هموم البنات

قلبي يحترق

انا فتاة ابلغ من العمر 22 سنة ولسه متخرجة السنة دي وكانت لي قصة فاشلة ف اخر عام دراسي لي فانا صلتي منقطعة تقريبا عن الزملاء الاولاد نادرا ما اتحدث مع احد وفي اخر عام لفت انتباهي زميل رأيته ف منطقتنا ووهوكان معايا ف نفس الدفعة بس عاد سنة ولم اكن اعرفه غير ف اخر سنة وبدأنا نتحدث كأي زميلين بلا تجاوز وكان يبدي اهتماما لي شديد وكنت اشجعه وارفع من روحه المعنويه وامده بالكتب والمحاضرات ربما انا بنفسي قد وضعت نفسي في خانة الاخت او الصديقة الجدعة ثم تخرجت وجاء لي عريس ووجدت الجميع ف المنزل يقولون لي فكري فيه كويس كيف لي ان افكر بهذا العريس وانا احب انسان اخر بكل اخلاص؟

فتجرت وبعت له رسالة اسأله هل انا صديقة وزميلة واخت فقط فكان رده عليا غريب جدا اتصل  وبدأيحكي لي عن تجربة فاشلة له ف اول عام مع زميلة ثم خطبت فحزن وبسببها عاد العام  فحزنت جدا لكلامه فهذا يكفي حتي افهم رده ولكنه جرحني جرح فظيع قال لي انه لا ينكر انه اعجب بي ف وقت من الاوقات وانه فكر جديا ف حكايتنا ورأي انه حرام عليا استناه كل السنين دي وهو لسه ماكونش نفسه فقلت له اني كنت علي استعداد استناك اكتر مما تتصور فقال لي حرام وشوفي حالك صدمني صدمة فظيعة وانهرت ودخلت المستشفي كنت اصرخ من الالم بصوت عالي واقول اه والله كنت حاسة بالالام  شديدة في صدري  واقول في سكينة ف قلبي وعدت للحياة مرة اخري عندما رأيت ابي يبكي ويسأل من زعلها هكذا ؟

ولكني تغيرت تماما نظرتي لكل شئ اصبحت مادية جدا واصبح مبدأي ف الحياة الاتي

اني رجوت شئ غالي وعزيز من الحياة وكنت علي اتم الاستعداد للتضحية من اجل هذا الشئ والان بعد ان عز عليا هذا الشئ اصبحت اريد كل الاشياء الاخري التي كنت علي استعداد للتنازل عنها واكيد هذا شئ مستحيل ان اجد انسان كامل من كل شئ الا الحب فهذا ما قررت فقط التنازل عنه ف شريك حياتي عادي وايه يعني فالحب تنازل عني بمنتهي السهولة لن اسامحه مهما كان بعد ذلك

ظلمني انا اتغيرت تماما اصبحت جامدة باردة لم اعد اقدر ظروف الناس لم اعد الرقيقة اللطيفة البشوشة اعيش بلا مشاعر جرح الاحساس الامه اشد الالام اصبحت اخاف جدا ان انجرح مرة اخري  لن احب ثانية ومع هذا للاسف مازلت اسأل عنه واحاول معرفة اخباره واحزن للاسف اذا ألم به مكروه مازلت اخاف عليه جدا انا تعبانة ومريضة بيه رغم جرحه لي الشديد نفسي اخد حقي منه

ارجوكم ردوا عليا انا عارفة ان مشكلتي مالهاش حل او ممكن تقولوا ليا مفيش مشكلة اصلا ؟

انا عارفة بس مرتاحة اني شاركتكم معايا وعلي فكرة العريس  اللي كان متقدم لي انا رفضته عشان مبدأي الجديد لانه ما كنش جاهز انه يحقق كل طلباتي المادية رغم انه كان معقول بس هو مش فارق معايا زيه زي غيره مش فارقة بس انا خايفة افضل كده علي طول ارفض عشان مش مرتاح جدا ماديا هذا ما اريده الان سامحوني للاطالة عليكو

وشكرا جزيلا لكم

مشاكل وحلول ذات صلة

اضيف بتاريخ: Thursday, November 25th, 2010 في 17:57

كلمات مشاكل وحلول: , , , , , ,

12 رد to “قلبي يحترق”

  1. ابواميرة
    01/11/2013 at 23:25

    اختي الشاب كان صريح معك واخبرك بالحقيقة ماخدعك اوضحك عليك قال انه مش قادريرتبط فيك وعاوزك تشوفي حياتك مع غيره ودي قمةالتفاني في الاخلاص والمصداقية وانت شوفي حياتك وانسيه للابد ولاعادتفكري فيه خالص وربك بيعوضك خير وبيكرمك بابن الحلال اللي يستاهلك ويسعدك

  2. Eng.Ali
    11/12/2010 at 16:16

    ياحلوه هو لم يظلمك انتي بتقولي انك فرضتي نفسك عليه واتصلتي به
    ثم ان انسان عقلاني يفكر بمنطق الحياه والظروف قال لكي شقي طريقك ولم يعدك بشئ ويخلي بكي
    ولكنه صارحك من البدايه أن ظروفه غير مناسبه….هو الجواز بالعافيه…يا عم لروحي شوفي مصلحتك ومتتنططيش قوي البنات بقيوا الخمسه بشلن

  3. warda
    30/11/2010 at 17:13

    بصى يحببتى اولا الدنيا موقفتش يعنى عشان انتى حبيتى واحد وهو مش حبك خلاص انتى انجرحتى ودخلتى المستشفى وعشتيلك يومين نكد وحزن وحسرة فوقى بقة وبلاش تدورى على الماديات وباذن الله لما حد يتقدملك تانى دورى على الدين والاخلاق وانو زوج صالح ولا لا وبعدين بزمتك مش دلوقتى يعنى انا قصدى انو عمل فيكى خير تخيلى لو كنتى ارتبطتى بية واستنية سنين وضيعتى عمرك وفى الاخر ميكونش من نصيبك بردو وزى مقولتك ادعى ربنا انو يبعتلك الزوج الصالح وسيبك بقة من الماديات دى وزى المثل ال بيقول ياواخد القرد على مالو يضيع المال ويفضل القرد على حالو
    ربنا يوفقك ويسعدك

  4. البحار مندى
    30/11/2010 at 01:32

    لا تكره احدا مهما اخطا فى حقك عش فى بساطه مهما علا شانك توقع خيرا مهما كثر البلاء اعطى كثيرا ولو حرمت صل من قطعت واعفو عمن ظلمك ولا تقطع دعاءك لعزيز لديك

  5. نور
    27/11/2010 at 04:51

    انا نفس سنك وفى يوم من الايام فكرت بنفس منطقك بس رجعت لعقلى وقلت انا بحب نفسى ولازم اسعدها واعوض كل لحظة جرح عشتها والحمدلله اتخطبت لواحد كويس هو ظروفة المادية مش كويسة بس انسان ملتزم وحنين وبحبه جدا
    فارجعى لثوابك وعيشى حياتك وتقربى الى الله تجدى الخير ان شاء الله

  6. صلوا على نبيكم محمد(مسلمه
    26/11/2010 at 18:54

    هو الحب بالعافيه ؟ انتى حبتيه يعنى حبك من طرف واحد هو مغلطشى معاكى فى حاجه ليه بتقولى عاوزه اخذ حقى منه وانتى اصلا ملكيش حق عنده ومتتشرطيش قوى فى اى عريس جايلك علشان متندميش بعد بكده خصوصا ان العنوسه بقت مرض العصر ولو انتى حلوه فيه احلى منك ويتمنو اى عريس يخبط على بابهم ولو غنيه فيه اغنى منك

  7. الأمير
    26/11/2010 at 16:40

    تالسلام عليكم ورحمة الله وبركاتة
    ما أنتى فيه يا أختى الكريمة بسبب الذنوب والمعاصى والبعد عن الله توبى إلى الله وندمى على ما فعلتى فليس فى الإسلام علاقة صحوبية

  8. الامل
    25/11/2010 at 22:56

    مش هقدر اقول حاجه لان اللى سبقونى قالوا كل حاجه كنت عايزه اقولهالك ربنا يهديكى وطالما بتنظرى النظره الماديه دى ممكن تستنى كتير ويضيع عمرك فى الانتظار والحسره

  9. عمر كريم
    25/11/2010 at 20:25

    وبعدين الى يبعك بيعة وفكرى فى حياتك انتى وفى اهلاك واسعاد من معكى وانسائى الاماضى عشان كل جراح

  10. عمر كريم
    25/11/2010 at 20:24

    الحب شى جميل بس المهم نعرف معنة بجدا ياختى بس انتى غلط فى رفض العريس الى كان متقدم ليكى بجدا

  11. ابو منه
    25/11/2010 at 19:57

    اسف لردي العنيف مش قادر افهم هو فين الحب كلامك غير متناسق نادرا ان يكون ليكي علاقه بزملائك كنتي استمريتي علي هذا المبدء وبتقولي انك وضعتي نفسك في دور الجدعه الصديقه اي لا دور الحبيبه مين اللي اداكي الحق انك تظلمي نفسك وتوهمي نفسك انك بتحبيه وبعدين منم كلامك انه مقلكيش اي حاجه غير بعد سؤالك وبرده طلع محترم وملعبش بيكي وقالك انه مش هيقدر يكمل معاكي انتي اللي عاوزه تعرفي كويس ان ليس كل ما يتمناه المرء يدركه بلاش قسوتك دي علي نفسك وعلي الزمن حاولي تعيشي انتي لسه متخرجه يعني لسه بدري عليكي واحده واحده اللي بيكلمك ده فضل حب واحده 4سنين جامعه مش سنه واحده زيك وبرده لما سبتها كنت فاكر الدنيا وقفت بس ابدا والله اتجوزت وخلفت وعندي منه ربنا يخليهالي وشوفتها من حوالي سنتين وكانت بنتي علي كتفي وابنها عي كتفها هي كمان والدنيا مشيت اصبري وكل حاجه بتموت مع الوقت واتمني لكي دوام التوفيق

  12. الصريح
    25/11/2010 at 19:32

    عزيزتى رعونتكى وتسرعك اطاح بالاول والثانى انتى اتكلمتى ورديتى على نفس بجد مفيش اى مشكله فى كل اللى قولتية انتى التى جنيتى على نفسك بتسرعك فى حبك الاول لانكى اول ما بداتى حكايتى تحدثتى عن قصة حب فاشلة والثانى انتى التى تقربتى اليه وليس هو انتى اللى عرضتى علية ليس هو الذى طلب منك الارتباط ولك
    انا على عكس تقديرك فهو هذا الشخص على عدم مقدرته للارباط علشان ظروفه بجد هو انسان محترم جدا وصارحكى ولم يضحك اويلعب بمشاعرك فما كان عليكى الا ن تصدمى نفسك بصدمة عصبية كان على اثرها ان تطيحى بحياتك وتعزبى وتوصلى والدك ان ينهار من البكاء من خوفه عليكى
    الله يهديكى انتى انسانه مثقفة وتعليمك عالى
    سامحى نفسك وعالجى اخطائك فانتى جريمتك فى حق نفس ولا تلومى الاخرين
    وفقكى الله لما فيه الخير

اترك رداً أو حلاً لهذه المشكلة