مشاكل الخطوبة

هل ها يفتكر اني سهلة عشان مطلقة

انا مطلقه وعندي 24 سنه
و بقالي سنتين مطلقه وماكنتش ناويه اتجوز تاني عشان لاقيت ان حياتي ف بيت ابويا اريحلي من المشاكل والضغوط و الحياه وماحدش هيحبني زي اهلي
وكان لما حد يتقدم برفض.. بس الفتره الاخيره كنت بدات اضعف و ادوب بس الحمدلله ما استجابتش لاي كلام الحمدلله
بس من شهر ونص كدا في حد اتقدم هو ماتجوزش قبل كدا وعنده 37 سنه كبير ( بس مايبانش عليه و محترم جدا و علي دين الحمدلله واهله ناس كويسين و اصلا انا معرفش ايه خلاني اوافق عليه.. انا والله اتشددتله لوحدي كدا من يوم الرؤيه الشرعيه
المهم الاحداث مشت بسرعه جداا الرؤية كانت ف يوم و تاني يوم اتقرا فاتحه و بعدها باسبوعين اتخطبنا واهو عدى اسبوعين كمان اهم
كلامنا كويس و ف حدود واحترام و كل حاجه
بس طلب مني يمسك ايدي كنت برفض وبشده والله. و طلب يبوس راسي من باب التقدير ( كل دا انا كنت شايفاه عادي و ببراءه)
المهم انا ف الاخر وافقت و لم مسك ايدي انا حسيت احساس مش عارفه اوصفه.. و حاول يقرب يبوس راسي كنت لاقياني ببعد غصب عني مستحرمه علي مش مدركة اني بعد ما ربنا هاديني طول الفتره دي اجي ف الاخر اخيب واعمل حاجه غلط.. واصلا الفرح ناقصله شهر واحد بس فمش مستهله نستعجل
المهم حاول يحضني ماكنتش مستجيبه ف البدايه بس استجبت ف المره التالته و انا كمان لمسته بايدي حاول يبوسني علي راسي و نزل لخدي و كنت ببعد شويه بس جه يقبلني ف شفايفي بعدت تمامااا
انا عارفه اني غلط جداا والله يباركلكم لو انا شايفه ان دا كله عادي ماكنتش جيت اكتب مشكلتي
اصلا كلللل اللي انا قولته دا ماتعداش ال10 دقايق
بما فيهم المحاولات
انا اساسا من جوايا هاشه جداا و ضعفت لاني من جوايا حابه انا كمان كدا لاني حسيت ف الفتره بين قراية الفاتحه للخطوبه اني بتعلق بيه وبحبه معرفش ليه ولا ازاي والله

هو عشان كبير. وانا عشان مطلقه
انا ببص للموضوع بنظرة نضج واننا كبار علي اننا نفهم بعض غلط
هو مبسوووط جدا من ساعة ما لمسني وانا كمان.. بس انا ندمانه جدا وقولتله ولما بساله بيقولي لا مش ندماان خالص وبيقولي لو شوفتك تاني هحاول تاني
احنا اصلا كل واحد فينا من بلد و شوفنا بعض ف سفرية قراية الفاتحه و مره ف سفرية الخطوبه ومش هشوفه تاني الا ف سفرية الفرح
يعني انا كدا شوفته مرتين بس و التاالته هتبقي ف الفرح ان شاء الله
الفرح باقيله شهر اهو وانا بقيت متشوقه اكتر اعيش معاه ومش عارفه امنع اي كلام فيه تجاوز بل بالعكس انا كمان بعبر عن احساسي بالانبساط يومها.. ( بس دا اقصى كلامنا مفيش اي حاجه اكتر من كدا)
تفتكروا هيقول في عقل باله عشان مطلقه فسهله ؟؟
تفتكروا ربنا هيسامحنا وهيباركلنا ف حياتنا بعد كدا حتي لو بطلنا نعبر عن احساسنا بالكلام
انا وهو واهلي واهله شبه علي ميثاق ان الجوازه هتتم هتتم من غير اي فركشه ان شاء الله
وانا والله سمحت لنفسي اقرب لاني بحبه والله ولاني شايفاه زوج الدنيا والآخره مش لمجرد اني بقرب لحد وخلاص
انا حاسه ربنا عوضني بيه والله انا بحب شخصيته جداا ومبادئه وتربيته جداااا وامانته واخلاقه و اصوله و علاقته بربه
صراحة انا مش متاكده بيحبني ولا بس عشان اي بنت هيتجوزها وخلاص وعشان السن عدى بيه
ونفسي اخليه يحبني زي مابحبه

مشاكل وحلول ذات صلة

اضيف بتاريخ: Sunday, May 20th, 2018 في 13:06

كلمات مشاكل وحلول: , , , , ,

5 رد to “هل ها يفتكر اني سهلة عشان مطلقة”

  1. صاحبة المشكله
    01/06/2018 at 03:52

    الحمدلله خطيبي سافر بره مصر جاله سفريه واضطر يسافر فمش هيحصل اي غلطات بينا مع الاسف كان اخر مره لما جه بدانا نغلط بس الحمدلله جت سفرية بره البلد هتخدمنا
    والفرح هيتاجل سنه
    المصيبه بس انه طلع متجوز قبل كدا مره وماكنش قايل انا مش عارفه ليه اصلا يخبي
    بس انا سعيده انكم رديتوا عليا و خصوصا الرد الاولاني القصه اثرت فيا

    قَـيّـم هذا الحل: Thumb up 0 Thumb down 0

  2. ابوالبتول
    22/05/2018 at 00:53

    عايز احكي لك قصة حصلت معي كنت خاطب بنت وهي كانت مطلقة وسبق لها الزواج من شخص ولكنها طلقت منه بعد 3سنوات من زواجها وفعلا احببتها من كل قلبي ورايت فيها الزوجة المناسبة لي رغم ممانعة اهلي في البداية على الارتباط بها لكونها مطلقة ولاحظت منها امور مش كويسة اثناء فترة الخطوبة عندها تحرر زيادة عن اللازم ولاتمانع من مسك يديها والقبلات والاحضان حتى عندما تخرج معي في السيارة تتصرف تصرفات غير اخلاقية تحاول اغراءي واثارتي بطرق لم اتوقع انها تحصل منها رغم انها متدينة وعلى خلاق وتربية واهلها ناس كويسين وهذا اثار استغرابي من تصرفاتها الغير طبيعية معي وفي مرة كنت في بيتنا واهلي مسافرين والقي الباب يخبط فنظرت من عدسة الباب فذا هي خطيبتي وفتحت لها الباب واستقبلتني بالقبلات الحارة والاحضان وكانت في قمة هيجانها واثارتها فاخبرتها بانني في البيت لوحدي واهلي مش موجودين فشعرت بالارتياح والسرور وقالت كويس ياحبيبي هناخذ راحتنا وكنت في غاية الاحراج والكسوف منها لانني عمري ماعملت كدا في حياتي مع اي بنت ولقيتها مقلعه هدومها وتعرت امامي وتطلب منى ممارسة الجنس معها ولكنني رفضت الانصياع لها وطلبت منها ارتداء ملابسها ومغادرة البيت فورا واستخرت الله عزوجل في امر زواجي من هذة البنت والحمدلله ربي ارشدني للصواب وقررت ان افسخ خطوبتي منها فورا واخبرت اهلها بان الزواج قسمة ونصيب وكل منا راح لحال سبيله والحمدلله ربي اكرمنى بالزواج من بنت خالتي وعشت معها اجمل ايام حياتي وحياتنا سعيدة ومستقرة والحمدلله ونعم الزوجة الصالحة التي عوضنى الله بها في هذة الحياة

    قَـيّـم هذا الحل: Thumb up 0 Thumb down 0

  3. ابوالبتول
    22/05/2018 at 00:33

    الاخت العزيزة الف مبروك على خطوبتك دي وربنا يتمم لكم بالخير ياقمر ويؤفقكم ويسعدكم في حياتكم القادمة عايزك نمنعيه من الحاجات دي من مسك اليدين والاحضان والبوس قبل الزواج كلدي حرام ولاتجوز في فترة الخطوبة وحافظي على دينك وخلاقك وشرفك وسمعتك وسمعة اهلك علشان ربنا يبارك لكم ويؤفقكم في حياتكم القادمة ماحدش عارف ايه ممكن يحصل لاقدرالله واتفركشت الخطوبة وحصلت مشاكل وخلافات بينكما اوبين اهلك واهله فعندها سوف وضعك حرج جدا وهوممكن يطلع عليك انك بنت مش محترمة ومتساهلة جدا في شرفك لانك سمحت له بهذة السلوكيات المحرمة والخاطئة ارفضي تماما الالتقاء به والخلوة معو او الخروج معه لوحدكم او الكلام في امور محرمة كالجنس واثارة الشهوات والغرائز وكذلك عدم السماح له بمسك الايدي والاحضان والقبلات قبل الزواج واياك والتساهل معو في الامور هذة وربنا يسترعليك ويتمم بالخير لك ويؤفقك ويسعدك في حياتك كلها

    قَـيّـم هذا الحل: Thumb up 0 Thumb down 0

  4. keko
    21/05/2018 at 01:42

    طيب اولا الف مبروك وربنا يتمملك بخير يارب بس انا ممكن اطلب منك طلب معلش انا عارف انك فى احتياج شديد لاى عاطفة تبرد مشاعرك المكبوتة بس انا كاخ ليكى بقولك والله بيفركشوا الجوازة قبل كتب الكتاب بساعة فمتطمنيش لحد وخلى فى حدود وارفضى بدلع البنات بتاعكو ده اه يعنى خليه يموت ويشرب بس مينولش حاجة لغاية ما ربنا يكرم وابقوا ساعتها اعملوا اللى تحبوه

    قَـيّـم هذا الحل: Thumb up 0 Thumb down 0

  5. Dr-aaa
    20/05/2018 at 17:19

    انت عارفة انه الي حصل غلط،، حافظ على نفسك ودينك واخلاقك وسمعتك ،،الأموربيدالله يقلبها كيف يشاء فلاتعتقد ان الاتفاق ان الزواج بعد شهر سيعطيك ضمان لمعصية الله،،ربما فجأة لا قدرالله يتفركش الموضوع،اتذكر زميلة كانت مكتوب كتابها وكان يقول لها انا حاحافظ عليك لحد يوم الزواج لأني مااضمنش عمري ربما وانا خارج من عندك تخبطني عربية واموت لذلك مش حالمسك كزوجة الابعدالزواج،،صدقيني ابحث اولا عن رضاربنا وهو حيبارك لك،،حتى مجرد الكلام امنعيه بس بدبلوماسية وقول له بعد شهر باذن الله حتسمع الي يرضيك

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة