انا بنت 16 سنه احنا عائله متواضعه 4 اشخاص عندى اخويه فى 2 ثانوى وبابا كان نفسه يطلعوا دكتور صيدلى وبعد ما خلص و نتيجة الثانوية العامة طلعت اخويه جاب 62% وبابا زعق وبهدل الدنيا وفى يوم بابا بيزعق مع اخويا راح اخويا قالو انا همشى واسيب البيت وكان فى رمضان بابا قالو فى 60 داهيه راحت ماما رايحه لبابا بتقولو انت هتسيبوا يمشى قالها يغور قالتله لا رجلى على رجله قالها برده فى 60 داهيه المشكله ان ماما واخويه مشيو وسابونى انا وبابا 3 ايام ورجعوا تانى واول ما جم بابا طلق امى بسبب انها مشيت وبعديها بيومين اتخانقوا خناقه كبيرة اوى واضربت امى اكتر من مره وانا كمان من بابا واتبهدل حالنه واتخرب بيتنا وبابا باعنا وماما شايله همنا وانا داخله اولى ثانوى عام واخويه 3 ثانوى وكل الناس راحت لبابا ومرداش يسمع الكلام المشكله ان احنا بقالنا شهر على الحال دة واكتر وعرفنا انوه هيتجوز وانا دخلتله كتير اوى وناس جتله كتير اوى وبرده مش رادى الى بيعمله انوه يطردنى ويقولى اطلعى بره انا مش عايز اعرفكو انا مش عايزكوا وانا همشى وهسبلكوا البيت وهو فعلا هيمشى وانا مش عارفه اعمل ايه حاولت بكل الطرق ومعرتفش جبتلوا كل الناس ومش بيسمع كلامهم اعمل ايه فيدونى كدة بيتنا هيتخرب اكتر ما هو خربان وانا ملناش غيره فيدونى ارجوكوا انا محتاجه مساعدتكوا لانى داخله على مدرسة واولى ثانوى وخايفه معرفش اذاكر كان نفسى احقق املوا فيا انا بدل اخويه الى ضاع منه الامل لاكن ما ادنيش فرصه انا محتاجه ردكوا سا عدونى
هو فعلن بيتلكك مش درجه فى الثانويه هتخليه يتجوز هو كان نويها من قبل كده فاولا متلوميش اخوكى وثانيا قولى لبابا انو كده بيدمركو وان انتو كلكم مستقبلكم هيبوظ مش اخوكى بس لو معرفتيش تحننى قلبه قلولو انت لوكنت واحد تانى غيز ابويا كنت عرفت هتصرف ازاي بس انا عشان برده بحبك وانت ربتنى كويس فربنا يسمحك
اقولك سيبيه ده بيتلكك واخوكى يعمل ايه يعنى يموت نفسه عشان ابوه عاوزه يحقق حلم هو ذات نفسه مقدرش يحققه(باباكم)بس انتوا تقعدوا ف شقتكم اوعوا تسبووووووها نهائى ولوحكمت تطلعوه منها بالعافية عشان ده تعب مامتك وصبرها معاه انا حصلى نفس الموضوع وكان هيطردنا من الشقة وهو شديييييييييييد اوووووى وانا الكبيرة بس وقفت قدامه يضيع شقى امى على واحدة متستهلش وخليته هو اللى يمشى ومبيصرفش علينا امى اشتغلت وهى اللى بتصرف
بصي انا هقولك حاجه بس والله ما تزعلي عشان دي حقيقه وواقع لازم نرضي بيه …بصي انتي ابوكي كان عاوز يتجوز من قبل كده ودي حجه بس عشان يتجوز …زي ما ابويا عمل بس ندم ف الاخر …اوعي تلومي اخوكي