مشاكل البنات قبل الزواج

مفيش امل بالزواج من حبيبي لكن برفض اي عريس

السلام عليكم انا مشكلتى تعبانى اوى انا عندى 21 سنة وايام لما كنت فى الجامعة كان فية واحد بيحبنى وانا كنت متمردة علية وفضلت كدة سنتين لحد لما قالى انو عاوز يخطبنى ويكلم اخوية واكلم بابا انو يجى يتقدم فعلا كلم اخوية وانا كلمت بابا بس بابا رفض وقالى لما تتخرجو لانو هو كان زميلى فى الكلية وارتبطت بية سنتين ونص وحبينا بعض جدا وكنت على امل اول لما نتخرج هنتخطب وفعلا نجحنا واتخرجنا وبباة كلمنى وقالى انى امهد لبابا انهم يجيو ويطلبوا ايدي للزواج وفعلا مهدت لبابا وحبيبى غاب عنى 3 ايام ولما رجع قالى دة حصل مشاكل بينو وبين بباة ومامتو والموضوع اترفض ولازم يكون نفسو وكدة طبعا انا وافقت واستسلمت وطلع شكلى وحش جدا ادام اهلى وبعد حوالى 6 شهور كون نفسو وكان خلاص هييجى فعلا حصل مشاكل تانى واهلو رفضو واسباب الرفض لا تذكر تقريبا كلها حاجات عادية العادات والتقاليد وكدة هو زهق وقالى انا تعبت وعملت ال عليا شوفى حياتك انتى لانى مش هظلمك اكتر من كدة معايا وانا كنت بنهار بجد وبعدت عنو شوية بس لاسف رجعنا نتكلم تانى دلوقتى بس مش زى الاول وحجتى اننا بنطمن على بعض وانا كل لما يتقدملى حد ارفضو واطلع فية اى سبب عشان اقنع نفسى مع ان حبيبى قالى مبقاش فية اى امل خالص والامل مات ومش هيقوم اننا نتجوز انا مش عارفة اعمل اية ابعد عنو ازاى انا متعلقة بية جدا لدرجة ان اليوم ال مش بتكلم فية بسمع مكالمتنا ال كنت مسجلاها
سورى على انى طولت عليكو بس انا عمرى بيضيع وخايفة افضل ضعيفة لانو هو قالى نا عمرى ما هسيبك الا لما انتى تسبينى وتقولى ليا انا مش عوزاك ورايحة اخطب

مشاكل وحلول ذات صلة

اضيف بتاريخ: Tuesday, January 18th, 2011 في 10:15

كلمات مشاكل وحلول: , , , , ,

13 رد to “مفيش امل بالزواج من حبيبي لكن برفض اي عريس”

  1. ابوبتول
    15/08/2014 at 20:47

    اتفق مع كل ماقاله الاخ ابواميرةواويدكلامه اعمل به ربنايكرمك وتلاقي ابن الحلال اللي يعزك ويستاهلك ويقدريسعدك

    قَـيّـم هذا الحل: Thumb up 0 Thumb down 0

  2. ابواميرة
    06/02/2014 at 10:20

    شوفي يابنتي الغالية كل شي قسمةونصيب وانتومالكمانصيب ترتبطوامع بعض فالافضل انك تنسيه خلاص وترميه وراءظهرك وتبقي كده حفظت كرامتك وكرامةاهلك وطز فيه مليون مرةواللي خلفوه انت زي القمر والف من يتمناكي ياست البنات بصي لمستقبلك وارضي ربك عزوجل واهلك واسمعي كلام باباوماما واوعي تخرجي عن طورهم اوتزعليهم ابدا عشان ربنايوفقك ويكرمك في كل حياتك ولاترفضي اي عريس يتقدم لك دي سنةالحياةوالبنت مسيرهاللزواج فكري بعقل وبصيرة وغيضي اهله المتكبرين دول تزوجي فورا عشان يحسوا بخيبةابنهم وتعنتهم ورفضهم لزواجك من ابنهم الانهزامي الضعيف الارادةوالشخصية وربي بيكرمك بابن الحلال اللي يستاهلك ويعزك ويقدرك وتلاقي معه السعادةوالهناءفي حياتك

    قَـيّـم هذا الحل: Thumb up 0 Thumb down 0

  3. ابواميرة
    14/10/2013 at 21:05

    حبيتي ممكن الشاب مش قادريقنع اهله بالزواج لامورخارجةعن ارادته واستحالة تتزوجوابدون موافقة اهلك اواهله فالافضل لكما قطع العلاقةنهايا وكل واحديفكر في نفسه ولامانع ان تبقوازمايل في الجامعة ولاكن لاتتعداالعلاقة حدود الزمالة فقط وربي يكرمك بابن الحلال القادريسعدك

    قَـيّـم هذا الحل: Thumb up 0 Thumb down 0

  4. HanyMoh
    20/02/2012 at 01:19

    ايه السذاجة دي!!!

    هو شخص خائن لا يريدك أصلا

    وإن لم يكن خائنا فهو في أضيق الظروف ضعيف الشخصية بل هو بلا شخصية أصلا..

    كيف يقبل على نفسه أن يربطك بجانبة سنتين أو أكثر ثم يقول بكل برود الأمل قد مات!!!!

    أقسم لك أن شخص لا يستحق مجرد التفكير فيه أصلا..

    لو كان رجلا محترما لضحى بروحه في سبيل وعده ولوقف أمام الدنيا كلها، ولكن هكذا يكون الضعفاء والمنافقون…

    اتركيه نهائيا وفكري من جديد فعلك تحصلين على زوج يخطفك من تلك الأوهام الحقيرة..

    قَـيّـم هذا الحل: Thumb up 0 Thumb down 0

  5. اسماء
    30/01/2012 at 13:38

    بصي ياقمر البيحب بيعمل اي حاجة علشان البيحبة واكلمي وشوفي هل فعلا مفيش املواتمنالك كل التوفيق

    قَـيّـم هذا الحل: Thumb up 0 Thumb down 0

  6. بسمة امل
    23/03/2011 at 17:10

    بصي يا حبيبتي انتي حاولي تتناقشي معاه في الموضوع ده وهل فعلا مافيش امل بجد وهل المشكلة ملهاش حل بجد ولا بس هو شايف كده.لانو مافيش مشكلة بدون حل.وادا بجد مافيش امل ومش حيقدر يخطبك.فانتي ابعدي عنو شوية ممكن ظروفو صعبة ولو حاول يتقرب منك ده بيحبك ومش قادر يتخلى عنك.بس ممكن يعني تقولي ليه كده* انا حديك وقت تفكر فيه لو بجد بتحبني وعايزني تعالى بس واخطبني بالاول على الاقل بس لو انت مش عايزني فخليني اتعلم عيش بدونك *وهو ساعتها حيقرر ولو اختار البعد يبقى انسيه وخلي حياتك ليكي وبس مش ملك حد ثاني وخليكي قوية لانو في الاخير هو الخسران.بتمنى ليكي كل خير.وممكن تفترقو ويكتبو ربنا ليكي لو هو فيه خير ليكي واستخيري كتير
    صديقتك بسمة امل

    قَـيّـم هذا الحل: Thumb up 4 Thumb down 0

  7. الشاطر
    19/01/2011 at 14:17

    بصي يااخت هولوبيحبك هيسيب كل حاجةعشانك لكن هو بتاع بابي ومامي دا مينفعش معاكي اتمنالك التوفيق

    قَـيّـم هذا الحل: Thumb up 0 Thumb down 0

  8. توتا
    18/01/2011 at 18:24

    بصى يا حبيبتى اللى بيحب بيعمل المستحيل عشان تونى لية لاكن دة زهق وقالك شوفى حياتك يبقى دة حب قربى من ربنا غيرك تعبوا اوى عشان بعدوا عن بعض واللة هتنسى وهتشوفى حياتك ودة يعتبر باعك وقالك ابعدى يبقى لازم تبعدى عشان كرامتك وعشان حياتك بكرة تتجوزى وتحبى جوزك وهيكون كل حياتك وقربى من ربنا وصلى كتير نصيحة ابعدى عنة وبلاش يبقى فى حتى بينكم كالمة تليفون هو كدة بيتعبك انتى وخلاص ربنا يوفقك يا حبيبتى ويبعتلك الزوج الصالح فكرى بعقلك وسيبك من قلبك

    قَـيّـم هذا الحل: Thumb up 0 Thumb down 0

  9. هوان الحب
    18/01/2011 at 15:29

    انت لم تذكرى سبب اعتراض اهله هل اعتراضهم عليك انت شخصيا يبقى الموضوع منتهى وحرام تضيعى عمرك لان حتى لو تم الزواج والاهل مش موافقين يبقى اكيد هاتقابلى مشاكل كتير الزواج مش اتنين لا دا اسرتين مع بعض لابد يكون بينهم احترام وعلاقة طيبة اما لو اعتراضهم على توقيت الزواج يعنى انت ذكرت جملة العادات والتقاليدوانا لم افهم تقصدى ايه بها لكن لو مشكلة ممكن تتحل بسنه او اتنين سنك يسمح بذلك بس ربنا يستر ويكون رجل لانى حاسة شخصيته ضعيفة شوية

    قَـيّـم هذا الحل: Thumb up 0 Thumb down 0

  10. عنتر
    18/01/2011 at 12:40

    اقلك على حل اوعى تسبيه لانك هتتعبى بعد الجواز وربنا معاكى وهو لازم يعمل اى حاجة حتى المستحيت ويتجوزك

    قَـيّـم هذا الحل: Thumb up 1 Thumb down 1

  11. سلمى
    18/01/2011 at 11:46

    انسيه وشوفى حياتك اذاى فى اول الكلام بتقولى انه قالك شوفى حياتك وفى اخره بتقولى قالك عمره ما هيسيبك هو معقول فى حب من غير جواز لو كان بيحبك كان حاول مع اهله مش تعب وزهق وعمل الى عليه عمل الى عليه اذاى انسيه انسيه وفكرى فى مستقبلك لو كان بيحبك كان عمل المستحيل عشان يتجوزك ده انسان مستهتر مش قادر يتحمل مسئوليه واذاى تسمحى لنغسك انك تتكلمى معاه مع انك عارفه انه مفيش امل فى الجواز منه عايزه ايه اكتر من انه قالك شوفى حياتك فوقى قبل ماتقعى فى الغلط فوقى فوقى وانسيه وفكرى فى نفسك ومستقبلك ذى ماهو فكر فى نغسه فوقى الله يهديك ويرشدك للطريق الصحيح

    قَـيّـم هذا الحل: Thumb up 2 Thumb down 0

  12. شهد الشهاوي
    18/01/2011 at 11:15

    بصي يا حببتي انا رأي الشخصي انك تتمسكيه بيه وتحاولي تغير من الحاجات اللي عليها الرفض عشان كده انتي حتتعبي وهو كمان ومن الآخر لازم تتمسكي بيه عششان متظلميش حد تاني معاكي ولا هو برده يظلم حد تاني وربنا معاكي

    قَـيّـم هذا الحل: Thumb up 1 Thumb down 1

  13. nolife
    18/01/2011 at 10:25

    انتي لسة صغيرة والعمر قدامك كبير وربنا يديكي ابن الحلال يارب بس هقولك ع حاجة هوا لو عايز يتجوزك هيقنع اهلو وهيحل كل المشاكل وغير كدا هوا قالك شوفي حياتك يعني مش اشتراكي بالعكس دا باعك وبالرخيص اوي كمان بصي يابنت الناس انا بنت زيك واكبر منك وبقولك مش تعلقي نفسك بحبال دايبة وامسحي التسجيل دا وامسحي الانسان من قلبك وفكري بعقلك هوا كدا خلاص مش هيفيدك ب حاجة دا انسان مستسلم لليأس وقالك مفيش ف ايدي حاجة يبقا خلاص دوري ع ال شاريكي واعتبري ان الانسان دا صفحة ف حياتك واهي الحياة تجارب وياما هتشوفي بس حاولي ان اى تجربة تحصل ف حياتك تطلعي بكرامتك ومش تطلعي خسرانة هوا لا ماسك عليكي زلة ولا حاجة ال بينكو كان علاقة مش حب لانو لو حبك بجد كان اشتراكي واتحدا اى حد عشانك حافظي ع كراممتك وابعدي عنو كفاية شكلك قدام اهلك بقا وحش مش تفرحي الناس فيكي ربنا يوفقك ويكرمك ب احسن منو واحد يصونك ويحبك بجد

    قَـيّـم هذا الحل: Thumb up 4 Thumb down 0

اترك رداً أو حلاً لهذه المشكلة