السلام عليكم
أنا فتاه اقترب من الثلاثين من عمرى دعوت الله كثيرا ان يرزقنى بزوج كما اتمناه وفى الفتره الاخيره زاد الحاحى فى الدعاء وبالفعل تقدم لخطبتى شاب (صالونات) ولقد جاء لمكان عملى لرؤيتى وعندما رأيته رأيته على انه محاسب فى احدى الدول العربيه كهذا قال من ارسله ولقد اعجبنى كثيرا واعجبته واتصلت بى اخته حتى نحدد موعد للقاء مع اسرتى ولقد تحدثت عن مدى تدينه (لانى متدينه) ومدى حنيته وطموحه وان احواله الماديه تؤهله لفتح شركه عند الاستقرار بمصر(هذا لا يهمنى ولكن ميزه تحسب له) ولكنها قالت بانه ليس خريج تجاره بل هو بكالوريوس خدمه اجتماعيه( اناصيدلانيه ) اعتبرت ان هذا هو عيبه الوحيد ولما لا فعلى ان اتنازل عن بعض طموحى وفى اللقاء اتفقنا ووجدنا ان افكارنا ظاهريا واحده وتمت الخطبه سريعا نظرا لظروف سفره مع العلم ان شكله يبدو محترما جدا وكذلك اسرته ويبدو انهم ممن يعرفون الاصول وايضا متدينين وكانوا فرحين بى جدا وانا كذلك ولكن مع التعامل وجدت تصادمات ولم اعرف ما سببها اهو عيبا فى وفى اسلوب تعاملى معه ام العيب عنده ام انها عين وحسد لان المشاكل تحدث لاسباب تافهه واخشى التسرع فى القرار سواء بالاستمرار او الفسخ لانى لم ارى الحنون الذى تحدثوا عنه غير فى البدايه ولم ارى متدينا كما يقولون فهو شخص عادى جدا لا يدخن ويصلى بالبيت والجمعه فالمسجد لا يدرس علم شرعى او يتعلم تجويد او يحضر درس علم هذا ما لمسته ولمست ايضا شخص يكذب للمنظره ولمست شخصا عنييييييد لا يتنازل اطلاقا ولمست شخص ليس بناضج وانا ممن يحترم كلمته وان اتفقت على شىء وان كان بسيطا اسعى للالتزام به وهو ليس كذلك فكثيرا اتفق معه كيف نتصرف اثناء زعلنا ويوافق على الاتفاق ثم عند الزعل لا ينفذ ما اتفقنا عليه. ده غير العبارات اللى مش لقيه لها مبرر لصالحه زى انتى متعرفيش انا بعامل الناس ازاى … انا سى السيد … لو العند له أب انا ابوه … … وطبعا العبارات دى بتتقال فى الخلافات …. ده غير انه بيرجع ف كلامه ويختبرنى بالرجوع فى اتفقاته ولا يرى ان كون الرجوع فى الاتفاق عيبا وليس من الاصول واهله معه فى هذا . وصراحه مع كل هذا لا اقوى على قرار الفسخ واقول هو احسن من غيره ده غير انه بيغير كلامه ويحمل الكلام ما لا يحمل من معنى وحاسه انه حاطط فى دماغه ان شهادتى اعلى منه وعايز يقتل الشعور ده عندى فياترى الحاجات دى ليها حل وممكن بذكاء اغيرها ولا تنصحنى بالفسخ
مشاكل الخطوبة
هل استطيع تغيير عيوب خطيبي ام افسخ الخطوبة
اضيف بتاريخ: Sunday, June 26th, 2011 في 14:41
كلمات مشاكل وحلول: الخطوبة, الزواج, شاب, فتاة, مشاكل البنات, مشاكل الخطوبة
بصراحة اعجبني رد الاخ -نور- واتفق معه في كل ماقال للاخت صاحبة المشكلة وعايز اضيف حاجة بسيطة ان الكذب والعناد صفة غير محمودة في الشخص ومهما حاولت تغييريه فلن تستطيع ذلك لاجل هذا انصح الاخت السائلة بعدم الارتباط بهذا الشخص نهايا وتفسخ خطوبتها منه ان كانت مخطوبة وربنا بيكرمها بابن الحلال اللي يستاهلها ويقدرمشاعرها ويسعدها في هذة الحياة
اختي لاتسترعي في الارتباط من هداالرجل حتى تتاكدي من كل شي عنه ماعرفتيه الان اثناءالخطوبة من عيوب وتصرفات سلبية وكذاايجابية تجعلك في حيرة من امرك ولكنك انسانةمتعلمةومدركةلمايحصل في الحياة وماتسمعيه من مشاكل اسرية تحدث بين الازواج تكفي لان تبني عليها مستقبل حياتك مع هالزوج وتاكدي انماذكرتيه من صفات الرجل وعيوبه لهي كافية لتقرري عليهامصيرك معه ونظرالماقلتي انه رجل بيكدب وعنيد وبيرجع في كلامه وغيرملتزم بمايقوله وانه مايصلي في المسجد الاالجمعة ارى انماقلتيه عنه كافي وغير مشجع للارتباط به ودايرجع لك انت دي حياتك وانت حرة تختاري من تشاءيين ولكن من باب النصيحةلك كااخت اقول لك افسخي الخطوبةدي وردي له شبكته واشتري راحتك وسعادتك والرجاله كثير وربك بيعوضك خيرمنه بالزوج الصالح اللي يخاف الله فيك حقا ويستاهلك ويقدرك كزوجة وقادريسعدك
اسال الله العضيم رب العرش العضيم أن يوفقكم جميعا الى مافيه الخير
بسم الله الرحمن الرحيم
أختي الفاضلة ..
أولا .. أرجو منك انك متحطيش في اعتبارك سنك اطلاقا لما تيجي تقيمي خطيبك .. عشان تكوني منصفة مع نفسك
و اعذريني لو كنت قاسية شوية في التقييم و ابداء النصيحة لان عزيزتي اللي انتي مقدمة عليه دي حياتك كلها
و لازم تحطي في اعتبارك ان الشخص ده حتعيشي معاه طول عمرك ( بسلبياته ) قبل عيوبه
اولا مميزاته ..
متدين و متفاهم معاكي ظاهريا بشكل مجمل هو شخص كويس و ظروفه المادية و الاجتماعية مناسبة
بس لازم تاخدي بالك ان التفاهم الظاهري مش كافي .. يعني انكو تكونوا متفاهمين في المواضيع العامة ده شيء طبيعي مع أي حد .. أي رجل غيره تقدري تلاقي نفس المدى ده من التوافق خصوصا ان في فترة الخطوبة الطرفين بيكونو لبقين مع بعض و بيتسابقو لاظهار مميزاتهم للطرف الاخر ( حتى لو انتي مش كدة ) فأكيد هو كدة حسب كلامك عنه
الاهم عيوبه ..
اول عيب .. المشاكل لاتفه الاسباب ..
دي مشكلة كبيرة جدا .. و مش عيب منه لوحده اكيد ..
اهم حاجة تعرفي سبب تطور المشكلة
يعني لو حاجة تافهة متستحقش يحصل فيها خلاف و بيحصل فيها مشكلة لازم تشوفي السبب ايه
لان دايما المشاكل الصغيرة اللي بتكون فترة الخطوبة بتتحول لكوارث بعد الجواز
فمتحطيش في اعتبارك ان المشاكل دي حتكون بنفس حجمها بعد كدة
تاني عيب .. بيكذب للمنظرة
رغم ان الكدب أيا كان سببه ده عيب جوهري كبير جدا .. بس العيب ده مش حيأثر عليكي في الغالب لانه مش حيتمنظر على مراته يعني
تالت عيب .. عنيد
ده عيب جوهري كبير جدا .. العند خصوصا في المشاكل من اكبر السلبيات اللي ممكن تكون في اي بيت
و في اي مشكلة لازم الرجل هو اللي بيتنازل مش الست
لكن يبدو ان انتو الاتنين عنيدين فاي مشكلة بتتأزم معاكو
رابع عيب .. شهادتك الجامعية اعلى منه
كونه حاسس بده فعلا فدي كارثة بالنسبة لك .. لان فيه رجال عاقلين مش بتفرق معاهم اوي او على الاقل مش بيحسو بالنقص
لكن في حالتك مشكلة كبيرة .. لان حيفضل على طول حاسس بالنقص و مش حيرضيه حاجة غير انه على طول يسفه من عقلك او ييجي عليكي عشان يحس انه اعلى .. و من كلامك انك شخصية أبية و معتدة بنفسك مش حتقبلي تجاوز في حقك .. ده من رأيي كفيل بإنه يحول حياتك لجحيم
لانه عايز يبقى سي السيد او يحس بإنه اعلى منك و هو بالفعل اقل فحيتعبك كتير للاسف
عموما استخيري ربنا و ربنا يوفقك و يهديكي للصواب
طب انا خطيبي عندي وكان معملته معايا مش هي وانا غلط في حقه وكدبت عليه وهو عرف ومن سعتها مش رادي يسمحني وبيقلي انا مكمل معاكي بس مش بحبك تفودوني بايه
اختي كل الكلام اللي قالوه لك عنو قبل زواج طلع كذب وخداع وتدليس وهذاكافي لطلبك الطلاق فورا لانومابني عل غش وخداع فهو باطل شرعاوقانونا والحياةمعهالن تستقيم ابدا والحل في يدك وفقك الله
مفيش وحده فى الكون تقدر تغير من خطبيها او حتى تغير من زوجها لو بطلوع الروح ما بتغير لو عملتى قرد علشان تغيرى خطبيك او جوزك مش هعترفى
رغم أن الدراسة ليست السبب الوحيد للثقافة العامة للفرد..
ولكن من الصعب أن نجد شخصا تعليمه متوسط أو أقل ويتمتع بالثقافة العامة التي قد يتمتع بها نسبة أكبر من أصحاب الشهادات العليا..
أحييك على كلامك الذي أعتقد أنه صحيح وصريح،، وأيضا أثق بأنكط متدينة بالفعل فأنتِ قلتِ أنه غير متدين لأنه لا يحضر دروس ولا يقرأ ولا يعلم بأحكام التجويد وهذه من أسس التدين،، بغض النظر عن صلاته في البيت أو المسجد،، فقال تعالى (وَمِنَ النَّاسِ وَالدَّوَابِّ وَالْأَنْعَامِ مُخْتَلِفٌ أَلْوَانُهُ كَذَلِكَ إِنَّمَا يَخْشَى اللَّهَ مِنْ عِبَادِهِ الْعُلَمَاء إِنَّ اللَّهَ عَزِيزٌ غَفُورٌ [فاطر : 28]
فمن تعلم وتعرف على الله وما خلق فإنه سيكون أكثر خشية من الجاهل الذي لم يتعلم،، وكلما زاد علم الشخص كلما زادت خشيته لله..
وصلنا الآن إلى أن إحساسك صحيح وغير مغلوط..
ولكن ماذا عليك فعله وكيف تتصرفين..
الرسول أمر الأهل بقبول الزوج المتدين الخلوق،، ولكن لم ينهاهم عن غيره..
الأمر في يديك وأنت أعلم بظروفك وأحوالك..
ولكن سأفرد لكِ بعض النقاط التي قد تفيدك في الاختيار..
1- إن كان يتعامل معك بغلظة وشدة بالسب الصريح أو الضرب،، فلا تكملي معه…
2- إن كان يكذب كثيرا فلا تواجهيه بمعرفتك لكذبه،، وأرجو له الهداية..
3- حاولي أن تراقبيه وهو يُعامل أهله أو أصحابه،، هل هو لطيف معهم أم قاس ومتكبر وسليط اللسان..
4- سنك له دخل كبير في اختيار الانفصال من عدمه،، وأنا أعتقد أنك طالما قاربت الثلاثين فحاولي التفكر والتروي أكثر ولا تتعجلي.. وبإذن الله لن تندمي على الاختيار..
5- إن كان يغار من شهادتك فهذا نقص منه وفيه،، ولكن أظن أن هذا ليس عيبا كافيا لتركه..
ختاما حاولي التعامل معه برفق وردي الإسائة البسيطة بإحسان،، وبإذن الله سينصلح الحال بينكما…
ربنا يصلح بيك وبينه ويحنن قلبه عليكي ياااارب امين
طيب يا جماعه وهل الكدب وتكبير الامور والتعليق على التوافه ده طبيعى انا حاسه انى كل شويه يطلع بمشكله بدون داعى انتى قلتى وعملتى ولما بنتناقش واقوله طبيعى يحصل مشاكل بس المهم نتعامل معاها ازاى ومنكبرهاش يقولى انتى ناويه شكلك على مشاكل هو عايزنى ملاك لا اناقشه فى شىء حتى بالحسنى كل الخلافات اللى بينا ملهاش سبب جوهرى هو بيكبر الامور وصراحه بحس ان تفكيره منغلق اوى انه مش مرن ولو حصل خلاف يجيب معاه القديم والجديد أنا مرتحاله بس عقله الصغير مخوفنىىىىىى
الشهاده مش كل حاجه ممكن واحد متعلم واسلوبه زباله وممكن واحد مش متعلم ويرفعك للسما مش بالشهاده
أشكركم جميعا ولكن أنا فى حيره من أمرى يقولون لى كل الرجال كذلك وهذا الطباع ستتغير مع العشره وجود الثقه ومن منا بلا عيب وأخرين يقلون أنه من الرجال التى تنكد العيشه على من تعاشره وانا لا اعرف لانه مسافر وهذه المشاكل تحدث فقط خلال الكلام بدون مواقف حيه وانا اخشى الاختيارين فقد اتركه واندم لانى اتقبله كزووهذ1ه نقطه كنت افتقدها كثيرا ولكن مع النقاش اشعر بصغر عقل وسطحيه فى التفكير وانا الان من الخارج ولا استطيع الحكم هل هذه عيوب يمكن التكيف معها ام ان هناك عدم تكافؤ
اختى الكريمة من حقك انك تحلمى بزوج مثالى لكن خلينا على ارض الواقع وكما قال اخى وحدانى ((الكمال لله وحدة ))
1- موضوع دروس العلم والتجويد نعم كلنا نريد ان نتعلم هذا ولكن الا تتفقى معى ان ظروف الحياة باتت صعبة للغاية خصوصا على شاب فى مقتبل عمرة ؟؟؟؟؟؟
2-ذكرتى انه يصلى الفروض بالبيت ولا يدخن …اعتقد ان هذا من مميزاته صلاة الجماعة تستطيعين بعد ذلك ان تحسية عليها ((المهم انه يصلى ))
3-ذكرتى ان فية توافق فكرى بينكم((ظاهريا )))
4-ذكرتى انه يبدو علية الاحترام جدااا
اذن هذا الانسان ينطبق علية قول الرسول الكريم ان جاءكم من ترضون دينة وخلقة فزوجوة
تعالى بقى نذكر عيوبة وهو اعناد والمنظرة وهقف شوية عند ((((((((نقد عهدة ومراجعة كلامة )))))))))
لان هذا العيب كفيل بان تنهى هذة الخطوبة لو كانت هذة صفة موجودة بالفعل واقصد انه ينقض عهدة مع كل الناس او مع اهلك مثلا او معاكى شخصيا بس ننحى وقت الزعل شوية
انا مش بخلق مبررات ليه بس ممكن يكون بيعمل كدة
1-عندة شعور بغرور منكى احيانا فى التعامل او فى رد الفعل وعاوز يقولك من الاول انى انا الراجل وانا اللى هقود المركب فمن دلوقتى تسمعى كلامى وفية امور معينة لا يقبل فيها جدال او نقاش لابد ان تحسم وبصرامة واى راجل فينا كدة فية امور لابد انه يكون صاحب القرار كى لا تتدخل العاطفة
2-لو شعرتى بتقصير منك فى المعاملة وانه فعلا مش بينقض عهدة مع حد وممكن يعمل دة معاكى انتى بس فى اوقات معينة من الزعل .لو كان هكذا …بهنيه على رجاجة عقلة واختيارة لام اولادة الملتزمة المتدينة اللى بجد راح تصونه وتربى اولادة تربية حسنة
اخيرااا اعطى نفسك فرصة اخيرة قربى منه وفكرى جيدااا فى كل مواقف الزعل بينكم ان كنتى مخطئة فى شى ما حاولى تتجنبية وتصلحى من شائنك ومن طريقة تعاملك معه وانسى موضوع الصيدلة والخدمة الاجتماعية لان هذا كفيل ان يقلب حياتك جحيم
لو وجدتى نفسك غير مقصرة او متعالية علية سواء انتى او من حولك وبتفكير عميق واقتناع برضى نفسك وهو كما هو لم يتغير ((((اى انك قدمتى له سبت واحد واتنين وثلاثاء واربعاء )))
فلا تقدمى الخميس واعلمى وقتها انه داخل يشترى ويبيع بفلوسة
وانسى موضوع قاربت على الثلاثين من العمر هذا فلا تضعية فى الاعتبار
وان شاء الله سوف يرزقك الله بزوج تكونى سبيله لدخول الجنة
اللهم استر اعراض جميع المسلمين اللهم امين…………
أنا كأخت ليكي يقولك صلي استخاره …
وبعدين نصيحة مني كأخت ليكي ان حصل نصيب مع الشخص ده أو ما حصلش …
يكفي انك ترتبطي بشخص متدين والتدين لايحكم عليه بحضور جلسات العلم والتجويد وخلافه …
أهم حاجه الأخلاق .. الحاجات دي مقدور عليها ويكون عنده استعداد ولو حاسه انه حاسس بنقص يبقى من الأول سيبيه وربنا يعوضك … اللي خلقه ما خلقش غيره يعني ؟؟؟؟
اختي الفاضله قرأت مشكلتك و شعرت بها فعلا
اختي الفاضله رضائك بخطيبك في البدايه كانت لمميزات انتي تحبينها في زوجك (متدين – زوق – محترم – الخ)و الان بعدما ظهر الانسان الحقيقي بشخصيته الحقيقيه والتي تخلو من الاشياء التي اعجبتك فيه لم يجعلك تستمري معه سوي الاحساس بالخوف من ان يتقدم بك السن دون زواج وكما يقولون (هوا حد لاقي عريس النهارده ؟؟؟؟؟)
قرار الجواز لا يأخده الانسان (في الغالب) اكثر من مره في العمر الصبر القليل واتخاذ القرار السليم افضل من التسرع (وهذا لا يعني ان تتركيه لعيوبه فمن منا ليس به عيوب ؟؟)الكمال لله وحده — تقولين انه عصبي وعنيد وغير متدين ويشعر بقله شأنه امامك لشهادتك العاليه. اذا فما يدعوك للزواج منه هل لخوفك من العنوسه وانتي دكتوره ومن عيله مرموقه
اياك ان تتسرعي اكتبي مميزاته وعيوبه في ورقه وقارني بينهم واجعلي الحكم الاول والاخير هو (العقل) وتحياتي لك اختي الفاضله اخوك/ محمد وهدان
نعم بس بما يرضي ربك اولا واخيرأ تعاملي معه بما يردي الله
تحاتي محمود خليل
اختى صاحبه المشكله …..
انتى اتكلمتى عن عيوبه وواضح انها كتير اووووووووووووى لكن متكلمتيش عن مميزاته انتى الوحيدة اللي تقدري تقارنى بين عيوبه وميزاته وتقدري كمان تحسبيها اذا كنتى تقدري تتحميله كدة بعيوبه دى ولا لاء بس هو الطبع غلاب لكن القرار الاول والاخير ليكى انتى وفكري مع نفسك لو سيبتيه وارتبطى بواحد عيوبه اصعب من كدة هتعملي ايه نصيحة ليكى صلي استخارة وربنا يوفقك للي فيه الخير
ياحبيبتى كل الذى تقولينه من غطرسة وعند ورجوع فى الكلام واحساس بالنقص وحاولة كسر لانفك هى عيوب جوهرية غير قابلة للتغيير لانه مايطلع الطبع الا بطلوع الروح لا تدلسى على نفسك ولكن السؤال يكون هكذا هل استطيع ان اتعايش مع هذه الطباع ام لا؟