مشاكل الشباب قبل الزواج

خطيبتى عصبية وعندية بدرجه لا تطاق

السلام عليكم__انا شاب23 سنه خاطب بنت عندها 21 سنه بحبها اوى وهى كمان بتحبنى_وبلا فخر فيا كل المواصفات التى تتمناها اى بنت فى شريك حياتها ومن ضمنها الهدوء اى عدم العصبيه والتفاهم

ولكن المشكله ان خطيبتى عصبيه جدآ وعنديه جدآ بدرجة لا تطاق وهى معترفه بطباعها هذه فهى تتعصب عليا من اهيف حاجه تحصل واقعد اهدى فيها واحايل فيها مفيش فايده ونصحتها كتير انها تغير العصبية دى لكن تقولى هحاول وبردوا مفيش فايده فيها  واحيانآ تقولى انا طبعى كده ومش هتغير وساعة ما تتعصب كانها ما تعرفنيش وتقولى كلام مش كويس المفروض ما يتقالشى بينا ومهما تغلط ما ترجعش تتآسف بعد كده وان انا زعلت منها ما ترجعش تصالحنى ولكن تستنانى انا اللى ارجع اصالحها وبصراحه انا جيت على نفسى اكتر من مره لكن مفيش فايده

والعناد بقى اسخم واضل بتعاند معايا اوى وخصوصآ فى الهايفه وهحكيلكم موقف من المواقف اللى بتعاند فيها_فى يوم من الايام ما اتصلتش بيها فى النهار كالعاده لان كان عندى ظروف منعتنى من الاتصال وعندما اتصلت بها بعد ذلك قعدت تعاتبنى وتقولى انت ما اتصلتش ليه قلتلها بصراحه ما كنتش فاضى خالص وكمان ما كنش معايا رصيد وكمان التليفون كان عطلان تخيلوا بعد ما قلتلها كل الاسباب دى قالتلى ايه؟ قالتلى انت اصلا مش مهتم بيا خالص قلتلها ليه؟ دا يوم واحد وادينى اتصلت بيكى فى اخر النهار اهو يبقى بتتهمينى بالاهمال ليه؟قالتلى ايوه مهمل لانك لو مهتم كنت فضيت نفسك واتصلت قلتلها ما كانش معايا رصيد قالتلى كنت استلفت تليفون حد من اخواتك واتصلت قلتلها ما كنش فيه حاجه ضروريه تستاهل انى استلف تليفون مخصوص واتصل بيكى وانا لسه مكلمك امبارح بالليل وادينى بكلمك انهارده بالليل اهو يبقى عادى مفيش حاجه تستاهل ده كلوا لكن بردوا ترجع وتقول انت مش مهتم بيا قلتلها لو حد مش مهتم يبقى انتى لانك كان المفروض تتصلى تسألى عليا تشوفينى مالى ما اتصلتش بيكى ليه زى كل يوم قالتلى ماليش دعوه انت اصلا مطنشنى وما تحاولش تهرب من الموضوع وفضلنا نتكلم ساعه على الموبايل فى الموضوع ده وفى الاخر قفلت وهى بردوا مصممه ان انا مش مهتم بيها على الرغم انى اعتذرت وقلتلها مش هتتكرر تانى لكن مفيش فايده بردوا تفضل تعاند وهكذا فى كل موقف من المواقف التى تجمعنا مثل هذا الموقف_وسبحان الله فى اوقات كتيره بتبقى كويسه وطبيعيه وكلامها وتصرفاتها حلوه خالص لكن لما تتعصب او تعاند بتخلى حياتى وخطوبتى جحيم لا يطاق مع انها بتعتبرنى فتى احلامها والشخص اللى ياما ضحى عشانها _انا خايف من عصبيتها وعنادها لانها هتبوزلنا حياتنا بعد الجواز لان ما ينفعش ابقى انا هادى ومتفاهم وهى تبقى عصبيه وعنديه

اعمل ايه؟ انا بحبها اوى وعمرى ما حبيت ولا اتمنيت حد غيرها وكل املى انى اتجوزها واسعدها واحافظ عليها لكن هى مش مسعدانى بسبب عصبيتها وعنادها فهل هناك حل لتغييرها؟_اتمنى ان تفيدونى

مشاكل وحلول ذات صلة

اضيف بتاريخ: Wednesday, December 22nd, 2010 في 05:14

كلمات مشاكل وحلول: , , , , , ,

29 رد to “خطيبتى عصبية وعندية بدرجه لا تطاق”

  1. ابوالبتول
    29/08/2017 at 13:30

    شوف يااخي لوانت فعلا تحبها وهي تحبك ومتاكد انك قادر تغيير من طباعها العناد والعصبية االلي فيها فلا مانع من الاستمرار معها وفي نوع من البنات يتغيروا بعد الزواج لماتجد انها بقت مسؤؤلة عن زوج وبيت واولاد وفي بنات العكس تماما وطالما انك هادئ ولا فيك العصبية والعناد فاكيد انك قادر على احتوائها والتعامل معها وصدقني هذا الشئ حصل معي كنت خاطب فتاة واحبها من كل قلبي وهي كذلك ولكن كانت عصبية وعنيدة وتحملت كلدا اثناء فترة الخطوبة واستمريت معهها حتى الزواج وكانت كلما تتعصب او تعاند اسيطر على اعصابي ولا انفعل او ازعل منها بل اقوم بالمداعبة لها واعطيها نكت وهزار حتى تروق وتهدا واجامعها فورا وده في نظري العلاج المناسب لحالة اي زوجة مصابة بالعناد والعصبية واتمنى لكم دوام التوفيق والسعادة في حياتكم القادمة

  2. العاشق
    24/02/2015 at 23:26

    شوفي دي هتجيب لك الخفيف والاكتئاب والهم والغم ووجع القلب انصحك تتركهاولاتتزوجها صدقنى النوع دامن الستات ماينفعش معها الحب والمشاعرولاالعواطف ولاالرومنسية طبعهاغلاب وعمرها ماتنعدل ابدا اشتري دماغك وراحتك وسعادتك وشوف غيرها البنات كالرز عليك بحسن الاختيار وربي يوفقك ويسعدك

  3. متزوج خبرة
    24/07/2013 at 08:57

    يا عمم فكك منها نصيحة أخ دي حساسة ونكدية وكمان عصبية وان كنت متحمل ده دلوقتي مستحيل تتحمله بعد الزواج وكمان عنادية فكك منها حياتك هتبقى جحيم بعد كده ده جواز فاشل هينتهي بالطلاق وهتكرهها وهتكره الستات بسببها والحريم كلهم

  4. totamy sweet
    11/06/2013 at 21:55

    السلام عليكم ورحمة الله وبركاته اسال الله ان انفعك فى حل مشكلتك كل انسان فى عيبه مفيش حد كامل من مجاميعه هى عصبية ماشى لكن الغلط انك انت مش غلطان وبتتصل تصالحها كل ده عشان انت بتحبها لكن لما تتعصب عليك وتقولك كلام ميتقلش ازعل منها متكلمهاش حاول بقدر الامكان انك متكلمهاش مجيش على نفسك على شنها بالنسبة انها عصبت عشان انت مكلمتهاش اى بنت بتبقى مستنية ان حبيبها يتصل بيها وحاجة صعبة انو ميتصلش سواء فى ظروف او لا لكن الاصعب انه يوعدها وميتصلش بيها اكيد كانت هتموت وتكلمك وبتقنع نفسها انها متتصلش عشان تشوفك هتتصل ولا لا اسال الله انى اكون ساعتك

  5. حمادة
    18/05/2013 at 22:23

    سبحان الله والله نفس الشي يصير معاي لين راسي بيوجعني
    انا بعمل حل واحد باعد عليها يومين وابعت مسج عتاب وانك زعلان منها شوية تلاقيها متصلة
    بيك قوللها انا زعلان وكنت انفكر في علاقتنا تستمر او لا خليها تخاف شوي معليش وشوية كلام حلو تلاقي الامور رجعت
    وربي يجمعكم بالحلال ويعطي كل شخص الشخص اللبي يحبه

  6. زيزو
    08/05/2013 at 11:17

    اولا السلام عليكم بص ياعم النوع ده من البنات مينفعش معاه غير انك تتعامل معهابحزم وكل واحد يعرف ايه اللى ليه واللى عليه من الاول عشان المركب تمشى انمابالطريقه دى مينفعش مدام هى عنيدة ومتكبرة بالشكل ده لازم تاخد موقف منهاوتعرفهاانت كمان اسلوبك وان مش بتحب حد يعملك بالشكل ده وزى ما بتحترمهاوتقدرهاهى كمان لازم تحترمك وتعملك خاطر والكلام ده عن تجربه ومتصلحهاش ابدا وهى اللى تكون غلطانه لان المفروض اللى غلطان هو اللى يعتزر وميكبرش الواحد مش عيب لما يكون غلطان ويعتزر او يتاسف ده مش عيب والله المستعان

  7. محمد
    07/05/2013 at 22:40

    لما الحقك دي بتحبك على فكره جدا وبعصبيتها دي هتخليك اسعد واحد في الدنيا لما تزعل انك ما اتصلتش بيها ولا لما انت تزعل انها مش مهتمه بيك وبعدين راجل هادي ياخد واحده عصبيه لاكن هادي مع هادي ما ينفعش عصبي مع هاديه ما ينفعش

  8. البلادور
    29/12/2012 at 17:59

    اخى الفاضل انا اوافق على راى العمدة ازا كان كلامك صحيح اما راى الشخصى ما قدرش اقوله لان الحكم عليها يبقى غير سليم لاننا سمعنا من طراف واحد

  9. البلادور
    29/12/2012 at 17:56

    اخى الفاضل مع احترامى لجميع الاراء المكتوبة انا راى لااستاز العمدةازا كنت صريح فى التعبير ومش حقدر اكتب راى الخاص لان الحكم على هزة الاخت غير عادل لانى مسمعتهاش والحكم من خلال سناع طرف واحد يكون غير عادل

  10. ابواميرة
    28/12/2012 at 00:16

    شوف ياابني البنات طبعهم الرغي في التلفون اوالموبايل في اي وقت وعاوزين يقضوهاحنك لغايةالصبح مايجراش حاجة لوتتكلم مع خطيبتك يوميا لانهابتكون مشتاقة لك والغيرة تاكلها فاكره انك مشغول بوحدةتانية حاول تستحمل شوي ولاتزعلهامنك وربنا يوفقكما

  11. hamody alex
    14/10/2012 at 15:49

    أنا عندى نفس المشكلة مع خطيبتى و أنا زيك بالظبط بدلعها على الاخر بس أنا بعترف أنى ضعيف الشخصية مش معاها ىبس لكن مع كل الناس أنا نفسيتى تعبت أوى و صحتى فى النازل من يوم ما عرفتها بس أنا مش عايزك تعمل زىى أنا عايز تبقى راجل مسيطر مش راجل واحدة مسيطرة عليه… ربنا يعينك

  12. JARUSALIM
    21/07/2012 at 15:46

    بسم اللة الرحمن الرحيم يا اخي العزيز انا عندي قناعة الصبية لما تكون بتحب شاب ومقتنعة في بتحاول ترضي وما تزعلو وبكون كل همها اتقضي معو وقت جميل ورائع بدون نكد ومشاكل خطيبت يا اخي حسب كلامك مغرورة وبتفكر حالها شي كبير وهادا شي مقرف بلبنت ازا انتا بتعاملها كويس وبتحترمها ومعطيها حنية واهتمام واحترام هية كمان لازم اتعاملك بادب واحترام ولافضل انو كل واحد يشوف حالو ويدور عبنت تكون مناسبة لشخصيتو والمثل بقول الطبع غلاب وهادا زواج يعني عشرة عمر انا بفضل الانفصال بكون احسن

  13. بيرو
    27/06/2012 at 11:31

    نصيحة مني وبعد كل الاراء اللي اتقالت
    اتفق معاها على المعاملة بالمثل .. قولها هتعندي هعند .. واللي يحصل يحصل وخلي حياتنا كلها نكد في نكد .. انا مش فارق معايا .
    وعرفها انك مش هتموت لو مش اتجوزتوا .. وانك زي ما حبيتها هتحب غيرها ..
    كده انت هتكون قاسي عليها . بس لازم كده علشان تعرف انك بتحبها اه بس مش هتستحملها كتير
    ولو مش اتعدلت معاك وبقت كويسة هتسيبها ..

    اخطر حاجة بتقلق البنت انها تحس انك ممكن تسيبها في اي وقت ..

    صدقني انا كنت زيك كده .. لاني كنت بحب خطيبتي جدااااا .. بس لقيتها بتيجي عليا علشان عارفة اني بحبها .
    انما انا وريتها ان الحب درجات .. هتكوني كويسة وهتسمعي كلامي هتلاقيني بموت فيكي .. هتعندي معايا ولا اعرفك وحبي ليكي هيقل .. واختاري اللي يعجبك بقى ..

    مشكلة البنات انهم معندهمش وسط .. يا مطيعة وبتسمع الكلام وهادية .. يا اما متكبرة وشايفة نفسها وعنيدة ..

    بس نصيحة مني .. لو مش اتعدلت وانت ارتحت سيبها .. وزي ما حبيتها هتحب بنت تانية
    انا كنت بفكر في كده كتييييير .. ايه اللي هيجصل يعني لو سيبتها .. ولا حاجة
    بس هي الحمد لله بقت كويسة وبتسمع الكلام
    ولما بتعند تاني بتشوف وش خشب مالوش ملامح بجد ..
    فيه نوع من البنات مش بيجي إلا بالضرب
    وربنا يوفقك

    باهر الحميلي

  14. شوكونونو
    09/12/2011 at 15:47

    شوف يا حبيبي، اياك ان تعتذر لها إذا لم تكن مخطئًا. وإذا كانت هي المخطئة ولم تتصل بك لتصالحك، فلا تتصل بها ولا تصالحها. فإما أنها لا ترى خطأها أو أنها تتكبر عليك، وقد يكون ذلك بسبب أنها لا تزال تفكر في اختيارك أم لا. وحينها لا يجب عليك أن تهتم بها جدا إلا إذا اختبرت إخلاصها لك. وبلاش تتنازل عن مبادئك الصائبة “مهما حصل”…

  15. midooo
    04/10/2011 at 17:49

    انا والله نفس حكايتك بالضبط انتا كانك بتتكالم على خطيبتى انا بس النصيجة منى كاخ انك لازم تظبط الكلام يعنى وريها الوش التانى وحاول متكلمهاش على الموبايل ولا توريها نفسك هيه لما تلاقيق انتا وحشتها حتكلمك وتعترف بغلطها ساعتها انتا تعرفها الصح من الغلط وتعرفها اللى انتا ممكن تتعصب وتقلها انى الحبل اللى بيشدوه اتنين بينقطع لازم اللى انتا لما تشد هيه ترخى علشان المركب تمشى وتهددها وتقولها انى من كتر الضغط بيولد الانفجار ولو بتحبينى لازم تعدلى من نفسك . وصدقنى انا جربت واتعدلت معايا وربنا يصبرك يا صاحببى

  16. توتا
    27/08/2011 at 02:31

    السلام عليكم كل انسان ولى مميزاته وعيوبه يمكن تكون عصبيتها ده عيب بس اكيد فيها مميزات تانية بالنسبه الموضوع اللى حكيته هى مش قادره متسمعش صوتك هى عايزه تسمع صوتك كل ثانيه وزعلت لما متصلتش وهى مكنتش معاك عشان تعرف ان انت مشغول وهى بتتقل عليك يا عم

  17. الکردي
    17/07/2011 at 14:42

    والله العظیم أنا خطیبتي هیك بالضبط .. أنا مش عارف أعملها أیه .. تتعصب في أصغر الأمور

  18. صاصا
    23/05/2011 at 10:17

    خد الي تحبك و متاخدش الي تحبها
    دا من الآخر
    اسمع مني

  19. mizo
    18/01/2011 at 18:19

    أهمحاجة فى الراجل شخصيتة وصدقنى هيه لو كدة اعمل حاجة واحدة انك تعمل زيها وسبها فترة وشوف النتيجة صدقنى هتلقيها لمصلحتك والله العظيم وانا متاكد بس المهم اوعك تديها الاهتمام زى الاول نصحيتى بالخير بس اوعك تترددددددددددد

  20. waw
    30/12/2010 at 22:08

    بص وبكل صراحة انا كنت زيها بالظبط بالظبط مع خطيبى الاول وبكل صراحة لانى ماكنتش بحبه خاااااااااااالص وكنت بتعصب عليه لانى طول الوقت شايفاه انه مش هو الى مالى عنيا وعشان كده على اهيف اهيف حاجة كنت بتخانق معاه لحد مابجد صعب عليا وسبتوه وهو الى تعب فى حياتوه لو يرضيك لنفسك وكرامتك نفس المصير استمر وربنا يوفقك فى الى فيه الخير

  21. حزينة
    28/12/2010 at 15:10

    اخى الفاضل المشكلة عندك انتا مش خطبتك انتا ضعيف الشخصية جدا معها
    وفى فرق كبير بين الهدواء والبرودالشخصية وضعف الشخصية والمراة لاتحب
    الراجل الضعيف لازم تحترمك وخلى عندك شخصية ولازم تعتزر لك اذا غلطة
    لان دة يبقا كبرياء ودية نصيبة تانى لزم تاخذ موقف منها وتحافظ على
    كمتك واحترامك لينفسك ولشخصيتك حتا تكون اساس الحياة بعد الجواز ولا
    اتركها وها تلقى الاى احسن منها ويقدرك واسفة انى تجوزت معك بس مش بحب
    الرجل الضعيف الشخصية

  22. بيسو
    23/12/2010 at 06:07

    مش عارف كل الاخوة قالوا ليك كل حاجة ممكن تتقال فى الحكاية بتعتك لكن النهاية انت الراجل يا اخى احترام شخصيتك ورجولتك والله انا يا كنت هطلق مراتى بعد اسبوعين من جوزنا عارف لية علشان حاولت او فكرت تعمل زى خطيبتك رجعتها بيت ابوها جلست فية 20 يوم ولا عبرتها حتى بتليفون عارف حست فى الوقت دة انها ولا حاجة بالنسبة ليا من اليوم دة بقيت زى الجمال وعرفت انى لما بزعل مش بيهون عليا حاجة حتى لو كانت اية ودلوقتى الحمدلله عايش زى الفل خليك راجل واوعى تتصل بيها تانى ولو عاوزة تفسخ الخطوبة اوك وصدقنى انا عارف الحب صعب لكن ما فى الايد حيلة حياتك اهم وربنا يوفقك

  23. تجربة فعلا
    22/12/2010 at 22:22

    انا خويا كان كده مع خطيبته وبعد الجواز مطلعة عينه وعامله له مشاكل مع كل الناس وبتبهدله ادام اى حد فبجد لايصح ن تترك خطيبتك هكذا فلازم تاخد موقف وتعرفها ان انت الرجل ومتسمحلهاش انها عملك كده ابدا انا فقدت انتيمتى بسبب عصبيتها افظع حاجة بجد العصبية ربنا يكون فى عونك ويوفقك

  24. إسلام
    22/12/2010 at 15:37

    بقولك غيه يا خويا
    مع كامل إحترامى للأخت مسلمه أنا مش معاها فى بعض الحاجات هو إنت لسه هتعودها على أسلوبك وطباعك؟
    هى من نفسها لو مش بتتعود عليك وتشوف طلباتك وكمان تحترم رغباتك من نفسها يبأه البعد عنها غنيمه وبصدق إنت الكسبان إنما أنا معاها فى إنك تسيبيها يومين تلاته من غير ما تكلمها ولو قالتلك إنت مش بتسأل قولها مش فاضى وخلاص وماتقعدش تقول مبررات لأن ده بيضعف الشخصية جدا
    قولها ماكنتش فاضى وخلاص ولو قالتلك إنت متغير قولها لأ بس يمكن إنتى الى حاسه بكده وحاول تستعبط عليها وصدقنى لو مشيت و را قلبك هيوديك فى 60000000 داهية.
    حكم عقلك ودوس على قلبك شوية وعيب عليك لما بنت هى الى تقولك الكالم ده مع إحترامى للأخت مسلمه ولها منى كل تقدير واحترام.
    أخوك إسلام المحام

  25. حبيبة الرحمن
    22/12/2010 at 15:26

    البنت العصيبه والعنديه مش حلو ومش يتعمر في بيوت وانك ضعيف الشخصيه معاها بالبلدي اكده هاتركبك خالي باللي لو الطبع مش مرتاح معاها يبقه ابعه احسن مايجي عيال

  26. صلوا على نبيكم محمد(مسلمه
    22/12/2010 at 14:04

    واضح انك ضعيف الشخصيه معها تبرر ذلك بانك هادىء وغير عصبى والبنت عرفت ذلك من تصرفاتك معها فهى تلعب دور الرجل وانت تلعب دور المراه لازم تكون جاد معها واذا غضبت من لا سبب لا تتاسف لها واذا لم تكلمك لا تكلمها صدقنى هتجرى وراك البنت تحب الرجل القوى اللى يحسسها برجولته مش الرجل الضعيف الى تشخط فيه وتزعقله وهو لا يرد ويبرر موقفه هقولك حاجه انت طبعا بتتصل بيها يوميا حاول متتصلش بيها كل يوم يعنى فوت يوم او اثنين واتصل بيها واذا غضبت بين لها انك كمان غضبان وانك لا يهمك غضبها ولا تصالحها اتركها كثير من الوقت ولا تعتذر لها ابداالا اذا كنت فعلا مخطىء صدقنى هتحبك وهتحترمك وهتجرى وراك حسسها برجولتك انت القائد مش هى مش كل حاجه تقولها حاضر وطيب ومتاسف لو هى غلطت فى حقك لا تعتذر انت واتركها تعتذر هى واذا كنت انت المخطىء اعتذر ولما تقولك انها عصبيه قولها عصبيه على نفسك مش عليا لازم تعرفى انك بتكلمى الرجل اللى هيبقى زوجك مش عيل وبتادبيه خليها تحترمك الست متحبش الرجل الضعيف

  27. roro
    22/12/2010 at 13:43

    حطلها خطوط عريضة وفهمها شو بدك منها واسالها شو بدها منك بالزبط وتكلمو بهدوء وانو انتو هتبنو اسرة لازم يكون العقل هو الذي يدير هذه الاسرة واذا غلطت معك بعد ما اتفقتو ازعل منها فترة وهي شوي شوي رح تفهم
    بعدين في نقطة البنت بتحبك كتير وخذ هذا الكلام من بنت متلها والبنت بس تحب رجال بتتمنى منو كل شي
    بس انت روض عصبيتها وفهمها انو انت رجال ولازم يكون الك شخصيتك وانت بتحبها بس ما كل الوقت بتقدر تعبرلها عن حبك
    واذا رجعت قالتلك انو انت ما بتهتم فيني قلها انا بحبك ومهتم فيكي وانت عندي اغلى من الدنيا شيلي وساس الشيطان من راسك لانو رح نخرب علاقتنا بهالتفكير
    المرأة دائما بحاجة الى الرجل ان يطمئنها انه يحبها ومهتم بها
    ونصيحة اقرأو الرجال من المريخ والنساء من الزهرة رح يعرفكم على الاختلاف بين الرجل والمرأة لتقدرو تتعاملو مع بعض وخاصة الاختلاف بين الرجال والمرأة اختلاف فطري لا انت بتقدر تعملها رجال وتفكر متلك ولا هييي بتقدر تعملك امرأة وتفكر متلها

  28. عزوز
    22/12/2010 at 10:01

    والله سوف تشوف الويل بعد الزواج مع هذه الفتاه واذكر كلامي هذا جيدا-لا تعودها على هذا الاسلوب معك سوف تركب وتبرتع علي اكتافك وتكسر شوكتك امام اهلك

  29. العمدة
    22/12/2010 at 08:22

    نصيحة اخى العزيز لا تكمل معاها من واقع تجربة لصديق ليا وفشل الزواج وانت دلوقتى على البر بدل ما يكون فى اولاد وألى زى دى ما بيتغيرش وممكن بعد الزواج تزيد اكتر وممكن تحرجك امام اهلك واهلها ومعارفكم ومش حتعرفوا تتعاونوا فى تربية اولادكم لأنها ممكن تورثهم العناد وممكن تستعملهم كورقة ضغط عليك فى بعض الأحيان او تحاول تكون هى المسيطرة ويكون شكلك مش ظريف قدام اولادك فنصيحة تزوج واحدة متفاهمة ولو غلطتت تعترف بغلطها وتعتذر لأن ألى ما بيعترفش بغلطه ويعتذر عمره فى حياته ما حيتعلم ولا حيتغير ووقتها الحب حيموت وتكره اليوم ألى أتولدت فيه

اترك رداً أو حلاً لهذه المشكلة