انا شاب عندى 19 سنة
المشكلة ان فى صديقة اصغر منى ب 3 سنين بتعتبرنى زى اخوها و يمكن اكتر لدرجة فى كل حاجة بتحكيلى عليها و ديما بتثق فى رائيى
فا فى يوم لقيتها بقتولى ان فى واحد فى سنها ديما مش بيتحرك من تحت بيتها و كل ملا تروح مشوار تشوفة و كذة مرة يقولها انة بيحبها و اكتشفت انة بقالة سنة و نص على الحال دة انا قولتلها لو بيحبك انتى هتحسى بية و سعتها انتى بس الى هتعرف اذا كان بيحبك ولاا لاء و تقدرو تكملو مع بعض ولاا لاء
و انا عارف كويس ان دة حب مراهقة و هيعدى و اهو اى كلام و خلاص ما كل الناس بتعدى ب المراحل دى (و ياريتنى ما كنت قولتلها الكلام دة) لقيتها بعد مام يوم متعلقة بية و بتموت فية مكملتش شهر و بتقولى احنا هنتجوز عرفى ضحكت و قولتلها يا بنتى انتو لسة اطفال و مصدقتش لحد ما جت فى يوم و بتقولى احنا اتجوزنا خلاص نزلت فيها شتيمة و لو كونت اطول اضربها كنت عملت و مش مصدق الى هية قالتة قولتلها اذا كان عمل حاجة معاها قالتلى لاء هية ورقة بس علشان منحسش اننا بنعمل حاجة غلط و اصحاب الولد شهدين علي الورقة قعدت انصحها قعدت تقولى كلامك صح و انا واثقة فية بس مقدرش و بموت فية و لو بعدت عنة هموت (اموت و اعرف بتسمعى كلامى فى كل حاجة الاا دى عارفة انها غلط و مش عايزة ترجع عن الى هية فية) قعدت اقولها هيجى فى يوم و يستغلك و انتو اصلاا لسة صغيرين و لو بيحبك بجد هيستنى لما تكبرو برضو مش عايزة ترجع عن الى هية فية لدرجة صحبتها كلمتها و رائيها من رائيى و برضو مش عايز ترجع عن الى هية فية
انا كل الى مضيقنى ان انا حاسس ان انا الى ورطتها لما سبتها فى الاول تكلمة لدرحة زعلت منها جامد اول ما جبت اخرى معاها و هية اصلاا مبتحبش ان انا ازعل منها لدرجة ممكن تعمل اى حاجة علشان تصلحنى بس برضو مش بترجع عن الى فى دمغها
حد يقولى اعمل اية مع البنت دى خلاص زهقت من عندها دة و برضو انا مش هسبها فى الى هية فية
محدش يقولى قول لاهلها لو قولتلهم تقريبا كدة هتحصل مشكلة اكبر لان اخوها ظابط و باقى اخوتها البنات الى اكبر منها ميعرفوش غير انها بتحب و خلاص
و اخوها الى اصغر منها بسنة مخبية علية
حد يقولى اعمل اية معها
مشاكل الزواج العرفي
صديقتى مثل اختى و متزوجة عرفى
اضيف بتاريخ: Saturday, September 9th, 2017 في 04:59
كلمات مشاكل وحلول: اطفال, الزواج, المراهقة, بنت, حب, زواج, شاب
شوف اول حاجه تعملها انك تقول لحد من أخواتها البنات اللي يكون قريب منها اوي وتفهميه الموضوع تمام علشان اختها تحاول تتكلم مع الولد وتاخد من الورقه العرفي ولو مارضيش يديها الورقه تهدده انها هاتقول لاهله وهاتعمله محضر ولما يديها الورقه ينتهي الموضوع بس لازم تعمل كده قبل ماتحصل مشكله اكبر ويحصل علاقه بين صديقتك والولد ده وساعتها المشكله مش هايبقلها حل هما حاليا كل اللي بينهم ورقه حاول تاخدها او تقول لأهلها او اختها زي ماقلتك وأن قطع الورقه وينتهي الموضوع قبل ما يحصل بيهنم حاجه وتبقي انت السبب لو اتأخرت في تنفيذ اللي بقولك عليه حتي لو انت خايف تقول لأهلها علشان ماتحصلش مشكله هاقولك احسن ما تتم علاقه بينهم وتبقي المشكله اكبر بتطير ولو انت عرفت تاخد الورقه من الولد ده وتهدده انك هاتقول لأهله ولأهل البنت لو مارضيش يديهالك وخلي البنت تبعد عن الولد ده لأن حتي لو خدت منه الورقه ممكن يضحك عليها ويعمل ورقه تانيه او يعمل علاقه معاها علي أساس أنهم بيحبو بعض ربنا معاك
صديقتك دي بنت سافلة وبلاخلاق ولاتربية طالما انك نصحتها وخايف عليها وبرضو ماسمعتش كلامك وراحت تزوجت الواد صاحبها زواج عرفي تبقى في حكم الدين زانية لانوالزواج العرفي ليس بزواج صحيح وبدون موافقة ولي الامر انصحك بتركها فورا وقطع صداقتك لها للابد وليس لك دخل بها لست من اهلها ولاوصي عليها ابعدعنها ان كنت عاوز السلامة وراحة البال وتحرص على سمعتك وكرامتك دي ممكن تورطك وتقول عليك انك من شجعتها عل هذا الزواج لاتستغرب من وحدة بهذا المستوى المنحط من الاخلاق والتربية تعمل اي حاجة وربي يستر عليك ويكفيك شرها
مع اعتراضي على حكاية الصحوبية بين الولد والبنت،،لكن خلينا نناقش المشكلة الضمير والأمانة يقتضي انك تكلم أهلها فورا ،،اسمع كلامي دون أهلها ولازم يلحقوها،،لأن البنت ماسمعتش كلامك واذا استمرت في الطريق ده حتفقد شرفها وأعز ماتملك،،لذلك أرجوك تبلغ أهلها بشكل غير مباشر مثلا اتصال من كبينة ،،بالكثير حيضربوها ويمنعوها من الانحدار،،لكن سكوتك ربنا حيحاسبك عليه