الحكاية ابتدت لما قلتله ان فيه شخص متقدملي وإني بفكر أوافق عليه كان رد فعله غير طبيعي مقدرتش أفهمه أوي ساعتها كنت بلاقيه بيضايق كل لما أفتح معاه الموضوع دا وأحس انه مش عايز يسمع مني أي كلام عن الشخص الاخر اللي متقدملي لغاية ما لقيته بيصارحني انه حبني
مخبيش عليكم أنا كمان جوايا احساس من ناحيته ومن فترة ومكنتش عارفة هو شعوره ايه ناحيتي
احنا زمايل عمل وهو انسان محترم جدا يعني عمره ما كلمني في التليفون ولا طلب يشوفني أو يقابلني ولا أي كلام من أفعال المراهقين والغير مسئولين بالعكس هو انسان ناضج جدا وأد المسئولية وجاد في عمله جدا لدرجة انه ممكن يواصل الليل بالنهار لينهي عمله
هو قالي انه حبني وسكت وانا مش عارفة هو فعلا بيحبني ولا ايه .. انا عارفة ان اللي بيحب واحدة بيدخل من الباب مش من الشباك بس هو لا دخل من الباب ولا من الشباك وأنا مقدرش اسأله ايه معنى كلمة انه بيحبني ولا اقدر افتح معاه الموضوع دا خالص بس أنا جوايا قلقانة خايفة تكون الكلمة دي ملهاش أي معنى مجرد كلمة وابقى أنا بعلق نفسي بوهم وأرفض انسان دخل صح عشان كلمة وخايفة كمان أتسرع وأوافق على الانسان اللي متقدملي وأخسر شخص أنا بحترمه وبقدره وأعتقد انه قد يكون الزوج المثالي لي لاني لم أرى عليه شيء يلوث أخلاقه أو سلوكه
قولولي أعمل ايه وياترى لو هو بيفكر بالزواج مني هيدخل من الباب يعني هيروح يكلم بابا ولا هيسألني يكلم بابا ولا لأ وأنا استنى شوية ولا استنى شوية؟ للعلم أنا عندي 24 سنة وهو 29
مشاكل الحب والزواج
اعترفلي بالحب لكنه يتجاهل فكرة الزواج
اضيف بتاريخ: Monday, June 13th, 2011 في 23:04
كلمات مشاكل وحلول: الزواج, مشاكل الحب, مشاكل الحب والزواج
اختى العزيزة
نفسى اعرف البنات لية كدة دايما قلبهم واسع جدا هو قالك بحبك ماشى وبعدين ؟تفضلى مستنياة وتبصى لية من بعيد وتتعبى نفسك على الفاضى مش ممكن يكون حد فى حياتة وهو متردد بينك وبيين اخرى وياترى لو اختار الاخرى انتى بدل ماتحترمية لالسف حتكرهية
شعور الحب جميل جدا المهم التنفيذ
ممكن تقعدى معاة وبشطارة منك تعرفى نوع الحب دة اية ؟من كلامة تلميحاتة وظروفة قوليلة لو حد ظروفة صعبة والواحد معجب بية ممكن يساعدة مجرد مناقشة عن الحب والجواز هو حيحس وحيفهم اكيد اصبرى علية كام يوم لو لقيتى رد فعل وفعلا عاوز يدخل من الباب او عاوز بتسلى
نصيحة منى لا تثقى فى حاجة نحب بعض تعارف او كدة لازم طريق شرعى علشان الاحترام يفضل بنكم وانتى ربنا رزقك بعريس ابن حلال وحاولى تعملى استخارة على الاتنين
وربنا معاكى
بسى ياكتكوته اولا انا راى انك توفقى على العريس اللى متقدم لانه هو ده الصح لانك لازم
تعيشى الواقع وياريت متكونيش خياليه دايما فرص الزواج المناسب قليله ولو هو نسيبا
اكيد ربنا هيجمعك معاه وكل اللى طلباه منك تقولى يااااااااااااااااااارب وربنا
دايما بيختار المناسب لعبده
ربنا يقدملك اللى فى الخير
بصى ياقمر لو هو فعلا بيحبيك بجد وانتى متأكده من كده فاتحيه فى موضوع الخطوبه وهو لو فعلا بيحبيك هيعمل اى خطوه ايجابيه وهيكلم اهليك وشوفى ايه رد فعله بعد ماتقوليلوا على موضوع العريس دى اكتر حاجه ممكن تبينليك انه بيحبيك ولا انتى مش فارقه معاه …. وربنا يقدمليك اللى فيه الخير
طالما قال أنه بيحبك ممكن يكون عاوز يرتبط بيكى لكن طالما هو جاد وشخصية محترمة يبقى خايف من ظروفه مادياً أو أسرياً يعنى عنده مسئوليات مصعبة عليه الموضوع .
فيجب أن تعلمى ما بداخله أجلسى معه و أجعليه يفكر بصوت عال و يخرج كل مابداخله
و فيما يفكر .
ثم أقنعيه بأنه يجب أن يعمل اللى عليه حتى لو ظروفه حالياً لا تسمح. بس يأتى البيت حتى تكون علاقة جادة و مشروعة.و إنك سوف تقفى بجانبه حتى تسمح الظروف بإتمام الزواج إنشاء الله
طالما ماعملش اى خطوه ايجابيه بعد ماعرف ان فيه شخص متقدملك
يبقى طلعيه من حساباتك
وانسى الكلمه اللى قالهالك…
حبيتي هو قالك الكلمه انه بيحبك وسكت انتي افتحي معاه موضوع العريس تاني وفهميه حالك ايه وافهمي منه معني كلمته ايه ماهو ممكن يكةن حب اخوي او حب في الله اعدي معاه واعرفي ايه في نفسه لو كلامه مقنع قولي ليه هاعرف اللي في البيت انك بتحبني وكده قالك لالا يبقه استخيري ربك علي العريس واللي فيه الخير يقدمه ربنا ليكي انما مش تحطي ايدك علي خدك وتبقي لاي طالت بلح الشام ولا عنب اليمن ومش عيب