مشاكل عائلية

ماما ومعاملتها معايا

من بعد ما اتخرجت وبعد ما بقيت قاعدة فى البيت كتير ، بقت علاقتى بيها وحشة جدا ، دايما تسمعنى كلام سم وتحسسنى انى حمل عليها وحد مش مرغوب فيه ، لما حد بيتقدملى وارفض، تضغط عليا بكلامها وتتعب نفسيتى ، مبتناقشنيش مبتجيش تحضنى ولا تسالنى مالك ، فيه بيننا مسافة كأنها مش امى ابدا ، بتحب اخويا الكبير عننا جوزت اخويا الكبير وبياكل معانا وبتدفعله كهربا وكل حاجة فى البيت ، لكن لما انا اطلب منها فلوس ، تديهالى وهى متضايقة و ساعات تقولى روحى اشتغلى واصرفى ع نفسك ، بتحب مرات اخويا اكتر منى وبتعاملها احسن منى ، انا كمان بحبها وبعاملها كويس ، لكن من عيشتى معاهم ومن طريقة امى معايا بتكشر فى وشى ، لكن قادرة تضحك فى وش مرات اخويا ، كرهتهم هما الاتنين ، لو انا عملت حاجة سواء تنضيف البيت او الاكل ، مبتقوليش اى كلمة حلوة ولا بتقدرنى ابدا ، وشايفة انى مبعملش اى حاجة وانى طول الوقت ماسكة التليفون ، لو مرات اخويا عملت حاجة ، بتفضل ماما طول الوقت تقولها ربنا يعينك وتدعيلها كتير ، وتقولها اقعدى ارتاحى ، وتقوم تساعدها مع انها عمرها ما عملت كده معايا، رغم انى بعمل اى حاجة عشان ارضيها، وبردو مفيش فايدة فيها ، ودايما بعيط ومبقيتش واثقة ف نفسى ولا عارفة اتعامل مع حد ، ولا عارفة اخد خطوة انى اقدم فى شغل ، ودايما تقولى كلام سلبى يقلل من عزيمتى ومن قيمتى ، ولما اقولها على اللى هى بتعمله ، بنفجر وبقول كل اللى جوايا وبقولها انها كانت بتعامل بابا وحش ومكانتش بتحترمه ، لما بواجهها بكل الكلام ده واقولها ع تصرفاتها ، بتدعى عليا دعاء وحش اوى اوى ، مش قادرة اسامحها بسببه ، لدرجة انى مش طايقة اسمع صوتها فى البيت ، وقلتلها انى بكرهها ، عارفة انى غلطانة ، لكن انا بعدى حاجات كتير اوى ولما بنفجر مبقدرش امسك نفسى ، ومش اللى كتبته ده بس ، فيه مواقف كتير بتعملها ، كل اللى انا فيه ده تراكمات وضغط من كل ناحية ، من حلمى اللى متحققش من عدم قدرتى على الزواج ولا انى ارتبط بحد ، لانى نفسيا مش سليمة ، ولا قعدتى لحد دلوقتى من غير شغل ، مع انى بحاول ومهما فقدت امل برجع احاول تانى ، لانى نفسى اشتغل واجيبلها فلوس علشان ترضى عنى .. لكن انا بجد بقيت بكرهها اوى وبقيت بقول حسبى اللى ونعم الوكيل كتير

مشاكل وحلول ذات صلة

اضيف بتاريخ: Monday, August 20th, 2018 في 18:26

كلمات مشاكل وحلول: , , , ,

ردود to “ماما ومعاملتها معايا”

  1. ابوالبتول
    24/08/2018 at 23:54

    شوفي يابنتي الحبيبة اعتبرني زي ابوك وعاوزك تسمع كلامي وتخليه حلق في ودناك مافيش ام تكره اولادها نعم تكون قاسية بعض الشئء ومعاملتها صارمة لكنها قلبها كبير وحنون اصبري وتحمل مهما حصل منها تبقا امك ست الكل والجنة تحت اقدام الامهات يابنتي وربنا بيرضى عليك طول مانت ترضي امك وتبريها وتحسني اليها قومي كل يوم الصباح وروحي سلم عليها وبوسي راسها ويدها وهتلاقي الرضا والسعادة طوال يومك ولاتكشري في وجهها او ترفع صوتك عليها او تردديها في الكلام ده حرام ولايجوز ورضا الام من رضا رب العالمين اتخذيها صديقة لك وتقربي منها وعامليها بكل ادب واحترام وهتشوفي انها تغيرت معاملتها لك واياك ان تقولي عنها شئ وحش او انت عملت كده في بابا لا يابنتي كلهذة التصرفات غير جائزة ولاتصح ساعديها في امور البيت من تنظيف وترتيب وطبخ وغيره مثلما تعمل مرات اخوك واجلسي معها واضحك وفرفشي معها وارتمي في حضنها وخليها تدعي لك وربنا يخليكم لبعض ولايحرمك منها ويصلح لكم الاحوال ويستر عليكم ويكرمك بابن الحلال الصالح اللي يستاهلك ويسعدك ان شاء الله

اترك رداً أو حلاً لهذه المشكلة