انا شاب عندى 19سنة وفى اخر سنة فى الثانوية العامة ووالدى متوفى وحالتنا الملية مش ولابد بس الحمد لله انا مجتهد فى الثانوية العامة ونفسى اشتغل مهندس عشان اريح امى واخواتى واحسن من حالتنا المالية بس الواقع لا يدل على اى تفاؤل من ناحية الوظيفة والشغل وكدة وانا خايف اقعد افكر فى ما بعد الكلية ومااركزش فى الكلية نفسها وخايف من مصاريف الكلية وشايف شباب كتير خريجين وقاعدين على القهوة فاباحبط نفسى بس الواحد فى بعض التفاؤل المختلط بالشك على مستقبل مصر نفسها ومشكلتى هى التردد والخوف من المستقبل وارجو حد يدلنى على حل
هموم الشباب
خايف على مستقبلي بعد الثانوية
اضيف بتاريخ: Thursday, November 22nd, 2018 في 19:03
كلمات مشاكل وحلول: الثانوية, الثانوية العامة, الكلية, شاب
شوف ياابني الحبيب انت الان في اخر سنة في الثانوية العامة لازم تجتهد وتخلص منها وماتضعيش مستقبلك في التفكير في امور اخرى بعد ماتحصل على شهادة الثانوية ان شاء الله لكل حادث حديث اياك في التهاون والتساهل وتفكر تترك الثانوية وتدور على الشغل لازم اول تخلص دراستك وبعدها تقدر تشتغل بشهادة الثانوية العامة وتساعد اهلك في مصاريف الحياة صدقني كنت زيك كده اشتغلت ومعي شهادة الثانوية وكافحت حتى اعين امي واخواتي بعد وفاة الوالد وربي وفقني والحمدلله وقدرت اكمل دراستي في الجامعة واشتغل وربنا يكرمك ويؤفقك ان شاء الله
هل تستطيع أن تدرس مسائي اي تخصص مهني مثلا ميكانيكا سيارات ثقيلة وشاحنات او كهرباء او اي عمل حرفي او مهني، عشان تخلص الجامعة ولديك مجالين او فرصتين للعمل لو تعذر الحصول على وظيفة منها تعمل او تبحث عن الاخرى او تعمل بالاثنين معا بالصباح والمساء او لما يتم انهاء خدماتك هل هذا ممكن، مجرد فكرة لو تفيدك وشكرا لي