مشكلتى باختصار انى خاطب بنت كانت مخطوبه قبلى مرتين فيهم مره كتب كتاب المهم فيوم اتخانقنا انا وهيه قامت رنت ع خطيبها اللى كان كاتب كتابه واعترفتلى بكده قلت ليها اغير النمره قالتلى لا وكان الكلام ده من ٧ شهور والاسبوع اللى فات وانا قاعد جمبها جتها رساله من رقم غريب قلت ليها مين قالتلى ا*** صحبتى شويه والرقم ده رن قمت لقطته وسيبتها شويه وبعدين قولت ليها هاتيلى كوبايه ميه بتصل بالرقم لقيته واحد اتصدمت قلت ليها ده مين قالتلى اخو صاحبتي سيبتها ومشيت ورميت الدبله فوشها وكلمت الولد صاحب الرقم وقاللى انا متجوز والرقم ده اللى بيعاكسنى وكده وقاللى انته مين عرفته بنفسى قاللى تعالى اقعد معايه يمكن نبقى اصحاب وقلت ليها الكلام ده اعترفتلى ان ده رقم خطيبها اللى كان كاتب كتابه وانها رنت بس مش اكتر وطلبت منى السماح وانا مش قادر اسامح عشان الكدب المهم انا صليت صلاة الاستخاره وقمت نفسيتى مرتاحه هيه اتصلت معرفش ايه خلانى اقولها الانسان ده قال انتى عندك حسنه ف مكان ف جسمك مع العلم انها كانت قايلالى بنفسها لقيتها انهارت وقالتلى انا كنت مصاحبه واحده قريبته واكيد دى اللى قالت الخلاصه انى تعبان نفسيا مش عارف اديها فرصه اخيره ولا انهى واحلص وضميرى بينبنى بس لان لو سيبتها معتش حد هيبص ليها لان دى تالت خطوبه ولو خدتها ممكن اندم بقيت عمرى ياريت تفيدونى
تعال على نفسك ونفسيتك
وسيبها
هي مراعتش ان دي 3 خطوبة ليها فتراعي ربنا فيك
انا معرفش انت ملاك معاها ولا لاءة
بس ليه هي تفكر اصلا ترن على خطيبها الاول
ترن يعني فكرت كتير لغاية ما جائتها الجرأة انها تعمل ده
يعني كده بقى بعد الجواز مع مشاكل بينكم اعتقد مش هتمنع نفسها انها تعرف غيرك
والله اعلم
ريح نفسك وكمل حياتك بعيد عنها
وان حد يتقدم ليها او لا ده في علم الغيب
هي اتخطب مرة واتجوزت مرة وانت جيت
غيرك اكيد هيجي
ربنا يهديها ,سبها
والله انتا تاعب نفسك في حاجات خلصانه أصلا سبها النهارده قبل بكره ودور على بنت الناس اللي تحافظ عليك في غيابك وتحطك في عينيها وهتلاقي كتير وهتحبهم بس انتا مش مدي نفسك فرصه قافل على نفسك معاها اخلع بسرعه لأنك لو اتجوزتها إنشاء الله مش هتنام ولا هتنزل من البيت وهتدمر حياتك بايدك سبها للي شكلها وشوف المحترمه اللي زيك اللي تشرفك قدام الناس وتشيلك وتعرف تربي أولادك وربنا يوفقك.