هموم البنات

حياتي متأخره في كل حاجه وحاسه بالنقص

انا بنت عمري 18 ونصف انا كنت عايشه بقريه صعيديه في مصر وهناك مفيش مدارس ثانويه اخدت لحد 3 اعدادي وبعدها توقفت من الدراسه اهلي حولوا يجوزوني بس انا كنت بحب شخص واستنيته سنه وبعدها اتجوز واحده صحبتي بعد كده قلت هكمل حياتي وان دا طبيعي وان مش اول ولا اخر واحده تفشل في الحب وفعلا بدأت ابحث عن شخص كويس بس احنا بالارياف مفيش بنات بتكلم اولاد وانا كنت دايما منعزله عن الشباب لحد مابقيت اخاف اتعامل معاهم بعد 3 سنين وبقا سني 18 سنه بابا فاجئنا بأن هينتقل للمدينه علشان اخواتي الصبيان يكملوا تعليمهم وانا قدمت لمدرسه ثانوي وانا حاليا خلصت ترم من السنه بس بصراحه بعد ما جيت هنا حسيت بالمعاناه اكثر لان انا مع بنات مش في سني وانا مش عارفه اتأقلم مع حد وحاسه بالنقص لان فاتني 3 سنين بالدراسه وحاسه بالوحده انا مش عارفه اتعامل زي البنات الي هنا ولا ابقا زيهم ولا البس زيهم انا نفسي ابقا طبيعيه بس مفيش حد قابلني وبنفس الوقت مش عاوزه ارجع قريتنا لان هي مش كويسه حاسه ع طول بالخنقه وبالضيق وبالنقص واهلي بيقولولي إن لو فضلت اكمل تعليمي مش هتجوز لان فاتني 3 سنين هتأخر وكمان محدش فيهم عاوز يسبني اكمل لان في نظرهم البنات للجواز والصبيان للتعليم عمري 18 سنه وحاسه وكأن عمري 180 سنه بسبب اهلي بدل ما اعيش احسن ايام حياتي في سني دا بقيت عايشه وحيده بائسه ، لاعارفه اصحاب من سني ولا عارفه اتأقلم مع حياه المدينه ولا عارفه اكمل تعليمي ولا اسمع كلام اهلي واتجوز اعمل ايه

مشاكل وحلول ذات صلة

اضيف بتاريخ: Tuesday, January 26th, 2016 في 05:57

كلمات مشاكل وحلول: , , , , , , , ,

4 رد to “حياتي متأخره في كل حاجه وحاسه بالنقص”

  1. وحدة
    17/05/2016 at 09:03

    ادرسي وخلي الخرابيط والزواج لاحقه عليه ولو لك نصيب بيجيك لا تدورين ولا تتعبين كل هذا خرافات وعادات مالها اصل لا من دين ولا عقل لاتهمك وعادي 3سنين نفس الجيل ونفس الطبيعه تاقلمي وعيشي جوك اهم شي رضى الله ,, ارضي ربك واحرصي ع ماينفعك والتوفيق بيد خالقك

  2. استاذة درعمية
    11/02/2016 at 06:47

    اوعى تستسلمى وكملى تعليمك انا زيك بس انا عندى 21 سنه الحمد لله اتاقلمت مع الجو وخلقت اصحاب بشخصيتى ف كليتى وعارفه كويس احساسك لانى عارفه ان البنت عندنا بيقولوا مش مهم التعليم اهم حاجه الجواز والعيال وان لازم البنت تتجوز بدرى وبيستكفوا الاهل بانهم يطلعوا البنت بعد الاعداديه ويجوزوها او مش لازم تكمل تعليم وانتى بتقولى عندك 18 سنه ومن وجهة نظرهم انك بداتى تعنسى بصى انتى لسه الوقت معاكى طويل لسه هتدخلى الجامعه وتتعرفى ع ناس كتير وصدقينى مش هتنفعك حاجة غير شاهدك هى الى هتبنيكى بجد وهتحتجيها اوى وانتى انسه ووانتى متجوزة هى الحبل الى هتتعلقى بيه لو لقدر الله صدفتك مشكلة ماليه ف حياتك مع جوزك او لقدر الله لو حصل خلاف او اتوفى زوجك وقتها مش هتنفعك غير شهدتك دى .. لازم تتعلمى متستسلميش ابدا الجواز امره سهل لكن العمر بيجرى والتعليم مش هتقدرى تعوضيه بعد جوازك ابدا ..الله يكون ف عونك ايوة الزن على الودان اقوى من السحر بس انتى لازم يكون ليكى ارادة وراى تقدرى تبنى حياتك بيهم .. اسفه ع الاطاله

  3. مجنون نسوان
    27/01/2016 at 15:02

    اختي لازم تتعودي على حياة المدينة المحيط اللي انت عايشة فيه وتتاقلمي معه بحذافيره دون الاخلال بالمبادي والقيم والاخلاق والتربية اللي انت عليها صاحبي بنات من زميلاتك اومن المنطقة اللي انتو ساكنين بها ويكونواالبنات على دين وخلق حميدة واهل محترمين وكويسين وواصلي تعليمك وجدي واجتهدي في دراستك وخلي عندك هدف اوطموح عاوزة توصلي له ونشاءالله تقدري الوصول اليه بالاصراروالعزيمةوالارادة والتوكل على الله قبل كل شئ واهلك عمروهم ماحيكونواحجر عثرة في طريق نجاحك اوسعادتك بل العكس هيقفوا معاك ويساندونك حتى تحققي كل ماتحلم به وتتمنيه في الحياة وبعد3سنوات يكون عمرك 21سنة ودي سن مناسبة للتفكير في الزواج ونشاءالله ربنابيكرمك بابن الحلال الصالح اللي يستاهلك ويقدريسعدك ويصونك في الحياة خليك بس متفايلة وعندك عزيمةواصرار للوصول الى تحقيق الطموح في الحياة وربي يوفقكي ويسترعليكي وينجحكي في دراستك وتحقيق كل امانيكي واحلامكي

  4. mohamed
    27/01/2016 at 00:26

    كان فى قصة من الدكتور ابراهيم الفقى الله يرحمه بيقول فيها ان جالو راجل عندو 70 سنة وقالو انا عندى 70 سنة وعايز اخد دكتوراه بس الدكوراه دى هتاخد 4 سنين وحاسس انى كبرت فى السن ومش هينفع . الدكتور قالو اتخيل نفسك بعد 4 سنين ومعملتش الدتكوراه هيبقى عندك كام سنة قالو 74 سنة قالو ولو خدت الدكتوراه بعد 4 سنين هيبقى عندك كام سنة قالو 74 قالو خلاص اعمل الدكتوراه 😀 .. الخلاصة من الكلام ان الانسان الفاشل بيشوف فى كل فرصة صعوبة والانسان الناجح بيشوف فى كل صعوبة فرصة .. عيزك تعيدى تفكيرك تانى بنظرة مختلفة للى حصل معاكى البنات اللى زيك فى قريتك القديمة كانو بيوقفوا تعليمهم وحياتهم بتبقى كلها لجوزها ولعيالها مفيش حاجة ليها لكن انتى ربنا ادالك فرصة ووداكى مكان تقدرى تلاقى نفسك فيه لو شيفة ان حياة المدينة صعبة دا لان حياة المدينة احسن من حياة القرية ودا المعروف عشان كدا لازم تلاقى الفرصة من دا انك تحسنى حياتك لازم تعرفى تتكلمى زيهم وشخصيتك تتاقلم مش شخصياتهم وكمان تلبسى زيهم (بس بلاش زيهم اوى لان عندنا مشكلة فى الموضوع دا ربنا يهديهم) المهم انك بدل متقولى ان حياتك متاخرة مقارنة بحياة البنات اللى بتشوفيهم دلوقتى ففى المقابل انتى حياتك متقدمة عن اى بنت تانية كانت فى قريتك مش كدا؟ صدقينى الحلو فى الحياة مش بيكون بس فى فترة الشباب او انك تبداى من نفس المكان اللى بدا فيه غيرك .. من احلى الحجات فى الحياة انك تستمتعى بانك تشوفى نفسك وانتى بتتغلبى على نفسك وبتتطورى وتقارنى نفسك بعد كدا بنفسك دلوقتى لانك بعد 3 سنين هيبقى عندك 21 سنة هتكملى دراسة بعد 3 سنين هيبقى عندك 21 مش هتكملى بردو بعد 3 سنين هيبقى عندك 21 .. المدرسة مش المكان الوحيد اللى بتختلطى فيه مع الاصحاب حاولى تلاقى طريقة تعرفى فيها ناس من سنك يساعدوكى انك تطورى نفسك طبعا جنب دراستك عشان كدا فكك من القلق وعيشى حياتك طبيعى لان دى مجرد البداية وتقدرى تثبتى نفسك وتسبقى حتى اللى من سنك !

اترك رداً أو حلاً لهذه المشكلة