وانا فى الثانوي ارتبط بالمدرس بتاعي حبينا بعض اوي وعيشنا قصة حب طوال فترة الدراسه صارحت اهلي وهو كمان صارح اهله كانوا مرحبين جدا بيا وبعد كدة ارتبطنا رسمي اعدنا فترة خطوبة 6 شهر حصل خلافات بين الاهل كانت اخرتها احنا الضحايا سيبنا بعض ومازال بنكلم بعد من وراء اهلنا طبعا مكنش عجيبني وضع اننا نكون زي اللي بنسرق وخايفين حد يشوفنا تطلبت منه نبعد عن بعض نهائي فعلا بعدنا فترة كبيرة عن بعض رغم اننا كنا بنعرف اخبار بعض في الفترة دي جاء فى يوم كلمني فى التليفون وقالي عاوز اقبلك ضرورى قالي حياتي ادمرت غلطت مع بنت واهلها عرفوة شرطوة عليه انوة اكتب عليها رفض وكتبت عليها بعقد زواج عرفي ومضيت على وصل امانه بي 40 الف جنيه وجيبتلها شقة مفروشة لكن من يوم ما غلط معها وانا مقربتش ليها وعاوز اخلص من الكابوس ده ودلوقتي هو محتجلي اقف بجانبه وعاوزنا نرجع لبعض وانا مش عارفه اعمل ايه اوفق بعد اللي حصل ولا لا انا فعلا لسه بحبه ومش قادرة انسا اعمل ايه ؟؟؟؟؟؟؟
مشاكل الحب والزواج
خطيبي غلط مع بنت واتجوزها عرفي هل ارجعله
اضيف بتاريخ: Tuesday, December 7th, 2010 في 01:19
كلمات مشاكل وحلول: الخطوبة, ثانوي, حب, زواج, زواج عرفي, شقة, فترة الخطوبة, قصة حب, مشاكل, مشاكل الحب, مشاكل الحب والزواج
ياحبيبتي انتي بتثبتيلي اني ظالمة جوزي دا من اقل غلطة ماتستهلش بقلب عليه الدنيا وانتي غلط مع واحدة ولسه بتفكري ترجعيله ولا لا وبعد كل دا لسه بتحبيه سامحني يازوجي
قال الله تعالي الزانيه لا ينكحها الا زاني او مشرك هل يشرفك ان الله يقول فيكي هذا الكلام لالالامش ممكن تتزوجي من رجل زاني ابدا
انت للاسف وقعت ضحية انسان سافل وحقير ضحك عليك واوهمك بالحب الكاذب وتخلى عنك وعاوز يرجع لك فاكرانك لعبةرخيصة يتسلى بهاوقت ماعاوزوبعدين يرميها اقطع علاقتك مع السافل دا وانسيه وفكري في نفسك وربي يكرمك بالشاب الصالح اللي يقدرك ويستاهلك
انا عارفة انك ليسة بتحبية .بس لية هو مش مقدر الحب دة من الاول ؟ لية هو حطكو فى الموقف دة من الاول؟ لية اتخلى عنك اصلا من الاول؟ حطى كل دة ادام عينك وانتى تفهمى . هو اة طبعا غلط وربنا جزاة بغلطة.مضيعيش انتى كمان حياتك وعمرك معاة كفاية الى راح وكفاية الى فيكى.انصحية يقول لاهلة علشان يسعدوة ويقفو جمبةلاكن انتى مش بايدك اى حاجة تعمليها.واللة يسامحو بقى . شوفى حياتك انتى بعيد عنو . استعينى بربنا هو قادر ينسيكى كل حاجة حلو او وحشة معاة.
انتى عاوزة تقفى جانبة ازاى مش عارفة ها تدفى وصل الامانة ولا ها تخلية يجوزها رسمى
هو لو كان بيحبك زاى ما انتى لسة بتحبية مكنش فاكر فى عيرك ولا غلط معها
هو حطك استبن لى علاقاتة ونصحتى ابعدى عنة لايستحق حبك لهو
سيبيكى منه ده شخص مش كويس وانسى الحب اللى بينك وبينه علشان تقدرى تشوفى مستقبلك مع واحد محترم ويعرف ربنا
انا من رأى لو اخر واحد فى الدنيا مترجعيش لية واحمدى ربنا ان فى خلافات حصلت بعدتك عنةونقذك منة والله والله لو كان بيحبك بجد ميفكرش يبص لوحدة مش يغلط معاها ابعدى ياختى عن الشخصية دى خالص والله ربنا هيبعتلك واحد يستهلك ويكون كويس ومحترم ويخاف الله ويتقية لان المدرس دة مبيخافش ربنا ولايتقى الله وانا بنت زيك وحاسة بيكى
يعني ايه تقفين جنبو هو بيكمل دراسه ولا محتاجك عشان مريض يااختي دا غلط مع بنت والحمد لله ماكنتي انت اتركيه هذا ماهو جدير حد يوكف معاه وليه وجع الراس هذا مشاكل وتزوج لا ابدي حياتك من جديد مع خطيب يعرف قيمتك هو واهلو
خلاص مابقاش ليكى ده بتاع البنت اللى ضحك عليها وفض بكارتها دى واهو اتجوزها وصلح الطريق العوج اللى ماشى فيه ربنا يهديه لمراته (الزانيات للزانيين) والله اعلم بيهم مع بعض يخلفوا ينتحروا يطلقوا اما انتى فليس لك في اهل الزنا مسلك وان قبول التوبة على الله وليس عليكى ان تغفرى لمرتكب الفواحش هذا خاصة انه لايرغب ان يكمل حياته مع تلك المسكينة التى دمر حياتها بالخديعة فماذا تفعل هي ان طلقها ومن سيتزوجها مطلقة ويمكن تخلف كمان يوووه شوفى واحد ابن ناس مش ابن ….
هو عادى كدا يعمل كدا ف بنات الناس؟ وبعدين يعنى ما هو لازم يتاسف لك عشان انتى وغيرك هتبقو الضحية القادمة وبعدين انتى ازاى هتامنى له ؟ مش يمكن يبقى معاكى وهو بيخونك مع واحدة تانية؟ وبعدين يرجع ويتاسف ويقول سامحينى ومتبعديش عنى وانتى الاصل وانتى اللى ف القلب وانتى تحنى وترجعى له وتسامحيه وهكذا ما هو طول ما فيه واحدة سورى يعنى عبيطة وهبلة زيك بتصدقه لازم يعمل اكتر من كدا
كل الي هقولهولك هو مثل شائع عندكو بمصر و هو ” ابعد عن الشر و غنيلو” هو سابك و نسيك و الدليل راح و اتجوز و حب غيرك و الباشا مافتكركيش الا لما و قع في مشكلة انت افضل من كده بكثير انتي مش موجودة عشانو وقت ما يتزنق يلاقي ولما يكون متيسر يرميكي ي نصيحتي ليكي ابعدي عنه وربنا حيعوضك بخير منو وهو بقى حر انا مفتكرش انك هتقدري تساعديه ووحتى ان كان ازاي…….
بصى مافيش حد مابيغلطش كلنا بنغلط بس المهم نعرف الغلط ومنكررهوش تانى اقفى جمبة وحاولى تساعدية لانك لو عملتى كدة هيفهم انك بجد بتحبية لو هو فعلا انسان كويس واخلاقة عالية ودى اول مرة يغلط ارجعيلة وحاولى تنسى اللى فات الانسان مننا مليان غلطات بس عاشن متظلمهوش ولو هو فعلا بيحبك بجد اكيد بعد ما هتساعدية هيتغير انما لو اتكررت اوعى تفكرى فى يوم انك ترجعيلة
أرجوكى اقطعى علاقتك بيه نهائيا لأنك ممكن تقعى معاه فى الغلط وساعتها هتبقى ضحية زى البنت اللى غلط معاه وهرب منها ياريت تحطى نفسك مكان البنت دى كنت هتعملى ايه ساعتها وهو مش راضى يتجوزها ولا يكمل معاها وحتى لو اتجوزك هتبقى انت الزوجة التانية واهلك اكيد مش هايوافقوا. ربنا يكرمك بابن الحلال بس اصبرى واحتسبى صبرك عند الله
ربنا بيحبك ان ده حصل عشان انتي بنت طيبه وانسان زي ده مايستاهلكيش…آن الاوان عشان تصحي من الكابوس اللي انتي عايشه فيه ده وتشوفي حياتك مع انسان محترم خالي من المشاكل الاخلاقيه والنفسيه والاجتماعيه..دعواتي لكي
أبعدي عنه نهائيا لأنه غير جدير بيكي هو راجل زاني ، و مقدرش يتحكم في نفسه لحظة الضعف و ممكن يكررها ده أصلا أذا عرف يخلص من الورطة الكبيرة دي هتفضل حياتك معاه مليانه غلطات منه و هتفضلي تستحملي لحد امتى كملي تعليمك و أشغلي نفسك بمستقبلك و أنتي ماشية في طريقك هيقابلك حب حقيقي و أن شاء الله هيكون أفضل منه