انا بنت بحب واحد اكبر منى 13 سنة و متجوز هو ساكن قصادى اول ما شفته كنت بتعامل معاه عادى جدا مش كان فى دماغى حاجة وكنت بقوله ياعمو بس هو فى يوم قالى انه معجب بيا انا قولتله مش ينفع وكده بس هو فضل ورايا وقعد يقولى كلام كتيررر حلو وانا انسانة حبيته غصب عنى فى الاول كان كويس معايا جدا وطلب منى حاجات مش كويسة وانا رفضت وهو اتغير معايا ومبقاش بيكلمنى زى الاول بس المشكلة فى كل ده ان انا حبيته اووى انا عارفة انه غلط وكل حاجة بس انا حبيته بجد واتعلقت بيه مش كنت بقدر ابعد عنه علشان هو ساكن قصادى وبشوفة كل يوم بس انا دلوقتى بعدت عنه بس لسه بردوا بفكر فيه وبشوفه قدامى كانى عايشة معاه حسه ان حياتى باظت ومش عارفة اعيش زى بقيت البنات وابداء من جديدحاولت كتير بس انا عايزه هو مع انه عمل معايا حاجات كتير تكرهنى فيه بس انا مش عارفة اكره خالص رغمانه متجوز وان ده غلط وانه اكبر منى بحاول اقنع نفسى انى نسيته بس الحقيقة ان حبه جوايا مش عايز يطلع
اسمعي مممكن انك تكوني مو قادرة تنسيه فعلا لأنو لما الانسان يحب ما بقدر يتخلص من هاد الحب بسهولة بس انتي اقنعي حالك انك بتكرهي وكل ما يخطر عبالك حبو اتزكري انو حاول يعمل معك شي مو كويس وهيك بتقدري انك تنسيه ان شاء الله وبتمنى انو ما توقعي بحب غلط لأنو ممكن الحب يكون نعمة وممكن يكون نقمة وحاولي انك تستخدميه كنعمة بتمنى انك تفكري بيلي قلتلك عليه 🙂
انت لسه صغيرةعلى الحب والحاجات دي والراجل ده متزوج واكبرمنك ف السن ماتفكري فيه خالص لانومش كويس كفايةانه غرربك وحاول يوقعك في الحرام ولكن الله سترعليك انسيه للابد وربك بيكرمك بالشاب اللي من سنك يتقدم لك ويستاهلك وقادريسعدك
من الصعب على اى انسان انه يكره حد بيحبه
لكن من السهل تجاهله .. ابدأي اقنعي نفسك انو مش ليكي للابد ..وانه كان بيقولك الكلام ده
عشان عايز يعمل معاكي الغلط .. ماشي طب مانا فاهمه كل الكلام ده يا عم الذكي ..انا عايزه انساه خالص .. اعمل ايه
شوفي يا ستى .. ابدأي الاول نزليه من نظرك ما بينك زما بين نفسك
هاتى ورقه وقلم واكتبي فيهم انا حبيت فولان الفولاني يوم كذا سنه كذا .. مع ان انا قبل كدا كنت بقوله يا عمو
احنا بقي لازم نرجعك لحالتك بتاعت عمو دي (!
اقسمي الورقه نوصين ..نوص لمميزاته ..ونص لعيوبه
ابدأي بمميزاته وبوصي حواليكي من الاشخاص المحيطين بيكي سواء اخوكي او قريبك او جرانك
هتلاقي في حد احسن منه في مميزاته ..قولي لنفسك طب فولان الفولاني فيه المميزات دي ..يبقي انا ازاى احب واحد متجوز ومتجوز دي كارثه !! واكتبي عيوبه انا متأكد ان عيوبه اكتر من مميزاته ..لانو خلاكي تحبيه بكلامه المعسول ..مش بشخصيته هو مش بفكره هو مش بأفعاله هو
مش بطلفه هو .. مش بأدبه هو ..مش باخلاقه هو ..!!ابدأي اشتغلى ع عيوبه بشكل يومي ولما تلاقي فيه ميزه ابدأى قارنيه بقريبك او بالشخص اللى انتى قارنتيه بيه .##
هتلاقيه مره في مره بينزل من نظرك وهتستحقريه في يوم من الايام
قبل ما اخلص ..انا هرشت في دماغي ونسيت اقولك انك تكتبي في اخر الورقه
شخص متجوز وعنده أسره بيضحك ع بنت طيبه عشان يعمل معاها ال….. ) هو ده راجل ..هي دي المرجله .هو ده ابن حتتى اللى يحمي عرض بنت شارعه .%مش هو مش هو مش هو ..كلنا معاكي كلنا بندعمك ..لكن متنسيش التوكل ع الله في كل شئ (!!
♥ بسم الله الرحمن الرحيم :
* من أجمل المشاعر اللي بيعيشها أي إنسان إنه يحب بعمق أوي . لكن يحب مين ؟ أكيد حد خايف عليه و بيتمنى سعادته وسلامته : مش المتعة اللي تيجي من وراه و إشباع رغباته و التسلية بأجمل إحساس عنده .
* علشان تنسي و تجمعي شتات نفسك :
1 ما تحاوليش تبعدي نفسك عن التفكير فيه مرة واحدة ، لأنك هترجعي تفكري تاني بنفس الشدة اللي بعدتي بيها .
– خلصي كل تفكيرك فيه في وقت قصير : شهرين أو تلاتة مثلا ،و بعدها ابعدي عن أي مكان ممكن يقابلك فيه ، و لو حصل و قابلك اتكلمي معاه عادي جدا و بدون خصوصيات .
2 لازم في فترة الشهرين تلاتة دول تفكري شوية في زوجته اللي بيخونها معاكي ؛ و تخمني كده لو اتجوزك انتي ، هيخونك مع مين و إزاي ؟
3 أسرتك ليها عليكي حق الحفاظ على السمعة و الشرف و الكرامة ، فهل يا ترى إنتي بتضمني لهم ده كله ؟!!!!!!!!
4 اللي عايز ينسى بجد لازم ينسى الذكريات ، بس بالتدريج : ما تفكريش نفسك بحاجة خالص ، و واحدة واحدة هيصبح الحب الملتهب حب عادي ، و بعدين هيقل لهيبه شوية شوية .
5 لازم مع ده تشغلي نفسك بعمل يحققلك قيمة في ذاتك و يرفع معنوياتك .
6 أكيد هتطلبي من الله يأخذ بإيدك ، لأنك ممكن تفشلي في كل اللي فات .
– ” و ليستعفف الذين لا يجدون نكاحا حتى يُغنيَهم الله من فضله ” .
*** و الله أعلم ***
دايابنتي مش حب دامجرد اعجاب وانتى لسه صغيرة على الحاجات دي اهتمي في نفسك وانسيه خالص وفكري في مستقبلك وربي يكرمك ويوفقك
اختى الفاضلة,
زى ماقال ميدو فأن هذا الشخص غير محترم والشىء الوحيد اللى هو عايزة هو استغلالك . انصحك بأن تبتعدى عنه وربنا يوفقك فى حياتك .
وزى المثل مابيقول : ابعد عن الشر وغنى له & الباب اللى يجيلك من الريح سده واستريح
یا غالیه الف الحمد لله انک کنتے واعیه لنفسک
وم عطیتیه اللے یبے
هو شکله شافک بنوته صغیره وقال یضحک علگ
انتبهے تری اللے جواک اتجاهه هو نقص عاطفه
ومو قادره تنسیه لانه هو بس اللے سمعک هالکلام الحلو
واول ما سمعتیه منه
فلا تدمریے حیاتک مع.شخص مو کفو
ولو فعلا
کان یحبک کان م طلب منک الے مو کویس ع قولتک
ولو یبیگ فعلا گان
تلاقینه احزص ما یگون انه یاخذک عفیفه من بیت اهلک مو یطلب من البیاخات..
انتبهے ع حالک الله یخلیک
السلام عليكم الحب دا شئ جميل وفعلا بيجى فجأه غصب عننا وكما قال النبى اللهم لاتؤاخذنى فيما ليس ملك يدى وهو يقصد قلبه عندما حب السيده عائشه زوجته ولكن فى حدود المعقول
ولكن فى الحب حاليا محدش بيفكر غير بقلبه بس فكرى شويه بعقلك
وعلى فكره دا ممكن ميكونش حب يكون اعجاب او عندك فراغ عاطفى او مسمعتيش كلام حب من حد قبل كده فكلامه شدك ليه اوى
وطبعا واضح من كلامك انه عمره محبك ممكن يكون انت كنتى بتبصيله عادى او بتهزرى معاه عادى ولقاكى حلوه وصغيره واستغل ده فيكى
اولا كان بص لفرق السن اللى بينك وبينه وانك بتقوليله ياعمو
او كان بص للجيره انك جارته
او كان بص لزوجته
حجات كتيره جدا توضح انه نيته كانت مش كويسه من ناحيتك وبانت اوى بعد اللى حصل طبعا
وطلب منك حاجات مش كويسة ولما رفضتى واهو اتغير معاكى ومبقاش بيكلمك زى الاول
طيب اهو اللى كان عاوزه منك ملقهوش مبقاش يكلمك تانى
اولا كويس خالص انك حافظنى على نفسك ومدتهوش حاجه وربنا يكملك بعقلك ويحفظك لاهلك
وانت لسه صغيره وربنا يرزقك بحد كويس يكون يناسبك ويكون من نصيبك ان شاء الله وتكونى سعيده معاه
السلام عليكم
اولا اهنيــــــــــــــك على حذررك !
واما بالننسبة انه يتجاهلك , هذا شيء طبيعي , لانة تزوج ..
و بما انك تقولين انة كان يطلب منك حاجات مب زينة ..
معليش على هذا الكلام المؤلم بس شكلة كان يستغلك ..!
لان بعد ما تزوج صار كل شيشء عندة حلال في زوجتة .. فـ اتوقع عشان كذا صار يتجاهلك
والله اعلم .. ربي يسعدك في الدنيا والآخرة ..
ربي يجمعك بشخص صالح آآمين
والسلام عليكم
دا شخص مش محترم ومش كويس وهو شافك صغيرة بالنسبة له قال اضحك عليها واستغلها ما تحلويش تفكرى فيه اصلا طول ما هو متجوز وعمل حاجة زاى كدا يبقى شخص مايعرفش ربنا ولا يعرف الاصول