مشكلتى تتلخص فى انى مابحبش ابويا او بمعنى ادق ولا بحبه ولا بكرهه مجد شخص عادى عابر سبيل يعنى …….
قبل اى حاجة اللى شاف منكم فيلم حب البنات شوفتوا مشكلة حنان ترك مع ابوها اهو انا مشكلتى كده بالظبط واسوأ كمان ايه بقى اسبابها ؟؟
1- بابا مسافر من قبل مانا اتولد بينزل فى السنة شهر واحد بس هو بيشتغل فى الكويت عشان كده انا مش فاكرة انه شاركنى اى حاجة ف حياتى يعنى هو مجرد حد اسمه ورا اسمى فى البطاقة حتى لما بحتاج راجل فى اى حاجة تخصنى يبقى عمى او حد من اخوالى …..
2- اكتشفت من سنتين انه بيكلم واحدة غير ماما وبيقابلها والله اعلم فيه ايه تانى يمكن يطلعلى فى المستقبل اخوات ولا حاجة زى الافلام هو كان بيحبها بس هى سابته ولما رجعتله بقى لدول ليها على حسابنا
3_ هو بخيل رغم انه مسافر الخليج مش بيبعتلنا غير مصروف قيمته زى اى حد بيشتغل فى مصر ولا يجيب هدوم ولا رضى يجيب اى حاجة لجهاز اختى حتى فرحها محضروش ولا حتى ازازة برفيوم حتى مش بيرضى يقولنا هو بياخد كام بالظبط …..
هو حاسس انى مش بحبه ولما بيتكلم فى التليفون ( مرة فى الاسبوع من منطلق الواجب ليس الا ) ساعات بفصل السلك واعمل نفسى ماسمعتش رن التليفون او لما بضطر انى ارد بارد بكلمات مقتضبة وببقى عايزة اخلص واقفل ، انا بقى يا اخواتى فى اله مش حاكية كل ده عشان تقووى حاولى تحبيه ، لا انا عايزة اعرف ازاى اتقبل وجوده لان فاضله فترة صغيرة وينزل يقعد معانا نهائى ، اه قبل مانسى هو عقدنى نفسيا من اذكور كلهم حتى لما حد بيتقدملى برفض لانى بشوف فيه صورة ابويا الى مش ابويا ………
هموم البنات
مابحبش ابويا
اضيف بتاريخ: Friday, March 16th, 2018 في 09:55
كلمات مشاكل وحلول: افلام, الكويت, بنات, بنت, مشاكل, مصر
اولا جميل انك عارفه فين المشكلة لكن بالرغم من كل ده فانتى تستحقى حياة كويسة مع راجل بيحبك ويخاف عليكى حتى لو انتى متعقدة من ده انا متأكد كمان ان من اول حضن واحتواء من زوجك ان شاء الله حتتغيرى وتحسي باحساس جميل يمكن اول مرة تحسيه لو الماضى كان سئ فالحاضر حيكون اجمل باذن الله بالنسبة لوالدك اللى راجع مش طالب منك غير زى ما قال ربنا المعاملة بالحسنى لغاية ما ربنا يكرم وتتجوزى
انت لم تذكري امك ابدا هل هي موجودة ام لا وايه هو موقفها من كل اللي بيحصل لكم من ابوك هل هي راضيه بالوضع ده ام انها خايفة من الكلام معو ولاتقدر على مواجهته نرجع لك انت مهما حصل منه يبقى ابوك وانت بنته ولازم تعرفي الواجب عليك نحوه تحبيه وتحترميه وتقديره وتسمع كلامه ولاتخالف امره مالم يامر بمعصية فلاطاعة لمخلوق في معصية الخالق عزوجل وموضوع انه على علاقة بامراة اخرى وانت فعلا متاكدة انه يخون امك مع الست دي فلازم تطلب منه ان يقطع علاقته بتلك المراة ويحرص على استقرار حياتكم الزوجية وتدعي له بالهداية لعل الله يصلحه ويهديه فان استمر في علاقته بها فمن الافضل اخبار امك بالحقيقة وهي تتصرف معاه ومسالة انه بخيل معاكم فلازم تطالبوا بحقكم من النفقة والمصاريف وتخبروه بان اللي يبعثه لايكفي لسد حاجاتكم المعيشية والضرورية خاصة ان احواله المادية ميسورة الحال وربنا عزوجل يحاسبه على مايفعل بكم ان كان مقصرا معكم في حقوقكم او في خيانته للست امكم ولا عايز كلهذا ياثر عليك ويخليك ترفض الزواج لاا نت غلطانه عيش حياتك واقبلي بالعريس المناسب اللي يتقدم لك ولاترفضيه ابدا وربنا بيكرمك ياست البنات ويعوض صبرك خيرا ويصلح حال ابوك ويهديه ويسترعليكم جميعا ولايحرمكم من بعض ابدا