مشاكل الشباب النفسية

ادخل الجيش ولا اكمل تعليمي

انا يا أخواتى كنت طالب متفوق لحد لما دخلت الثانوية العامة ونجحت سنه اولى بتفوق وبدون اى معاناه مع الدراسه او فى الامتحانات والحمد لله عديتها بتفوق بدات السنه اللى بعدهاومش عارف ايه اللى حصل مبقتش ادخل المدرسه وجات الامتحانات وسقط والسنه الى بعدها بردو نفس النظام انا دلوقت بقالى رابع سنه فى تانيه بس ولما فكرت اذاكر واخدها بجديه وانجح واتفوق زى الاول لقيت الناس اللى اصغر منى دخلت كليات انا نفسى اتسدت عن الدراسه مش قادر ابص فى كتاب وفى نفس الوقت مش قادر اترك الثانويه وادخل دبلوم تجاره او صنايع مش لايق الا على ثانوى لما ميعاد الجيش ده وانا مش عارف اقدم ولا استنى اخلص ثانوى ولو ربنا كرمنى بعدها بكليه وبعدين ابقى اقدم ولا اروح اقدم دلوقت والبس واكمل دراسه وانا فى الجيش مع العلم انى دراسه منازل وهدخل الجيش بالاعداديه هيبقى تلات سنين انا هتخوت مش عارف اعمل ايه بقيه عايش على البرشام الى اسمه تى دوول المخدر وعلى فكره من ضمن العقد اللى فى حياتى انا كان شكلى وسيم جدا وبشرتى بيضه محمره ولون شعرى اصفر وعنيا خضره وطويل كنت بلعب حديد وانا غى اول ثانه فى تانيه دلوقتى بعد البرشام بقيت حاجه متتشافش ارجوكم قولولى حل اغير بيه حياتى انا تايه …

مشاكل وحلول ذات صلة

اضيف بتاريخ: Sunday, October 7th, 2012 في 10:07

كلمات مشاكل وحلول: , ,

5 رد to “ادخل الجيش ولا اكمل تعليمي”

  1. محمد
    19/09/2018 at 04:00

    ينفع اكمل دراستي بعد الجيش واي المتاح ليا انا معايا صنايع خمسه وعاوز اكمل دراستي ولسه مخلص جيش

  2. اخوك فى الله
    13/11/2012 at 18:19

    السلام عليكم ورحمة الله وبركاته انا مريت بنفس الظروف الى حضرتك فيها دلوقتى وسالت نفسى كل هذه الاسئلة فنصيحتى لك انك لاتضع نفسك فى مفترق الطرق اولا لازم تبعد تماما عن اصحاب السوء وتنسى تماما انك فشلت بل هى ظروف وراحت لحالها خلاص فترة او مرحلة وعدت ويكون بداخلك ثقة فى الله ثم نفسك انت لو اكملت تعليمك باذن الله وبعدها دخلت الجيش يبقى انت كسبت ثقتك فى نفسك اولا ثم مستقبلك ثم نظرة الناس ليك بعدين ، اذا دخلت الجيش اولا لن تعود للتعليم مرة اخرى و ستكون نادما طوال العمر لانك ستكون قد خسرت كل شىء، انت الان فى الثانوية ولازم تكمل وتدخل الكلية الى انت ترغبهاوبعدها قدم نفسك للتجنيد ،فكر صح ماذا ستعمل ان لم تكمل تعليمك …

  3. مش عايز اكتب اسمى (مجهول)
    26/10/2012 at 05:04

    نصيحه من واحد فى الجيش دلوقتى
    أوعى أوعى أوعى تدخل الجيش 3 سنين ولا سنتين
    هتتعامل معامله زى الزفت و هتكره نفسك
    حاول تاخد الثانويه بأى شكل
    او تدخل ثانوى زراعى مثلا او صنايع و بعد كده تدخل معهد خاص 4 سنين علشان تبقى مؤهل عالى و تبقى سنه واحده جيش
    بجد احسبها صح علشان متندمش
    و ربنا يوفقك

  4. وائل بخيت
    22/10/2012 at 12:38

    علي فكره انتا ممكن تزاكر وتنجح ومنتخفش من اي حاجة بس اهم حاجة الجديه واهتم جدااا بالموضوع الاني انا 43 سنة وفي سنة رابعة كليه تجارة بس فعلا كل ما السن يتقدم المزاكرة بتكون اصعب .
    حاول واسئل ازاي متخشش الجيش قبل ما تنجح في الثانوية العامة.

  5. waleed
    15/10/2012 at 14:22

    السلام عليكم
    بصراحة موضوع تدخل الجيش ولا تكمل الثانوية دا فى ايدك . وانا من رايي انك لو ليك هدف معين ومصمم عليه اكيد لازم تكمل بس لازم تبعد عن كل اصحابك ومعارفك وحتى اهلك . لازم تقعد فى اوضة لوحدك وتتخذ قرارك وزى م بيقولوا (الفرق بين الفشل والنجاح خطوة) . اما لو انتا عايز تاخد كلية وخلاص فانا انصحك تأدم ف الجيش ومتقلقشى على مستقبلك والشغل زى م انتا عارف كله مبيلقيش شغل .
    تقبل مرورى

اترك رداً أو حلاً لهذه المشكلة