مشاكل الشباب قبل الزواج

امنية حياتي علشان اتغير انــها تحبني

انا عندي 20 سنة تعليم متوسط انا بحب واحدة قريبتي بالنظرات وهي كمان بتبادلني نفس النظرات هيا في اولي ثانوي انا بقالي مده كبيرة قوي بحبها بالطريقة دي انا عارف طبعا ان الشاب هو اللي لازم يقول للبنت انا بحبك لكـــــــــن حـــاولت كتير باجي عندها وجسمي بيرتعش ومبقدرش علشان احترامها والتزامها ومش عارف هي بتفكر في ايه وانا مش بحبها حـــــــــــب عادي يعني مش حب تسليه لا انا بتمنــــــــــــي انها تكـــــــــــون شريكة حيــــــــــــاتي وصلة القرابة اللي بينا وخوفي لا قرايبي يفتكروا ان انا بلعب ببنتهم هو ده اللي منعني عن الكلام بس انا خايف لا تضيع مني عايز رد مقنع واقدر انفذه

مشاكل وحلول ذات صلة

اضيف بتاريخ: Wednesday, February 23rd, 2011 في 08:38

كلمات مشاكل وحلول: , , ,

12 رد to “امنية حياتي علشان اتغير انــها تحبني”

  1. احمد الحزين
    08/08/2011 at 08:17

    انا زييييك بس انا 17 وهيا 15 ههههه.ماحدش سضحك.بس انا بفكر اروح اخطبه االسنة الي جاية لوحددي فانا لو منك اروحلها لوحدي لوحدي لوحدي وهيا لو وافقت واهلها مارفضكش وقالولك لازم اهلك قول لأهلك انا عايز اقلك حاجة بس الموضوع بهدوءوبحكمة وهما بأذن الله حايفوقوا

  2. زيزو
    17/07/2011 at 09:25

    هي نفسس مشكلتي للاسف وبرده بنت عمي وقربتي
    بس الفرق ان انا 18 سنة وهي 17 يعني قريبين في السن اوي
    وكمان مش عارف اصارحها ازاي دي العيلة كلها تعرف 🙁

  3. ورد المنى
    14/04/2011 at 19:58

    لو سمحت يا اخى صاحب المشكلة اوعى تسمع كلام الاخ بندق انك تاخد رقمها وتكلمها والكلام الفاضى بتاع اليومين دول والله لو ليك نصيب فيها هتتجوزها غصب عن عين اى حد ده بارادة ربنا مش بارادتك ولا بارادتها متزعلش يا اخ بندق منى ارجووووووووووك اسفة جا

  4. سهيلة
    24/02/2011 at 00:32

    اولا لازم تتخلص من احراجك وتقول لها انك بتحبها وعاوز تخطبها مش اكتر من كدة وشوف رايها ولو كانت بتبادلك نفس الشعور تخطبها من اهلها على طول وبكدة مفيش حد حا يفكرك انك بتلعب بيها ولا حاجة ياريت رايى يعجبك وربنا يوفقك

  5. a.m
    23/02/2011 at 23:34

    عايز اقولك على حاجة انا شايف انة صح,لو انت متاكد انها بردة حاسة بيك وبتفكر نفس تفكيرك قولها على طول لكن لو انت شاكك خلى حد وسيط بينكم يوصلها الكلام اللى انت عايز تقولة بشرط ان الوسيط دة يبقى مصدر ثقة ليها كمان عشان ممكن تخلى حد وسيط وهية تكون مش حباة

  6. لله الامر من قبل ومن بعد
    23/02/2011 at 20:52

    شوف وقت كويس كده يكون الست الوالده مزاجها رايق هى والسيد الوالد وكلمهم وافتح معاهم الموضوع قلهم انتوا اتجوزتوا وانتوا عندكم كام سنه مثلا سؤال فى هزار الاول ولما يقولولك اكيد هما اتجوزوا بدرى انت بقا قلهم يعنى انا كمان كده عينى اليومين دول زايغه بسى الموضوع محرج شويه حتلاقيهم هما فتحوك فى الكلام وعايزين يعرفوا ابنهم ده عينه زاغت على مين وربنا يوفقك

  7. الهادئه
    23/02/2011 at 18:29

    اولا اذا كنت بتحبها ولوعندك اخت يعنى خليها تتكلم معها وتشوفها بتفكر الزاى يعنى تجس نبضها والله لو موافقه تبقى تتقدملهاوربنا معاكم لكن نصيحه البنت فى السن ده بتكون فى مرحله المراهقه ومش بتقدر تاخد قرار كويس بجد

  8. LULU
    23/02/2011 at 14:03

    انت امكانياتك ايه؟ تقدر تتقدملها مثلا ؟
    لو تقدر قول لأهلك يكلموا اهلها وخش البيت من بابه زى ما بيقولوا

    لو ما تقدرش اصبر هى لسه صغيره اساسا وصعب تتخطب دلوقتى يعنى
    بس عرف اهلك انها عجباك ونفسك تتقدملها

    وربنا يوفقك

  9. ايمى زملكاوية
    23/02/2011 at 12:23

    هقولك كويس انك مكلمتهاش عارف لية عشان لو اتقدمت او حد عرف ميسالها ولما تحلف متبقاش كدبة فهمت قصدى اتقدم ليها ولو رافضو قولهم طب انا هستناهم لحد ما تخلص مكنش كدة يبقا نصيبك مش دى محدش عار فالنصيب فين وهقولك لو مش من نصيبك هتتعب وخصوصا انها من العيلة يعنى فى وشك على طول لو مش من نصيبها خلى صلة القرابة زى ما هيا

  10. صحيحة
    23/02/2011 at 12:23

    علي اهلها عدل مدام هي ملتزمة اوعي تلف من برا وترحلها لحسن تقل في نظرها دي لسه صغيرة يعني مشوشة ومراهقة ولو خدت عنك فكرة وحشة يبقي انسي انها تتغير بسرعة علي اهلها وانت معاك اهلك واتكلم عليها واربط كلام حتي

  11. محمد
    23/02/2011 at 10:17

    اظهر جديتك بالبحث عن عمل وتكوين مستقبل ثم تقدم الى اهل البنت بعد سنتين على الاقل لانها فى مرحلة تكوينها الدراسى

  12. بندق
    23/02/2011 at 09:02

    حاول تاخد بس رقمها قولها ممكن رقمك علشان ابقى اكلمك وكدة بعدين ربنا يسهلها وتلمحلها

اترك رداً أو حلاً لهذه المشكلة