مشاكل المطلقات

طمع الناس فى المطلقات ارجوكم شوية رحمة

تزوجت وانا عندى 18 سنة باختصار كنت لا اعرف عن الدنيا شى كنت عيشة فى احلام الخيال الجميلة وشايفة كل الدنيا حلوة والتى رايتها بعد اول ايام زواجى بوجهها الحقيقى اتضح لى انة كداب فى كل حاجة لدرجة انة عاطل ولا يريد ان يعمل اصلا وطبعا لازم اقعد عند اهله عشان الاكل والشرب انجبت منة بنت واطلقت وبعد 3 سنين رجعت مرة اخرى خوفا على بنتى من زوج الام ولكن انجبت بنت اخرى وازداد الزوج سوء لدرجة استحالة العيشة معة وبعد سنتين اخد البنات بناء على رغبة امى وكان غصب عنى وتزوجت من شيخ ملتزم وخير وملاك لكن دا كان تمثيل عشان ينصب علية وياخد فلوسى وكان بيضربنى ضرب مبرح ويهنى كتيرامام الجيران المهم ما اختش منى حاجة لكن نصب على ناس كتير واخد اكتر من مليون وهرب على الخارج مع العلم انى انجبت منة ولد ورفعة قضيت نفقة و طلاق لكن اعانى من سوء اختيارى واعانى من الوحدة القاتلة وازى هقدر اكمل حياتى عندى 30 سنة ولا اعمل وبحاول اعدى الايام انا وابنى وبناتى فى دمار نفسى وكلة محصل بعضه على راى بنتى الكبيرة

مشاكل وحلول ذات صلة

اضيف بتاريخ: Monday, October 11th, 2010 في 06:56

كلمات مشاكل وحلول: , , , , , , , , , , , ,

16 رد to “طمع الناس فى المطلقات ارجوكم شوية رحمة”

  1. ابوالبتول
    10/09/2018 at 22:05

    اختى الفاضلة جربت حظك من الزواج في هذة الدنيا ولكن كان الفشل في طريق حياتك الزوجية الاولى والثانية واحمدي الله على كل الاحوال وربنا رزقك الاولاد وبنات بارك الله لك فيهم ورزقك برهم وحفظهم الله لك ان شاء الله قوم على التربية الصالحة لهم والاعتناء بهم حتى يكونوا خير عونا وسند لك في هذي الحياة

  2. بتول
    13/04/2014 at 00:05

    ياستي الواضح من رسالتك انك تزوجتي مرتين وتطلقت مرتين اين اهلك من كل ماحصل ليك من زيجاتك السابقة مالهم اي دوراوسيرةفي اللي حصل معاك مش عارفة دول اهل ولا وحوش ولاايه وانت كمان ايه اللي جبرك على الزواج التاني من اصله كان الاحرى بك التاني والتفكير في مصيربناتك قبل القبول بالزوج الثاني النصاب اللي سرق فلوسك وهرب ماعلينامن كل الللي فات انسيه خالص واهتمي باولادك ربنايبارك لك فيهم ويعوضك خيرفيهم وتشوفي السعادةمعهم ربيهم احسن تربية وماتقصريش معهم ابدا وكفايك زواج خلاص جربتي حظك ومانفعش ابدا وماحدش ياخذغيرنصيبه وربي معك ويحفظ لك الاولاد ويسعدك بهم وتفرحي بهم نشاءالله

  3. ابواميرة
    29/10/2013 at 22:41

    اختي انامش عارف سبب فشل زيجاتك السابقة ممكن يكون الخلل منك انت مش منهم يعني دايماتزعلي اومعصبه وغيرصابره ومتحملة اعباءالحياةالزوجية اوانك كثيرةالخروج من البيت اماعندالاهل اوعنداحدى الصديقات اوالجيران راجعي نفسك واعرفي ماهي الاخطاءالتي وقعت فيهامن غيرماتشعري وتاكدي انك بمراجعتك مع نفسك حتعرفي الصح من الغلط وتعرفي سبب المشاكل اللي انت فيهاوماحدش منابلاخطية كلنابنخطي ونغلط لكن لازم نتعلم من اخطاءناوناخدمنهاالعبر في حياتنا اسال الله ان يبارك لك في ولادك ويخليك لهم وان يرزقك بالزوج الصالح اللي يستاهلك ويقدريعوضك ويسعدك

  4. ابواميرة
    05/12/2012 at 10:08

    يابنتي الزواج قسمةونصيب وانت للاسف بختك مايل مع زوجين دول لكن الاهم انوربنااكرمك بالعيال ودي نعمة كبيرة مايعرف قيمتها الاالمحروم منها التفت لهم وربيهم احسن تربية والله سيجعل لك مخرجا ويرزقك برزقهم

  5. Osama Tawheed
    15/05/2011 at 20:49

    سيدتي الحياه مليئه بكل شئ … فكما يوجد الابيض يوجد الاسود …وهي حكمه من الله عز وجل … فيوجد الشر ويوجد الخير ايضا … فلا تياسي من رحمه الله الواسعه … فيكفيكي ان تنامي في حضن اولادك فذلك بمتاع الدنيا ومافيها .. انا اعلم ان ذلك صعب عليكي كثيرا بسبب صغر سنك وشبابك وطمع كثير من ضعفاء النفوس فيكي … ولكن انتي لاتعلمي كم سوف يكون قدرك عند الله سبحانه وتعالي الذي لايضيع عنده اجر .. فأنتي لكي منزله خاصه عن الله سبحانه وتعالي علي صبرك وتعبك ومشقتك علي اولادك فأحتسبي شبابك عند الله الذي لايضيع عنده امانه … فكم من قصص لنساء صغيرات عانت بعد ان ترملت او طلقت وفعلت مالم يفعله الف رجل علي الاودها فكوني كذلك .. فعندما ينجح احد من اولادك في عامه الدراسي سوف يكون هذا النجاح لكي انتي ولا تعملي كيف سوف تكون نظرة الناس اليكي من جيرانك واقرابك علي صبرك واحتسابك بسبب اولادك …. فأنا لاانصحك بالزواج في زمن اصبح فيه الرجال انصاف او اشباه رجال … وفقك الله ورعاكي ومنحك الصبر والقوه علي محنتك هذه …ز

  6. jamaica
    05/01/2011 at 06:41

    اخ يوسف انت صح جواز الاجانب ده موضوع فاشل وبره زاى جوه انا متزوج من اجنابيه وحياتى زفت اختلف فى العادات والتقليد والديانه حاجه زفت وانا دلوقتى بدور على بنت بلدى الاصيله الى تعرف يعنى ايه بيت وعيال واسره وقبل ده وده تعرف ربنا

  7. marwan
    25/12/2010 at 15:16

    السلام عليكم
    اختي العزيزه الدنيا لا هي غابه ولا حاجه الدنيا لسه بخير ومش كل الناس عديمة اخلاق اسعيني بالله ولو زي ما بتقولي معاكي فلوس اعملي بجزء منها مشروع وانتي قاعده في البيت مثل الملابس الجاهزه او غيرو حاجات حريمي يعني وربنا يكرمك اما بالنسبه للوحده اصبري وانشاء الله ربنا هيبعتلك نصيبك الى بابك ومتقوليش انك وحيده لان ربنا معاكي وغير كده ماشاء الله معاكي عروستين ومعاكي راجل اد الدنيا ابنك ربنا يعينك على تربيتهم ويوفقك

  8. دكتور محمد العجمى
    13/10/2010 at 18:56

    لايمكن أن يكون كل الناس وحوش لكن يمكن قدرك أوقعك مع السيئ منهم وقد يكون سوء اختيار منك أو تسرع للبحث عن الاستقرار كمقولة ضل راجل وده الخطأ الكبير و المطلوب منك حاليا انك تدورى على شغل محترم و مناسب ليكى لتتمكنى من الانفاق على أسرتك و تتأنى عند اختيار زوجك القادم لأنك المفروض تجوزى لأن سنك لسة صغير و ماتكونيش مطمع لزوى النفوس الضعيفة و ربنا يوفقك ة يقدرك على مصاعب الحياة

  9. يوسف
    13/10/2010 at 12:46

    نداء
    للشباب المصــرى اللى بيـــعمل فى مجال السياحه
    عايزين نقلل من جوازالمصريين من الاجانب
    بنات مصر اولى وما فيش زى بنات مصر فى الدنيا
    لالالالالالالا للجواز من اوربيات

  10. رضا ابن الشرقيه
    12/10/2010 at 21:33

    اختي الغاليه انني اشبه الحياه بغابه الناس فيه هم الوحوش ديري بالك علي حالك ولا تعطي قلبك وحبك مره ثالثه لااي انسان قبل ان تتاكدي من صدق حبه لكي والاهل لهم دور كبير في الحياه اسالي علي اهله قبل الارتباط
    والله الموفق يارب يوفقك امين من رضا ابن الشرقيه

  11. اسلام
    12/10/2010 at 16:08

    (تحمسيه) اي تحمسي نفسك وتقويها

  12. اسلام
    12/10/2010 at 16:07

    اتمني ان تستطيعي بقدرتك وبقدرة الله ان تعيني نفسك وتحمسيه علي بدء حياة جديدة وحاولي ان تنسي الذي مر بك في المرتين ( رغم اني اعلم ن هذا صعب جدااااااا للغاية ) ولكن لاحل سوي ان تنسي وتبداي صفحة جديدة وياريت نسمع اخبار حلوة قريب

  13. kitty
    11/10/2010 at 22:09

    حاولى تشتغلى وربنا هيبعتلك نصيبك اللىكاتبهولك وعيشى لولادك واستحملى ايامك ما هو الناس نوعين نوع طول عمرى فرحان ومتهنى ونوع طول عمرة حزين ومقهور

  14. ريرى
    11/10/2010 at 22:00

    أرحب بيكى اولا : و ربنا يعينك لانى حاسس و عارف حجم مشكلتك خاصه الجانب النفسى منها و الضغوط و غيره لانى مريت بيها … كل إلى هقدر أقوله حاليا انك لازم تختارى بقلبك
    استفتى قلبك و شوفى راحتك فين و لازم تعرفى ان ربنا هيحاسبك على قرارات حياتك و ليس على قرارات والدتك
    و انتى كده بتظلمى نفسك لانى سيبتى حياتك يقرر فيها غيرك
    و ربنا يعوضك بزوج اخر و علاقه جيده و جاده

  15. القلب المجروح
    11/10/2010 at 13:41

    لا اقول لكى الا انك لازم تبحثى عن زوج اخر بس تختارى صح المره دى ما تختاريش الفلوس اختارى الاخلاق والتدين والمعامله الكويسه وقربى من ربنا واهتمى باولادلا وان شاء الله ربنا هيرزقك بالزوج الصالح وربنا يوفقك

  16. MOOD
    11/10/2010 at 09:47

    هل معقول ان اختيارك فى الحالتين خطا لم اعتقد ذلك اكييد الذى اختار لك فى الحالتين امك وغالبا كانت تنظر الى المال وليس الى الانسان فان رسولنا الكريم كان يقول:لا يلدغ المؤمن من جحر مرتين وامامك الحياة طويلة فارجوك احسن اختيارك فى المرة القادمة انشاء الله مع السؤال عن المتقدم لك بامعان وصبر وعدم التسرع لان فى العجلة الندامة وفى التانى السلامة وفقك الله

اترك رداً أو حلاً لهذه المشكلة