مشاكل الشباب النفسية

طيبة صديقي في التعامل تضره

لدي صديق مؤهل عالي محترم وملتزم وطيب في التعامل مع الآخرين لا يحب أن يزعل منه أحد ولا يحب أن يخاصمه أحد ولا يرضى أن يجرح أحد بكلمة واحدة لأنه حساس جداً ولا يرضى لنفسه أن يظلمه أحد وباالتالي لا يرضاه لغيره ممن حوله ويغضب ويخجل من نفسه إن أخطأ في حق إنسان آخر بقصد أو بدون قصد ويخجل من أن يطلب شئ من أحد ليس قريب منه في التعامل ( أي لا يحب أن يكون ثقيلاً على أحد ) .. وكثيراً ما تسبب له طيبته في التعامل مع الآخرين الضرر له ولشعوره ولنفسيته .. فهو يعامل الناس من حولة بكل إحترام وأدب وطيبة ولا يغضب أحد أو يجرحه ويكون في منتهى السعادة إذا أحس أنه قدم خدمة لأحد أو ساعد أحد من حوله فهو يحب خدمة الناس خاصة المقربين منه ويخجل من رفض أي طلب مساعدة إذا طالبوه بمساعدتهم..
ولكن ليس كل الناس من حوله طيبون مثله خاصة في زماننا هذا فمنهم الخبيث ومنهم اللئيم ومنهم العصبي ومنهم الظالم ومنهم صاحب العقل المغلق الذي لايفهم إذا غضب وبعض الناس من الذين يتعامل معهم قد يجرحونه أو يغلطون في حقه في بعض المواقف.. فيشعر بحزن شديد وغضب من سوء معاملة الناس له خاصة وأنه يعاملهم بكل إحترام وأدب ويجد منهم السوء في بعض المواقف فيحزن على نفسه ويشعر بالجرح وبالضعف ويحمل في نفسه هذا الخطأ لمن أخطأ في حقه ولا ينساه له لفترة طويلة.
وقد نصحته أن يعامل الناس بالمثل فيقول أن بطبيعتي أعامل الناس بالحسنى والمعاملة الطيبة وأخجل من صدهم وإغضابهم وجرحهم في شئ ولا أتوقع منهم الخطأ في أي لحظة ولذلك أزعل جداً وأحزن على نفسي وأشعر بالضعف عندما يخطأون في حقي في بعض المواقف بل يصل الإحساس أن أشعر بأن الناس كلها ظالمة ولا يوجد الإنسان الطيب المخلص الذي يعاملني بما أعامله.
وقد تعرفت عليه فتاة وتحدث معها بكل إحترام وأدب على الانترنت وأرسلت له صورها مع أنه رفض وقال لها لا ترسلي قبل أن تتعرفي عليا جيداً وتطمأني لي تماماً ولكنها أصرت فإستقبل الصور وأرسل لها صوره بناءاً على طلبها أيضاً فقالت له أنت جميل ووسيم وأنا معجبة بك وكانت تقول له كلام في الحب وهو يخاف أن يتقرب لها لأنه كان يخاف أن تكون هذه الفتاة تلعب به وبمشاعره وتتسلى فقط وإستمر معها بعض الأيام أراد أن يرى ربما تكون صادقة ولا تكذب عليه .. ولأن صديقي هذا طيب ويعامل الناس بطيبة فأرسل للفتاة صورة وكان يحب دائماً أن يربي جزء من الذقن بأسفل الوجه وه ما نطلق عليه بالعامية ( سكسوكة ) .. فقالت له هذه الفتاة أريد هدية منك لأعرف مدى غلاوتي عندك وطلبت منه صورة بدونها وقالت له ستكون الصورة أجمل بدونها وهو بطيبته لم يرفض لا في المرة الأولى ولا المرة الثانية لانه لا يحب أن يغضب منه أحد بطلب بسيط مثل هذا خصوصا أنه رأي أنها شئ عادي وليس به عيب أنها تريد صورة بدونها وبالفعل أرسلها وفوجئ بالفتاة تقول له أنت ضعيف الشخصية وتسمع كلام البنات ولا تصلح لي ولا تستطيع أن تحميني وإكتشف أنها كذبت عليه في كل ما قالته .. فأصيب بعقدة نفسية من البنات وكره كل البنات وقرر عدم التحدث مع أي بنت نهائياً ……
فأين العيب هنا هل في صديقي الطيب أم في الناس من حوله ؟ هل أستمر في نصحه بعدم التعامل بالطيبة مع الناس أم ماذا أفعل معه ؟؟
آسف جدأ للأطالة وجزاكم الله خيراً

مشاكل وحلول ذات صلة

اضيف بتاريخ: Tuesday, October 12th, 2010 في 06:33

كلمات مشاكل وحلول: , , , , , , , , , ,

8 رد to “طيبة صديقي في التعامل تضره”

  1. ابواميرة
    01/11/2013 at 23:36

    صديقك انسان محترم ومودب وابن ناس وبيخاف الله ومش عاوز يخدع اويغش احد اويسي لحد وده عملة نادرةفي الزمن ده ومسالةانوتعقدمن البنت اللي عملت معه كدا انت صاحبه وبيهمك امره تكلم معه وقول له انت الصح والبنت غلطانه وخليه لاينظر انوكل البنات وحشين لالا قله في المحترمة الشريفة المودبة زيك كدا هي اللي تستاهل مش دي وحاول تخرجه من الازمةاللي هوفيهاوتخليه ينسى الحكايةدي وقل له انت كل البنات تتمناك وفيك كل الصفات الحميدةاللي تتمناهاكل بنت وانشالله يهدا ويغيير نظرته للبنات وربي يهدي الجميع

  2. انا نسخة من صديقك بالضبط
    21/01/2011 at 17:51

    انا نسخة منه بالضبط وصارت معي مشاكل كثيرة جدا بسبب هذه الطيبة الزائدة والسبب في هذه الشخصية الطيبة هو احد امرين او كلاهما اما ان تكون له ام حنونة ربته على المثل والقيم والاخلاق العليا وعلى اشياء لم تكن موجودة الا في مجتمع والدته وصدق الرسول -صلى الله عليه وسلم – حين قال بما معنى الحديث “ربو اولادكم على غير تربيتكم فإنهم خلقوا لزمان غير زمانكم” واما انه كان منعزلا وانطوائيا لفترة كبيرة من حياته اثرت بعد ذلك على شخصيته كما حدث معي بالضبط ولكني بدأت اتعافى واعامل الناس بالمثل واسأل الله لي ولو التعافي من هذا الذي يعتبر مرضا في زماننا الأغبر

  3. ahmed
    24/11/2010 at 19:49

    شوف انا كنت زيك كده بس للاسف اتغيرت تماما الا فى اوقات ومع ناس محددين…ليه بقى لازم انك تتغير ؟!…اولا شخصيتك عباره عن مشاعرك وتصرفاتك ولازم تحافظ عليها وتحب نفسك وتدافع عنها ..تصور ان شخصيتك وكيانك هى الشقة اللى انت عايش فيها ولازم تدافع عنها ضد اى شخص يجرحك او يستغل طيبتك او يتصرف معاك بخبث …مش بقولك تكون زيهم لكن على الاقل دافع عن نفسك وبلاش تكتم رد فعلك لو حد ضايقك وعرفه غلطه وعامله بحزم..اعتقد انك لما تحافظ على شخصيتك امام نفسك وامام الناس حاجه مش غلط ومش معناها انك امعه ,تحسن اذا احسن الناس وتسئ اذا اساء الناس……بلاش تطنش لما حد يقول كلمه واساله انت بتقول كده ليه و رد عليه و زعله او حتى اتخانق معاه و بلاش تسكت وتقول انه مش قصده…انت كويس لكن عشان تعيش لازم الناس تعرف انك لحمك مر ..عموما اغلب الناس مش بيقدروا الانسان المحترم ..احنا حاليا فى اخر الزمان ولازم تعمل تحديث لاسلوبك وصاحبك ممكن يساعدك فى الحكايه دى..وعموما مهما اتغيرت ..احب اطمنك ان الطيبه و الاحترام فى طبعك بس حافظ على كيانك امام نفسك….اما البنت بتاع الشات دى..فقالت كده مش لانك مش كويس او شخصيتك ضعيفه لكن لانك طيبوصريح زياده عن اللزوم..متغير حاجه انت مقتنع بيها عشان حد …وبعدين ازاى اقتنعت ان دى صورها هى…..متصدقش و حب بذكاء و اختبر الشخص 100 مره قبل ما تصدقه وبعدين حد فى الدنيا عايز يعيش حياته مع بنت اتعرف عليها من الشات ..انت عايز دوش فوقان 2010 …مينفعش تعيش كده ..والله والله والله انا كنت زيك و اكتر منك فى الطيبه …بس الظروف بتحكم عليك انك تتغير..انسى البنات دلوقتى خالص و حاول تغير السوفت وير بتاع دماغك حمل انتى فايرس ضد خبث الناس اللى بتضايق منهم و فرمت دماغك من كل بنت ولما تحس ان الفاير وول بتاعتك تقدر تحميك وتحمى البنت اللى عايز تتجوزها ..ساعتها وبس …ساعتها وبس ..تقدر تطمن انك هتتعرف بالبنت المناسبه اللى مش هتخدعك…طور تفكيرك واتعلم الدنيا وافهمها كويس و بعدين ابقى اتعرف باى بنت وانت مطمئن وواثق من نفسك..معلش عشا بقول “انت” قصدى “هو” وابقى ساعده ..اتمنى لكما التوفيق

  4. الشامي
    25/10/2010 at 21:23

    كلام جميل جدا جدا بصرحه انتوقلتو كل الكلا م الاناكنت هقوله بس احب اضيف حاجه بسيطه كلنا جميعا محتاجين لجراح القلوب انا مهقل اني كنت زيكم لاني مش فاكر احساسي او الوقت الى كنت فيه كد
    بس الحمد لله عرفت وصفه سريعه وقبل ما اقول سريعه هي غاليه
    انا معاكوا حبوا الحب شئ جميل وهو الى بيساعد على الحياه بس قبل منحب نتعلم نحب ربنا الزاي هقلكم بمعني اجعل حب ربنا مالى قلبي كله اشبهلكم بمثل بسيط
    قلبي عامل زي السفنجه لما يمتص المياه كلها هو كده قلى اخلى حب ربنا مليه للاخر واي حب تاني يبقى جنب قلبى عشان لما ياخسر اي حاجه متتعبنيش لانها زياده فى الاصل ومتتعبش قلبي زي بالضبط قشرة السودانى الاقشر زياده وحباة السودانى زي ماهيه
    اسف ياجمعه على اسلوبي العامي فى الكتابه بس انا حابب ابسطهلكو زى ما انا عرفها على فكره انا عندي 24 سنه

  5. نهلة
    22/10/2010 at 14:36

    لا انا مش بأيد الأخ ناصح فى مقولة ان البنت بتحب تتلقى الطلبات و ليس العكس ,بالعكس البنت كتيييير بتحب الراجل اللى ينفذ طلباتها و يضحى كمان عشانها و كل ما كانت اصيلة كل ما قابلت ده بالمثل ,هو اللى حظه وقعه فى واحدة تافهة مقدرتش حبه

  6. ناصح
    22/10/2010 at 12:59

    اخي الكريم هناك فرق شاسع بين الطيبة والضعف وعلى صديقك انا يميز بينهم وخاصة بما يخص الفتيات فالفتاة تحب ان تتلقى الطلبات من الشاب وليس العكس وعادتا يترافق مع طيبة القلب الثقة باي شخص انصح صديقك بالا يثق باي شخص والا يتوقع المعاملة الحسنة من اي شخص ويليبقى على تعامله مع الناس ولكن مع الانتباه الى تعامل الناس معه واتمنى له الحياة البعيدة عن خبيثي النفوس

  7. نهلة
    12/10/2010 at 16:45

    صديقك صح فى جزئية و غلط فى جزئية تانية,صح فى انه بيعامل الناس كويس حتى اللى ميستاهلش فالرسول الكريم يقول اصنع المعروف مع أهله ومع غير أهله,فإن لم تجد أهله فأنت أهله ! ,وغلط فى انه بيتوقع دايما رد الفعل يكون كويس ,لان ناس كتير مش بتقدر المعاملة الطيبة ,عشان كدة الانسان لازم يعامل ربنا ,يعنى يكون كويس عشان يرضى ربنا مش الناس ,ساعتها مهما كان رد الفعل من الناس مش حيزعل .
    النفوس اتغيرت انا معاك ,لكن ده مش معناه ان احنا نشجع بعض نبقى وحشين وطول عمرنا فيه الخير و الشر دى مش حاجة جديدة ,مسألة انه يعامل الناس بالمثل انا مش معاك اوى فيها,لانه ساعتها هو نفسه حيبقى بوشين وحيفقد اخلاقه الكريمة ,يعنى لو قدامه واحد سلوكه وحش هو كمان حيبقى سلوكه وحش؟هو كفاية يحترس وميتوقعش دايما الخير و يحط فى حسابه ان فيه شر ,وصدقنى ربنا حيجازيه خييييييييير كتييييير عن حسن اخلاقه دى

  8. القلب المجروح
    12/10/2010 at 14:41

    ياه قلبت عليا المواجع يا صاحب المشكله لان صديقك ده مشكلته تشبه مشكلتى
    انا كنت زيه كده فى مواصفاته لكن هو جات له عقده نفسيه من فتاه مثلت عليه الحب على النت وجتله عقده نفسيه بسبب انه كان طيب معاها
    اما انا بقى جاتلى عقده نفسيه من الناس حواليه ومن خطيبتى لانى بحكم الطيبه وباقى الصفات اللى فيا كنت لا ارفض طلب لخطيبتى فاتعودت انى اديها وما اخدش منها حاجه كانت تاخد منى التفاهم والهدوء واخد منها العناد والعصبيه وهكذا وكنت بعاملها دايمآ كويس عشان اسعدها وما اخسرهاش لكن فى النهايه اتغيرت من ناحيتى وسافرت بره مصر واحنا لسه مخطوبين مع انى طلبت منها ما تسافرش
    يظهر ان انا وصحبك ينطبق علينا المثل اللى بيقول تعمل خير يترد عداوه
    انصحه وانصح نفسى التخلص من الطيبه الزياده عن اللزوم
    ومعاملة كل شخص على حسب معاملته لى
    ومحاولة علو الصوت والعصبيه فى بعض الاوقات التى تستدعى ذلك ومع الاشخاص اللذين يستاهلون ذلك
    وعدم الخضوع لتنفيذ امر الا اذا كان يجلب منفعه لى وعدم تنفيذ كل اوامر الشخص
    والتخلص من الخجل بكثرة الخروج والكلام مع الاصدقاء وشغل وقت الفراغ
    واعلم ان الله طيب لا يقبل الا طيبآ
    وربنا يوفقنا جميعآ

اترك رداً أو حلاً لهذه المشكلة