مشاكل المطلقات

بعد الطلاق اصبحت معقدة من الزواج و الرجال

انا فتاة ابلغ من العمر 25 سنة تزوجت منذ 3سنوات من شاب اقل ما اقوله عنه انى لم اعرف الكره الا لما عرفته فانى الان اكرهه هو واهله بشدة .تزوجته زواج تقليدى وبصراحة مكانش فارق معايا هذا النوع من الزواج المهم انه يكون عريس مناسب وارتاحله واكيد بعد كده هاحبه وتزوجنا وابتدت المشاكل من اول يوم وصمم اهله على اخذى الدكتورة من تانى يوم وقامت الدكتوربفض غشاء البكارة بدون بنج امامه هو ووالدته وخالته ووالدتى التى حزنت على كثيرا ولكم ان تتخيلوا حجم الامى فى تلك اليلة سواء النفسية اوالعضوية المهم مر اول 3شهور من زواجنا دون حدوث حمل فصمم على اخذى للدكتورة التى تعجبت كثيرا من ذلك الاستعجال وقامت باعطاءى المنشطات لما رات فى عين زوجى من استعجال مع العلم انى كنت سليمة جدا وهو ايضا لكن برضه ربنا مااردش وذهبت الى العديد من الدكاترة الذين قامو باعطائى العديد من الهرمونات والمنشطات ولكن دون جدوى كما اننى قمت بعمل اشعة تبويض واشعة الصبغة التى كانت فى غاية الالم وكانت النتائج تؤكد انى سليمة جدا والله العظيم كنت بعامله هو واهله احسن معاملة وهم انفسهم يشهدون على ذلك وكان هو يعاملنى واهلى بجفاء شديد المهم انه بعد مرور عام اتفق هو ووالديه واخواته واعمامه وعماته وخالاته على انه يقرفنى فى عيشتى حتى اقوم انا بطلب الطلاق ومن ثم اتنازل عن كل شىء وبالتالى ميغرموش حاجه فى الجوازه الجديدة وفعلا حطوا عينهم على صاحبة لى وبدؤا فى التدبير ويشاء القدر ان احمل فى ذاك الوقت وفرحت انا المخدوعه كثيرا ولكنى اجهضت بعد3شهور وقد كان توقع الاطباء هذا الاجهاض وهثناء هذا الاجهاض رمانى عند والدى ولم يسال عنى وفعلا انفصلنا وخطب هذه الصاحبة انا حاسة انى ظلمت نفسى كتير واتخدعت من كل اللى حواليا مع العلم انى مصلية وبخاف الله جدا لكن يراودنى داءما فكرة الانتقام منهم جميعا اناكنت بعاملهم احسن معامله وحماى وحماتى كنت بعاملهم زى بابا وماما بجد والله مش كلام وربى اللى يعلم واخواته البنات كنت اعتبرهم اخوة لى كل الى سمع بقصتى ميصدقش ويحزنوا على كثيرا لانهم عارفين انى مستحقش كده وبحس بنظرات الشفقة فى عيونهم منالعذاب وحجم الام اللى شوفته كلهم بيقولوا كويس انى مخلفتش منه بجد انا معقدة من الرجال والزواج واهلى بيضغطوا عليا ويقولولى مش كل الناس وحشة قولوليلى اعمل ايه علشان انساهم وانسى فكرة الانتقام منهم مع العلم انه مر اكثر من عام

مشاكل وحلول ذات صلة

اضيف بتاريخ: Wednesday, March 16th, 2011 في 07:07

كلمات مشاكل وحلول: , , , , , , , , , , ,

21 رد to “بعد الطلاق اصبحت معقدة من الزواج و الرجال”

  1. ابوالبتول
    19/08/2018 at 00:06

    الاخت العزيزة صاحبة المشكلة تالمت كثير لماحصلك وعايزك تطوي تلك الصفحة السوداء من حياتك وتنسيها تماما وكانها لم تحدث وفوضي امرك لله عزوجل في هذا الشخص -طليقك – واهله وربنا سوف ينتقم منهم شر انتقام فهو سبحانه يمهل ولايهمل وينصف عباده المظلومين ولو بعد حين انت الف من يتمناكي ياعزيزتي وانا اولهم صدقيني وهتلاقي نصيبك مع ابن الحلال الصالح اللي يستاهلكي ويقدر مشاعركي ويسعدكي طوال حياتكي الدنيا يااختي لسه بخير وفيها ناس كويسين ويرغبوا في الزواج وهتلاقي نصيبك مع احد منهم ان شاء الله مش عاوزك تتاثري ابدا بماحصل لك فالمومن معرض للابتلاء والامتحان في هذة الدنيا وربنا بيعوضك خيرا في هذي الحياة ويسترعليك ويكرمك ان شاء الله اكثري من الدعاء لله عزوجل والتقرب منه في المحافظة على صلواتك في اوقاتها والاكثار من الصوم وقراءة القران والبر بالوالدين والاحسان لهما ولزوم الاستغفار والصلاة على النبي والمحافظة على دينك وخلاقك وشرفك وسمعتك وسمعة الاهل وتلاقي ابواب الخير مشرعة امامك ورحمة الله تنالك والرضا والطمانينة والسعادة ترفرف حياتك كلها بارك الله فيك واسعدك ويسر امرك

  2. ابوبتول
    27/07/2014 at 03:38

    ابنتي ربنايمهل ولايهمل وعينه لاتغفل ابدا ياخذ الظالم اخذعزيزمقتدر وينصف المظلوم ولوبعدحين اكثري من الدعاءلله والتضرع ليه على من ظلمك وتسبب لك في هذةالالم والمتاعب وتاكدي ان الله يسمع نجواك ولايخفى عليه شي لافي الارض ولافي السماء ويعلم ماتخفي الصدور واطلبي الطلاق منه فورا لاجل كرامتك وعزةنفسك وخليه يغور هواهله في ستين داهية واشتري راحتك وسعادتك وتزوجي باحسن منه الف من يرضى بك زوجة له وربنايغوضك ويكرمك بالزوج الصالح الللي يخاف الله فيك ويقدرك ويسعدك

  3. ابوبتول
    16/05/2014 at 17:25

    اختي العزيزة الزواج مودةورحمةوسترةللمراة واعفاف لهامن الوقوع في المحرمات والمعاصي وكونك تزوجت من شخص جاهل ومتخلف ولايستحق ان يكون انسانا بل الحيوان اكرم منه هوواهله فاحمدي الله انك عرفتي حقيقته وتخلصت منه فالطلاق يكون رحمةلمن ابتليت مثلك فلا تفكري في ماحصل لك وفوضي امرك لله قهو المنتقم لك ممن ظلمك ودمر سعادتك وانسي الماضي نهايا وفكري في المستقبل فانت في عز شبابك ونضوجك كاامراة والف من يرغب فيك كزوجة اياك والتفكير في الماضي والرجوع ليه ابدا تاكدي ان الله يقف معك ويعلم معانتك ولن يتخلا عنك بيكرمك بابن الحلال اللي يستاهلك ويقدريسعدك في حياتك توكل على الله وتزوجي وعيش حياتك وربنايسترعليك ويسعدك

  4. ابواميرة
    14/10/2013 at 20:09

    المصيبة انوفي ناس لازالوافي الجهل والتخلف داوللاسف موجودين بينناوبكثرة ربي يخلص المجتمع من جهلهم وتخلفهم وانت يابنتي الف من يتمناكي لاتشغلي بالك بماحصل من هالواطي المتخلف واهله واحمدي الله انك عرفتيهم على حقيقتهم دول مايستاهلواظفرك وخليهم يغوروا60 داهية اهتمي بحالك وربي بيعوضك خيرمنه وبيكرمك بالزوج العاقل الصالح اللي يخاف الله وقادريسعدك

  5. رضــا دكتور فى علم النفس
    18/09/2013 at 19:34

    اختى العزيزه اولا سبب تعقيد وكرهيتك للزواج هى انه عدم قدره فى فض الغشاء لكى ليلة الدخله فهذا يقلل من شائنه وهبته فى نظرك وفى نظر اى فتاه تانى شى فض الغشاء البكره عند دكتور وامام امه وخالته ده شى فظيع وغلاط وحرام انه يكشف مراته قادم اغراب مهما كانت نسبة القرب له هو انتى محتاجه الى ان تخرج ما بداخلك حتى تبدئى من جديد لا زوجك واهله كرهوكى فى الزواج بسبب افعلهم واعمالهم القذره

  6. دنيا دنيئه
    08/03/2013 at 23:15

    لاتفكري بالأنتقاام أحسن ربي راح يأخذ بحقك ويعوضك بولد الحلال الي يستاهلك ويصونك ريما

  7. ابواميرة
    11/01/2013 at 23:32

    شوفي يابنتي انت للاسف تسرعت في قبول الزواج من الانسان الجاهل المتخلف داواهله واحمدي الله وشكريه انوخلصك ونجاك منهم على خير واحتسبي ذلك عندالله عزوجل وهوبينتقم منهم وياخذلك حقك ا ن عاجل اواجل في الدنياوفي الاخرةلهم عذاب اليم لانك مظلومةوربي مايرضاش بالظلم وتاكدي ان الله يمهل ولايهمل وبيعوض صبرك خير وبيكرمك بالرجل الصالح اللي يستاهلك ويقدرك

  8. دنيا غدارة
    15/11/2012 at 12:12

    حبيبتي ربنا راح يعوض عليكي صدقيني وراح تسمعيها منه هو شخصيا انه ندم وما كان عارف قيمتك وهو باين ضعيف الشخصية والا لما لعبو فيه اهلو اللعبة دي القذرة وفي منه كثيروانا طليقي كان متلو لكن رميتو ورميتو شبشب وراه والان بطارد ورايه لانو جرب غيري فعرف قيمتي ولكن هيهات فاختي العزيزة اقراي سورة البقرة كل يوم فهي تريح النفوس انا كنت زيك هيك بدي انتقم منهم بس سورة البقرة صبرتني والان ارى انتقام ربنا منهم خليها على ربنا فدعاء مطلوم اقرب عند الله توكلي على الله فهو خير منتقم

  9. مدمنة السهر
    29/08/2012 at 12:56

    الله هو المنتقم واكيد حقك مش رح يضيع مادام هناك رب عادل

  10. احمد الغريب
    02/06/2012 at 09:49

    ربنا ان شاء اللة هيعينك ويخلص حقك من من ظلمك ولكن لازم تصلى وربنا معاكى ان شاء اللة

  11. بنت السيده خديجه
    25/01/2012 at 04:54

    كان فى مشكله زى بتاعتك اتسأل فيها الشيخ الشعراوى الله يرحمه و السائله كانت اتعقدت فاتعاملت مع جوزها التانى واهله وحش بدون ذنب فالشيخ الشعراوى قال لها الاحسان نوعان احسان لله واحسان للناس و المتوقع من اغلب الناس انهم مش بيردوا الاحسان بالاحسان لكن الله عز و جل يرد الاحسان بالافضل فلازم نحتسب الاجر عند الله ونحسن للناس من غير ما نتوقع منهم رده فتنسى التجربه الصعبه وتثقى فالله انه هيجبلك حقك وتبداى حياتك

  12. الطيار الرايق
    20/09/2011 at 10:29

    الاخت ساندى لا تتهاونى فى حقوقك وحقوق ابنك طابى بيهم بالقانون وارفعى عليهم قضيه وخدى اغراضك وحاجتك كلها ونفقه لابنك ده حقك يا بنت الحلال مش هوه يتمتع وانتى تتنكدى انتى وابنك الا هوه ابنه بردو ده سلبى ومش محترم انا محامى بالكويت وعندى كتير نفس مشكلتك وبياخدو حقك وزى الفل ده حقك وربنا معاك يقف بجانبك انشاء الله

  13. ساندى
    19/09/2011 at 17:48

    اختى العزيزة صاحبه المشكله انا تقريبا نفس سنك وعندى نفس مشكلتك بس مش عشان حمل ولا اولاد عشان بحب جوزى وبعامله كويس اهله بيغيرو منى وهو سلبى وعملو كل شئ عشان يطفشونى من البيت وبالفعل نجحو فى كده وهو مشى وراهم وطلقنى وبينا محاكم وخدو كل حاجتى مع العلم انى فى يوم من الايام قاطعت اهلى عشانو وحاليا انا عندى طفل منه ماشفوش ولا بيسال عليه ولا بيصرف عليه وخطب واحده تانيه واهله مشجعينو احمدى ربنا انك اطلقتى ومعندكيش اولاد لانه عمره ما كان هيصون ولاده منك مدام مش خايف عليكى بكره ان شاء الله يكرمك باحسن منه وهو ربنا هينتقم منه وساعتها بس هيبقى ده انتقامك لما تشوفيه تعبان فى حياته وانتى متندميش انك عاملتيه هوة واهله بالحسنى لان الخير والحسنى عند ربنا ليها تمن حتى لو العبد مقدرهاش وانسيه وانسى كل ايامك هناك وربنا يوعضط باحسن منه وادعولى ربنا ينتقملى من اللى ظلمنى انا وابنى

  14. a7med som3a
    26/04/2011 at 09:22

    عادي سيبك من الي فات وابدي من جديد وان شاء الله هتلاقي احسن منه

  15. معتز
    09/04/2011 at 00:18

    لا متفكريش فى الانتقام

  16. صاحبة المشكلة
    23/03/2011 at 19:25

    اشكركم اخواتى الاعزاء على كلامكم الجميل ونصائحكم الغالية اتمنى من الله ان تنالو ماتتمنوه وجزاكم الله خيرا ولكم جزيل الشكر

  17. etqan54
    21/03/2011 at 10:56

    عزيزتى كان الله فى عونك وصبرك على مصابك وتفاءلى خيرا تجديه ان شاء الله وقال الله عز وجل فى الحدث القدسى انا عند حسن ظن عبدى بى وانصحك بالتقرب من ربك بالمواظبة على الصلاة وصيام التطوع والدعاء واسأل الله ان يعينك ويرعاك ويخلفك فى مصيبتك خيرا وان يرزقك بالزوج الصالح اللهم امين

  18. BARCA
    21/03/2011 at 01:33

    قال تعالى:واصبر وماصبرك الا بالله
    وان شاء الله ربنا ها يعوضك خير
    ربنا مابينساش حد
    وكمان بلاش فقرة الانتقام دا تفكير من الشيطان بصراحة الواحد ينام مظلوم احسن لماينام ظالم معلش اصبري

  19. مايوى
    17/03/2011 at 17:19

    اخى العزيز همسات حب اشكرك جزيلا اننى اردت من خلال قصتى ان اوضح انه بالفعل يوجد مثل هذه الاشخاص وليس فى الافلام فقط اتمنى ان لا يعيش احد هذه القصة مثل ماعشتها وادعو من الله عزوجل ان يجعل هذه الايام الصعبة التى عشتها فى ميزان حسناتى

  20. صاحبة المشكلة
    17/03/2011 at 01:33

    اشكرك كثيرا اخى العزيز على فكرة ناس كتير بتقولى نفس كلامك لانى الحمد لله لى معارف واصحاب كثيرة بيعزونى وانا ايضا اعزهم كثيرا انا حكيت قصتى يعلم الله انها اهون كثيرا من اللى عيشته لكى اعرف اراء الاخرين غير المقربين لى فى مثل هذا النوع من الاشخاص وهل هم متوفرون ام حظى انا الذى اوقعنى فيهم اعلم جيدا انالله عز وجل لا يريد السؤ لينا ولكن هذا لحكمة من عنده ويارب يجعله فى ميزان حسناتى شكرا لك مرة اخرى واتمنى من الله ان ينولك ماتتمناه

  21. همسات حب
    16/03/2011 at 08:06

    الأخت العزيزة أنا بصدق تأثرت جداً بقصتة وبجد قلبي معاكي وفعلاً متعاطف معاكي والله بس فعلاً مش عايزك تيأسي من رحمة رب العالمين وفعلاً مش كل الناس ولا كل الرجالة زي بعض صدقيني بكرة ان شاء الله هتلاقي الانسان الكويس المحترم اللي يعرف يحبك ويصونك ويحتويكي بس المهم انت تحسني الأختيار وتفكري كويس قبل الارتباط وكما يقول المثل الشعبي الشهير “أختار الصديق قبل الطريق” وكمان “أختار الجار قبل الدار” وعن فكرة الأنتقال أنصحك أختي أن تنسي هذه الفكرة تماماً بصي أنا كشاب كان ليا أصحاب شباب كتير وبنات برضوا بعاملهم كويس جدا جدا وفي النهاية افاجئ بالخيانة والخديعة بس بصبر نفسي علشان مخسرش الحسانات اللي عملتها فيهم وعايز اقولك تظل نار الانتقام مشتعلة حتى تطفئ نفسها بنفسها خليكي ديما كويسة وعيشي بطيبة وصدقيني ربنا هيكرمك وعن تجربة تقبلي خالص حبي وتقديري وأحترامي أخيكي في الله

اترك رداً أو حلاً لهذه المشكلة