مشاكل التعليم الجامعي

مش عارفة اختار كلية علوم ام تجاره

انا علمي علوم وجبت 91% وتنسيق الثانوية العامة المرحلة لن يتح لي غير علوم عين شمس او تجارة عين شمس والمشكلة اني خايفة ادخل علوم لاني سمعت منناس كتير انها معقدة ومش عرفه اي اقسام جواها لها مستقبل فلم يصبح امامي سوا تجارة لكنى اشعر بظلم كبير لنفسى لهذا القرار ان ادخل كليه ادبي بجد محتاجه اي معلومه عن طبيعة الدراسة في كلية علوم ورايكم في مستقبل كلية تجارة بلنسبه لمجالتها في العمل بعد التخرج علما بان مجموعي في تانيه كان 94%

مشاكل وحلول ذات صلة

اضيف بتاريخ: Friday, September 2nd, 2011 في 08:59

كلمات مشاكل وحلول: , ,

24 رد to “مش عارفة اختار كلية علوم ام تجاره”

  1. خالد الخوالدي
    30/06/2017 at 14:08

    السلام عليكم ورحمة الله.. اولا يا اختى ف الامور دي لازم ترجعى لربنا الاول وتستخيريه وبعدها تجمعى كل ما تستطيعى جمعه من معلومات عن الكليتين.. بس اللي اقدر اقولهولك انه الاتنين كويسين بس انا عن نفسي بحب التجارة والرياضيات وعشان كدا دخلت تجارة وهي كلية جميلة اوووي وليها مستقبل حلوو اووي ف المستقبل ممكن ربنا انشاء الله يرزقك وتبقي محاسبة ف بنك او شركة وكمان تترقي وتمسكى منصب ف المكان اللي شغالة فيه.. واخر حاجة اقدر اقولهالك انه الاختيار يرجعلك وانشاء الله ربنا يرزقك حسن الاختيار

    قَـيّـم هذا الحل: Thumb up 1 Thumb down 0

  2. عمر
    06/09/2014 at 17:25

    السلام عليكم اولا …. علوم كلية ممتازة بس اهم حاجة الاجتهاد والتعب فيها وقبل كل ذلك استخارة الله (اللهم انى استقدرك بقدرتك واستعلمك بعلمك واسالك من فضلك العظيم اللهم ان كان هذا الامر خير لى فى دنياي واخرتى فوفقنى فيه وان كان شر لى فى دينى ودنياي فاصرفه عنى واصرفنى عنه )

    حل مناسب حسب التصويت. وانت ما هو رأيك? Thumb up 17 Thumb down 8

  3. اميرة
    14/08/2014 at 16:55

    انا من رايى انك تدخلى كلية العلوم علشان دى كلية العلماء انتى لو دخلتى الكلية وانتى حباها هتكونى حاجة كبيرة جدا فى المستقبل

    قيم هذا الحل سلباً او ايجاباً: Thumb up 14 Thumb down 8

  4. بلبل
    12/10/2012 at 21:51

    شوفى انتى بتحبى مواد العلوم ولا التجارة

    قيم هذا الحل سلباً او ايجاباً: Thumb up 12 Thumb down 16

  5. rony
    01/08/2012 at 13:04

    مانا راحه اولي كليه وانا مش عارفه اكتب في الرغبات ايه الاول علوم ولا تربيه مع العلم انا بحب الاحياء والفزياء وبكره الكمياء بس اعلي درجه عندي فيهم الكمياء وانا خايفه ادخل علوم

    قيم هذا الحل سلباً او ايجاباً: Thumb up 11 Thumb down 11

  6. شمس العلا
    09/07/2012 at 06:16

    هقولك علي حاجه احسن حاجه تعمليها تاخذي بالاسباب اولا بمعني شوفي انتي حبه ايه وبعد كده توكلي علي الله وسيبك من ان كليه علوم هعبه بالعكس دي جميله وممتعه للي حببها
    اسال الله لك السداد والتوفيق

    حل مناسب حسب التصويت. وانت ما هو رأيك? Thumb up 19 Thumb down 3

  7. حسن
    06/10/2011 at 11:34

    السلام عليكم ورحمة الله وبركاته ,
    اولا استخيري ربنا وانشاء الله يدلك لما فيه الصلاح .
    ثانيا المستقبل بايد الله وفيه كثير من خريجي العلوم اصبح مستقبلهم كويس جدا وكذلك الكثير من خريجي التجارة فلا علاقة بين الرزق والمستقبل وبين التخصص .
    ثالثا انا خريج تجارة دفعة 99 وكنت بعد الثانوية متردد بين التجارة والعلوم ودخلت التجارة بس انا ندمان دلوقتي على قراري ده ولكن ليس من اجل الرزق فانا والحمد لله مدير حسابات في شركة من اكبر الشركات في الشرق الاوسط ودخلي الشهري فوق الممتاز ولكني كنت احب دراسة المواد العلمية واظن انني كنت سأجد نفسي اكثر في العلوم .

    حل مناسب حسب التصويت. وانت ما هو رأيك? Thumb up 61 Thumb down 8

  8. مصطفى القرمانى
    05/10/2011 at 21:53

    السلام عليكم
    انا مصطفى طالب بكلية العلوم-جامعة الازهر بالقاهرة-الفرقة الثانية/قسم بيولوجى كيمياء
    ان من رأيى تدخلى علوم
    هى فعلا صعبة جدا
    بس فعلا هتحسى انك بتتعلمى بجد
    وعموما الدراسة فى سنة اولى تقريبا نفس مواد الثانوية العامة مع ذيادة كورسات العملى
    وربنا يوفقك

    حل مناسب حسب التصويت. وانت ما هو رأيك? Thumb up 32 Thumb down 4

  9. zizo ashour
    03/10/2011 at 16:24

    كلية العلوم هي افضل كلية في الوجود ودراسة العلوم ممتعة لمن يحب الإجتهاد وهي تعطي طلابها وخريجيها صفات جميلة مثل الصبر والجلد والجدية والكفاح و الأخذ بالأسباب وإن ظروف بلدنا تحتاج لكل عقل مفكر وايد تعمل من أجل مصر
    ستجدتعبا في بداية الدراسة ولكن مع نهاية الترم الأول ستتعود عليها وتجد متعتها ولذتها
    خريج علوم يعشق كليته

    حل مناسب حسب التصويت. وانت ما هو رأيك? Thumb up 34 Thumb down 4

  10. مصطفى البدراوى
    03/10/2011 at 00:15

    السلام عليكم انا مصطفى البدراوى طالب بكلية علوم قسم بيولوجى انا انصحك ان انتى تدخلى كلية علوم لان دى افضل كلية على مستوى العالم وافضل قسم فيها بيولوجى مجالاتة كتير جدا ويعتبر فية جميع الاقسام التانية وانا اتقالى كدا قبل ما ادخلها ومفيش اى حد شكرلى فيها بس انا كنت واثق فى قدراتى ودخلتها والحمد للة تمام وكانت سهلة جدا
    وعلى العموم الراى فى النهاية ليكى ودى نصيحة ممكن تقبليها او لا وربنا يوفقك وشكرا

    حل مناسب حسب التصويت. وانت ما هو رأيك? Thumb up 22 Thumb down 8

  11. طالبة ف كلية تجارة
    01/10/2011 at 09:16

    ع فكرة اتلغت دلوقت ان اي حد يبقي دكتور تحليل من كلية العلوم

    حل غير مناسب حسب التصويت. ما رأيك انت: Thumb up 17 Thumb down 37

  12. ahmedk
    14/09/2011 at 00:14

    اولا سلام عليكم ثانياانا بفضل ليكي ان انتي تدخلي علوم واللي يقولك انها معقدة واحد من 2 لاما ان يكون مادخلاهاش وسمع من الناس لاما يكون دخلها وفشل لان ما كنش بيذاكر وعلي فكرة انا في كلية علوم جامعة الازهر اللي في مدينة نصر ودي طبعا اصعب من اي كلية تانية من كليات علوم علي مستوي الجمهورية لكن الحمد انا نجحت في اولي من غير اي مواد ورايح تانية ولو انتي محتاجة اي استفسار ده الاكون

    حل مناسب حسب التصويت. وانت ما هو رأيك? Thumb up 51 Thumb down 8

  13. reem
    12/09/2011 at 23:26

    انا من رايى تدخلى علوم ليها مستقبل ممكن تطلعى دكتورة تحاليل انا نفسى ادخلها انا لسة فى ثالثة

    حل مناسب حسب التصويت. وانت ما هو رأيك? Thumb up 28 Thumb down 4

  14. a.gh
    12/09/2011 at 04:23

    بصى هقولك حاجه التعليم ده نشصيب

    حل غير مناسب حسب التصويت. ما رأيك انت: Thumb up 7 Thumb down 23

  15. وفاء
    11/09/2011 at 20:14

    صلى صلاة استخارة وربنا يكرمك ان شاء الله

    حل مناسب حسب التصويت. وانت ما هو رأيك? Thumb up 35 Thumb down 5

  16. ميرنا
    08/09/2011 at 22:00

    انا اسمى ميرنا و فى الاعدادى اه بس انا عندى حكمة شوية بصى يا حبيبتى انتى ميهمكيش كلام اى حد و صلى صلاة الاستخارة وربنا ان شلء الله هايهديكى للطريق الصح اللى هايفيدك

    حل مناسب حسب التصويت. وانت ما هو رأيك? Thumb up 35 Thumb down 5

  17. امه الله
    08/09/2011 at 14:20

    ول حاجه تستخرى ربنا او ممكن تدخلى كليه تربيه قسم علمى اعقد مجموعك يجبها وممكن تقولى دعاء قدرلى الخير حيث كان ثم ارضنى به وربنا يوفقك

    حل مناسب حسب التصويت. وانت ما هو رأيك? Thumb up 13 Thumb down 2

  18. shimoz
    08/09/2011 at 02:32

    اوووعي تتدخلي علوم يابنتي انا والله بئولك كدا عن تجربه بلاالالالاش علوم انا كنت اولي علوم السنه دي طالعه ب 8 مواد واصحابي اللي ب 10 واللي ب8 زي فبلالاش والله هتتعقدي الكليه نصها ساقط والله انا كنت بذاكر وبكتب ف الورق كويس جدا بس انا خلاص هحول منها وضاعت سنه من عمري اووعي بجد تتدخليها

    حل غير مناسب حسب التصويت. ما رأيك انت: Thumb up 31 Thumb down 52

  19. اينشتين
    06/09/2011 at 15:24

    بصراحه ف علوم هتحسى بقيمتك عددهم قليل والمعامله حلوه انما تجارة العدد ممكن يكون 3000 او 4000 ف الدفعه او اكتر.

    حل مناسب حسب التصويت. وانت ما هو رأيك? Thumb up 41 Thumb down 8

  20. nada
    06/09/2011 at 07:09

    انا لسه ف ثانوى دلوقتى ف ثالثه بس انا لو كنت مكانك اكيد كنت اخترت علوم كليه علوم ف اصحاب اختى دخلوها و وماشين فيها كويس وكمان ممكن تبقى دكتورة تحاليل

    حل مناسب حسب التصويت. وانت ما هو رأيك? Thumb up 30 Thumb down 4

  21. الله اعلم بكل شئ
    05/09/2011 at 04:18

    اجمعي اكبر كم من المعلومات عن الكليتين واختاري انا في دار علوم هي صعبة بس الحمد لله ماشية فيها ولو حاسة انك مش قد علوم يبقي بلاش احسن وعلي فكرة تجارة كويسة برضه ومفيش حاجة اسمها ظلم لنفسي اختاري الاسهل

    حل مناسب حسب التصويت. وانت ما هو رأيك? Thumb up 19 Thumb down 3

  22. yasmine shehata
    03/09/2011 at 01:52

    السلام عليكم ورحمة الله وبركاته على فكرة انا فى كلية علوم عين شمس وطالعة تالتة بأذن الله على فكرة نفس الكلام اتقلى قبل مادخلها ولكن الحمد لله رضيت باللى ربنا كتبهولى مع العلم انى كان مجموعى 93 ونص فى المية وكنت فاكرة نفسى مش هعرف امشى فيها لكن صدقينى هى بس عايزة شوية التزام فى حضور المحاضرات والمعامل لأنها عملية شوية والعملى فيهامهم والحمد لله انا كل سنة بطلع بتقدير وليا كمان ترتيب على دفعتى بفضل الله واوعى تقولى هتلاقيكى دحيحة بتذكرى ليل ونهار اقولك والله ابدا بالعكس انا كنت بذاكر ايام الامتحانات النهائية وامتحانات العملى وعموما صلى صلاة استخارة ومتسمعيش كلام حد اللى انتى ميالة ليه اتكلى على الله فيه انا بس بقولك كده لأنى مكنتش عايزة ادخل حاجة ادبى زى تجارة وانا اصلا محبش الرياضة وهم عندخم رياضة كتير اما بقى حكاية الشغل فدى حاجة بايد ربنا ممكن واحد يكون داخل احسن كلية ومع ذلك مش لاقى شغل والعكس صحيح عموما ربنا يوفقك ويهديكى للطريق السليم ويارب اكون فدتك فى حاجة والسلام عليكم ورحمة الله وبركاته

    حل مناسب حسب التصويت. وانت ما هو رأيك? Thumb up 80 Thumb down 1

  23. اميرة الصعيد
    03/09/2011 at 01:20

    ياجماعة انا طالبة فى علمى علوم جبت فى تانية83 وجبت فى تالتة 85 ودخلت كلية تجارة ممكن احول فى تانية تجارة انجلش حد يرد على

    حل مناسب حسب التصويت. وانت ما هو رأيك? Thumb up 21 Thumb down 7

  24. زيك
    02/09/2011 at 23:19

    والله انا زيك ومحتار خالص ومش عارف هعمل ايه بس انا هحش علوم قسم بيولوجى وامرى لله ممكن تبقى دكتوره تحاليل

    حل مناسب حسب التصويت. وانت ما هو رأيك? Thumb up 21 Thumb down 6

اترك رداً أو حلاً لهذه المشكلة