مشاكل الزواج

عايز ارجع علاقتى بيها زى الاول وارضي اهلها

انا قبل ما اكتب اى شىء يا ريت تصارحونى انا ظلمتها ولا هى ال ظلمتنى (انا اتعرفت على بنت ولما اتقربت منها حسيت ان هى دى الانسانة ال بستناها طول العمر هى فى الكلية وانا بشتغل فى شركة المهم اعترفت لى اول ما عرفتها اننها اتعرضت للاغتصاب من واحد جارهم اتهجم عليها من 3 سنين وانها مش بنت بنوت المهم زعلت جدا ان دى تبقى كدا ومع الوقت لقيتنى بتقرب منها وحبيتها فعلا وهى حبتنى جدا وقلت لها انا هتقدم اخطبك وعرفى مامتك اننا بنتكلم ومامتها رحبت بيا جدا وفعلا اتقدمت لباباها وكان مرحب بيا ومع العلم محدش يعرف انها كدا من اهلها المهم اتقدمت ووافق فى الاول وقال لى لازم تقعدوا مع بعض لو ارتاحتوا مع بعض اوك ما ارتحتوش يبقى مفيش نصيب دا كلام بباها قلت يبقى كدا الموضوع متيسر المهم سال عليا وبعد ما رحت مرة واتنين وجبت اهلى واتعرفنا ببعض لقيتة بيكلمنى وبيقول لى معلش انا مش عايز اغربها وبعد كدا عرفت انة رفض عشان بيتنا ما عجبوش المهم حاولت اصلح بجميع الطرق حتى بباها بقى يتهرب منى ومع دا كلة كانت البنت معايا لحد ما حسيت ان مامتها رفضانى لانها عايزة لبنتها عريس على مزاجها ماديا المهم انا بقيت فى حيرة والبنت كدا وهى معايا وعمرى والله ما فكرت المسها عشان حبيتها لحد ما حاولت تانى مع مامتها وبردة امها تقول لى انت مش من مستوانا المادى فاتخنقت جدا مع انها عاديين جدا بس عقلهم موصلهم ان تمسكى بالبنت طمعان فيهم ومامتها قالتها لامى هو متمسك بيها كدا لية رحت لشيخ فى الازهر سالتة اعمل اية قال لى قول لمامتها انها كدا وربنا ييسر الدنيا فقلت لها انى مستعد اخدها بالهدوم ال عليها والله ولو عايزين اى ضمانات انا موافق امها قلبت الدنيا وانى بسب بنتها وحلفت انها كشفت على بنتها وانها سليمة مع العلم ان امها ما اخدتهاش لاى دكتور وانا اخدتها للدكتور واتاكدت والوقتى بقيت انا مكروة من اهلها حتى البنت قالت لى انى فضحتها وانها قدرت تقنع امها انها كويسة وامها صدقتها ولحد الان البنت معايا بس خايفة منى وانا عايزها ومش عارف اعمل اية بجد لانى تعبت بجد يا ريت حد يدلنى اعمل اية البنت بتضيع منى كل يوم عن ال قبلة مع العلم انها بتقول انها بنت وانا متاكد من الدكتورة بردة كدبتنى دا حتى من زعلها جة لها السكر وبتقول انى السبب فى ال حصل والله العظيم امها ظلمتنى جدا لانى كنت ناصح ليها مش بكسر عينها حتى اتعرفت على ابن عمتها والكلام كان واصل لة من واحد صاحب ال عمل فيها كدا وهو اكد كلامى انة وصل لة بردة ومفيش فايدة ولا عطوا كلامى ولا كلام قريبها اى اهتمام اعمل اية بس ولحد الان بترفض اى عريس بحجة انها مش عايزة الوقتى وكنا متفقين تكمل السنتين ال فاضلين فى الدراسة بتاعتها واحاول اتقدم لها تانى واظبط امورى بس مش عارفين نرجع زى الاول هى مكملة خايفة لاذيها بس انا عمرى ما هعمل كدا وحست انى وحش جدا لما قلت لاهلها بس ربنا اعلم بنيتى ولحد الان هى معايا بس علاقتنا زى الزفت بجد مش عارفة تنسى لى انى قلت وولا عارفة تسبنى مع انها بتقول انها كرهتنى لما قلت مش عارف اعمل اية حسبى الله ونعم الوكيل فى ال كان السبب عايز ارجع علاقتى بيها زى الاول وفى نفس الوقت ارضى اهلها وافهمهم وما تستغربوش انى سامحت انها كدا بس بجد انسانة طيبة جدا وغلبانة وانا بجد بحبها وال بيحب بيسامح انا هموت من التفكير اصبر شوية واروح لاهلها اعتذر لهم واحاول ارجع ثقتهم فى ولا اعمل اية وارجع البنت ازاى زى الاول بالله عليكو دلونى

مشاكل وحلول ذات صلة

اضيف بتاريخ: Wednesday, July 11th, 2018 في 14:26

كلمات مشاكل وحلول: , , , , ,

ردود to “عايز ارجع علاقتى بيها زى الاول وارضي اهلها”

  1. ابوالبتول
    12/07/2018 at 21:06

    شوف يااخي الحبيب كل شئ قسمة ونصيب ومستغرب جدا اصرارك على الارتباط من هذة البنت بعد كل اللي حصلك من اهلها واساءاتهم المتكررة ليك بغض النظر انها تعرضت للاغتصاب من شخص ربما يكون غصبا عنها وده بيحصل لكثير من البنات لكن المصيبة انو اهلها يكذبوا وغير معترفين بالشئ ده فلانصحك باستمرار في العلاقة مع البنت اتركها وابعد عن المشاكل ووجع الراس وابحث لك عن بنت الحلال اللي تستاهلك الدنيا مليانة بنات كويسات واحسن منها مليون مرة والظاهر ان حبك للبنت اعماك عن معرفة الكثير عن اهلها وصدقني لن تكون سعيد ولامرتاح في حياتك معها بسبب اهلها دول انت تقول البنت كويسة وطيبة وغلبانة الى اخره لكن ده زواج يابن الناس واهلها ناس مايتعاشروش وهتكون في بينكم مشاكل وخلافات لاتنتهى ابدا انت في غنى عن كلهذة المشاكل والخلافات تمنى انك تفكر بعقل بعيدا عن العواطف والمشاعر وتاخذ راي اهلك في هذا الموضوع فهم ادرى منك بالحياة وتجاربها ولااظنهم يوافقوا على ارتباطك بهذا الشكل وربي يؤفقك ويكرمك بغيرها ان شاء الله

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة