مشاكل الشباب قبل الزواج

هل اكلم اخو حبيبتي واقنعه بجدية علاقتنا

السلام عليكم اول حاجه لازم اشكر الموقع ع اهتمامه بمشاكلنا انا حبيت اعرض مشكلتى عليكم لانكم اننتم احسن ناس هتردوا عليا
انا عندي 20 سنه بشتغل في دوله اوروبيه من 3 سنين اتعرفت على واحده من النت صدفه اعدنا نتكلم مع بعض وهي قالتلى انها بتحبنى انا بصراحه كنت حبيتها الاول بس مقدرتش اقولها لانى خجول شويه بس صارحتها بحبي ليها ولان دي حبي الاول فحبيتها حتى قبل ما اشوف صورتها بس بعدين شوفت صورها هى الاول كانت من غير حجاب ولما قلتلها لازم تتحجبي اتحجبيت علطول هي 19سنه استمرينا في الكلام مع بعض الغايه ما عرف اخوها انها بتكلم شاب ع الفون راح ضربها وعاملها وحش اوى وضربها ضرب كسر ليها ضلع في القفص الصدرى قعدنا منكلمش بعض حوالى شهرين لانى كنت اتصلت بيها عشان اشوف حل لمشكلتنا وازاى نحلها بس هي مردتش عليا لان اخوها كان مراقبها علطول المهم اخد منها الموبايل وقطع النت وحبسها في البيت كمان وانا كنت حاسس ب اللى هي فيه من عذاب بسبب بعدنا وبسبب قسوه اخوها ده بس انا اتصلت بيها يا جماعه وبعت رسايل ليها وهي مكنتش قادره ترد المهم بعد كدا هم عيله مصريه عايشه في الاردن وانا بحبها حب ملوووووش حدووود ومستعد اموت نفسي عشانها عارفين ليه ؟ لانها رجعتلى تانى بعد ما اخوها عمل اللى عملوا فيها رجعت وكلمتنى تانى ع النت لما والدها رجعوا تانى واخوها نزل مصر بسبب المشكله دي انا في فتره بعدنا ع بعض كنت عايش ميت ومعنديش اى امل انها ترجعلى طبعا الامل في ربنا كبير بس انا قلت بعد كل ده مش هترجع بس لما رجعتلى كبرت اوى في نظرى بس انا كنت حاطط في دماغي انها لو رجعت اروح اخطبها بس انا في ظروف شغل تمنعنى السنه دي من خطوبتها انا دلوقتى عاوز اعرف منكم ازاى اكلم اخوها واقوله ايه يا ريت تساعدونى ويارب كل واحد عنده مشكله هنا ربنا يوفقه ويصبره نسيت اقول حاجه احنا بنتكلم في حدود الادب والاحترام بس احنا من شوقنا لبعض بنقول كلام رومانسي واخر مره بعتنا بوس لبعض في المايك انا نفسي منعملش كدا تانى عشان ربنا ميحرمناش من بعض ارجوكم عاوز رايكم وادعولنا نكون لبعض بالله عليكم حتى لو مش هتكتبوا حلول

مشاكل وحلول ذات صلة

اضيف بتاريخ: Friday, January 19th, 2018 في 05:49

كلمات مشاكل وحلول: , , , , , , ,

2 رد to “هل اكلم اخو حبيبتي واقنعه بجدية علاقتنا”

  1. ابوالبتول
    21/02/2018 at 22:07

    انت لو محترم وتعرف الحلال من الحرام ماتعملش كدا مع البنت ابدا هل ترضى لاختك انها تعرف شاب وتتكلم معاه طبعا لا لكن بنات الناس عندك عادي جدا حرام عليك كده وكما تدين تدان اللي تعمله مع البنت سوف يعمله الاخرون مع اخواتك لو فعلا انت عايزه بالحلال فالطرق متاحة امامك انزل لاهل البنت وتعال من الباب حسب الدين والاصول والعادات واللي فيه الخير ربنا يقدمه لك ولاانصحك بالكلام مع ام البنت مثل ماقال لك اخونا الشناوي فهذا يزيد الامور تعقيدا ويجعل الام تفكر انك على علاقة بالبنت وتتكلم معاها ومتفق معها على كل شي عايزك تعمل روحك انك سالت عليهم ناس ودلوك على البنت واهلها وانكم ناس محترمين وسمعتكم كويسة وخليهم يسالوا عنك واعطهم رقم احد من اقاربك او معارفيك علشان اهل البنت يطمنوا انك جاد في الارتباط وتريد الحلال فعلا ومش تلعب او تتسلى بالبنت وفي الاخر كل شي قسمة ونصيب اذا ربنا اراد لك نصيب مع البنت دي فسوف يكون مافيش نصيب خلاص انتهى الموضوع

  2. الشناوى
    25/01/2018 at 10:39

    منصحكش تكلم ابوها،،انت ممكن تتكلم مع امها عشان البنت دايما سرها مع امها. وامها تكون همزه الوصل بينك وبين ابوها. سيبك من اخوها. اللى عملو اخوها ده صح ميه ف الميه،،،وده دليل ع انه العيله دى كويسه. ،،حاول تتوصل مع الام. وتشرحلها صدقك وانك جد ومبتتسلاش مع البنت. دى اول خطوه ممكن تاخدها. وطبعا ده مع التنسيق مع البنت. عشان البنت لازم هتكلم امها عليك الاول

اترك رداً أو حلاً لهذه المشكلة