مشاكل الشباب قبل الزواج

اكمل تعليمى واتفرغ للدراسة ولااستقر واتجوز

انا عندى 29 سنه وبدرس تجارة تعليم مفتوح دلوقتى انا رايح تانية لان بدات ادرس من سنتين تقريبا عشان استفيد بالشهادة من خلال الشغل اللى انا فيه انا بشتغل فى شركة اسيك بمصنع اسمنت سيناء عايز الشهادة هادى عشان ممكن تنفعنى الشركة هادى طبعا قطاع خاص المشكلة ان انا بساعد فالبيت وفى نفس الوقت بصرف على الجامعة بمرتبى 750 جنية شهريا انا عايز اتجوز استقر فى بيت ليا انا مش عارف اعمل ايه فى نفس الوقت عايز الشهادة طبعا الواحد من السهل انو ينصح غيره بس من الصعب انو ينصح نفسه0 محتار اكمل تعليمى واتفرغ للدراسة ولااستقر واتجوز 0

مشاكل وحلول ذات صلة

اضيف بتاريخ: Sunday, September 26th, 2010 في 11:13

كلمات مشاكل وحلول: , , , , , , , , , ,

6 رد to “اكمل تعليمى واتفرغ للدراسة ولااستقر واتجوز”

  1. ابوبتول
    26/09/2014 at 10:29

    اخي الفاضل اذاكنت تقدرتصبر وتكبح جماح غريزتك من النساءوالوقوع في المحرمات فاكمل تعليمك وحصل على الشهادةاللي تناسبك وان كان مش قادر على كلده وتخاف تقع في الحرام فتوكل على الله وتزوج لاجل تعف نفسك عن المحرمات ولايمنع انك تكمل تعليمك وتحصل على الشهادة الزواج راحةواستقرار بس احسن الاختيار للزوجة من دين وخلق وتربية وربي يوفقك في حياتك

  2. جنت الربيع
    26/02/2011 at 22:30

    انا عندى نفس المشكلة بس انا بنت مش ولد وعند22 سنة ومش عارفة اعمل اية

  3. وائل حامد البيومي
    27/09/2010 at 17:44

    لا تصير غبي جواز ايه كمل دراسه وذاكر وأجتهد الزواج ملحوق عليه النكد جايلك جايلك متستعجلش عليه اتعلم احسن الشهاده هتعليك والمره هتعريك تختار اللي يعليك ولا اللي يعريك عقلك في راسك والله انا مجرب والصح اللي انته فيه كمل الطريق اللي بدأته غيرك وقف بره مش عارف يحط رجله على الطريق ده

  4. اشارك برايى بموضوعيه
    27/09/2010 at 12:25

    لو تقدر تاجل مشروع الزواج يبقى التعليم افضل
    بس لو مش قادرو خايف من الفتنه فعليك بالزواج

  5. للقلوب السليمة
    27/09/2010 at 00:18

    تختلف الإجابة حسب أولويات كل فرد . فعلى سبيل المثال لو كنت تفتن بالنساء ولا تصبر حتى تنتهي من تعليمك وقد تقع فيما يغضب الله فتكون الإجابة بتحصين نفسك بالزواج أم لو لم تملك من المال ما تؤسس به بيتا وتنفعك الشهادة في تحسين دخلك فركز وأنتهي سريعا للتفرغ للمرحلة التي تلي ذلك علما بأن للزواج تبعات من متطلبات للأسرة ثن للأبناء وستجد دوامات قد يصح معها أن تنهي تعليمك أولا وأعلم أنك ما زلت في مقتبل العمر وإن شاء الله ترزق بسعة في المال وتظفر بذات الدين. وفقك الله وسدد خطاك في العلم والدراسة وفي حياتك المستقبلية

  6. samara
    26/09/2010 at 20:58

    كمل تعليمك طبعا وربنا يوفقك

اترك رداً أو حلاً لهذه المشكلة