مشاكل الخطوبة

احترت من خطيبي وغير مقصرة معه

انا عمري 22 مخطوبه من 6 اشهر من علاقة حب 3سنين وانفصلنا في العلاقه ورجعنا انخطبنا على طول اعطيت لخطيبي كل شي يتمناه من مشاعر واهتمام لدرجة على حساب نفسي وسعادتي وصابره عليه بكل شي من اطباع ومن حالة ماديه وغيره الا اني احترت معاه في الفتره الاخيره يقول لي يحس نفسه افكاره مشتته ويحتاج وقت لنفسه ولفترة نقاهه عشان يعرف ايش اللي يريده ويطلب مني اسببه بالفنره ذي يجمع افكاره ولما اساله تحب ننفصل يقول لا ارتب افكاري وليس حياتي ولما اساله تحبني يقول ايوه ولما اساله تريد ان اكون زوجة لك يقولي مشتته افكاري مااريد اعيش حياتي كذا اتعب نفسي واتعبك معي فعشان كذا خلي لي فترة نقاهه اعرف ارتب افكاري.. انا من كثر مايقولي اعطينا وقت رجعت احس بالخوف وعدم الامان معاه وتجيلي افكار انه ننفصل وانه لازم تجي قبلي قبل ماتجي منه ..وتجيلي افكار انه ممكن حس انه استعجل انه انخطبنا ..احترت معاه رغم اني ابدا مو مقصره معاه..بس رجعت خليته حاله يفكر ويشوف اموره
افيدوتي ايش الحل؟؟؟

مشاكل وحلول ذات صلة

اضيف بتاريخ: Monday, November 23rd, 2015 في 20:53

كلمات مشاكل وحلول: , , ,

3 رد to “احترت من خطيبي وغير مقصرة معه”

  1. أمجد عبد الوهاب
    24/12/2015 at 15:43

    ههههههههه خليه يرتب أفكاره ههههههههه أنا مش فاهم اللي دخل بيوت الناس يخطب منها شريكة حياته دا فاهم أن دخول البيوت لعبه ! مش فاهم يعني إيه يرتب أفكاره ؟ هوأصلا مفيش أفكار حتى يرتبها – وإنتى ياللي بتدلعيه ما تقرصي على ودانه شويه – أفكار إيه اللي هيرتبها ؟ داخاطبك وكمان بعد 3 سنوات دلع و6 شهور خطبه ومش عارف يرتب أفكاره ؟ ياسلالالالالام اسأليه أفكار إيه دي ياحاج كفته اللي انت مش عارف ترتبها في أكثر من 3 سنين ؟
    طيب خليك واضح مع خطيبتك وعرفها الأفكار دي إيه وهي هتوضبلك أبو أم أفكارك دي – ولا هو تهرب من الواقع ؟ –
    إسمع ياعريس نص كم انت – أنت مش بتاع جواز ولا بتاع انشاء منزل وتكوين أسره والبنت صابره معاك وانت مستكردها بعبارة عاجباك أوي –((( محتاج فترة نقاهة وأرتب أفكاري )))
    بصي يابنت الناس أنتي متمسكه بأحبال دايبه دا مش هينفع زوج من الآخر اللي متغطي بيه عريان دا المفروض يبين كرامة أدام أهلك والمجتمع – هو مفيش في ايديه حاجه علفكره وهو أنظف من الصيني بعد غسيله – طبعه سئ واحواله المالية حتى مش متدهوره بل مفيش أصلا – هو قاعد يحلم ويعيش في أحلام يقظه ومتهيأله أن الدنيا ورد عندك و لمجرد أنه خاطبك – يافرحتي بجمال أهلك وانت ورطني لمدة ثلاث سنوات ونص ومفيش أي بارقة أمل في تقدم أو تغيير-
    بصي يابنت الناس استفتي قلبك ومادام خفتي من ملاوعته وتصرفاته اذن شوفي مصلحتك وحددي معه الأمور بالورقه والقلم والتوقيت فإذ لم تجدي إلا الرد الشهير ( أرتب أفكاري ) رتبي أنتي أفكارك واستعوضي ربك في ضياع ثلاث سنوات ونصف من عمرك وحتى لو استطاع إنجاز شيئا مرضيا المثل يقول
    (المصمصة متملاش قرب ) أى أن التنقيط لايروي
    أعطيه فرصة أخيره لتوضيح معالم هذه الخطبه وهل هو جاد في تشريفك أمام أهلك ولا لأ – وعلشان تعرفي أوعي تفكري أن اللي حواليكي مش بيتكلموا عليكم ؟ لا ياختي دول أكيد مبقوقين منه بس بيداروا عنك احتراما لمشاعرك وانا مش عايز أرغي كتير في النقطه دي معليش أنا صريح شويه ومنطقي وواقعي – ادعو لك أن يهديكي إلى الفلاح والصلاح وربي يضئ بصرك وبصيرتك

    قيم هذا الحل سلباً او ايجاباً: Thumb up 5 Thumb down 0

  2. المحبه
    03/12/2015 at 18:02

    بصي انا زيك كنت مخطوبه وكان كل حاجه تمام مره قالي انه هيشوف لسه ويقرر قلتله لسه هتقرر بعد ماخطبنا…..قالي دي فتره خطوبه وكل واحد بيشوف.. التاني وكده دي الخطوبه… زعلت من كلامه لان بعد ماخطبني جي يقولي كده.. وقلتله لسه هتقرر بدل مايقول كلمتين حلوين.. قالي دي فترة خطوبه طيب ماانافاهمه الكلام ده بس مايصحش واحد يقول لخطيبته الكلام ده..لانه يدل علي عدم استقرار رايه وتذبذب.. وعدم اقتناع.. انصحك خدي موقف وماتعديش الموضوع عادي.. لان لو عديتي دي هيخليكي تتنازلي بعد كده.. وهيتعبك انتي غاليه ودايما عززي نفسك وعمرك ماتقوليله… ايه رايك فيا.. او كده صدقيني لان شكله من النوع دا لو اهتميتي بيه بيدلع ويسوق فيها… انتي خاليكي قويه.. وعزيزه بس واتنمي ليكي التوفيق

    قَـيّـم هذا الحل: Thumb up 1 Thumb down 0

  3. وداد
    25/11/2015 at 08:18

    العطاء مقبرة الطيبين في الزمن ده .. مش كل شخص بتعطي من قلبك وروحك بيقدر الي بيحصل عليه بعض الناس لما بتكرميهم بيردوا الكرم اساءة للاسف
    ومعليش بس اغلب الرجال لما بيلاقوا انسانه بتفداهم بحجات ومش بتقصر معاهم بيبدا الاستغلال
    ولو مكنش استغلال بيحصل عدم اهتمام وتقدير انا راييي تنسحبي وتقوليلوا انو مش مضطر يرجع لانك غضيتي النظر عن العلاقة الي هو مش متاكد من مشاعره فيها وهوا دا كلام
    بعد الخطوبة والاتفاق وحب السنين افكار ايه الي عايزه تترتب دا ان دل بيدل على عدم مبالاه و لعب اطفال
    وانتي محتاجه رااجل يقرر امور حياته قبل ما يعلق الناس معاه صاحب كلمه وقرار
    مش بزعجك بكلامي .. بس انتي اعملي كده واذا كان كويس يراجع نفسه ويرجعلك بحماااس طالما صديتيه
    وفي شباب لما بيحسوا انتم بيخسروا حاجة مريحاهم بيدخل الخوف جواهم وبيحاربوا عشان ترجعلهم حاجاتهم الجميله
    اسال الله انو يوفقك و يدلك على الصح و الخير و يرضيكي فيه
    و يقول يارب يارب وفقني و سهل امري و سخر من آحـبُ لي و سخرني له واجمع بينا على خير

    قَـيّـم هذا الحل: Thumb up 1 Thumb down 0

اترك رداً أو حلاً لهذه المشكلة