انا بنت عندي 20 سنة مشكلتي هي ان في بداية دخولي الجامعة واحد اتعرف عليا من دفعتي بس كان بيعيد السنة وبعد فترة بقينا صحاب اوي,وكانت تقريبا ظروفي زي ظروفة في الحياة وكان في حاجات كتير اوي بتجمعنا كنت بحس فعلا ان انا لقيت نصي التاني بس كأصدقاء وهو كان يبادلني بنفس الشعور وكان بيحكيلي عن كل حاجة في حياتة وبعد فترة كان عايز يرتبط بيا وانا وافقت وكان كويس اوي معايا لمدة شهرين بس بعد كدا لقيتة مش عايز يحضر معايا ولا محاضرة وكان بيتأخر عليا كتير اوي يعني بنتفق نتقابل الساعة 8 الصبح كان بيجي الساعة 3 الظهر وكان بيقولي انة بيبقي غصب عنة وحاولت اصحية كل يوم بدري علشان نروح الجامعة ونحضر المحاضرات لغاية لما في يوم طلب اني اروح عندة البيت واتخانقت معاة وسبتة ومشيت وكلمني بليل وقالي فكري وردي قلتلةافكر في اية لاء طبعا واتخانقت معاة وقالي انتي اصلا انسانة معفنة ومش كويسة وانا محبتكيش واقفل في وشي ومن ساعتها لما كنت بشوفة في الجامعة بعمل نفسي مش شايفاة وبدأ يكلم واحدة تانية ويعدوا قدامي وانا كنت بعد مع اصحابة اللي عرفني عليهم بس هو مكنش بيعد معاهم لما اكون موجودة وبعد اسبوع لقيتة بيكلم واحدة صاحبتي وعايز يرتبط بيها وكانت بتعد معاة وهي مقلتليش حاجة بس عرفت في الاخر من صحابة وقالولي متفكريش فية عشان دة بيقضيها مع كل البنات بس انا فعلا كنت بحبة اوي وهو كان عارف كدة بس بع حوالي شهر كلمتة في الجامعة بس قولتلة كل اللي ما بينك وبيني انتهي بس انا عايزة اديلك صورتك وادتهالة وقلتلة هات بتعتي قالي ماشي وادهاني وقالي دة كدا خلاص اللي كان بينا انتهي كدا قلتلة خلاص ومشيت وسبتة بعدها بفترة كلمني وعايز يرجع وقالي انا ندمان علي كل حاجة ضايقتك بيها واديني فرصة اصلح اللي عملتة قلتلة لاء وفضل يلح عليا لمدة اسبوع وقالي انا عارف اني وحش بس اديني فرصة قولتلة ماشي وبقينا مع بعض واتغير بس لفترة 3 شهور وجة وقت الامتحانات وكان بيكلم صاحبتي في التليفون وكانت بتبقي اعدا معانا في الجامعة ويكلمها في ارتباط وانا ببقي معاة وقالتلة لاء وكان يوم عيد ميلادة اشترتلة ساعة كانت غالية شوية وراح قال لصاحبتي اية رأيك في الهدية دي قلتلة دي جميلة جدا وغالية قالها دي وحشة وصاحبتها اوحش وقالها انا عايزك انتي وعايزك تجبيلي هدية قالتلة انا عمري ما هفكر فيك اصلا وبعدها بأسبوعين انا اتخانقت معاة بس ما كنتش اعرف اي حاجة عن الموضوع دة ولما كلمتني قالتلي اخبارك اية وسلمت عليها وقولتلها احنا سبنا بعض فقالتللي احسن فبقولها لية وحكتلي كل اللي عملة معاها ومن بعدها مفكرتش فية بس كنت حاسة اني مجروحة اوي ورجعلي بعد 4 شهور وقالي انا بحبك وانا فعلا حبيتة اوي قولتلة علي اللي حصل مع صاحبتي وقولتلة يتكلم معايا بصراحة غير كدا همشي وفعلا اتكلم معايا بصراحة وقالي سامحيني وسامحتة ورجعنا لبعض وبقينا مع بعض فترة طويلة سنة لا شهرين بس في ىوم بقولة انا عايزاك تحكيلي كل حاجة عملتها وحشة في حقي وانا مش هضايق وحكالي وقالي انا بكلم بنات على النت وكنت بقولك اني هروح مع اصحابي نتمشي في الجامعة وانا كنت بعد مع بنات وعرفني علي بنت وافتكرتها زميلة لية طلع هو معجب بيها وبعد ما حكي دة كلة بيقولي سامحيني انا عايز مخبيش عليكي حاجة وحاولت انسي كل دة ونبدأ من الاول بس بقيت اشك في كل حاجة بيعملها لغاية بعدها بشهر حسيت اني مش قادرة اتعامل معاة وقلتلة احنا لازم نبعد عن بعض قاليانا بحبك وسبتة فعلا ومن ساعتها لمدة شهر حاول يرجعلي بس انا موافقتش وفي الاخر قالي يبقي اني تعرفي حد غيري قلتلة انا عمري ماحبيت غيرك بس انت محبتنيش ولا احترمت مشاعري وبعدها كل شوية يبعتلي رسايلويقولي لاء انتي تعرفي حد قلتلة انا كرهت الحب خلاص ومش هحب تاني وبعدها لقيتة قلب عليا وبعتلي في رسايل شتايم وحشة وقالي انتي فاكرة نفسك مين عشان اعد شهر بحالة واقولك اني لسة بحبك ومتوافقيش ,,ومرديتش علي شتايمة غير اني قلتلة ربنا يسامحك وشتمني اكتر وقالي اللي هشوفة معاكي هموتة وانا فعلا معرفتش غيرة ولا هعرف غيرة بس انا اديتلة فرص كتير اوي وياما خني وانا مش قادرة اتعامل معاة تاني ولغاية دلوقت مخنوقة من اللي قالة ليا مع انا كنت مخلصة مكنش ليا اصحاب ولاد ولا اي حد غير اصحابة ولما رجعتلة قالي متكلمهومش وسمعت كلامة انا نفسي حد يقولي اعمل اية انا حاسة اني مخنوقة اوي وهل هو فعلا بيحبني ولا مكنش معلش انا عارفة اني طولت عليكوا بس بتمني تنصحوني
الحب من طرف واحد
لم يكن حبا ولكنه عذاب
اضيف بتاريخ: Monday, September 27th, 2010 في 20:46
كلمات مشاكل وحلول: اصحاب, اصدقاء, الجامعة, الحب, الحب من طرف واحد, بنات, بنات على النت, بنت, حب, محاضرات, مشاكل, مشاكل الحب
اوعي ترجعي له تاني ده واد سافل ومنحط وغيراخلاقي قاعديضحك عليك باسم الحب وعمره لااحبك ولايقدرمشاعرك ابدا فاقدالشي لايعطيه انسيه خالص وركزي في دراستك اهم لك من اي حاجة ولوتحرش بك هذالوغد التافه تاني بلغي عنه ادارةالجامعة وهم يادبوه وماتستكي عنه وعن اهانته لك اوالتكلم عنك امام زملائك في الجامعة عشان كرامتك وتقدري تحافظ عليها الاشكال الوقحةدية ماتجي الابالعين الحمرا وربي يكفيك شره ويحفظك من كل سوء ويكرمك بكل الخير ياقمورة
السلام عليكم ورحمة الله وبركاته
الردود كثيرة وجزى الله كل خير من ساعدك
المهم وفقك الله … أنت أ>رى بحالك وغلطتك أنك تحدثين شباب لا يحلون لك تحت أي مسمى الزمالة مثلا
تذكري لن يتحمل عنك أحد مشاكلك التي أنت اخترعتيها مع إنسان لا يتقي الله في البنات
الشخص الذي يعاملك بقل أدب تحت مسمى الحب لا تبكي عليه ولا تحزني بل انظري للجانب المشرق المضيء
هل ستفرحين لو تزوجتي به وعلمتي مصائبه وأخلاقه السيئة ..؟!
هل تتوقعين بعد كل هذا الشتم وأنتم تحبون بعض بدون خطوبة حتى ماذا سيفعل إن غضب عليك بعد الزواج مثلا ..؟!
هل تتوقعين أن يتوب بعد زواجه عن خيانته لك ..؟!
بعد كل هذا تقولين أني كنت أحبه …
قال تعالى ” بل الإنسان لعى نفسه بصيرة ” ولو ألقى معاذيره ” ووالله وكأن الآية هي لك
وفقك الله تعالى …
انتي باين عليك طيبةجداوعلى نايتك ماتعرفيش العايب الشباب وحيلهم الماكرةوالخبيثة وده اللي خلك تغلط معي الشاب وتتساهلي في الكلام معه والانخداع لاكاذيبه الحقي نفسك قبل فوات الاوان واقطعي علاقتك به للابد وتاكدي انه واد تافه وحقير وبتاع بنات ولايستاهل انك تعرفيه خالص وحافظي على اخلاقك وتربيةاهلك لك وعلى شرفك وكرامتك اهتمي بجامعتك وتحصيلك الدراسي وربنايكرمك بابن الحلال الصالح اللي يستاهلك بجد ويقدريسعدك
نصيحةغالية لكل الاباءوالامهات خلوبالكم من اولادكم وبناتكم وخصوصااللي في الجامعة لابدمن التربيةالصحيحةوالتوجيه الارشاد والسوال الدايم عنهم اسبوعيا والامرتين في الشهراخواني واخواتي الاعزاء كل المصايب والبلاوي تحصل خلف اسوارالجامعة وحنالكم الله ياغافلين البنت تخرج الصبح من بيت للجامعة كل يوم البعض منهن ماتدخل الجامعة تذهب مع الشلة من صحابتهابنات وشباب يرحوالاماكن اللهووالترفيه شرب سجايروحشيش وخمرةورقص ويمارسوالجنس وتاتي الفضايح والمصايب من فسادهولاءالشباب البنت حامل والولد مدمن مخدرات ولاعندهم الايدز اسالكم بالله العلي القدير اين دوركم كااباءوامهات من فلذات اكبادكم اين الرقابة عليهم والسوال عنهم ومتابعتهم اليومية هل يعقل ان مشاغل الدنياانستكم ابناكم وبناتكم ماذاانتم قايلون امام الله عندمايسالكم عن هذةالامانة التي استراعكم اياها وفرطتم فيها ولم تودها حقها ماذاانتم فاعلون ان الابناءبحاجةللعطف والحنان والتوجيه والارشاد والحزم والجدية في امور الحياة مش بحاجة للتدليل الزايد واللبس الجديد والاكل والشرب والفلوس والرفاهية تاكدوا اخواني ان كل ماقلته هونابع من قلبي كاب يهمه مصلحةاولاده مثلكم واسال الله التوفيق والصلاح للجميع واعتذرعن الاطالة
مش عايزك تزعلي مني انت زي بنتي بس لازم تتحملي كل اللي جرى لك لانك جايبه لنفسك من اول ماعرفت الوادالتافه الاناني الحقير انوبتاع بنات كان مفروض منك تقطع علاقتك معاه فورا ثانيا انت عبيطة ولاايه كل البلاوي اللي بيعملهاوبرضك ترجع وتكلميه ويضحك عليك بكلامه المعسول وتصدقيه ثالثا شوفي نفسك واهتمي بدراستك ولاعاد تفكري تكلميه نهاياهذاانت بنت محترمةوخايفة على عرضك وسمعة اهلك من الكلاب السعرانة زي الوادالسافل داه
حبيبتى انتى لسة فى الاول الانسان دا غريب الموصفات لية هو بيعمل كدا فكرى شوية انسان دا مش بيحترمك دا حتى محترمكيش فى غيابة لالالالالالالا وميت الف لا الانسان داا موش بيحبك دا مبيحبش حد يسيبوااا هو بساعات بلاش احسن ترجعيلوا فكرى انك تطلعى من الكلية دى على خير بجد انتى انشانة كويسة انا احترمتك اوووووووى
على فكره انتى طيبه جدا ومحترمه وشخصيه تافه زى دى المفروض متفكريش فيها بجد لانه حتى ميستهلش التفكير فيه لانه اصلا مش بيحبك ولا بيخاف على شعورك ومش محترم انسان بتاع تسليه وبيقضيها زى زملته بيقولو وانتى انسانه محترمه ايه يجبرك على شخص تافه زى ده يشتمك وترجعيله تانى حفظى على كرمتك وعلى اهالك وانشاء الله ربنا يرزق بالشخص اللى يحترمك ويخاف عليكى اما الشخص ده متصدقهوش خالص ده زى الشيطان بالظبط انسان ماكر
متفكريش فيه ثاني
هاد بتسلى
انا رأيى انت مترجعلوش تانى لانه زى ما كل مرة يسيبك ويرجعلك تانى ممكن يسيبك علشان اى كلبه معديه فى الشارع دا مش واحد يتوثق فيه
واللي اكتشفتة ان انا اتنصب عليا من صحابة واحد منهم قالي ان صاحبة في مشكلة وانا كان معايا فلوس قولتلة خدها قالي لاءوعيطت عشان ياخدها عشان حسيت ان ممكن اساعدة وبعدين اخدها مني وقالي انا مش هقدر ارجعلك المبلغ وكنا بعدها بأسبوع طالعين رحلة وانا كنت متخانقة مع اللي كنت مرتبطة بية بس صاحبة حلفني اني مقولش لحد حتي اللي بحبة واللب هو اعز اصحابة وقريبة واكتشفت بعد سنة من اللي كنت بحبة ان صاحبة نصب عليا في الفلوس وطلعوا كلهم وحشين دة مصعبش علية حتي دمعتي انا مشوفتش ناس بالقسوة دي وانا بعدت عنهم بس بردة زعلانة ان عاملتهم كلهم كويس وهما عاملوني أسوأ معاملة انا كرهت اتعامل مع الناس
هو خني اكتر من مرة بس كنت بفكر ان مفيش حد مش بيغلط وكلنا متعرضين للغلط بس المهم ان احنا نعرف الغلط وندي فرصة نصلحة وانا فعلا كنت بحبة اوي وانا اديتلة كتير بس هو استغل حبي لية وطيبتي وخاني مع صحابي وكان يكلمهم وانا كنت ببقي جمبة ومشكلتي ان مكنتش باخد بالي عشان كنت مديالة ثقة زيادة عن اللزوم وعندك حق ياdr/H كلامك مظبوط كل مرة كنت بديلة فرصة كان يبقي كويس شوية ويرجع تاني واكتشفت انة كان بيستغلني عشان ينجح لما كنا في اولي
أختي الفاضلة هناك مثل يقول اللى يعمل مرة يعمل اثنين وثلاثة هو خانك مرة أنا عايز أعرف ازاى وافقتي ترجعي له هذا ليس انسان هذه هي الحقيقة ولم ولن يحبك اما أنتي فأؤؤكد لكي انكي حبتيه جدا جدا بدليل رجوعك له أكثر من مرة لا تصدقينه ابداً وفقك الله ووفق الجميع
انا بجد متشكرة اوي علي نصيحكوا دي وانا فعلا بعدت عنة ومش عايزة اشوفة حتي بس لغاية دلوقت بيبعتلي في رسايل وبيقولي لو شوفتك في الجامعة مع شاب او حتي برة هضربك و هضربة وابقي اعمليها وربنا يعلم انا مش بعرف حد تاني ولا عايزة اعرف ولو فكرت يبقي هيكون جواز تقليدي مش هفكر احب تاني
يابنتى انتى مستنيه ايه ياخد اللى هوا عايزو منك وبعدين يبيعك لا طبعا لازم تبعدى عنه ومتفكريش اصلا انك تتكلمى معاه صدقينى هوا بعمل معاكى كدا عشان غرض فدماغه ياخد منك اللى هوا عايزو وبعد كدة يفضل يزلك اوعى ترجعيلو تانى ابعدى عنه نهائى دا مينفعش اصلا يكون صديق مش حبيب 0
انت مستنية ايه اكتر من كده ده غدااااااااار مستنية ياخدلك صورة يهددك بيها والا ايه
الحقي لمي اللي فاضل منك
bosy awln elsh5sya dy sorry y3ny wa7sha awe we nsy7a ab3dy 3ano 5als we 8ery rakmk we law shofty 3ady we isa ht2bly aly a7sn mano
ارحمى نفسك وارحمى اهلك وارحمينا معاهم
انتى من كلامك جاوبتى على نفسك دة مش انسان يستاهل كل اللى انتى كتبتيه ولا حتى يستاهل الوقت اللى ضاع فى قراءة مشكلتك اللى هى مش مشكله اصلا انتبهى لدراستك وهتشوفى من النوعيه دى كتير خلى بالك من نفسك
وربنا يستر اعراض جميع المسلمين قولى امين
انا عارف النوعية دي من البشر انا ليا ناس اصحابي كتير بيعملوا كدة مع بنات الناس وانا اقولهم حرام عليكم تلعبوا بمشاعر الناس يقولولي مش هم اللي عايزين كدة حد ضربهم علي ايدهم – انا بانصحك انك تبعدي عنه خالص وسيبك منه ده عنده حب امتلاك وشكلة في واحدة سابته فهو عايز يحسس نفسه انه مافيش واحدة تقدر تقف قدامه وان اي واحده هايعوزها هايجيبها ده معقد نفسيا ً بجد نصيحة مني ابعدي عنه وربنا هايكرمك بابن الحلال اللي هايعوضك عن كل اللي فاتك
وعايز اقولك حاجة ان الدنيا مابتقفش على حد وياما ناس دخلت حياتنا وطلعت منها وناس لسة هاتدخل في حياتنا
ولسة ياما هانشوف
ابعدي عنه ده ليه غرض معين من اي بنت بيعرفها وبعد كدة بيسيبها
اختى ده لا بيحبك ولا نيله لو كان بيحبك بجد كان هيخلصلك انما ده بيعرف بنات غيرك ومره يسيبك ومره يرجعلك وبيتكلم عليكى وحش مع صحبتك يبقى فين الحب ده هو زى ما قالولك الولاد انه بيقضيها وبعدين هو اتعود لما يسيبك ويرجعلك بترجعيله وممكن اوى يكون مبيلاقيش حد يقضيها معاه فبيرجعلك ويستدر عطفك يعنى مخليكى استبن واخر مره لما صدتيه جامد شتمك وقل ادبه لانه حس انه اتحايل عليكى كتير وانتى برده رافضه فهو غضب اوى كده لانه كان عايز يعرف اى بنت وخلاص ويتسلى معاها وهو اتعود انك بترجعيله ..ده اصلا شخصيه تافهه ومش راجل فسيبك منه وانتبهى لدراستك واذا حاول يتعرضلك بلغى عنه امن الجامعه وقربى من ربنا اوى هو سبحانه وتعالى اهم وربنا يهديكى ويوفقك فى حياتك
بسم الله الرحمن الرحيم اختي العزيزه انتبه الى دراستك لكي ترتاحي فتشي عليه ترينه كان يعرف قبلكي ؟؟؟؟؟؟؟فانتي اول سنه لكي الناس بيستغلو هذه الفرصه فهمك كفاااايه الله الموفق استعيني بل الله