مشاكل الشباب قبل الزواج

وعدت حبيبتي الأولى الملتزمه بالزواج .. هل إستعجلت ؟؟؟

أنا معمريش حبيت أي بنت من قبل و دي كانت أول بنت بحبها تعرفت عليها في أول سنة في الكلية كانت هي متابعاني على مواقع التواصل فأنا كمان تابعتها كانت هي بتخش عليا في الأول تبعث تعلقلي على منشور أنا منزله أو تسألني على تسجيل محاضرة ومن موضوع لموضوع بدأنا نتكلم……
أنا مكنتش بضيف بنات على مواقع التواصل و كنت الحمد لله بقالي كم سنة ملتزم وأحاول محتكش ببنات كتير.. بس دي مش عارف يعني حتى بكون عايز اتزكر أنا حبيتها لي مبتزكرش!!!!
ومكنتش ببص لبنات يعني فمكنتش مدقق في شكلها وبعد مبقينا مع بعض في علاقة وبأيت ابصلها كتير وجدت إن وشها كان عادي و جسمها مكنش حلو مش جسم أنثى يعني…..
طيب، أزاي بدأت العلاقة؟ هي كانت بتنزل بوستات دينية و لنفس الشيوخ لأنا كنت بحبهم وبتعمل مشاركة لمنشورتهم وكانت بتتكلم معايا فأي فرصة بتحصلها و بعدها أنا كمان بديت إتكلم معاها في كل فرصة أو أعلقلها على منشور و كدا يعني…..
بعد فترة تكلمنا على المزيكه و أنا مكنتش بسمعها فقالتلي إن هي كمان مبتسمعهش بس أنا شكيت إنها بتقول الكلام ده عشان هي عرفت إن أنا مبسمعش و نزلت تحت في ايميلها على الفيسبوك قبل منتعرف على بعض بكم اسبوع و لقيتها بتنزل مزيكه على صفحتها الشخصية و قريت طريقة كلامها في التعليقات مع صاحبتها وكانت تتكلم كلام لا يدل على الالتزام و بعد مسألتها عن مدة التزمها قالتلي قبل منتعرف بكم شهر و طبعا دي كانت كذبة عشان بوستتها و كلامها مع صحبتها يقول عكس ذلك!!
كانت في كم بنت قبلها بس مكنتش برد او اعملهم اضافة عشان كانن في الغالب متبرجات و ملابسهن وحشه و أنا مكنتش ابحث على علاقة!!
و بعد كم اسبوع وشهور من كلامنا المتقطع يعني مرة في الاسبوع أو كل اسبوعين يعني اي فرصة نتكلم فيها بم بعض نتكلم!
و كنت بفكر فيها كتير أوي فصارحتها اني معجب بيها وعايز نتعرف على بعض اكثر… فهيا فرحت كتير و قالت انها مش مصدقة و أنا كمان فرحت وقتها يعني وقالتلي انها معجبة بيا من بداية السمستر وبدأنا نتكلم كتييييير أوي!! بس على الفيسبوك بس!!
بس بعد فترة لاحظت انها مكانتش ملتزمة يعني كانت بتصلي بس! ومبتسمعش مزيكة! واوقات بتلبس جينز فتكلمت معاها على طريقة لبسها موافقتش انها تلبس جلبية أو نقاب بس بعد فتره من الكلام والنقاش لملوش أي لزمه! بدت تلبس في العباية وممرش كم اسبوع وصارحتني انها عايزة ترجع تلبس ملابس عادية بس هتكون واسعة ومش ملفتة تنرفزت أنا طبعا!! لانها مكانش بيهمها الصح من الغلط وحتى بعد متكلمنا عن علاقتها بأقاربها وفي العمل في المستقبل قالت انها عادي ولازم طبيعة عملها هتحتك برجالة كتير وقالتلي مش معنى كده ان انا عيزة كده بس هيحصل يعني ولما انا مبتكلمش على الموضوع هي ميبنش ان هامها الموضوع ده ((الاختلاط)) يعني…..
وقالتلي انها اوقات بتسمع مزيكة بعد متكون مش متريحة نفسيا وكده…..
هي انسانة طيبة اوي وروحها جميلة وبتحبني كتير جدا جدا وبتضحكني وهزارها جميل!! بس بعد منتكلم في امور دينيه بتزعل على طول!! وساعات بتقول انا عارفه مصلحتي بس وانت بطل بقا تدخل في في كل حاجة وتبقا عايز تتحكم في حياتي…..
وانا في بداية العلاقة قلتلها انا مش بتاع علاقات ومش عايز يكون بينا علاقة بس كنت عايز اتعرف عليها بس، عارف ان الشيء دا كمان كان حرام وعشان كده بعد فتره قلتلها نبطل نتكلم مع بعض لحد بعد كم سنة ان شاء الله اجيب اهلي ونجي نخطبها
بس هي مكانتش متقبله الموضوع وبعد فترة طويلة من طرحي للموضوع وافقت وقلنا بعد امتحانات السمستر ده ان شاء الله نبقا نبطل نتكلم…..
بس نفس مقلت أنا مش حاسس ان هي الزوجة الصالحة لأنا كنت عاوزها ومش عارف او مش متآكد حتى أنا حبيتها ليه!!!؟؟ …..
يعني لجذبني نحوها كان التزامها لحسيت بعد كده انه مش حقيقي وعطيتها علم ان انا كنت عايز نكون عائلة مسلمة ونغير في المجتمع ومنكونش زي كل (الملتزمين)) لبيصلوا ويصوموا ويزكوا وبس!! ومش هامهم حال المسلمين والامه المسلمة….. و أنا مش بتاع علاقات و مبتريحش نفسيا و أنا بتكلم معاها عشان العلاقة دي مخالفة للشرع وحرام …..
فأنا دلوقت أعرف ازاي ان هي هتكونلي زوجة صالحة او لا؟؟؟؟ وهل هي صح ملتزمه او عشان بس بتحبني!!؟؟؟ وهل انهي العلاقة لبينتنا للابد؟؟ او نفس متفقت معاها ان نبطل نتكلم مع بعض و بعد منكمل دراسه وببقا جاهز ماديا و نفسيا هجي اخطبها ؟؟ يا ريت تفيدوني عشان أنا خايف جدا و مش عارف اعمل اي!؟ وربنا يبارك فيكم

مشاكل وحلول ذات صلة

اضيف بتاريخ: Saturday, June 23rd, 2018 في 02:23

كلمات مشاكل وحلول: , , , , , ,

3 رد to “وعدت حبيبتي الأولى الملتزمه بالزواج .. هل إستعجلت ؟؟؟”

  1. البرنس
    06/07/2019 at 01:46

    شوف انت بتدور في حلقة مفرغة مش قادر افهمك تماما كل الموشرات توكد ان البنت فعلا محترمة وكويسة جدا ولا لها علاقات مع شباب ومتدينة وعلى خلاق وتربية ايه عايز اكثر من كلدا اما مسالة اللباس اوسماعها للمزيكا فده موجود في اغلب البنات في زمننا هذا مافيش بنت ماتلبس جينز او تسمع موسيقى واغاني دي الحقيقة اللي حاب تعرفها لو انت فعلا ترغب في الزواج وجاد فيه تقدم ليها حسب الاصول واخطبها من اهلها ومن حقك تسال عنها وعن اهلها قبل الاقدام على تلك الخطوة انا بعرف بنات وستات تجدهن متحجبات وماتشوف منهن شي وتظن انها على دين وخلاق وفي الحقيقة انهن عكس هذا تماما تجدها تتفرج على افلام اباحية وتتكلم مع هذا وذاك ولاتلتزم رغم انها تدعي انها على دين وتصلي وتصوم وتقرا القران فليس كل من تلبس بعباءة الدين صار من اهله ارجوا انك اقتنعت بكل ماقلته لك وان كنت لاتزال على شك في هذة البنت فمن الافضل لك تركها وعدم الاساءة لها ولست وصي عليها وكل شي قسمة ونصيب

  2. انسانة
    01/07/2018 at 05:42

    يا ليت الاقي زوج مثلك لان نفس الافكار بردو واخاف ان اقع في شخص ليس ملتزم

  3. ابوالبتول
    27/06/2018 at 23:36

    شوف يااخي لو كنت فعلا تحب البنت دي زميلتك في الكلية ومتاكد من اخلاقها وانها كويسة ومحترمة فتوكل على الله وتقدم لها وخطبها من اهلها وخلي علاقتك بها رسمية كالخطوبة اما غير كدا فلا احد يرضى بهذة العلاقة على نفسه هل ترضاها لاختك انها تعرف شاب وتتكلم معاه الى اخره مثلما لاترضا لاخواتك كذلك لاترضى لبنات الناس كدا وكما تدين تدان اتقي الله عزوجل في نفسك وفي البنت دي وسمعتها وشرفها ومسالة هل هي هتكون الزوجة الصالحة لك فهذا شئ يتاكد من خلال سوالك عنها وعن اهلها اذا كنت جاد في الارتباط منها فكل كلامك عنها يدل على انها فتاة محترمة وعلى دين وخلاق ومسالة اللباس وسماعها للمزيكة فكل البنات في مثل عمرها يعملوا كدا المهم الجوهر وليس الشكل الخارجي فتقدر انت تغيير طباعها وسلوكها للافضل وتخليها اكثر التزاما وتدين اما ان كنت غير صادق في مشاعرك ولاجاد في الارتباط بها لظروف خاصة بك فلا تظلمها معك وتخليها تتعلق بك اتركها وانسحب من حياتها واخبرها بان الزواج قسمة ونصيب دون الاساءة او التجريح لها وربنا يؤفقك ويصلح حالك ويسر امورك ان شاء الله

اترك رداً أو حلاً لهذه المشكلة