مشاكل الحب والزواج

خايفة من الحب وهو مفتحش موضوع الجواز تاني

انا  بنت اتعرفت على شاب من 3 سنين كنت ف 3 ثانوي
اول مره شافنى فيها حبنى واتعلق بيا جدا حصلت مشاكل ف البيت عندى وقتها وقعدنا مبنكلمش بعض سنه ونص
وبعد السنه ونص اتكلمنا بيفضل يقول انو بيحبنى اوى بس اانا نفسى احس بافعال تثبت الحب دا
هو كلم ماما وقالها انو حابب يجى البيت ويتقدم بس احنا كنا مشغولين ف جواز اخويا
قالتله لما اخوها بس يتجوز الاول
وفعلا اخويا اتجوز بس هو مرجعش فتح معايا موضوع الجواز تانى وانا محرجه انى اتكلم فيه
وبردو مش حابه اننا نفضل نتكلم مع بعض واحنا مفيش بينا حاجه رسمى
وانا رافضه اى مقابلات ما بينا هو بيتحايل عليا كتير بس انا رافضه
حتى كلامى معاه ف التليفون مش كتير
بس انا مش عارفه اعمل ايه
هو بيحبنى وعايزنى ولا لا
انا نفسى اتاكد من دا بس مش عارفه اعمل ايه
لو سمحت مستنيه نصحتكم

مشاكل وحلول ذات صلة

اضيف بتاريخ: Tuesday, January 11th, 2011 في 01:56

كلمات مشاكل وحلول: , , , , , , , , , ,

15 رد to “خايفة من الحب وهو مفتحش موضوع الجواز تاني”

  1. مجنون نسوان
    16/12/2015 at 22:26

    ممكن تكلم معه وتقول له لوصادق تحبنى وجاد في الارتباط بي عليك ان تتقدم لااهلي فورا والاسوف اقطع كل الاتصالات بينا نهاية ولوتحجج باعذار واهية وتهرب منك فتاكدي انه غيرجدير بالارتباط ولايستاهلك ابدا وربي يسترعليك ويكرمك بكل الخير

  2. golden lady
    26/08/2013 at 09:44

    اسحبي نفسك منه بهدوء دون ان تخبريه بذلك
    فاذا كان يريدك فعلا فسيخبرك باليوم مائة مرة عن حياتكم المستقبليةوزواجكم وبيتكم الخاص بكم

  3. 258
    11/07/2013 at 18:50

    خليك ثابتة علي موقفك واوعي تضعفي وتوافقي علي الحاحه لان البنت سمعه ولو هو بيحبك بجد هيدخل البيت من بابه

  4. ابواميرة
    01/12/2012 at 20:15

    ربنايكملك بعقلك يابنتي هذاهوالصح ولوكان جادفي حبه لك كان تقدم وخطبك من اهلك لكن ظاهرانو مش صادق معاك وعاوز يتسلا اقطع علاقتك بالواد دا والله يسهل لك بابن الحلال اللي يقدرك

  5. دكتور احمد
    06/05/2012 at 03:23

    السلام عليكم ورحمته وبركاته
    ان كان فعلا كما تقولين فلا تفاتحيه فى شى وارجوا منكى طلب ان تقطعى علاقتك بهذا الشخص
    فيبدو لى انه يماطل فاخبريه انك سوف تقطعى الاتصالات الى ان يحدث شى رسمى

  6. HanyMoh
    25/11/2011 at 02:45

    مفيش إحراج أبدا

    متكلمهوش تاني

    آخر مكالمة قولي له تقدر تتقدم رسمي دلوقتي

    وأنا شاب وفاهم تفكيره

    والله لو ناوي خير هيفرح جدا بطلبط

    لو ناوي شر هيأخر أو هيعمل زعلان

  7. constaranit love
    19/08/2011 at 16:15

    أفتحى الموضوع تانى وشوفى ردهوصدقينى رد فعله هو ال هيوضح أنه بيحبك ولا ايه بالضبط

  8. دودو
    03/02/2011 at 14:19

    بصى لو انتى بتحبى لازم تفتحى تانى فى الموضوع وقليله انك مش مرتاح لانى حاسة اننا بعمل حاجة غلط وشوفى ردة عليكى اية وياريت يكون بيحبك وكويس وربنا يسعدك يارب

  9. سوسو
    17/01/2011 at 19:42

    ياحبيبتي لاتستعجلي بقرارك على هذا الشخص احتمال يكون بحبك وبدو يعرف منك بتحبيه ولا لا ورح تصبري علي مهما يعمل فيكي وبالاخير هو الخسران

  10. توتا
    11/01/2011 at 15:24

    دة مش فية احراج لازم تعرفى راسك من رجليك وتعرفى اخر الحب اية قوليلة تعالى اتقدملى انتى طبعا برافوا عليكى انك مش بتقبلية ولا حاجة كدة صح بس لازم تواجهية يا كدا يا كدا

  11. ahlam
    11/01/2011 at 15:06

    استميري في موقفك معاه لا تكلاميه كثير ولا تتقابلي معاه ولو حبك بجد راح يتقدم لك رسمي
    واسخيري بالله فهو احسن مستخرين بيه

  12. هوان الحب
    11/01/2011 at 14:26

    ممكن تقولى له اهلى رفضوا اتصالك بى تانى لغاية ما يحصل شئ رسمى وهو لو حس ان المكالمات بينكم اتقطعت وكان بيحبك هيجى جرى يتقدم لاهلك لاثبات حسن النية ولو محصلش يبقى انت قطعتى ووقفت اتصالاته من غير لزوم

  13. كارولينا
    11/01/2011 at 03:39

    ياعيني ماتستحي قليلو وصارحيه بمشاعرك وقليلو اذا فعلا حاببني تقدم لخطبتي وخلي كل شي بينا رسمي تزوج اخوكي ومافي شي يعيقو يتقدم لشوف ولا حابب يتسلا بس هيك الشباب مابيجو غير اذا البنت وقفتون ع حدون وانتي كوني قويه وعرفي بالضبط شو بدو منك وخدي قرارك بتمنالك التوفيق

  14. صفرصفر
    11/01/2011 at 02:56

    يا بنتى نصيحة لله مفيش افضل من الصراحة وزى ما بيقولوا اقرب الطرق هو الخط المستقيم انا مش شايفة فيها حاجة ابدا انك تكلميه انه يتكلم مع اهلك ويطلبك رسمى العيب انك تكلميه ومفيش حاجة رسمى بينكواتوكلى على الله وربنا يقدملك اللى فيه الخير

  15. شاب مجروح اوى
    11/01/2011 at 02:53

    بسى انا شاب برضو بس صدقينى اللى بيحب واحدة بجد مش اللى عايز مشىمعاها ويقابلها وكدة وبجد انتى احلى حاجة يتعمليها انك ما بتسمعيش كلامه فى اللى بيطلبه سورى يعنى يعنى ايه يخرج معاكى ويقبلك ومافيش حاجة رسمى ما بينكم بجد ربنا يثبتك على اللى انت فيه دا وهو فعلا لو عايزك وبيحبك يبقىما فيش حل تانى غير انه يتقدملك وانا شايف ان مافيش مشكللة انك تطلبى منه كدة وهدديه بانكم هتسيبو بعض لان فعلا لو بيحبك وخايف عليكى هيجى يتقدم اما لو اتحجج ومش اتقدم فاعرفى انه كان بيتسلى وخلاص وعلىف كرة بس اللى بيحب واحدة يبقى المفروض يخاف عليها وعلى شكلها وسمعتها مش يقولها تعالى نخرج ونتقابل والكلام الاهبل دا ياريت كلامى دا يفيد بحاجة

اترك رداً أو حلاً لهذه المشكلة