لازم تقروها للآخر وآسف على الإطالة ,, ساعدونى بالله عليكم
أولا : انا فى أولى جامعة .. بعد شهرين من الجامعة حبيت بنت قصدى ملاك حبيتها بجد هى أصغر منى بـ 3 شهور فقط ,, علاقتنا تطورت وعدينا بمشاكل كتير لكن مع بعض حليناها وكنا متوافقين جدا جدا جدا ,, عاوز اتكلم معاكم بصراحة وبدون تجميل فى الكلام لكن ياريت الردود ميكونش فيها إستخفاف
واحدة من المشكلة اللى قابلناها إن اتعملنا محضر فى الجامعة لإننا كنا نتبادل القبلات .. بس وكتاب الله انا بحبها وحاولت مليون مرة أدخل البيت من بابه لكن والدها رافضنى بشدة بسبب إن احنا فى سن واحد .. المهم دى كانت غلطة منى ومنها وبعد حوالى 15 يوم رجعنا تانى لبعض وإتحلت المشكلة الحمد لله .. هى عندها مشكلة إن وهى نايمة لما تسألها على أى حاجه تجاوب بصراحة ولو كلمتها موبايل وهى نامت واحنا بنتكلم تبدأ تقول كلام مثير جدا ليا كــشاب .. وأنا غصب عنى بتجاوب معاها من الشهوة اللى ببقى فيها من كلامها وأكيد أى حد مكانى هيكون كده ,, المهم قالتلى إنها بتحب العنف فى الجماع .. مع العلم إن الجماع اللى كان بيحصل بينى وبينها كان بيبقى فون فقط ,, أما فى الحقيفة فلا نتجاوز القبلات .. المهم بعد ما قالتلى انها بتحب العنف بدأنا نستعمل ألفاظ ناس متزوجين فى الكلام اللى بيننا (( وهى نايمة فقط )) لكن وهى صاحية هى محترمة جدا وبنت ناس (( مع العلم إنها قبل ما تعرفنى كانت بتحلم إنها متزوجة من الجن و بتتكلم معاهم وبتسافر لدنياهم )) المهم الكلام بيننا إتطور أكتر و أكتر وأصبح أكثر سخونة و عنفاً مع إستخدام ألفاظ وشتائم فى الجماع و أنا كشاب عندى شهوة مقدرش أمسك نفسي قدامها وهى بتقول كلام زى ده حتى لو هى مش عارفه هى بتقول إيه
المشكلة إن اخوها حمـل على موبايلها برنامج تسجيل المكالمات وهى مش عارفه ,, وسمع الكلام اللى بيحصل بيننا وضربها وكانت هتتطرد من البيت لكن ربنا ستر ,, لكن أخوها وأبوها حلفوا انى عمرى ما هتجوزها ولا عمري هعرفهم أو أعرفها تانى وأنا طبعاً عارف ان معاهم حق لكن انا بحبها بجد وعاوزها أم لعيالى وعاوز نصلح أى غلطة حصلت بيننا بإنى اخطبها وانا جاهز وعندى شقة 5 أوض ومعايا فلوس الشبكة والمهر وغيره لكن ناقص التشطيب بتاع الشقة بس ..
عاوز حل إزاى ارجعلها و إزاى اقدر اكسب ثقتهم فيا تانى وأخطب بنتهم وأتجوزها عشان أثبتلهم حسن نيتي ,, أقسم بربي انا بعشقها ولو شاب تانى كان سابها من زمان بعد ده كله ما حصل لكن انا عمرى ما هبعد عنها لأنى بعشقها لدرجة انى بقيت أتنفسها
عاوز حل يا جماعة ارجوكم بالله عليكم ساعدونى وياريت بلاش إستخفاف فى الردود وبلاش برضو مواعظ و خطب لأنى عارف كل الكلام اللى هيتقال فى الإتجاه ده
انا عاوز افهم هو انت فاكر انك هتأخذ واحده من خزائن ربنا غصب عنه ؟؟!! انت المفروض تتوب لانه اللي حصل بينكم ده حرام قطعا ، وتفضل تستغفر وتدعو الله ان يجعلها من نصيبك.
وبعدين بلاش كلمة غصب عني والله وانا بحبها والكلام ده ،
لو بتحبها خاف عليها ، لو بتحبها بجد هتكتم الحب ده الى بعد الزواج
فيه قاعده فقهية بتقول من تعجل الشئ قبل اوانه عوقب بحرمانه
وما صح من حديث أَبِي أمامة أَنّ رَسُولَ اللَّهِ صَلَّى اللَّهُ عَلَيْهِ وَسَلَّمْ، قَالَ: إنّ رُوحَ القُدُسِ نَفَثَ في رُوعِي أنّ نَفْساً لنْ تَمُوتَ حَتّى تَسْتَكْمِلَ أجَلَها وَتَسْتَوْعِبَ رِزْقَها، فاتّقُوا الله وأجْمِلُوا في الطَّلبِ، ولا يَحْمِلنَّ أحَدَكُمُ اسْتِبْطاءُ الرِّزْقِ أنْ يَطْلُبَهُ بِمَعْصِيَةِ الله، فإنّ الله تعالى لا يُنالُ ما عِنْدَهُ إلاّ بِطاعَتِهِ. رواه أبو نعيم في حلية الأولياء وصححه الألباني.
يا رب تكون الرسالة وصلت
اللي جاي ده مشاعري الخاصة » انا بتعب اوي لما اسمع المصائب دي كفايه يا شباب تخربوا البيوت بدعوى الحب ، انا شاب رايح اخر سنه هندسه يعني فبلدي حاجة جامده اوي بس ولله الحمد فحياتي ما كلمت بنت ولا كان على تليفوني رقم بنت لاني شايف نفسي راجل ومن مستلزمات الرجولة المروءة والغيرة ،فمنفعش اعمل فبنات الناس كده لاني من اسماء الله الديان ، فلو اخذت شيء من عرض الناس فده دين وهيترد من عرضي
وبعدين فيه سؤال على الماشي كده
يعني ايه بتكلمها وهي نايمه ، يعني اللي هو ازاي !!!!
انا ملاحظه ان ابو البتول بيدخل يشعلل المشكله وخلاص هما مش بيحبو بعض فيها ايه اما يتجوزو وبعدين انت ملكش الحق نك تقول عليها كدا مهم كانو مع بعض متوقعش بين الناس بقي هو عايز يتجوزها وبيحبو بعض يتجوزو الكل بيغلط مش هي ولا هو الكل فيه عيوب انت نفسك فيك عيوب انا فيا عيوب فيها ايه اما يصلحوها حاجه غريبه والله
يعنى هو الى ابن حلال وكويس وربنا يوفقه بالمحترمة بنت الناس؟ وهى ماتنفعش زوجة؟ وهو يعنى الى ينفع؟ انت شايف كدة يا أبو البتول؟
انا عندي نفس مشكلتك بالظبط بس انا البنت هنا ممكن مفيدكش اوووي بس انا بكلمك عن تجربه اننا حبينا بعض و عارفه قصده الحلال و كل حاجه واحنا بشر وكل البشر بيغلطو فمش هلومك لان دا مش هيعمل حاجه ولا دا الي هيغيركو لانني بقولك دا عن تجربه هو حصل معايا و كنا بنتكلم وكل حاجه و اهلي عرفو و اخويا الكبير و طبعا خدو الموبايل و منعونا عن بعض و دا صعب علينا جدا و طبعا هما عندهم حق خايفين عليا لكن احنا لاننا بنحب بعض فمش حاسين بيهم طبعا بنفوق في اوقات لكن بنرجع تاني لاننا متعلقين ببعض جدا بطريقه لا اهلك و لا اهلها و لا حد هيفهمها غيركو انتو علشان كدا انا بقولك دلوقتي انك تتمسك بيها و اوعي تسبها لحد غيرك انت لازم تتعب علشان توصلها الجواز مش سهل انكو تبقو مع بعض في بيت واحد مش سهل لازم تعافر علشانها و تثبت لاهلك واهلها انك لما حبيتها حبيتها بجد و مكنتش بتتسلي بيها و بجد با بختها انك بتحبها كدا في ولاد كتير اوي وحشين جدا انت اعمل اللي عليك والباقي علي ربنا و تدعي انكو تبقو لبعض و حاول متغلطش تجهز نفسك بكل الطرق و تتقدم رسمي ليها علشان ميقدروش يعبيوك و صدقني انت ممكن تكلم والدها او كدا او جدها و هو يقنعه حاول تلاقي حد يقنع والدها بيك.. دا ابن الحلال بيعافر و بنت الحلال بيتستنا و انشاء الله تبقي نصيب بعض بس ادعي في كل صلاه ان ربنا يجمعكو ببعض في حلاله و بجمعكو دنيا و جنه وتدعيلنا احنا كمان عقبالنا 🙂
انا اعرف انكو غلطو لكن مليش الحق اني الومك انت شاب وبرضو واكيد الحاجات دي غصبعنك و عنها بس نصيحه مني حاول توقفها علشان متغلطوش اكتر وربنا يبقي راضي عنكو و توبوا عن دا و اعرف ان اهلها عرفوا لان ربنا بيحبكو و مش عايزكوا تغلطوا بيبعتلوا اللي يرشدكو للطريق مش اكتر.. لكن اوعي تسمع كلام حد يقولك سيبها او ابعد عنها او الكلام دا لاني كبنت لو مكانها في ظروف زي دي انا هبقي تعبانه جدا و عمري ما هقدر اعيش حياتي غير مع اللي قلبي متعلق بيه
فاتعب و اشقي تلاقي النتيجه
🙂
ايه اللي جرى لك ياابن ناس بعد كل اللي عرفته عن تلك الفتاة وتاكدت انها مش محترمة وبلاخلاق ولاتربية من الاساس وعاوز ترتبط بها مافيش عندك ذرة من العقل ولاكرامة كيف ترضى ان تكون دي زوجتك وام لعيالك وهي بهذا الفجور والانحطاط والوقاحة وقلة الادب دي ماتصلح ان تكون زوجة محترمة ولاهتقدر تحافظ عليك وعلى شرفك وسمعتك وبيتك دي الحقيقة اللي لزوم تعرفها والجواب مبين من عنوانه مثلما يقولوا صدقني مش انت اول وحد تعرفه في حياتها تجدها على علاقات بشباب كثير وتعمل كده معاهم مثلما عملت معاك لاتكون عبيط وساذج لهذة الدرجة ابعد عنها وخليها تغور في ستين داهية واحمدالله انك عرفت حقيقتها قبل فوات الاوان واحسن الاختيار الجيد للزوجة من كل النواحي واهم حاجة الدين والاخلاق والتربية وربنا يصلح حالك ويؤفقك ويكرمك بابنة الحلال الصالحة اللي تستاهلك وتقدرك وتسعدك العمركله