انا فتاة ابلغ من العمر22 عام حاصلة علي مؤهل عالي والحمد الله جميلة الشكل والخلق ولكن رغم ذلك الناس تذكرني بقلة الحظ وخاصة المقربين ليةبسبب مااتعرض له في حياتي الخاصة مشكلتي اني كنت مخطوبة لشخص قريبي لي من تانية ثانوي بناء علي رغبة ابي بعد تدخل الاقارب لأن العريس قريبي وكان لقته بالنسبة لأبويه وأمي انه بيشغل شغلانه بياخد مرتب مغري فيها ومفكروش في فرق السن ال بنا ولا سألوا وانا مازلت صغيرة ومش عارفه اخد قرار وكنت ماشيه وري ابويه وأمي ومرت الشهور والعريس المغري بمرتبه ساب الشغلانه ال بيشغل فيها وفي اخر 3ثانوي في الاجازة سافر ايطاليا وبدأت اعاني من المشاكل والضغوط النفسية وأصبحت غير قادرة علي اتخاذ قرار لأني حبيته حب ملهوش حدود وحاسه انه ملهوش ذنب في الظروف ال أتحط فيها لأن سنه كبر في الزواج اصبح42سنه ولم يسبق له الزواج ولم يكمل تعليمه الجامعي بسبب ظروفه فاقتصر علي الدبلوم وكان انسان فيه قمة الاحترام وكان مكافح وبيحبني بجد وبيخاف عليه حتي من الكلام ال بيقوله وتفقوا مع بابا انه يسافر لغاية ماخلص تعليمي الجامعي وبدأت أنضج وأفكر في فرق السن ال كان 19 سنة وبلدي البعيده وفرق التعليم وكل ماخد قرار اني اسيبه يصعب عليه لأنه مالوش يد في ال فيه وألاقي نفسي بحبه ومش قادرة ابعد عنه وحاولت مرتين اني اقوله مش عاوزاك أقوله وأرجع تاني اتأسفله وأصلي صلاة الاستخارة علشان ربنا يقدملي ال فيه الخير سواء بالجواز منه اوبغيرة ومرت السنين وأكملت تعليمي الجامعي وأتفقنا انه ينزل علي شهر 6بعد ماخلص امتحانات رابعة ولم ينزل وبدأت اعاني من مشكلة الاقامه علشان يرجع تاني ايطاليا ويكون السفر مصدر رزق ليه ولكن للأسف كان مقدم ليها من وانا بتعلم في الجامعة وكان متخيل انه يستلمها بعدمااخلص تعليمي الجامعي وننزل نجوز ولكن للأسف حصل أخطاء في الورق فأجل النزول لشهر 10 ولم ينزل وبعدين لشهر11 وبعدين لشهر 12 وبعدين لشهر 1 وبعدين لشهر6 وبعدين لشهر 8 ولم ينزل لأن المحامي بيأجل في الورق كل شوية نفسيتي تعبت من كلام الناس وال بسمعه عني وعنه ال بيقول ان هوه اجوز في ايطاليا وسابها………..الخ واصبحت مخطوبه من 7سنوات ومش عارفه هينزل امته وانا عايشة في ريف والنلس مش بتبطل كلام وناس عاوزين يتقدمولي بسبب طول فترة الخطوبة وكل زميلي أجوزو وخلفوا بيعيروني واصبحت لا اتحمل فكلمته وقلتوله كل شيء نصيب ورجعتله تاني وتأسفتله لأني مش قادرة ابعد عنه وعارفه ان دي ظروف وواثقه منه ومن أخلاقه وقولتها لو للمرة الرابعة مش عاوزاك بطريقة صعبه وطلبت منه انه يبعت ابوه ياخد الشبكه فا اعصابوا تعبت مني وبعت ابوة وأخد الشبكة بناء علي رغبتي وهو منهار وأعرف مدي حبه لي فأحسست ان ده الخير ال ربنا قدمهولي بناء علي صلاة الاستخارة لأن الامور مش في صالحنا ومش متيسرة وبعد يومين اتصل بابا وعاوزني أسافرله ونكتب الكتاب ونعمل الاقامه وننزل تاني وهوه مش عامل اقامه يعني اقامته غير شرعيه بابا رفض لأنه جواز علي احتمال ورجعت حنيت ليه تاني وكلمته بس في الوقت ال الكل ابوه وابويه رفضوا الارتباط لأن الشبكه رجعت لأبوا العريس والعائلتين زعلوا من بعض ورجعنا نتكلم من ورى العائلتين وطلب مني اني استناه 4اشهر ال جايين علي مايستلم الاقامه لأنه ماينفعش ينزل لأنه حط فلوسه كلها في الاقامه وأرفض اي عريس يتقدملي لأني اصبحت غير مخطوبة وهوه هيستلم الاقامه وينزل يصلح الامور تاني ويصالح العائلتين علي الرغم ان ابويه وامي قالولي مستحيل انك عتي ترجعي ليه لأن احنا ال حطناكي في المشكلة دي ولأن سنه كبر وانا متعلقه بيه وصعبان عليه لأن كل ال بيحصله غصبن عنه وحالتي النفسية منهاره السؤال هل اكلمه لغايه ما يستلم الاقامه ولا يعتبر خيانه لأمي وأبي؟ هل انفصل عنه نهائيا ومكلمهوش لأنه اصبح غير مكافئ لي؟ وأسفه علي الاطاله
مشاكل الخطوبة
انجرحت بسبب خطوبة محكوم عليها بالفشل
اضيف بتاريخ: Tuesday, February 15th, 2011 في 04:30
كلمات مشاكل وحلول: الخطوبة, الزواج, ثانوي, صغيرة, صلاة الاستخارة, فتاة, فترة الخطوبة, فرق السن, مشاكل الخطوبة
شوفي يااختي الزواج قسمةونصيب لازم تومني بالشي ده وتسلمي بيه الشاب ده ماينفعكيش ابدا وهولوكان صادق وجاد في الارتباط بك من الاول لجاءوخلص كل حاجةمعك على الاقل كتب الكتاب ودخل بك عش الزوجية وبعدهاسافر يكمل تعليمه ماحدش حايشه ابدا ولكن شافك ساكتةانت واهلك على الوضع ده واستمر في التهرب من اتمام الزواج منك والافضل انك انت صاحبةالشان تحط النقط على الحروف وتضعي حدلهذةالمهزلة بنات الناس مش لعبة عنده هوواهله امايجي فورا ويتمم مراسم الزواج حسب العادات والاصول اوارمي له الشبكةفي وشه وانسيه خالص واعتبري نفسك ماتخطبتي نهايا وربك بيعوضك خيرمنه بيكرمك بالزوج الصالح اللي يستاهلك ويخاف الله فيك ويسقدريسعدك خسارةتضيع شبابك على واحداناني مايستاهل ولايحترم وعوده وكلمته مع الناس فلاخيرفيه اطلاقا مش كفاية انه اكبرمنك في السن ودي وحدهامعضلةكبيرة تعيق الزواج منه ولووحدة غيرك ماقبلت به زوج لهالفارق السن الكبيربينكماولعدم احترامه لمشاعرك انت واهلك وتعليقه لكى طوال هذةالمدةدون اتمام الزواج منك وكانك راميةنفسك عليه ولازم تخلصي منه وتنهي هالخطوبةالمشومةوالفاشلة وربي يسترعليك ويوفقك
يابنتي مابنى على باطل فهوباطل ازاي تنخطبي لواحد مغترب اكتر من 7سنين طيب اهلك ليه ماتدخلو بسرعة لاتمام الزواج وضغطواعليه يجي ويخلص اللي في ايدوه وتتزجوا حرام عليهم كلذا يحصل وهم ساكتين وانت افسخي خطوبتك من الراجل ده فورا واقطع علاقتك به وربنا بيكرمك براجل يستاهلك
نصيحة منى ليكى انتى تخبرى ممتك بينك وبنها قوللها انك بتحبيه ومش قادرة تستغنى عنه ويارب يسعدك يارب وملكيش دعوه بكلام الناس
يا سمسم حرام عليكى خليكى حضره خير هى بتقولك بتحبه ومن فتره طويله وهو كمان بيحبها ومنتظرها بسى الظروف هى اللى طولت المده كده انتى تردى عليها تقوليلها سبيه ده كبير عليكى هو بعد كده حيعوز اللى يسنده وانتى كلك حيويه طيب ينفع الكلام ده امال الحب راح فين بتاع الزمن الطويل ده اتبخر بسهوله نصيحتى ليكى يا اختى صاحبه المشكله ان كنتى فعلا بتحبيه من قلبك وهو كذلك فانتظريه مهما طالت المدهلانك لو تزوجتى كل يوم واحد من جواز الصالونات ده مفيش حد يقدر يقولك ان كنتى حتكونى سعيده فيه ولا لا وربنا يقدملك اللى فيه الخير
بصى انا بامانة مش عارفة اقولك اية بس بالطريقة دية انتوا متنفعوش لبعض والحب مش بيجى مرة وحدة فى الحياة الحب بيجى كتير وانتى لو لقاتى واحد شخصيتة حلوة ممكن تتعلقى بية وتحبية ان لو مكانك مش عرفة هعمل اية لانى مش هعرف احكم بعقلى ولا بقلبى بس دلوقتى انا مش مكانك وبحكم بعقلى وبقولك مينفعش هو هيعجز قبلك بكتير هتبقى انتى لسة فيكى حيوية وشباب وهو عايز الى يسندة انتى كدة بتحكمى على نفسك انك تفضلى مربوط ومتكتفة طول عمرك نصيحة واعتبريها من وحدة زى اختك اسمعى كلام ممتك وباباكى واقطعى معاه بكل احترام وقوليلوا انا خلاص لازم احترم كلام ممتى وباباى وانا اسفة لازم اسيبك واطعى معاه ومتكلمهوش وادى لنفسك فرصة تقبلى الى بيتقدمولك وتشوفى يمكن تلاق فيهم الى يصلح انك تبقى مراتة وانة يبقى جوزك