مشاكل عائلية

اشعر بالندم لاني كنت سبب زواج اخي

المشكلة اننى الاخت الكبرى لاثنين من اخواتي والبنت الوحيده واخى يعمل فى دولة عربية وكان لما بينزل اجازة كان بيدور على عروسة لغاية ما ربنا رزقة بواحده ساكنه قدامى واحده جارتى قالتلى عليها وبعد ارتباطه بيها كانت فى منتهي الادب والاخلاق معانا وهادية جدا وطبعا اخى كان سيبلها هى موضوع توضيب الشقة وهو مسافر ومكنش بيرفض ليها طلب أو هداية فطبعا كان امكانياته معروفة بمبلغ معين ولكنها تعدت الحد دا واشترت حاجات غالية وكنا مش بنزعلها خالص وكل طلبتها مجابها واذا طلبت من ابي اى فلوس لتوضيب الشقة لان اخى كان سايب كل المصاريف مع ابي بل تكفل ابي بالمصاريف الزياده كمان ورغم ذلك اتجوزوا وهما مديونين كمان وفوجئنا بعد الجوا ز على طول ابتدى الاهمال منها ومش بتكلمنا خالص ولا انا ولا أبي بل على العكس شيلت اخويا مننا جدا ومش عارفين ليه حتى أهلها وقريبها فى بيتهم ابتدوا يهينوني أنى او ابنتي الصغيره او زوجى ولا يستعنون أبي حتى لما يشفوه يجي عندى وكل لما نقول لاخى ولا هو هنا خالص على العكس معها فى كل شئ بل وسافرتله كمان علشان تقعد معاه استضافه هناك ولم تخبرنا ولا تخبر أبي بشئ فطبعا انا اللى مزعلني ان بعد دا كله نلقي المعاملة دى منها ومن اهلها ومش عارفه اعمل ايه مع اخويا اللى كرهني جدا وبقي يعملني وحش ودا بسببها وخصوصا أنا أمنا متوفيه وأنا بحس انى مسئولة عن اخواتي فزعلانه من تصرفاته دى ومش عارفه ايه الحل مع واحده زى دى وخصوصا انها حامل دلوقتي واشعر بالندم انى كنت السبب فى الجوازه دى وتكون دى اخرتها

مشاكل وحلول ذات صلة

اضيف بتاريخ: Thursday, December 23rd, 2010 في 18:02

كلمات مشاكل وحلول: , , , ,

8 رد to “اشعر بالندم لاني كنت سبب زواج اخي”

  1. مجنون نسوان
    17/02/2016 at 15:47

    اختي الفاضلة انتو لم تحسنواالاختيارالجيد للزوجة لاخوك لامن دين ولاخلق ولاتربية الظاهر انكم انخدعتم فيهاهي واهلها ولاعاد يفيد البكاءعلى اللبن المسكوب وقع الفاس في الراس والان الولية حامل من اخوك انت وابوكي الحاج ربنا يحفظه لكم ويعطيه الصحة والعافية لم تقصروا معه اديتم الواجب عليكم وزيادة كثرخيركم على كل حال هوالان زوج ومنتظر مولود جاي في السكة عليه تحمل المسؤؤليات على عاتقه ويبقى راجل يعرف كيف الحياة ماشية ويعرف حقوقكم انتم اهله المثل يقول اللي مافيه خير لااهله مافيه خيرللناس خلوه يعيش حياته ويعتمدعلى روحه ومالكم اي صلاح به لانها الظاهر مسيطرة جداعلى اخوك ومش مخليته يهتم باي احد غيرها ربنا يهديه ويصلح حاله ويرجع لكم بالسلامة عن قريب نشاءالله

  2. ابواميرة
    21/12/2012 at 11:16

    شوفي يابنتي انت كترخيرك وابوك الحاج عملتو الواجب واكتر وخليهم في حالهم والمثل يقول اعمل الخيروارميه في البحر وايضاالمثل يقول الباب اللي يجيك منو الريح سدو واستريح وربنايهدي اخوك ويصلح حاله ويبارك فيك ياست الكل بجد انتي اخت رجال

  3. جبل هم و مشاكل
    07/01/2011 at 11:27

    يا سلام والله زمن العجايب لا وايه الاخوه والاخوات بيقولوا ردود ايه تخلى الدم يطلع من النفوخ والله قال بكل سهوله سبيهوم فى حالهم ياسلام عليكم جاتكم ستين خيبه على ردودكم اللى تفجر دى مابصتوش ولو لحظه ايه شعور واحساس الاب اللى خلف وربى وكبر وجوز نظامه ايه الراجل ده لما تيجى واحده زى دى تدخل العيله بدل ماتكبرها لا تفرقها وتبعد الابن عن ابوه واخوته لكن انا يا اختى لا الوم على هذه الزوجه اكتر ما الوم على اخيكى انت لانه مع اخترامى لكى هو معدوم الشخصيه تماما مما يجعله ينساق خلف أمرأه وياخذ كلامها صدق ويقين والاهل دول مالهومشى لازمه خلاص دول زمنهم ولا ربنا يصبركم مش عنىدى غير كده اقوله لانى انا شارب من نفس الكأس اللى انتوا شاربين منه بسى هنا الفارق انا رجل واخى مسحوب حشاكم زى ال بلاش اكمل بطنى وجعتنى ادعوله يا اختى ربنا يرجعه الى رشده مع ان لايغير الله مابقوم حتى يغيروا مابانفسهم وسلام وعجبى عليك يازمن خنعت فيك الرجوله والشهامه

  4. نورسين
    29/12/2010 at 10:51

    بسم الله الرحمن الرحيم
    اختى لا ادرى ماذا يحصل بينكم وما هى المشاكل ولكن من الممكن انها تعتقد انكى بتتعدى على خصوصيتها او انك مش بتحترميها وهى اللتى اصبحت فى عصمه اخيكى ومسؤول عن حمايتها واحساسه انكم المفروض تراعوها فى غربته لانكم اهله وتكونوا مكانه وانصحك يا اختى اذا حابه تحافظى على علاقتك بااخيك اعرفى انه اصبح له بيت وله حياه ولكى حياه واسالى عنه. وهكذا مثل ابيك وعمك او خالك وامك لن تبقى الاخوات مع بعض والله الموفق

  5. اختك بالله
    26/12/2010 at 01:06

    اه يااختي قصتك مثل قصتي وانا خسرت ثلاثه اخوه اول مايتزوج اي احد من اخواني تقوم زوجات اخي الباقيات بعمل احزاب مع بعض على الشر وانا الاخت الوحيده واصغرهم واحبهم جدا واتعذب على قطيعتهم لي واخاف الله وعملت المستحيل لااجعلهم يحبوني ولم استطع لا تخافي الله سيعوضكي عنهم ويبقى فقط صله الرحم فالكره مرض يوجد في كثير من البشر والغيره ادعي من الله كما ادعي انا حتى يرجعولي اخواني وانتي عملتي الي عليكي وهو الخسران لان الاخ واجبه السوال عن اخته ومع الاسف اكثر الاخوان غافلين عن ذلك

  6. المستشار
    25/12/2010 at 16:34

    إختي العزيزة أرجو أن تتقبلي نصيحتي أمامك حل وحيد وهو أن تجلسي مع أخوكي وتفهميه أنكي وأهلك لا تكرهون زوجته فلو كنتم تكرهوها لما إخترتيها زوجة له وأن عليه أن يجعل زوجته تحترمكي وأباكي

  7. النبيل شارل
    24/12/2010 at 15:50

    اختي انتي لم تختاريها إلا لانك رأيتي فيها الزوجه الصالحه لاخوكي قد تكون هي تغيرت لكن لا دخل لكي في الموضوع لا تتضايقي فأنتي عملتي بنيتك والله يعلم بما في القلوب

  8. reda
    23/12/2010 at 19:22

    انت قمتي بالواجب مع اخوكي كتر خيرك انتي والسبد الوالد…سيبيهم في حالهم ربا يوفقهم لو طلبوا منك خدمه ما تتاخريش والمثل بيقول ايه اعمل الخير وايه….. الله ينورعليكي وخدي بالك من ابنك وابوكي وجوزك وربنا يهدينا جميعا

اترك رداً أو حلاً لهذه المشكلة