خطيبتى تريد مساعدتى بالمال فى جوازنا وانا رافض
اخوانى فى الله
انا شاب 23 سنه وخاطب بنت عمتى منذ عشر شهور وانا حاليآ بكمل دراسه سنه بعد الكليه وبعد كده هسافر لكى اكون نفسى واتزوج واحنا الاثنين حالتنا الماديه عاديه وزى بعض
المشكله بقى ان خطيبتى حاليآ بتشتغل ومعاها فلوس فائضه منها عايزه تديهالى عشان تساعد بيها معايا فى موضوع الجواز للشقه والشبكه والحاجات دى واهلها موافقين على كده
لكن انا واهلى مش موافقين على انها تديلى فلوس تساعد بيها معايا لان ما ينفعش المفروض ان انا اللى اديلها مش انا اللى اخد منها
صحيح ده فعل كويس منها يدل على كتر حبها لى وتمسكها بى لكن انا ارفض ذلك وانا صحيح دلوقت معاييش فلوس اعمل بيها حاجه فى موضوعنا لكن ان شاء الله هسافر قريب وهجيب فلوس بس محتاج وقت مش اكتر
طبعآ هى عايزه تدينى الفلوس بالعافيه وبتقولى فلوسك هى فلوسى وفلوسى هى فلوسك يعنى مفيش فرق بينا
اعمل ايه انا رافض ومش متقبل الموضوع وهى مصممه
ياترى انا صح ولا هى اللى صح افيدونى بالله عليكم
بص هقولك الموضوع ده حصل معي عندمااردت الزواج للمروالثانية وكانت ظروفي صعبة على ديون وماقدرش عل تكاليف الزواج وشرحت للست دي برغبتى في الزواج منهاولكن ظروفي ماتسمح بذلك وكلامنا يرغب في التاني بالحلال وظروفهاالمادية كويسةواحسن حال مني وعطتني مبلغ 100الف ريال ولم اخده الابعدمااشترطت عليهاانه سلفة على اسدده في اقرب وقت وفعلا وافقت وتزوجنا وبعدمرور 2سنة منالزواج رجعت لهاالمبلغ 100الف مثل ماوعدتها وماشي امورناوحياتناعلى احسن مايرام وخصوصابعدمارزقناالله بولد وبنت والحمدلله على كل حال
البنت كويسةواصيلة وتحبك ومش عاوزه تخسرك مافيه مانع انهاتساعدك حتى ربنايفرجهاعليك وتردها لهاواعتبرهايااخي دين اوقرضه وماتكبرش الموضوع وتفكر فيه ذل ولامهانة ربي يوفقك ويسترعليك ويسرامرك
خطيبتك دي تستاهل تحطهاتاج على راسك وتفتخرفيها ولامانع ان تساعدك وتوقف معك عشان يتم زواجكماخدالفلوس وعتبرهادين عليك تسدده لهافيمابعد وبلاش تعقد المسايل الله يهديك ويصلح الحال
هى بنت كويسه ان هى بتفكر انه تساعد فى الزمن اللى احنا فيه لوواحده تانيه كانت سبيتك وقالتلك كون نفسك وبعدين اتقدم حافظ عليا واحمياها واوعع تفرط فيها بالنسبه للفلوس انا مش عارفه اقولك ايه بس اعتمد على نفسك واشتغل وكون نفسك بنفسك علشان لوحصلت مشكله بعد الشر يعنى هى مش هتقولك حاجه اهلها هما اللى ممكن يقولوه
انا اكتبلك للمره التنيه والله انتوا الاتنين صح هى صح عشان عايزه تسعدك وفلوسها زى فلوسك وانت معاك حق ان ده فعل كويس هى من حقها تشوف نفسها عروسه ولبسه الطرحه انا وهى بنات زى بعض ونفهم بعض اكتر منته تفهمها
والله خطيبتك دى ما فيش منها فى الدنيا وهذا على انها تحبك بالمناسبه لموضوع المال اخذ منها الفلوس وبعد ذلك ردلها الفلوس
والله خطيبتك دى مش حتلاقى زيها فى الدنيا كلها
وماله مش عيب ولا حرام لما تساعدك
دى شارياك ومش بايعاك وعاوزه الخير يعم والله
ربنا يوفقكم مع بعض
انا مش شايف اى مشكله طول ما هيه عايزه تعجل من موضوع الجواز وبعدين ما هيه الفلوس فى الاخر هتعود عايه بردو
علي سبيل السلف بس بلاش الاهل تعرف خليها بينك وبينها وتشيل ليها الفعل ده لانها بتحبك جدا وان شاء الله ربنا ما يجيب زعل وبعدين اعتبرهم قرض بس من حد مضمون ومش هياذيك. مفيش اي مشكله انا موافقه علي انها تساعدك وانت خذهم علي سبيل السلف ولما ربنا يكرمك رجعهم . هيه بتعمل كده علشان نفسها ترتبط بيك رسمي وتستقر. يعني مساعدتها ليك استقرار ليها هي اولا.
اوعه تاخد منها حاجه
وخليك راجل واعتمد على نفسك من البدايه
انا من رى جم الدراس تشتغل لكن ما تخودتش فلوس منها هايج يوم وهايحصل مشاكل ما بنكم وساعاته ما تعرفش هاى ليه يحصل
لا ارى مانعا من ان تأخذ من أهلها ( عمتك وزوج عمتك ) الفلوس على سبيل السلف
وعندما تسافر ويتيسر بك الحال تقوم بسدادها على بركة الله
اوعى تاخد منها حاجة هتحل مشكله وقتيه وبعدين تتصدر لكل مشكله عمرك مهتعرف تحلها
لو حصل مشكله بعد كده هتقولك دى شقتى بفلوسى اهلها لو حصل بينكم اى خلاف هو نسى ده متجوز بفلوسها يابنى عيش على ادك وامكانياتك اللى بيساعد حد مبينساش انه ساعده ابدا
وواحدة واحده هتعمل كل اللى نفسك فيه ولو هى بتحبك بجد وهما شارينك يوافقه على الجواز بامكانياتك الحاليه وربنااااااااااااااا يوفقك