مشاكل الشباب قبل الزواج

سلوك اخواتها هيخلونى اسيبها

الموضوع باختصار انى بحب واحدة وبموت فيها من تلات سنين وخطبتها  وابويا واهلى ما كنوش موافقين كانوا عايزين يجوزونى من العيلة بس انا اتمسكت بيها لحد ما خطبتها وابويا شاف امها وابوها ولاقاهم ناس كويسين ومحترمين جدا ووافق عليهم عشان اهلها بجد ناس كويسين بس المشكلة بقى فى اخواتها ليها  اخين يعنى مش عارفلهم حاجة مش عارف اذا كانوا كويسين والا لا الكبير حاسس انه سلوكه مش كويس لا نه يعنى طايش شوية والاصغر شوية ماشوفتوش من ساعة ما خطبت اخته  من 6شهور ولا مرة ولا اعرف شكله ايه وهو مش مهتم انه يشوفنى وطلبت كذا مرة انى اشوفه بس طبعا كان بيقولى حجج انا مش مقتنع بيها والكبير ما شفتوش غير مرة واحد وكان بالصدفة وقعدت معاه خمس دقايق وهما الاتنين دلوقتى مش بيشتغلوا وواحد منهم عنده28 سنة والتانى عنده تقريبا 24 وانا حاسس كدة انهم مش كويسيين انا مش عارف اعمل ايه انا خايف ليسببولى مشاكل بعد الجواز او انهم يطلعوا ماشيين مشى وحش يجبلى مشاكل او يسوأ سمعتى وسمعة اختهم وانا من عيلة محترمة وعمرنا ما حد سمع عننا حاجة وحشة انا دلوقتى مش عارف اعمل ايه مش قادر ابعد عن حبيبتى وخطيبتى وفى نفس الوقت عايز اقعد معاهم واعرف سلوكهم عامل ازاى عشان ما اندمش بس هما  مش مدينى فرصة اشوفهم والا هما ما يهمونيش فى حاجة اهم حاجة هى كويسة وبتموت فيا وابوها وامها ناس طيبين ومتعلمين تعليم عالى  ارجوكم قولولى

مشاكل وحلول ذات صلة

اضيف بتاريخ: Tuesday, October 19th, 2010 في 00:45

كلمات مشاكل وحلول: , , , , , , ,

11 رد to “سلوك اخواتها هيخلونى اسيبها”

  1. مجنون نسوان
    13/02/2016 at 22:56

    اتفق مع الاخ ابواميرة جزاءه الله كل الخير في كل ماقال لصاحب المشكلة الاخ السائل ده هوالراي الصحيح والحكيم اعمل بكل ماقال لك وربنا يوفقك ويسعدك في حياتك القادمة

  2. ابواميرة
    04/01/2014 at 23:25

    اولا الاستادعصام المحامي هداك الله كاني بك عايش في عالم تاني ماحدش منامعصوم كلنابشر بنخطي ونصيب وخيرالخطايين التوابين لماذاهذاالتحامل على البنت واهلها وتقفلهافي وش الراجل يااخي احسنوالظن بالله وتفاءلوابالخيرتجدوه وكل انسان مرهون بعمله وماحدش ياخذذنب احد اطلاقا الله تعالى يقول -ولاتزروازرةوزرااخرى -دام البنت محترمةوعلى دين وخلق واهلهاكويسين ايه المانع انوالشاب يتزوج منها حتى لوفرضناانواخوانها فاسدين مش ذنبهاانواخوانهاكده يوجدفي الكثيرمن الاسروالعوايل الولد الصالح والبنت الفاسدةوالعكس وحتى الاخوان التوائم تجدهم متشابهان في الشكل واللون لكن في الطباع مختلفين هذا شرير وذاك خيروطيب وذي فطرةالله في عباده من يوم خلق ابوناادم حتى تقوم الساعة اليس هابيل وقابيل خرجامن رحم واحدة ابوهماواحد وامهماواحدة ولكنهمامختلفان في كل شي

  3. ابواميرة
    20/10/2013 at 10:49

    انت مش ملاك جاي من السماءعشان تحكم عل ناس دول كويسين ولاوحشين ماحدش عارف بخفاياالناس الاربهم هواللي خلقهم وهوالمتكفل بهم من احسن فلنفسه ومن اساءفعليهاوماربك بظلام للعبيد وكل انسان وعمله ولاتزروازرةوزراءاخرى واهم شي ان البنت كويسةومودبةوابوهاوامهاكذلك يبقى عايز ايه انت توكل عل الله وتزوجها وربي يسعدك ويوفقك

  4. ابواميرة
    26/12/2012 at 19:43

    كبردماغك يابني دام البنت كويسةومودبةوتحبك وانت تحبها واهلهاناس طيبين مثل ماتقول ايش لك باخوانها انت حتتزوجهااوتتزوج اخواتها كل انسان بعمله سوف يحاسب ولاتزر وازرة وزرااخرى وتوكل على الله واهتم بخطيبتك وفكرفيهاوفي حياتكم القادمة وربي يوفقكم ويسعدكم

  5. فاطمة
    10/04/2012 at 00:58

    نت غتزوج بها هي ماشي بخوتهاولوالدين متاعها مزيانين وجميع لبشر يوم لقيامة كل واحد غيتحاسب على فعالو ماشي على فعال خوتو ولا فعال ناس اخرين نتمنى ما تظلمهاش ومدام كتبغيها عنداك تخلى عليها بالتوفيق

  6. مي
    14/08/2011 at 00:35

    انت مش ليك دعوة بخواته انت هتعيش معها مش معهم هم هي طلام كويسه مش تفكر في اي حاجه اوى تسبها

  7. عصام المحامى
    20/10/2010 at 19:35

    اخى الكريم لايصح الا الصحيح الرسول عليه الصلاة والسلام قال تخيروا لنطفكم فان العرق دساس صدق رسول الله صلى الله عليه وسلم يبقى المهم انك تتاكد من الناس دى كويس اوعى توعدهم بحاجة ولا مواعيد الا ما تتاكد اتاكدت انهم كويسين والمانع خير يبقى تمام والله يعينعه اما اذا كانوا ناس مش كويسين يبقى قدامك حل واحد ما لوش تانى وهو انك تسيب خطيبتك واهلها وتدور على واحدة تكون كويسة وبنت ناس محترمين ذى اهلك وسيبك من العواطف واللى يقولى مع احترامى ليهم اللى يقولك طالما البنت كويسة خلاص ( كلام والله ما هو صحيح ) لانهم هيبقوا فى يوم من الايام اخوال عيالك وانت ما يرضيك ان يكون اخوال عيالك حرامية و لا مؤاخذة واهم من كده انك تصلى صلاة الاستخارة وربنا يوفقك وتقابل انسانة بنت ناس كويسين …………..وشكرا

  8. dr smsm
    19/10/2010 at 14:49

    بص عشان تعرف هما كويسين ولالا حاول تقعد معاهم وتجاريهم فى الكلام وحاول تعرف هما بيشتغلوا اية من كلامهم وكل لما حد فيهم مثلا يقول اى حاجة ما تعجبكش قول دا كان طموحى وكان نفسى اكون زيك وكدا وهما هيقولولك كل حاجة انت عايز تعرفها عنهم
    وبعد كدا خد قرارك

  9. اساعدك
    19/10/2010 at 08:01

    لو هي كويسة يبقي خلاص وحاول تشوفهم تاني
    لكن بلاش تاخدها بذنب اخواتها وياريت بلاش ترهن بعدك عنها بأخواتها
    وحاول تكلمها مفيش مشاكل واكيد هتفهمك واسألها عن سلوكهم وخليها تحكيلك وخدها بهزرا كده وقلها انا معرفش عنهم شئ

  10. سيد العاطفى
    19/10/2010 at 02:08

    الموضوع سهل اهم حاجه البنت طالما كويسه يبقى خلاص اتوكل على الله وكمان امها وابوها كويسين
    وكمان حاول تقعد معاهم وتصاحبهم وتعرف عنهم كل حاجه
    حتى لو حصل منهم حاجه مش كويسه بعد كده ما تغيرش معاملتك لخطيبتك لانها مالهاش ذنب
    صدقنى اهم حاجه خطيبتك طول ما الحب موجود خليك معاها وماتسيبهاش واى حاجه بعد كده سهله ان شاء الله
    واتمنالك من كل قلبى التوفيق والسعاده
    (سيد العاطفى)
    مصر___بنى سويف

  11. شيرى
    19/10/2010 at 01:07

    من حقك تقلق لكن اذا كان ابوها وامها كويسين زى ما انت بتقول يبقى خليك معاها..لكن بردو حاول تعرف اخواتها اكتر …عدم شغل الاخين يمكن يكون راجع لانهم مدللين مثلا مش بالضرورة فاسدين…حاول تقرب منهم لكن علاقتك بيها ملهاش دعوة ..ربنا يوفقك

اترك رداً أو حلاً لهذه المشكلة