسب حسب التصويت. وانت ما هو رأيك? Thumb up 26 Thumb down 3

  8. soso
    06/11/2012 at 23:37

    انا زيك بالظبط بس مش عارفة اعمل ايه بس انا معنديش نمرة تيليفونة بس بحبه اكر من اللي انتي بتحبيه بجد ربنا يوفقك و يوفقني

    قيم هذا الحل سلباً او ايجاباً: Thumb up 8 Thumb down 4

  9. سمسم
    29/09/2011 at 19:45

    انا بنصحك انك ماتصارحيه بحبك اله لانه بجد راح تنزلي من عينه وماراح يفكر فيكي اساسا الرجل بيحب المرأة الخجولة

    حل مناسب حسب التصويت. وانت ما هو رأيك? Thumb up 36 Thumb down 10

  10. سفير الرومانسية
    31/05/2011 at 14:24

    انتى لازم تواجهيه طلام ان هو خجول او لو مكسوفة تكلميه اخته صاحبتك كلميها وهى هتظبتلك الدنيا والكلام ده من على تجربة ولو معملتيش الكلام ده مش هتكلميه طول عمرك علشان لازم واحد فيكو يتكلم وهو عمره ما هايتكلم ولاكن لما تكلميه انتى او تخلى اخته تكلمه او تلمحله هيتكلم معاكى ويصارحك ان هو بيحبك بجد من زمان ويارب تعملى كدة وتبطلى كسووووف وخجل

    قيم هذا الحل سلباً او ايجاباً: Thumb up 16 Thumb down 11

  11. حل
    23/11/2010 at 22:51

    كل الكلام ده يطلع منك ومش قادرة تقولي بحبك ، لانك بتتكسفي
    حلي حا يريحك اذا ما جاش متأخر :
    اولا هو يهتم لامرك ويخاف عليك ، ويعاملك بطريقة مميزة .
    مشكلة التعبير عن الحب قديمة ويعاني منها كثير من الناس.
    ما يميزك عن غيرك ويجذبه اليك هذا الحياء …. فلا تتخلي عنه ، الرسول قال لمن ينهي رجل عن الحياء دعه فان الحياء لا ياتي الا بخير … لا ما ترفعيش السماعة وتقوليلو بحبك ، ما يصحش تجي منك الاول ويمكن تؤدي لنتيجة عكسية. طب فين الحل ما دام هو ما بقولش
    هو يبحث عن ما يعبر به عن نفسه ايضا
    الحل في الرمزية
    نرمز للحب بالزهرة ، اذا اعطاك الزهرة اذا هو يحبك ، وتكون الرسالة وصلت دون ان تخدش حياءه او حياءك.
    ما تحتاجينه وسيلة التمرير للرمزية ، يعني كيف يفهم ان الزهرة دي معناها بحبك ، واذا اعطاك ليها يبقي قالك بحبك.
    الحل في السرد ، ما بتحليش كلمات متقاطعة ،اظهري اهتماما بها وفي وجوده اسأليه عن بعض كلمات اللغة العربية وضمنيها من اعطاها لك قال لك احبك من اربعة احرف تبقي ايه…….
    ممكن يقول اي حاجة تبقي هي رمزكم المشترك للحب (زهرة – وردة)، تأكدي انه سيجلب لك هذا الرمز دليلا علي حبه لك. ….. نجحت هذه الطريقة مع كثير من الناس ، عندما يبادر ستكون بينكم لغة مشتركة للتعبير عن الحب …. وستتغير الاوضاع ، لكن بلاش كلام ، ما ينفعش في حالتكم دي. القلم دا انا ما ادهوش الا لشخص بحبو اوي …. دا عزيز علي جدا ..ثم بعد ساعة تديه القلم واذا رجعه قوليله سيبه دا ليك.
    هذه هي الرومانسية ، فن التعبير عن المشاعر من خلال الرموز المشتركة.
    تسلمي وربنا يجمع بيناتكم علي كل خير – والاهلي حديد.
    ربنا يوفقك.

    حل مناسب حسب التصويت. وانت ما هو رأيك? Thumb up 37 Thumb down 1

  12. سارة
    22/11/2010 at 21:52

    انا حصلى نفس حكايتك بالظبط ونفس التصرفات اللى بيعمها ابن خالتك كان هو بيعملها
    ويمكن اكتر كمان
    وفى الاخر طلع بيحبنى زى اختة بس انا اتصدمت جدا وانا اسفة انى بقولك كدة بس حاولى تنسية عشان ما تبقيش زى

    حل مناسب حسب التصويت. وانت ما هو رأيك? Thumb up 26 Thumb down 14

  13. صاحبه المشكله
    22/10/2010 at 18:46

    الى اخى (عضو جديد)

    اولا اشكرك على كلامك واشكركم جميعا على المساعده فى حل مشكلتى
    بس عندى ليك استفسار

    انت قولتلى
    لكن لو ثبت الحب من جانبه للاحظتى ردة فعل مختلفة من ناحيته

    ازاى رده فعل مختلفه هيعمل ايه يعنى ؟ ياريت تقولى علشان اعرف منك يمكن هو بيعمل رده الفعل المختلفه دى وانا مش باخد بالى ياريت تقولى ايه رده الفعل المختلفه اللى هلاقيها من ناحيته لو اثبت حبه ليا علشان اخد بالى من تصرفات مستنيه ردك بليزززززززززز

    قيم هذا الحل سلباً او ايجاباً: Thumb up 9 Thumb down 2

  14. سيد العاطفى
    20/10/2010 at 22:02

    حاولى تتصلى عليه تانى لو رد يبقى كويس ولو ما ردش ابعتيله رساله قوليله ما بتردش ليه انا عايزاك فى موضوع مهم وشوفى هيعمل ايه ولو ماسألش اشترى كرامتك وسيبك منه
    وربنا يوفقك ويرد عليكى وتبقى سعيده ومبسوطه من كلامه ان شاء الله
    (سيد العاطفى)
    مصر___بنى سويف

    قيم هذا الحل سلباً او ايجاباً: Thumb up 10 Thumb down 6

  15. صاحبه المشكله
    20/10/2010 at 18:23

    انا جيبت نمرته واتصلت بيه اكتر من مره مردش عليا وبعتله رساله لما عرفت انه جاب تليفون جديد قولتله فيها الف مبروك على الموبيل الجديد ربنا يباركلك فيه وكتبتله اسمى فى اخر الرساله علشان هو مكانش معاه نمرتى بس مردش على رسالتى خالص ولا برنه حتى مش عارفه ياترى ايه السبب معنى كده انه مش عايزنى ولا ايه انا فى حيره شديده جداااااااااا اتصرف ازاى يا جماعه ارجوكم.

    حل غير مناسب حسب التصويت. ما رأيك انت: Thumb up 3 Thumb down 13

  16. ماهر
    18/10/2010 at 02:55

    الله على هذا الحب الطاهر والله لو هو حجر لشعر بحبك لة اذا كنت انا شعرت بصدقك وبحبك الطاهر لة وانا بقرا قلمك فكيف هو لا يشعر بهذا الحب العظيم وهو بجوارك
    ابلغية حبك عن طريق اختة بطريقة مباشرة وانتظرى الرد واذا جاكى الرد بالقبول يبقا فرحينا والله الموفق

    حل مناسب حسب التصويت. وانت ما هو رأيك? Thumb up 15 Thumb down 2

  17. عضو جديد
    17/10/2010 at 21:02

    اختى الكريمة ان لوقع قلمك اثر فى اذنى شجعنى لقراءة مشكلتك, احى فيك الحب الشريف ونتمنى من الله بان يجمعك بمن تحبى ولكن اريد ان اعبر لكى عن راى من مما قولتيه فهذا الشخص يحبك كاخت له وما يفعله معك لانه يعرف انك بتحبيه لكن لو ثبت الحب من جانبه للاحظتى ردة فعل مختلفة من ناحيته انا لا اريد ان احبطك وممكن يكون عكس ذلك حاولى برده تعرفى شعوره عن طريق اخته وهى صاحبتك ممكن تفاتحه او تلمحله واكيد هتعرف اخوها والسلام عليكم ورحمة الله

    حل مناسب حسب التصويت. وانت ما هو رأيك? Thumb up 10 Thumb down 1

  18. ندى عبد الرحمن
    17/10/2010 at 17:35

    تحية الى سيدى “حازم حمام”
    انا أؤيدك فى كل تعليقاتك ورسائلك التى كتبتها هنا فى هذا المنتدى.
    وانا فخورة بيك وفخورة انك ابن بلدى, عشان العالم كله يعرف ان صعيد مصر لا ينجب الا العظماء.ويا من أثارت اعجاب كل القراء داخل هذا المنتدى ويا من جعلت الجميع يقلدك ويكتب بنفس طريقتك. حقاً انك شاب مثقف ومتحضر ومستنير وشديد الذكاء وقوى الحجة وواسع الاطلاع.

    ندى عبد الرحمن__مهندسة
    صعيد مصر___سوهاج

    قيم هذا الحل سلباً او ايجاباً: Thumb up 4 Thumb down 2

  19. سيد العاطفى
    17/10/2010 at 14:36

    احسن رد هو رد الاستاذ حازم حمام
    خدى بهذا الراى وافعلى مثلما قال لكى وخليكى شجاعه وواجهى الموقف وتحملى النتيجه
    وهقولك على حاجه هو حتى لو مش بيحبك ممكن انتى لما تفاتحيه بالكلام يبدا يفكر ويحس بيكى
    وما تغلطيش غلطتى لانى كنت بحب بنت عمتى وما صارحتهاش وكنت حاسس انها بتحبنى لانها كانت بتعمل معايا حاجات زى ما حبيبك ده بيعمل معاكى كده بس فى الاخر بعد سنين اكتشفت انها ما بتحبنيش وانها بتعتبرنا اصدقاء او اخوات بحكم صلة القرابه وانى كنت عايش فى وهم
    فانتى واجهى الموقف من دلوقت وريحى نفسك احسن وحده تانيه بشطارتها تاخده منك وبعد كده تندمى
    وربنا يوفقك ويسعدك ويقدملك اللى فيه الخير
    اخوكى سيد العاطفى__مصر_بنى سويف

    قيم هذا الحل سلباً او ايجاباً: Thumb up 5 Thumb down 3

  20. حارس البركان
    17/10/2010 at 07:12

    كلمى اخوتو واليله انك بتحبى اخوه عادى انتو بنات زاى بعد وهيه هتعرفك كل حاجه دى احسن طريقه فى طريقه تانيه ممك تكتبيلو ورقه انك بتحبيه وشوفى ردو بس اخوتو احسن اوليله انك بتحبى اخوه بس مكسوفه تقوالى وهيه تعرف منو

    قيم هذا الحل سلباً او ايجاباً: Thumb up 10 Thumb down 3

  21. حازم حمام
    17/10/2010 at 07:07

    تحية الى سيدتى….
    تحية الى صاحبة القلب الطيب الحنون…
    تحية الى القلب الرقيق الذى تذوق طعم الحب….
    تحية الى المرأة التى اذاب الحب عظامها….

    ما هذا النهار الذى غابت فيه الشمس!!؟حيث حدث فيه مايغضب مولاتى.
    وما هذا الليل الذى اختفى فيه القمر!!؟حيث حدث فيه ما يبكى مولاتى.

    وما هذا اليوم العاصف!!؟..حيث حدث فيه ما يعكر صفو مولاتى.
    وما هذا القدر الشاحب.!!؟ الذى جعل مولاتى سقطت فى حب رجل لا يشعر بها.
    ما هذا الحب العجيب..!!؟ الذى يريد ان يزل مولاتى ويجعلها تنحنى وتنكسر بهذا الشكل..
    فلا تغضبى سيدتى………………………فأن الحل بسيط
    ما عليكى سوى ان ترفعى سماعة التليفون او تكلميه على الاميل.
    وتبوحى له بهذا الحب الذى مزق فؤادك…ولا عيب فى ذلك بل هو حق لكى…حيث يحق للمرأة ان تطلب الرجل للزواج وهذا ما فعلته السيدة”خديجةبنت خويلد” حيث بعثت خادمتها الى الرسول لتطلبه للزواج… افعلى مثلما فعلت خديجة زوجة النبى عليه الصلاة والسلام…ولا تكونى خجولة… ولو رفضك اطلبى منه ان لا يبوح لاحد بهذا السر….

    اللهم لا تحرمنا من لذة الحب….

    حازم حمام/محاسب الكترونى فى الخليج
    صعيد مصر___سوهاج

    حل مناسب حسب التصويت. وانت ما هو رأيك? Thumb up 20 Thumb down 2

  22. ** البحر الهادئ **
    17/10/2010 at 07:06

    السلام عليكم * اختى الموضوع بسيطا جدا اذا انتى تخجلين وهو بيخجل من الكلام معاكى حاولى تكتبى له رسالة وتسلمينها له او تعطينها لاخته واختها تسلمها له او حاولى مثلا عند زيارتى لبيتهم ضعى الورقة فى الجاكيت تبعه هاذا افضل حل وبعدها اذا كان هو ايضا كان معجب بيكى سيأتيكى الرد او اذا تعرفى رقم جواله اكتبى له رسالة بسيطة جدا مثلا تقولين له اخى او ابن خالتى لا تفهمنى غلط والله محجبة بيك ولكن موش عارف اتكلم معاك لان الحياء يمنعكى من ذالك وقتها لو هو كان محجب بيكى سيقول لكى ايضا انا معجب بيكى ولكن اجد حواجز ** ولكن نصيحة لا تقعى فى الحرام بعد اتضاع الامور حاولوا الامور تكون بالحلال ** ** والسلام على من اتبع الهدى

    قيم هذا الحل سلباً او ايجاباً: Thumb up 3 Thumb down 6

اترك رداً أو حلاً لهذه المشكلة