مشاكل الخطوبة

لا اريد خطيبى واشعر ان حياتي ستكون مقرفة

انا مهندسه مخطوبه لمهندس من حوالى شهر واحد
المشكله انى وافقت عليه ف البدايه بعد تردد شديد
ولم اعرفه بذلك
الان وبعد ان علم الناس بخطبتى (خطوبه وليس كتب كتاب) ندمت واحسست انى تسرعت
هو اقل منى فى كل شئ الا ناحيه التعليم وهذا ليس المشكله
مشكلتى انه بخيل فى كل شئ ليس ماديا فقط ولكن الاهم انه بخيل ف المشاعر وفى الكلام الرقيق
احس بانه سعيد بى ولكن هو يحاول يدارى هذا
مش عارفه ليه حاسه ان حياتى هتبقى مقرفه وناشفه لما نتجوز
كمان هو اقل منى كما زكرت ف كل شئ
وعندما يرى نقطه غلط واحده فى او اهلى يمسك فيها
حاسه انه شخصيه مش كويسه
وبيعيب ع بابا مع ان ابويا من اهم الناس فى مهنته (طبيب)
وكمان رغم كل ده انا فى اول الخطوبه كنت بحاول امدح فيه ولكن رده انه يتنفخ ويتريق عليا
ولما اهاجمه بيتلم ويحترم نفسه
كان نفسى ف حد شخصيه احسن بكتير

كل الناس شايفه انى كتير عليه وحتى اهله شايفين كده
وانا حاولت انى محطش فى بالى الكلام ده وانه هيبقى زوجى واحبه واحترمه

لكن لما احترمه ينفش ريشه ويتنطط عليا
وبرده بعصر ع نفسى لمونه واكلمه حلو
انا نفسى اقول لاهلى انى افشكل الموضوع
لانهم اصلا هيتبسطوا اووى من كده
بس خايفه من العنوسه

للعلم انا عندى 22 سنه
وهو اكبر منى بكتير
بس انتو عارفين حال البنات عامل ايه
بالرغم من ان الواحده بتبقى جميله ومثقفه ومتعلمه ومتدينه وطموحه واهلها كويسين وكل حاجه

والمشكله التانيه انى افسخ خطوبه بعد ما الناس عرفت
مع العلم انى واللهى مش كنت بسمحلو حتى يبصلى بصه مش تمام
ارجوكم دلونى اتصرف ازاى

مشاكل وحلول ذات صلة

اضيف بتاريخ: Wednesday, May 2nd, 2018 في 04:23

كلمات مشاكل وحلول: , , , , ,

3 رد to “لا اريد خطيبى واشعر ان حياتي ستكون مقرفة”

  1. ابوالبتول
    02/05/2018 at 16:51

    مش عارف انت ايه اللي عاجبك في الشخص ده ورماكي الرمية السودة عليه طالما انك مش مستريحة معو وحاسه بكدا ولاتشعري معو بشئ من السعادة والامان فافسخ خطوبتك منه فورا وانت ماشاء الله زي القمر ومهندسة تعليم عالي والف من يتمناك

  2. كريم نور
    02/05/2018 at 09:14

    لو مش قتنعة بيه فشكلي فشكلة الخطوبة اهون لو اتزوجتي ومارتحتيش وتحملي لقب مطلقة .. افتكر دا الحال وربنا يسعدك

  3. hema
    02/05/2018 at 07:43

    اتركيه طالما مش مناسب وانتى انسانه متعلمه ومن اسره كريمه سيعوضك الله بما هو خير ولا تنظرى لكلام الناس حياتك الناس مش هتساعدك فى السعاده لو كنتى تعيسه الخطوبه معموله نشوف الشخص مناسب ولا لاء وكل واحد بياخد المكتوب ليه

اترك رداً أو حلاً لهذه المشكلة