انا أ. شاب عمري 17 سنة بحب بنت على النت واتأكدت من شخصيتها وهي انسانة عسل ومحترمة وفيها كل ما اتمناه … انا من عائلة محافظة جدا مستوانا المادي ممتاز دراستنا ازهرية والدي سلفي وكذلك باقي العائلة وامي واختي منقبات وانا على النقيض دماغي مهوية بس محترم مش باعمل حاجة تغضب ربنا … البنت دي اهلها ناس عادية مستواها المادي زيينا بس من الناحية الدينية مختلفين جدا حتى البنت مش محجبة اصلا … تكمن مشكلتي في التالي :-
1. مش عارف اعترف للبنت بحبي خوفا من موقفها ومن القدر لانها تعتبر تاني تجربة .
2. مش عارف ازاي اقنع والدي بحاجة زي دي .
3. انا ساكن في بلد وهي في بلد تانية ودا هيخلي اهلي واهلها يشكو ان كانت في علاقة بيني وبينها .
اتمنى النصيحة
مشاكل الشباب مع البنات
عائلتي محافظة و احب بنت من النت
اضيف بتاريخ: Saturday, August 4th, 2012 في 18:59
كلمات مشاكل وحلول: النت, بنت, شاب
ابعد عنهااحسن لك ومن ترك شي لله عوضه الله بخيرمنه
يا اخونا بالله ..
بما انك من عائلة محافظة و متدينة ..
فـ كيف تفكر بالاعتراف ؟ ==؟
يعني شيء غريب صراحة ..
و بما ان البنت مب متدينةو مب في نفس بلدك فـ ليش تبي تعترف لها ؟؟
خلة حب في الله وربي يعوضك بوحدة احلى منها اكيـــد!!
في أمان الله..
المفروض ان اهلك ميحكموش على البنت انها مش كويسه علشان مش لابسه الحجاب لاء البنت اصلا بتبان مش اخلاقها وكلامها مش بلبسها فى بنات كتير لبسها مش كويس بس هى كويسه انا اعتقد ان اهلك اكيد عارفين حاجه زى كدة وبعدين فى بنات لابسين الزى الاسلامى ومش كويسين بس لو انت بجد بتحبها يبقى المفروض متكلمهاش علشان حرام مفيش بينك وبينها اى حاجة ثانيا البيت بخلقها وليس بلبسها وبعدين انت لسا صغير يعنى اتمنالك الخير والسعادة وربنا يوفقك فى حياتك العلميه والعمليه
اولا انتظر سنتين
ثانيا متكلمهاش خلال السنتين
ثالثا لو طلعت بتحبك هتستناك السنتين
رابعا حاجه مش فاهماها ازاى بتكلمك عالنت ولسه معترفتش بحبك امال بتكلمك على اساس صديق يعني والله اشطه
خامسا لو هي بتكلمك على انك صديق بما انك من عيله سلفيه اكيد عارف الايه ولا متخذات اخدان
يعني احنا البنات مينفعش نصاحب ودا امر من ربنا مش منى
وكمان طبعا مش هتتقدم من غير ماتشوفها يبقى حاجه م الاتنين يا اما فتحت الكام
يا اما هي حاطه صورها
وانا بالنسبالى البنات اللى بتحط صورها مش تمام اهو كدا لله ومعرفش ليه وايه الحكمه ان البنت تحط صورها احلى حاجه فالبنت حيائها وانا بعتبر البنت اللى بتحط صورتها او تفتح الكام بدون حياء
اخر حاجه لو انت جاد وبتحبها يعني خلاص اعترفلها وخليك راجل واللى يحصل يحصل
لو وافقت انتظرو شويه واحكى لابوك
واعرف حد من اقربائها عشان لما تتسئل تقول انك تعرفها عن طريق قريبها
ونصيحه من اخت بلاش وجع الدماغ هو يعني البنات اللى قدامك خلصو لو دخلت فالدوامه دي بتاعه تتقدملها واهلك واهلها هتزهق فالنص صدقني وهتحس انك ياريت خدت واحده قدامك اسهل لان الموضوع د محتاج صبر وكمان انت مش فحياتها بشكل واقعي عشان تحدد اذا كانت بتحب حد تانى ولا لا الله اعلم
فنظري الموضوع دا فيه حاجات كتير ناقصه ومش مضمونه
عموما كل واحد حر
بس ابقى حجبها بقا عشان هتتحاسب عليها لو سبتها كدا
ربنا يجمعكم فالحلال
أنا من رأيى سيبك منها عشان الموضوع ده مستحيل هينتهى بجواز السبب : 1- انت سنك صغير 17 سنة يعنى شوف كام سنة قدامك على ماتتجوز والواحد مش عارف ايه الظروف وايه اللى ممكن يحصل بعد سنين 2- علاقتكم مبنيه على حرام يعنى مستحيل ربنا هيبارك فيها هتقول ايه الحرام احنا مش بنعمل حاجة غلط وحتى بنكلم بعض كلام عادى هقولك انه كلامك معاها ده حرام 3- واحدة مش محجبة وبتكلم واحد متعرفهوش يعنى أكيد كلمت كذا واحد قبلك والله أعلم ممكن تكون بتكلم كذا واحد غيرك ازاى تقبلها على نفسك (ان بعض الظن اثم سامحنى يارب لو كنت ظلماها)
هى واحده مش محترمه ولا كويسه علشان تكلم واحد متعرفهوش من على النت وده غلط وبعد كده هى مش محجبه البنات المحترمين هما اللى بيلبسوا الحجاب الصح مش واحده مسلمه مش محترمه اى حاجه دى مش كويسه واكيد هتلاقى اللى احسن منها بس مش على النت ممكن تكون كلمت شباب كتييير غيرك مش انت بس متثقش فى حد من على النت ممكن الانسان اللى انت وثقت فيه يطلع على عكس ما افتكرت شوف حد برا النت احسن
اولا مقياس البنت باخلاقها ودينها مش بكلامها عسل ،اصلا البنات حلاوة اللسان حرفتهم.
فكر في البنت اللي تحترمك وتقدرك وتفضل معاك العمر كله ،البنت العفيفة اللي بتخاف ربنا فعلا مش مظهرا .
استعين بمشورة الحكماء من اهلك و استخير ربنا وانت كمان اصلح حالك مع ربنا ،وحافظ على تهذيبك عشان تشرف العائلة اللي انت منتمي لها وربنا يوفقك