مشاكل الشباب قبل الزواج

هل أفسخ الخطوبه وأخطب البنت الأخرى

أنا خاطب فتاه من حوالى سنه وأنا مكنش لى معرفه بالفتيات قبل كده وهى أخت صديقى ولما جيت أخطب والدتى مجبتش لى بنات تنفع أخطبها وقالت لى اتصرف وانا للأخلاق صديقى ورغبتى فى أن نقرب أكثر لبعض قررت أخطبها ومكنتش شوفتها وماما جابتلى صوره ليها بصراحه أول ما شفتها مش عجبتنى حسيت انها طيبه جدا من الصوره ولكن الشكل والجمال مش قد كده قالوا لى لازم تشوفها على الطبيعه ومعرفتش فبعت ماما عندهم البيت تشوفها بحجه ما ورجعت ماما وأختى وقالوا دى حاجه تانيه خالص غير الصوره جميله وهاديه وأخلاق …….. فأخذت القرار ورحت أخطبها ولما شوفتها بردك فضل الأحساس جوايا لكنت قلت مع الأيام الأمور هتتحسن وأتنازل عن شويه جمال فى مقابل أشياء أخرى ،ولكن طول الخطوبه كلامنا مع بعض قليل سواء عندهم فى البيت أو التليفون مش زى أصحابى اللى خاطبين بيتكلموا بالساعات وبيشتاقوا لبعض أنا مش حاسس بده قلت يمكن علشان أنا ملتزم ومش بتكلم بحريه علشان احنا لسه مش كاتبين الكتاب حاولت أكتب الكتاب ولكن أبوها رفض، المشكله الكبرى  اني استلمت العمل فى المستشفى وفى نفس اليوم استلمت معايا دكتوره من بلدنا نفس دفعتى (خطيبتى فى كليه الطب أيضا وأصغر منى بسنتين ) ومكنتش أعرفها قبل كده جميله الجمال الذى كنت أريده فى نفس سنى وتريد أن تتخصص نفس التخصص الذى أريده وأعجبت بها بشده وشعرت بالأشياء والمشاعر التى لا أجدها مع خطيبتى وكنت أظن أنى لا أمتلكها قد شعرت بها مع البنت الجديده وأزعم أنى لو كنت رأيتها من سنه واحده قبل خطبتى لخطبتها هى بلا تردد ، الأن لا أدرى ماذا أفعل هل أكمل خطوبتى وربما أعيش تعيس لأنى أحس أن الزواج لن يقرب بيننا أم أفسخها وأخسر صديقى وعائلته وأجرح خطيبتى وأخسر مال الشبكه الذى دفعه والدى؟

مشاكل وحلول ذات صلة

اضيف بتاريخ: Friday, January 19th, 2018 في 06:03

كلمات مشاكل وحلول: , , , , , , ,

ردود to “هل أفسخ الخطوبه وأخطب البنت الأخرى”

  1. ابوالبتول
    27/01/2018 at 14:20

    انت تبص للجمال والمظاهر الكدابة وترفض البنت خطيبتك المتدينة وذات الاخلاق والتربية الفاضلة وصدقني هتندم لو تركت خطيبتك عشان ترضي غرورك واعجابك بزميلتك الدكتورة الجميلة ومش عارف ان الاصل في الزواج الدين والاخلاق والتربية اما الجمال اللي تبحث عنه فهو جمال زائل والجمال الحقيقي هو جمال الروح والاخلاق يامحترم تفكيرك متخلف جدا وسوف تدفع ثمنه غالي طوال حياتك صدقني كم من شباب مثلك تركوا بنات محترمات وعلى دين واخلاق لالشي سوى انهن غير جميلات وفضلوا الزواج بفتيات على قدرعال من الجمال لكنهن بلادين ولاخلاق وكانت حياتهم شقاء وتعاسة بسبب سوء اخيتارهم وتفكيرهم الخاطى فالدين والاخلاق هم الاساس في الزواج اما الجمال لاقيمة له اذا كانت الزوجة بلادين ولاخلق ولاتربية اتمنى انك فهمت كل ماقلت لك وتحسن الاختيار للزوجة فاظفر بذات الدين تربت يداك واياك ان تفسخ خطوبتك من البنت اللي خطبتها واهلك موافقين عليها استمر معاها وربنا يتمم لكم بالخير ويؤفقكم ويسعدكم في حياتكم القادمة

اترك رداً أو حلاً لهذه المشكلة