قولولي اعمل ايه خلصت الكلية وقاعدة فاضية مش عارفة اعمل ايه ومعنديش استعداد اقابل الناس لاني اغلبهم مش كويسين وانا تعبت من التعامل معاهم ارجوا منكم حل المشكلة
هموم البنات
زهقانه اعمل ايه
اضيف بتاريخ: Friday, December 24th, 2010 في 12:37
كلمات مشاكل وحلول: البنات, كلية, هموم, هموم البنات
انا جالى فترة عملت زيك كدة قررت انى اعمل مذكرات على الفون واكتب فبها كل حياتى بعنى بمثل ا
كدة زى ماتقولى الافلام لس انا بجد ارتحت اوى لما كتبت المذكرات دية انا كنت هكتبها بورقة وقلم بس قولت لا الفون احلى يعنى مسلى وكل يوم كمان بكنب وفى تنبية كمان بيفكرك انك تكتبى واللة العظيم ارتحت جربيها مش هتندمى ☺
انا كمان زهقانه اوي وطهقانه بس بحاول مفكرشي واضحك واصلح من نفسي واخرج مع اصحابي وافكر في بكره بخيره او شره وافكر في ربنا وانو مش بيعمل اي حاجه وحشه في الناس لان ربنا غفور رحيم بيحب عباده ولطيف بيهم بحاول املا وقت فراغي وافكر باهلي صحيح سعات كنت فيها اننيه مش بفكر غير في نفسي بس انا بحاول دلوقتي احس بيهم انا بتوجع والله وتعبت بس عادي ناس كتير حبونا وسبونا وغابو عن عنين وناس كنتير حبناهم من اصدقاء وحب تاني وخدعونا وفرقونا اقدرناهم وهم مقدروناش بس انا اتعلمت اني مقدرشي اللي ميقدرنيش وواعك تخشي في قصه حب لانها مش هتعللجك من الاكتئاب ده هتزودللك همومك كمان بس كده
مانصحكيش انك تدخلى فىى قصة حب عشان زى ماليها مميزاتها ليها عيوبها حاولى تشوفى حاجة تسعدك فى الدنيا والاخرة عشان لو راضيتى ربنا هترضى نفسك وكل الناس معاكى
انا زيك بالملى فى حالتك دى بس انا حاولت اكبر دماغى بجد على قد ما اقدر واعيش يومى حلو بقى وحش اهو كله هيعدى لو زهقتى فكرى فى بكره وايه الى هتعمليه فيه مش معنى كده انك تنسى انك عيشه انهارده
والله يا جماعه انا كمان عندي ملل في ايام الاجازة من الدراسه بعمل ايه بصلي علشان بجد لازم نستفيد بكل ثانيه في حياتنا عندنا فيها فراغ المفروض نقرأقرأن كتير جدا نساهم في اي عمل خيري لعل وعسي ناخد ثواب كبير عند الله ونري الفرحه في عيون كل حد قدمنا له المساعده وبالخصوص الايتام يا جماعه والصلاة الصلاة الا تارك الصلاة
حاولى دايما تضيعه وقتك فى اى حاجة
انتي لو دخلتي قصة حب رح تنسي كل الزهق
صحيح ان اغلب الناس مش كوييسن بس حتى لو كانوا مش كوييسن الكويس بيبان والوحش بيبان واكيد هايجى يوم وهتشوفى انسان بيكون بيحبك وانتى كل حاجه فى حياته الصبر مفتاح الفرج وانشاء الله خير والكويس اكتر من الوحش علشان محدش بيخت حاجه معاه
احمدى ربنا قولى الحمد لله انك فاضية ومفيش شئ وراكى بكره تتجوزى اللحظات الى انتى فيها دى بكره هتتمنيها لو انتى مسلمة صلى واذكرى الله وخوشى على اليوتيوب فى حاجات جامدة ووودى اهلك وقرايبك وانا مع اسلام المحامى لما قالك خلى بالك لاحسن الفراغ يوصلك لعلاقة حب من على النت وتعملى حاجات مش كويسة وصدقينى ده ممكن يحصل وعلى فكرة انتى معندكيش مشكلة اساسا عارفة ان فى بنات فى نفس عمرك بيشتغلو خدامين وبيتمرمطو عشان ياكلو اهلهم انتى بقا فى نعمة ولا لا؟ عارفة ان فى بنات فى سنك معاهم 3 عيال عشان اهلهم جوزوهم بدرى وخلى البنت تشيل الهم بدرى وهى مش اده عارفة ولا لا ؟ عارفة ان فى مليون بنت تتمنى تعيش زيك تاكل وتشرب وتنام فى امان بدل الانحراف الى هى فى ؟ عارفة ان فى بنات بتتمنى الزمن يرجع بيهم ويبقو زيك بعد الشقاء الى هما وصلو لى عارفة ولا لا؟ ولو انا بقو اى كلام ممكن تتفرجى على التلفزيون وعلى مشاكل الناس او تقرى على الموقع مشاكل البنات الى ادمرو او تتفجرى على اليوتيوب على البنات الى انحرفت او بنت ولد صورها على النت وفضحها بيتهايلى انتى مش حسه بنعمة الى انتى فيها هو فى ناس كدا من كتر الراحة والرفاهية بيتخنقو واصلا انا لو مكانك اريح ماما فى البيت ومخليهاش تعمل اى شئ واصلى الفجر كل يوم يا بختك بجد واخلى البيت نطيف واحاول اغير ديكور الشقة اجيب الكرسي مكان السرير والسرير مكان الكرسي اجيب زرع وازرعه فى البلكونة اجيب عصافير واربيها واجيب زرع جميل اسقيه كل يوم ويكبر قدام عينى يااااااااااااااااا انتى ناسيه حاجات حلوة اوى للبنات ممكن تعملىها انا بحسدك
طب هو انتي كنتي بتعملي حاجة قبل الكلية كل الي كنتي بتعملية مذاكرة طب فين لذة الحياة حاولي تتجهي الي ربنا وفعلا كما قال مصري بالخارج فرصة تحفظي قران وتفرغي لمراعاة والديك وصدقيني الحياة حلوة للي يفهمها اتمني تكون رسالتي وصلت .وفي الختام تحية وسلام
أنزلى اشتركى فى جمعية خيرية زى جمعية رساله واوعدك مش هتشعرى بملل لانك بتعملى عمل خير
سيبك من الناس و الصداع بتاعهم –لو ليكى اخوات صغيرين خدى بالك منهم و حاولى تذاكرى ليهم -وممكن تعلمى الاولاد الفقراء لو فى القريه او مكان بسيط–هتتعلمى ايه من الدنيا من الخبث بتاع الناس–ربنا يكرمك بزوج صالح–وكمان ممكن تشتغلى مدرسه لو مؤهلك مناسب-ومش من رأيى انك تختلطى بالناس ولو اختلطتى بيهم لازم تختارى كويس ومتتعرفيش بكل بنت –الناس اصبحوا وباء بكل معانى الكلمه و بالنسبه ليكى كبنت فقربك منهم مش هيفيدك كتير-انما الراجل لازم يعرف و يجرب–و طورى من نفسك زى ما قالك اخواتك قبلى-الكليه مش كفايه والشهادة الى بناخدها مش بتقدم ولا بتأخر-خلى عندك طموح واستغلى كل وقت فى حاجه مفيده–خدى كورسات لغه-ولو مكلفه اتعلمى من النت و حملى اى شئ مفيد والمواقع المحترمه و المفيده كتيره–اعرفى بنات كويسين من النت–حاولى تشغلى نفسك و بلاش تتعلقى بالمسلسلات والافلام لانها مش مفيده–و ربنا يوفقك
ممكن تشغل نفسك فى اى حاجة مثل مشاهدة التلفاز او المحادثة عبر النت او قرائة القصص والروايات
اولاحاولى تدورى على شغليناسب طموحاتك مع ناس محترمه ومش كل الناس وحشه وصدقينى فى ناس كتيره محترمه وتتعامل بأحترام وحاولى تتعاملى مع الناس بشجاعه وبدون خوف وان شاء الله هتوصلى الى اول الطريق وتكملى حياتك بأستقرار والتعامل مع النس لابد منه لمعرفة الحلو والوحش وربنا معاكى
انخرطي مع الناس بتشوفي انهم مش عاطلين بالعكس حتلاقي بين كل 100 اتنين تلاتة زي الفل
انا على فكره حسيت فى وقت زيك أنى زهقانه مع ان حياتى مليانه شغل ودراسه وطالع عينى لكن الزهق ده علشان الواحد مش بيحاول يدور على سعادته والسعاده دى نصحيه من اختك صدقينى مفيش حد بيجبيها ليكى انتى اللى بتجبيها لنفسك انا حاولت ادور على سعادتى وسط الناس برضو حسيت باللى انتى حسيتى بيه مش كل الناس كويسه نقول نصهم بس علشان منظلمش المهم انى فعلا ً لما بدأت احسس نفسى انى سعيده مش بكرر كلمه زهقانه واقرب من ربنا اكتر بالتسبيح وبقراءه منتظمه للقرأن حسيت ان الدنيا ممكن تكون فيها حاجه كويسه ..دورى على اللى يسعدك وحاولى تخلقى ليكى دنيا ومتأسيش وتقولى زهقت صدقينى لو الناس سألت فيكى النهارده مش هتسأل فيكى بكره دورى على نفسك هتلاقى السعاده وربنا معاكى ..ويسعدك يارب
أولا يا ريت الناس الى بتدخل تقرأ المشكلة وتقيم ان الحل مش مناسسب يقولوا حل أحسن بدل ما يعلموا على العلامه سلبيا وخلاص
ثانيا :
أختى الغاليه: عايزة الناس تضحك عليكى ولا إيه؟
أنا عن نفسى علشان آخد نصيحه من حد لازم الأول أعرف ميولك وطباعك ولا عايزة واحد يقولك احفظى القرآن وتطلعى فى الآخر مسيحية؟
إنتى تقدرى تعرفى إنتى عايزة إيه وإيه الى يناسبك ونصيحه ماتخليش حالتك دى توصلك لقصة حب محرمة ولا إنك تعملى حاجه غلط.
أخوكى إسلام المحامى
فرصة تحفظي قران
انزالب اشتغلي ومتكلميش حد ولا تتعاملي مع حد معرفه الناس كنوز والبعد عنهم غنيمه
حاولي طول ما انتي خايفة مش هتوصلي لحاجة حتي لو زي ما انتي مفكره كده ان الناس مش كويسين يبقي مش هتتعلمي حاجه
لازم تتعاملي علشان تقدري تميزي بين الكويس واللي مش كويس
وطول ما احنا عايشين ادينا بنتعلم
ممكن كلامك يكون صح عن الناس بس شرلابدمنه اصلك مش هتعيشى فى الدنيالوحدك وجنةمن غيرناس ماتداس ومش كل صوابعك زى بعضهاوان كان على الملل ده شى طبيعى وفترةوهتعدى باذن الله
حل مشكلتك ممكن يكون عندي وسبق واني شاركت في حل مشاكل كتير من اللي مكن يتعرضو لنفس العملية
دعوة يا جماعة للجميع تعالو اتعرفو علي حاجة جديدة عليكم كلكم فن الخط العربي
اتعلمو اسرار الحروف الحقيقية وصدقوني مش هاتخسرو شئ
افضل وسيلة منها انك بتتعلمي حاجة جديدة ومنها انك بتخرجي وبتشوفي الدنيا
زان شاء الله يجمعك ربنا مع ابن الحلال اللي يستاهلك وتستاهليه
طبيعي بعد الدراسه وانتهاء الحياه الجامعيه يحصل ملل خصوصا لو مفيش شغل لكن حاولي تشغلي نفسك باي حاجه مفيده زي القراءه او تطوير مهاراتك زي تعلم لغات مثلا او كمبيوتر وموفقه ان شاء الله
حاولى تفكرى فى اى مشروع ولو بسيط وابداى…وانشاء الله هيكون فاتحه خير عليكى .. ويمكن يجيب العريس كمان….
علي فكره انتي مش موضحه انتي عايزه اى عشان نرد عليكي بس عمتن انزلي اشتغلي ومفيش حاجا اسمها الناس مش كويسين دا علي اساس انهم مش بنأدمين زيك احنا مش ملايكه احنا بشر
اولا–ادرسي وكملي دراستك بتخصص انتي تحبينه تانيا–انفردي مع امك واحكي معها كل شي طبعا امك هي انسانة بتحب بنتهاوكويسة وقولي لها انك بدك تتجوزي
طالما خلصتى كلية وقاعدة فاضية وزهقانة روحى جمعية رسالة او اى جمعية تانية تبقى متطوعة وتعملى خير وتاخدى ثواب وهناك هتتعرفى على بنات محترمين وكويسين وممكن تبقو صحاب وكمان التطوع دا هيخليكي تحسي بالفرق هيباركلك ف وقتك وصحتك وفلوسك وكمان هتحسي انك بتدخلى الفرحة على قلوب ناس ودا هيفرحك اكتر وصدقيني هتحسي بالفرق ولمعلومات اكتر اتصلى بجمعية رسالة على رقم 19450 هيحولوكى على اقرب فرع رسالة ف مدينتك وربنا يوفقك
ممكن تكملى دراسه فى مجال يخص دراستك ممكن تاخدى كورسات فى لغات ممكن كمبيوتر او ممكن تشوفى شغل كويس ممكن بقى تعمل حاجة احلى بما انك خلصتى ….. تستنى ابن الحلال
جربى حجات جديدة احفظى قرأن بالتجويد مثلا
روحى اماكن ما رحتيهاش قبل كده
خودى كورسات لغات او غيرها
اقرى كتييييييير ونمى نفسك وشخصيتك
اهم حاجة اياكى والفرااااااااااااااااغ
وربى يسعدك
بصي حاولي تعملي حاجه جديده في حياتك او مارسي هوايه او اشتغلي كملي في دراسه واعملي ماجستير اخرجي مع اصحابك كده يعني وعالفكره الناس مش كلها مش كويسين زي ما فيه الوحش فيه الحلو وانتي انسانه مثقفه وحتعرفي تفرقي بين الكويس والوحش وتعاملي بحدود للحرص وبالتوفيق
صحيح ان اغلب الناس مش كوييسن بس حتى لو كانوا مش كوييسن تظل هناك لحظات نعيشها معاهم نفرح لذكراها حتى لو كانوا مش كوييسن لا مانع ان نكلمهم مستانس معاهم يا بنت الكرام الحياه ذكريات والناس اصناف فيجب ان نعيش حياتنا بحلوها ومرها فتلك الحياه يجب ان نستغلها إلى اخر لحظه وحتى لو ضايقونا بعض الناس من المؤكد ان هناك لحظات حلوة تجمعنا بهم