السلام عليكم ورحمة الله وبركاته عمرى 22 عام ده فالواقع بس احساسى الداخلى 82 عام للاسف حياتى جحيم ابى وامى منفصلان وابى متجوز وماما متجوزة انا عايشة مع ماما وبصراحة مش مرتاحة نهائى لانى حياتى منهارة وكل واحد بيفكر فى نفسه بس بابا او ماما او اخى الشقيق او اخواتى من بابا المهم انا اتحرمت من كل شئ من حنان اب او ام مقدرش ادخل بيت ابى حتى الان وحتى مصروفى باخده منه صدقة وميكفيش عيل عمره شهرين وراضية وساكتة وبقول ايام وتعدى بس واضح انها مش هتعدى ابدا اتعرفت على شاب من 5 سنوات وهو بيحبنى انا عارفة لكن سبنى برضه بسبب احساسه دايما اننا عائلة مشتته واسباب من هزا القبيل المهم سبنى واتعرفت على رجل عمره 41 عام متجوز ومخلف وحياته كلها مشاكل ولكن للاسف حاسة انى محتاجة له جنبى معرفش بحبه ولا احساس بالامهتقولوا لى اتجوزيه هقولكم ساعاعت يكلمنى فى الجواز وساعات احسه متردد مش دى المشكلة المشكلة انى فى ست تانى فى حياته غير مراته عنده منها بنت عمرها 17 عام تحبه حب جنون عمرى مشوفته الا عندها هى بس هو متجوزهاش حتى الان لكن على علاقة بيها معرفش بيعرفها ليه ممكن عشان عارف انها مجنونة ومثلا بيخاف منها ولا بيثبتنى انا ولا ايه بس معرفش هو مش مجرد عريس لا ممكن اتجوز شاب من سنى ادامى ناس بس انا تعبانة جدا جدا مشكلة انى خايفة اوى للعلم انا كنت بتعالج عند دكاترة امراض نفسية كتير جدا وتفكيرى متشائم جدا وغير كل البنات عمرى متمنيت مثلا بيت واطفال وكده لا نفسى اتجوز واطلق بس عشان نظرة المجتمع لى واهلى كمان ابقى عملت اللى عليا مثلا عارفة انى غلط بس اعمل ايه للعلم انا مش بشتغل ولا بدرس واهلى رافضين شغلى نهائى بحجة الخوف عليا طيب يعنى هو كده انا كويسة ما انا عارفة انى بضيع اعمل ايه ابعد عنه وللعلم مبقاش عندى اهم منه انا خلاص اخر امل ليا فى الدنيا هو ليه ربنا حرمنى من كل شئ معرفش ليه اب وام واخوات وحياة وكل شئ بجد نا قربت اموت من الحسرة مش عارفة ابدء الناس كلها بتبدء وانا الوحيدة بأفل فى دفاترى القديمة لحد امتى كده كتير حاولت اصلى كتير والحمد لله دلوقتى بصلى وقريبة من ربنا بس مش عارفة ابدء كده كتير عليا انا مليش اصحاب ولا اى حد احكى معاه وامى عصبية جدا انا وحيدة ونا بكتب دلوقتى دموعى بتنزل منى هل ممكن انتحر هيبقى حرام وليه حرام واللى انا فيه ده مش حرام انا تعبت وبموت
يااختي العزيزة بارك الله فيك واصلح حالك عيشتك وبقاءك مع زوج امك وهورجل غريب عنك هذا هوالحرام فلايصح انك تعيش مع راجل غريب عنك روحي عيشي مع ابوكي ومراته مهماكان ده ابوكي لحمك ودمك وشرفك من شرفه وكرامتك من كرامته وتقربي منه واطلبي منه الرضا والسماح على كل ماحصل بينكما وصدقيني مافيش اب يكره اولاده او مايريدهم ومسالة الشاب اللي تعرفت عليه انسيه خالص ولاعاد تفكري فيه وموضوع الراجل اللي عنده 41سنة واكبرمنك وشعورك انه يحبك فده لانك محرومة من حنان الاب وعايز يخدعك بانه يحبك ويضحك عليك ازاي ترضي بواحد سافل وحقير يعاشر امراة متزوجة بواحد غيره ويقضي وقته معها اتركيه واقطع علاقتك به قبل فوات الاوان واحذري من غضب الله عليك وسخطه اذا تماديت في فعل المحرمات والمعاصي والذنوب واياك وفكرة الانتحار فهذا قتل النفس التي حرم الله قتلها وعقوبتها عندالله الخلود في نارجهنم توبي الى ربك واستغفريه من كل الذنوب والمعاصي والمحرمات وحافظي على صلاتك في وقتها واقري القران وعليك بالصيام وكثرة الدعاء لله عزوجل بان يرزقك بالزوج الصالح في هذي الحياة وربنا كرمه عظيم ورحمته كبيرة بيكرمك بكل الخير وبيجعلك مخرجا ويرزقك من حيث لاتحتسبي والله يصلح احوالك ويهديك ويسترعليك اللهم امين
كلامك مؤثر جدا بس لو كل شخص حياتة زيك او اسؤا منك فكدة ينتحر يبقى ؟ لازم تعرفى ان الروح دى بتاعة الخالق ربنا سبحانة وتعالى فلا يجوز التفكير فكدة اصلا
وبالنسبة للرجل الى فى عمر ال40 دة لازم تبعدى عنة لان حبك لية مش حقيقى انتى بس عشان شفتى فية احساس الاب والاهتمام والكلام الحلو انسى كل الوساس دى وارجعى لربنا
الإ بذكر الله تطمئن القلوب
واسف للاطالة
انا زيك يمكن انت احسن مني بكتير اوي انا عشت مع زوجت ابي وعشته مع زوج امي وطرد من بيت ابي ومن بيت امي هههههههههههههههه عادي جدنا وكمان امي سرقها جوزها وانا تهمت فيها وطردني عادي وحتي انسان الا حبتو بجد مش للي عادي رحت الابحبني طلع كدب واناني عادي واخوات من ابوي مش بحبوني ولا اخوات من امي بحبوني ولا اخويه اوحد الا شقيقي ديمان في مشكل مع بعض هههههههههه مش انت لوحدك الا عندك مشاكل وكمان بردو مكملتش تعلمي وانا دلوقتي عنده 21 سنه وحساه ان ربنا اكد شيلي الا هيعوضني عن كل ده اعرف ان في الا احن من اب وام واخ او حبيب واحن من ناس هو ربنا انته الحمدي ربنا علي كل شي وبددي حياتك من جديد انا بشتغل وبصرف علي نفسي وبخد كرسات وبتعلم والا عادهاعتبري تعليم الحياه عشلن ترعي ولادك واخوزجك في مستفبل خلي امالك في ربنا كبير وقولي يارب استرني وامحمني من شر نفسي انت احس من ناس كتير اوي ويمكن يكون اختبار من ربنا اوعي تنزل فيها خلي امنك بربنا اقوه من اي حاجه في دنيا وكل حاجه وليها حل وقلب طيب هو الا بيكسب ديمنا ربنا معكي
هلق انتي معك حق بس انتي عم تقولي انك قريبة من ربك عفوا كيف قريبة منه وانتي بتحكي مع الشباب سواء الذي تركك او الكبير في السن دون كتب كتاب هي لوحدها معصية ومعصية كبيرة جدا واسئلي الشيخ عن عقوباتهافي الدنيا والاخرةويمكن لهذا السبب انتي في ضيق اتركي هالمعصية لوجه الله حتشوفي كيف مشكلتك باذن الله رح تنحل و رب العالمين رح يبعثلك عريس من عمرك وكويس وصلي قيام ليل وادعي واقراي سورة ياسين 41مرةبين المغرب والعشاء وهتشوفي باذن الله مشكلتك رح تنحل
رايي انا بقا انها تعيش مع بباها في البيت لان ممتك معاها راجل تاني وانتي تحبي واحد في الاربيعي سوري معلش بس ده احساسك لو هو متجوز ومخلف بلاش تفصلي علته عن بعض لو يتجوزك بردا مراته سوري انا بجد معجبه بشخصيتك اوي بس انتي في نفس الوقت صعبانه علي ومعلش هي ايام وحتعدي وانتي الي حتقري في الاخر وشكر
اختي العزيزة اكتري من الصلاة و لا تفكري ف الانتحاار لأنو حرااام وانت عرفة دا كويس و مفيش مشكلة الا وليها حل و اوعي تتجوزي الشخص دا لأنو مش حيسعدك طالما هو متجوز, وان الصبر مفتاح الفرج. السلام عليكم
ركزى فى الكلام ده :
ولا تكونوا كالذين نسوا الله فانساهم انفسهم
خلى بالك عودى لحب الله وفطرتك ستحل كل مشاكلك لانك هتقولى للهموم بكل ثقة انا معايه ربنا
اكثري اختي من الاستغفار فهو عجيب عجيب عجيب
وسترين ربي راح يفرجها عنك عاجلا غير اجل
السلام عليكم
حبيبتى اما تضيق عليكى الدنيا اعرفى انها قريب اوووووووى هتفرج.
انتى بتقولى انك عايشه مع مامتك وزوج مامتك…….ماقولناش حاجه دى مامتك لكن زوج مامتك ده يعتبر راجل غريب بالنسبه ليكى ومش هينفع تقعدى مع واحد غريب فى بيت واحد……ممكن تقعدى مع باباكى وزوجته…….لان ده باباكى عادى وزوجته تبقى واحده ست…….يعنى مفيش مشكله لو قعدتى معاهم……..ع العموم ده وجهة نظرى الشخصيه وبراحتك انتى اللى شيفاه مناسب ليكى اكتر اعمليه……..المهم بالنسبه ان مامتك عصبيه فحلها بسيط حاولى تقربى منها كلميها بالهداوه وبالراحه وكونى ليها مطيعه ومهما اتعصبت عليكى سواء بسبب او من غير سبب اتأسفى ليها وماترديش عليها مع انها لو عملتى معاها كده عمرها ماهتتعصب عليكى وهتهدى معاكى وتبطل عصبيه وربنا يهديها عليكى……وبالنسبه لشاب اللى حبك وحبتيه واتخلى عنك خلاص سيبك منه ولا تزعلى نفسك يروح واحد يجى عشره……..وبالنسبه انك اتعرفتى ع واحد كبير فى السن والحسنه الوحيده اللى فيه انه حسسك بحنيته اللى انتى مش حساها من باباكى واللى نفسك باباكى يكون حنين كده زيه فعلشان كده حبتيه لكن انتى مش بتحبيه حب واحده لواحد لا ده زى مايكون كده حب بنت لباباها…….وواضح من كلامك انه انسان مش محترم فانتى تبعدى عنه وسيبك منه……وانتى ربنا ان شاء الله هيكرمك بواحد فى سنك او قريب من سنك ويكون محترم……وربنا هيعوض صبرك خير ان شاء الله…….بس انتى قربى من ربنا وصلى واعملى زى ماقال زائر روحى مسجد واحفظى قرآن وكمان انتى هتتعرفى ع بنات هناك محترمين اووووووى ويبقى ليكى اصحاب كتير وكل فتره كده روحى زورى قرايبك…..وربنا معاكى ويرزقك ان شاء بأبن الحلال. !!!!!!!!!
يا جماعة انا قريبة من ربنا بس المشكلة انى شايفة انى مش بتقدم فى حياتى تعبت من كل شئ نفسى اعرف امتى هرتاح انا هسمع كلامكم وهحاول اكون متفائلة ومرسى كتير على كلامكم لى ويارب يهون علينا جميعا
كلام زائر عجبنى جدا وانا اشكرك هيا اختنا وكل حاجة وياريت تبقى تكلمينا على طول وتقربى منا احنا احنا اكتر من اخواتك ومتشليش هم
نصيحتى لكى ومفيش غيرها ومجربه لأحدى قريباتى ونجحت والحمد لله والأن هى من أسعد الناس لكن لازم تنفذى اللى هقولك عليه… أول حاجه تعرفى ان اللى مالهوش
أصحاب ولا أحباب لكن الله حبيبه تهون الدنيا عليه وتهون كل مشاكلها وألامها
بنتى العزيزه ارمى وراء ظهرك كل مشاكلك وافتحى صفحه جديده مع ربنا زى ما عملت قريبتى. أول حاجه عملتها سألت عن درس تحفيظ قرأن فى مسجد وبدأت مع مجموعة بنات وسيدات تحفظ وشويه شويه بدأت تحفظ وكل ما تحفظ ربنا يطمن قلبها
ويزيد ايمانها وأصبحت لا تستطيع أن تترك حلقة تحفيظ القرأن وبعد تقريبا سنه
ربنا سهل حالها ورزقها بشاب متدين ومحترم تقدم وخطبها وغير حالها ودلوقتى تزوجوا
والحمد لله. قريبتى هذه كان حالها أشد من حالك بكتير لكن لما لجأت لربنا وأخلصت ربنا وقف جنبها وخرجت من الأزمه . صدقينى نفذى اللى قلتلك عليه وخلى عندك روح التحدى والثقه وشوفى النتيجه واصبرى وما تستعجليش النتيجه وانسى موضوع أبوكى وأمك واللى حواليكى وعيشى مع الله بخطوات عمليه زى ما قلتلك وأنا عندى
يقين ان ربنا هيحل مشكلتك لانى حاسس بيكى وبكلمك من قلبى كان نفسى أكون جنبك وأساعدك فأنتى زى بنتى وكل بنات المسلمين بناتنا ويا ريت لو كلامى وحكايه قريبتى
حسيتى بيها اكتبى ردك هنا علشان أطمئن انك فعلا هتبتدى البرنامج صح(اعتبرى كل مسلم مخلص هو أبوكى أو أخوكى أو عمك أو خالك ولا تقلقى فالدنيا فيها خير حتى تقوم الساعه..
اختي طولي بالك قصة الانتحار شيليها من راسك نهائيا لانك حتموتي كافره لانوقتلتي نفس ربنا خلقها هادموحل ابدن بالعكس مفكره حترتاحي ازا نتحرتي ومفكره عزاب القبر اهون من عزاب الدنيا؟؟؟ وبعدين موبس انتي عندك مشاكل واللهي كلنا عم نعاني بس ثقتنا بربنا انوحيعوضنالانو المؤمن مبتلى والانبياء لانو كانو احب الناس لله كانو الاكتر ابتلائا مشان هيك خلي عندك ثقه انواكيد رح تتعوضي عن كل شي ناقصك واللهي عن تجربه وهاد الزلمه يلي حاببتيه لاتنسي انوعنده زوجه وطالما حب مرتين و3بكرا بحب مره4 لاتقولي مافيني عيش بلاه من ترك شيئا لله عوضه الله شوفي كيف حيعوضك ربنا بشب يحبك ويخاف عليكي ويلي هوي من نصيبك اكيد واثقه بعدل الله وانو حتتعوضي عن كل عزابك بس صبري والقران واللهي احسن دكتور نفساني ممكن تشكيلو اقراي والهي نفسك في وبقيام الليل والدعاء والثقه بالاجابه وواللي يا اختي من جعل رضا الله همه تكفل الله بما اهمه وربي يفرج همك واسفه عالاطاله
تماسكي ولا تتزوجي هذا الشخص لأنه يتزوجك زواج عطف وبعد الزواج حيهينك
فأنتظري شاب من سنك وصلي وأدعي سيرسله لكي رب العالمين أنشاء الله
امممممممم مش عارفة ابتدى الكلام منين بس انا قبل اى حاجة عايزة اتعرف عليكى واتكلم معاك نبقا اخوات والا مش عشان حاجة لا اول حاجة حبيبتى انتى ملخبطة حياتك كلها ومتعقدة تبصى لواحد قد ابوكى هيعيشك ازاى هيسعدك هيجبلك عيال هريحك قبل العيال هيريحك قبل ما تكونى على زمتة او قبل ما تكونى على زمتة قاعدة فى البيت على طول مع والدتك مش مرتحة مش بتشتغلى ولا حاجة اصحى الصبح كبرى دماغك من كل حاجة متشليش هم لو ليك جرانك بنات روحى اقعدى معاها ساعة اممممم روحى عندك بيت خالتك بيت عمك عيال عمتك عمك خلانك اى حد مينفعش ماما عصبية يبقا نصحا الصبح نريحها نروق ونظبط الدنيا هتلقيها غصبن عنها كويسة معاكى ساعتها فى الوقت دة كلميها هتكسبيها كلميها براحة زعقت وهللت من هنا للصبح متفتحيش بقك متكلميش مكنش المرادى يبقا مرة تانى صدقينى يا بنت الناس لو حتة كنتى كرهاهم فى يوم من الايام هتحتجيهم لما ربنا يكرمك بابن الحلال ويتقدم هيتقدم ليكى بس والا لاهلك عندى واحدة جارتى ابوها وامها منفصلين والله العظيم اما اتقدملها واحدة راحت لابوها وجبتلوة بدية وقالتو يا بابا يا حياتى فى انسان مجحترم جايلى وانا عايزاك تقبالة صدقنى كان هيموت من الفرحة بدلة فى ايدها لابوها بعد ما كانت لا تدخل علية ولا بتكلمة مين هيجهزك مين هيجبلك الا عايزة ما انتى لازم تكسبيهم حتى لو غصبن عنك او هتكونى على اخرك منهم ومخنوقة وقفلت خلاص بس مش هتقعدى على طول فى بيت جوزك لما ربنا يكرمك اعمل الا انا بقولك علية يا روح قلبى وصدقينى مفيش حد يستاهل الدمعة الا بتنزل من عيون حبيبت قلبى متشليش هم محدش بيعيش لجد محدش بينفع حد خلى بالك من نفسك وطمنينى عليك وابقى افتح على طول عشان ابقا اكلمك
متهربيش من جحيم الى نار ومدوريش على صوره اب فى وحش استنى شويه حيجيلك شاب اكيد من سنك وحيحبك وتبداى معاه حياه جديده ونظيفه
اختى الغالية لا تفكرى فيما يغضب الله قد يكون ما فيه ذلك ابتلاء من ربنا مؤقت وبعدها سيرذقكى بما تحبيه
اختى ادعى الله كثيرا وصلى كتير ومتيأسيش من رحمة ربنا
ربنا ارحم عليكى من ابوكى وامك
وارجوكى اقطعى صلتك نهائى بهذا الرجل فان كان على خلق كان احتواكى بحنان الاب وعوضك ونصحك بالصح ولكنه يضل الطريق ويفعل ما يحرمه الله فلا تطمئنى له فهذا الرجل قد يكون سبب تدميرك
ادعى الله واستغفريه والله القادر على ان يرسل اليكى الزوج الصالح
واسال الله ان يرذقك بالزوج الصالح اللهم امين
كلامك مؤثر جدا بس احلى حاجة فيكي انك متصالحة مع نفسك وصريحة اوي لدرجة انتي ونفسك بقيتو صحاب اوي دي ميزة وعيب في نفس الوقت عيب انك خليتي نفسك تعيش جوا شرنقة متخرجش للنور والحياة عشان كده انتي شايفة الدنيا انتهت بالنسبالك ومش عارفة تركزي في اي هدف تعيشي من اجله فكري وهتلاقي حجات كتيرة اوي حتى ولو كانت انسانية متركزيش في الماضي والظروف ركزي في حياتك ازاي تبقى احلى ولو مش حلوة حليها انتي بشئ يفرحك عملي نفسك كأنها بنتك وسيسيها وبلاش تدخلي علاقات تدمرك اكتر واكتر واصبري بالصلاة والدعاء ماتتسرعيش لحد ما تلاقي الي يقدر حياتك ويحس مشاعرك قلنا ايه كوني متفألة ان شاء الله واختم كلامي ربنا ينور بصيرتك