مشاكل الشباب قبل الزواج

نفسي حد يقولي خطيبتي بتفكر فى ايه؟

انا خاطب من 6 شهور تقريبا بحب خطيبتي اوى وهى كمان بتحبني اوى حصلت مشكله ما بينا خلتني محتار فيها هل هى فعلا بتحبني ولا ده كان وهم المشكله انى كنت مواعدها انى اكلمها على النت وفعلا هى فتحه وكلمتها واثناء وانا بكلمها والدي فتح النت واتصل عليا ليطمأن عليا وبعد كدا ابن عمي كمان كلمني هي اضايقت وقفلت النت من غير ما تقولي انا حسيت ساعتها انها مش مقدراني ولا بتحترمني وبعديها بيوم اتصلت بيها عشان اعرف سبب انها قفلت قالتلى انها سابتني براحتي اكلم اهلى طبعا انا زعلت منها وقلتلها انتى مش محترماني بتقفلى من غير ما تقولي وبعدين انا مقدرش اقول لوالدي انى مش هقدر اكلمك وبعدين قالتلى انت بتزعل من حاجه عاديه امال بعد الجواز هتعمل ايه لو مشكله كبيره وبعدين قالتلى سبني دلوقتي افكر انا مش عارف هي بتفكر فى ايه هل عشان تسيبني ولا خايفه اني أأذيها بعد الجواز ؟ على فكرا انا خارج مصر

مشاكل وحلول ذات صلة

اضيف بتاريخ: Tuesday, October 26th, 2010 في 13:48

كلمات مشاكل وحلول: , , , , ,

8 رد to “نفسي حد يقولي خطيبتي بتفكر فى ايه؟”

  1. الفهدالاسود
    28/04/2016 at 08:33

    ارى ان البنت في غاية الادب والاحترام معك ومن حقها تطمن على حياتها معك من البداية اذا كنت تختلق المشاكل من لاشي امال بعد الزواج هتعمل ايه راجع نفسك واعرف انك انت الغلطان مش هيه وصالحها اذا كنت فعلا تحبها والا فاترك البنت في حال سبيلها وربك يصلح الحال

  2. ابواميرة
    20/10/2013 at 10:58

    انت مكبر الموضوع ياباشا البنت تحبك وتموت فيك وكلهااحترام وادب شافتك تكلم ابوك في النت وقفلت لانهامش عاوزه تحرجك مع ابوك اوتقطع عليكم الحديث الاسرية المفروض ماتزعل منهاابداواي بنت محترمة ومتربية تعمل كدا اوعك تزعلهاوحاول التقرب منهاكي تحسسهابالامان وانت بعيدعنهاوربي يسعدكم

  3. mody
    28/10/2010 at 17:39

    على فكره هيا مزوداها حبتين بس مش معنى كده انها مش بتحبك لا واعتقد ان مكنش فيه بينكم قصة حب قبل الخطوبه علشان كده هيا عملت التصرف ده علشان تعرفك بس انها موجوده وانك طنشتها وعلشان تحسسك انها مش على الهامش بس كان المفروض انك تعرفها انك بتكلم والدك وابن عمك وتستاذن منها وده حقها عليك وحاول متكبرش الموضوع وعودها على طبعك من دلوقتى واعرف طباعها علشان متتعبوش بعد كده لا قدر الله وربنا يتمملكم على خير

  4. العمده
    27/10/2010 at 15:47

    مع احترامي لرأي اخواني ولكن انا اشوف ان المشكله ما تستوجب الزعل هذا لو كانت فعلا بتحبك ومشتاقه لك اقل ما فيها كانت بتقولك وبكل ادب انا نفسي ابقى معاك لا ترد على احد وانا معاك مثلا يعني ولكن تصرفها هذا يدل على انها ما تكن لك مشاعر او تحبك والا كانت حرصت على زعلك انا ما ابي اخرب بينكم ولكن برضه شخص ما اشوفه او اكلمه كل يوم وانا احبه فراح اتمسك بالفرصه اللي تقربني منه مو ادور فرصه عشان ابتعد عنه … عزيزي نصيحتي لك تصارح خطيبتك وتسألها هل فعلا تحبك والا مجرد خطيب في زمن قلة العرسان عشان ما يكون الجاي امر وادهى
    تحيتي ..

  5. زهراوى
    27/10/2010 at 14:23

    اللى عملته ده عين الصح ولازم هيا تحترمك ولازم تعرف انه فيه حساب بعد الزواج من دلوكتى احسن وترضى بكده وتحترم اهلك فى كل شىءالصغير قبل الكبير

  6. elmaleka
    27/10/2010 at 14:01

    هى احست انك مش مقدرمها ومش محترمها فحبيت ترد لك نفس الاحساس، حاول تكلمها وراضيها بكلمة حلوة، وقربوا من بعض اكتر، واتكلموا بكل صراحة على الى يزعلك والى يزعلها، وربنا يصلح الحال

  7. همسات
    27/10/2010 at 08:52

    أنصحك يا ابن الحلال تسمع أغنية دول خبلانة بتعت ابو الليف لأنهم كلهم كدة يعني مش انت بس اللي بتعاني من الموضوع دة لأنة دول دول دول خبلانة اللي فاهمهم راسة تعبانة هههه تقبل تحياتي.

  8. شهرزاد
    26/10/2010 at 14:14

    هى ممكن تكون حست انك مش بتحترمها وكل شويه تكلم حد وتسيبها على النت وعشان كمان انت مش موجود فى مصر فالنت ده الفرصه الوحيده اللى بينكوا عشان تقربكوا من بعض وفى نفس الوقت مكنش ينفع تقفل فى وشك بس انت حاول تراضيها لان البنات حساسه شويه وربنايهديكوا

اترك رداً أو حلاً لهذه المشكلة