الحب بين الاقارب

ابن عمتي حاول سنتين كي احبه ثم تركني وارتبط

أنا ابن عمتي قعد سنتين بيحاول يقرب مني وكنا صحاب قريبين جدا، وهو قالي أنه حاسس ناحيتي حاجه بس مش مستني مني رد علشان ممكن مامته متوافقش.

وأنا ف الوقت ده مكنتش شيفاه غير ابن عمتي واخويا اللي متربية معاه، لدرجة اني بحكيله كل تفاصيل حياتي لدرجه اني كنت بقوله اني معجبة بنجاح زميلي في الجامعة وقد ايه هو ناجح وطموح جدا.

مكنتش قادرة ارد عليه بقراري علشان كنت لسه فاسخة خطوبتي وخطيبي سابني بخيانه مع واحده تانيه ف كنت نفسيا مش مستعدة نهائي وفهمته اني عمري م هقول حاجه انا مش حساها علشان مظلمش حد ولا احسس حد حاجه وحشة انا حسيتها في يوم.

ولما جه ف يوم بعد السنتين قولتله اني حاسه حاجه، قالي ماما مش موافقه واخواتي وماما فوق كل شيء وقالتله دي اكبر منك مش هتنفعك، مع العلم اني اكبر منه بكام شهر بس.

الجديد بقى أن بعد م سكت خالص اكتشفت من يومين أنه ارتبط اللي هو مكملش شهر !!
اتجننت وكلمات وبيقولي انتي السبب وماما كان عندها حق وانا ارتبطت علشان محسش ناحيتك بالذنب.

الموضوع صدمني اوي.

رأيكم ايه انا غلطانه ف حاجه دي المفروض عمتي وانا مليش ذنب أنها بتفكر تفكير غريب وهو ملوش شخصية.

انا اخر كلام بيني وبينه حسبنت عليه من وجعي، تخيلوا السبب اللي بيقولي انتي السبب اللي خلتيني اسمع كلام ماما انك كنتي بتحكيلي انك معجبة بشخصيه زميلك!!

ايوه هو فين الغلط انتوا ايه رأيكم يا جماعة

مشاكل وحلول ذات صلة

اضيف بتاريخ: Thursday, June 10th, 2021 في 08:10

كلمات مشاكل وحلول: , , , , , ,

ردود to “ابن عمتي حاول سنتين كي احبه ثم تركني وارتبط”

  1. rize
    10/06/2021 at 23:35

    مش لازم اي حاجه معاكي تقوليها ليه راعي المشاعر بردو في حاجات متقالش وانتي بكلامك عرفتيه انك مهتمة بزميلك (: .
    حاليا هو عادي مش هيستناكي العمر كله، و شوفي حياتك وبلاش عقل طفولي وتتحسبلي فيه وهو مغلطش

اترك رداً أو حلاً لهذه المشكلة