مشاكل الزواج

بحبها وشاريها حتى بعد رفضها الارتباط بيا

ياجماعة انا طرحت مشكلتى قبل كده ليه الإدارة منشرتهاش أرجوكم أنا محتاج حل لمشكلتى لو سمحت

القصة إنى بحب واحدة معايا فى الشغل منذ حوالى شهر ونصف كلمت واحد صحبى يتوسط ويكلمها وده لأولا إنى لبخة فى الكلام مع البنات وثانيا كنت خايف من رد الفعل المهم صاحبى كلمها وقالها على ظروفى وإنى عايز أتقدم ليها فقالتله ماشى بس إدينى فرصة أقول لماما وخالو أنا سيبتها فترة تفكر وتشور أهلها بس المدة طولت هو المفروض أنا كنت آخد الرد منها بس حصلت ظروف منعت ده وكمان لأنى مش عارف أكلمها فى الشركة نظرا لطبيعة العمل فيها وكمان عشان انا خايف عليها مش عايز حد يكلم عليها نص كلمة بالصدفة عرفت إنها ساكنة عند إبن عمى فكلمته يكلم أهلها ويفاتحهم فى الموضوع فكلمهم وجاء الرد بالرفض والسبب إنها مش مستعدية للخطوبة والجواز دلوقتى مع أن كان فيه قبول ونظرات عنينين متابدلة وده إلى شجعنى إنى أتقدم ليها ؛ إحساسى وقلبى قالولى إن فى حاجة فى الموضوع غلط أو مستخبية قلت يمكن مرتبطة مطلعتش ولو كانت مرتبطة مكنتشى طلبت فرصة عشان تفاتح والدتها وخالها كانت نهت الموضوع من الأول المهم عرفت بعد كده من إنسانة قريبة ليها فى الشركة إنها عندها مشاكل جامدة فى البيت وهى متقدرش تسيب مامتها وأخوها الصغير خصوصا إن والدها متوفى وتعتبر هى اللى بترعاهم . لما عرفت ياجماعة إن ده سبب الرفض تمسكت بيها أكثر وعرفت أد إيه الإنسانة دى قلبها كبير وبتضحى بنفسها عشان أهلها عرضت عليها إنها تجيب مامتها وأخوها يعيشوا معانا فى البيت خصوصا إن البيت واسع وفيه أوض كتير . آخر مرة إتصلت بيا فى تليفون الشركة وقالتلى بالحرف أنت إنسان محترم وكويس جدا بس أنا عندى ظروف ومشمستعدية دلوقتى للخطوبة والجواز كل شيئ قسمة ونصيب .أوعدك وقت ماافكر فى الجواز انت هتكون أول واحد أفكر فيه
إيه رأيكم ياجماعة فى الكلام ده وإيه تفسيره هل ده رفض بطريقة مهذبة ولا تأجيل للموضوع .أنا أحترت مشعارف دماغها فيه إيه .مشعارف أركز فى شغلى من كتر التفكير فيها واللى بيزيد الامر صعوبة إنها معايا فى الشغل يعنى باشوفها بإستمرار قدام عنيا أعمل إيه أعتبر الموضوع منتهى ولا أحاول أقنعها بأنى شاريها ومستعد اعمل أى حاجة عشان أرضيها وترتبط بيا ..أرجوكم ساعدونى وقولولى إيه الحل بالله عليكم بالله عليكم ياإدارة الموقع إنشروا المشكلة …وآسف جدا للإطالة

مشاكل وحلول ذات صلة

اضيف بتاريخ: Sunday, February 25th, 2018 في 17:26

كلمات مشاكل وحلول: , , , , ,

ردود to “بحبها وشاريها حتى بعد رفضها الارتباط بيا”

  1. ابوالبتول
    25/02/2018 at 23:44

    شوف يااخي انت اداك العيب تعرف الاصول وعاوز البنت بالحلال وخليت صاحبك يكلمها في الاول وقالت انها هتخبرك امها وخالها في الموضوع وانتظرت عليها وماردتش وبعدها كلمت ابن عمك بحكم انه جارهم في الحي وقالوا انها غير مستعدة للخطوبة والجواز في الوقت الحالي وانها تصرف وترعى امها واخوها الصغير وتتحمل مسوولية البيت الى اخره فمن راي المتواضع انك ماتلح عليها في الموضوع وتحترم رغبتها وتتعامل معها كزميلة لك في العمل او اخت لك وتحرص على الحفاظ على سمعتها وكرامتها قدام الناس وكل شي قسمة ونصيب مش عارف ان كانت البنت صادقة معك في كل ماقالته لك او انها رفضتك بطريقة مهذبة لاتسبق الاحداث واصبر عليها فلكل حادث حديث مثلما يقولون خليك معها في غاية الاحترام والتقدير وعاملها كويس واسال عنها اذا غابت عن الشغل واللي فيه الخير ربنا يقدمه اذا كان لك نصيب معها فسوف يكون باذن الله مافيش نصيب خلاص انتهى الموضوع ربنا يؤفقك ويكرمك بكل الخير

اترك رداً أو حلاً لهذه المشكلة