انا عمري 18 سنة وليا اخ صغير عنده 16 والكبير عنده 23 مشكلتنا ان اخويا الصغير مسرف بطريقة لا تتخيلوها وعلي طول عاوز فلوس والمشكلة الاكبر ان والدي عوده علي كده من صغره ان مفيش حاجة بيطلبها الا وكان يجبهاله وكان بيسيب لنا فلوس كتيرة في مكان معين من الشقة كلنا عارفينه لكن انا واخويا الكبير مش بناخد منه الا وقت الحاجة وخصوصا لما يكون بابا وماما مش موجودين لكن الصغير مدمن فلوس يفضل طالع نازل علي الشارع وهو بياخد وعلي طول واكل حقنا وهو علي استعداد كامل يبيع اخواته عشان الفلوس بجد احنا تعبانين منه في البيت اوي وياما كلمناه بس ابويا السبب من الاول رباه اصلا علي كده
وبقي يبجح في امي ويشتمها ويشتمنا كلنا واخلاقه بقت فوق الوصف احنا تعبانين اوي منه وهو كمان السنة دي ثانوية عامة يعني دروس بالهبل وهو مش حاسس بده مهما ياخد يقول محدش بيديني حاجة ووالدي بيعند معانا كلنا كل لما نكلمه عشان يحكمه شوية ومش راضي يشتغل عشان ميتعبش في القرش خلاص اتعود علي كده وابويا مهما قلتله يقولي ملكيش دعوة انا هفضل اديله انتي مالك ويقويه علينا مش لاقيين الحل وياما كلمناه يصلي اويصوم او يشتغل او يذاكر مفيش؟؟
ارجوووووكم عاوزة ردود كتير في اسرع وقت
اولا -دي تربية خاطئة من ابوك تجاه اخوك المدلل كثر الدلع والدلال يبوزوا الولد ويجعله شخص عديم النفع والفائدة لنفسه وللاخرين ثانيا-حرام على ابوكم التمييز والتفرقة بينكم انتم كلكم اولاده صبيان وبنات مايفرقش بينكم او يفضل احد على الاخر حتى لايولد الغيرةوالاحقادوالكراهية بينكم تجاه بعضكم ثالثا-ادعوا لاخوك بالهداية والصلاح ومناصحته بالحسنى دون تجريح اواساءة وترغيبه في الصلاة والصيام وان ربناسوف يحاسبه على تركها وخلوكم قربين منه انصحوه دائما يبطل لعب وطيش وتهور ويهتم بدراسته ومذاكرته رابعا- اذالم ينفع كلهذا على امك انها تضربه وتادبه اذاكان الاب عاجزعن كلهذا وهوسبب خراب اخلاق الولد وفساده ماتستكي وهي تشوف ابنها بيضع قدام عيونها حتى لوتطلب الامر تتخذمن ابوكم موقف اوتزعل منه اوتسيب البيت له حتى يعرف فداحة اغلاطه وسوءتربيته للولد ويعرف انه غلطان ويتحمل المسوولية ويعالج المشكلة حتى لايخسر ابنه ويفسد اخلاقه ويضيع مستقبله بسبب تلك التربية الخاطئة والله يهدي اخوكي ويصلحه ويسترعليكم جميعا ويحفظكم من كل سوء
اخوكي شكلو ماشي غلط
اصراف بالطريقه دي
وادمان للعاده السيئه يبقا طريقو مش تمام عليكم بتوجيهه ومراعاته في اصدقائه
ده سن مراهقه يحتاج الي المراعاه علشان مينحرفش ومينجرش في طريق الله اعلم اخرو ايه
السلام عليكم
اختى الكريمة اولا شوفوا اخوكى دا بيصرف الفلوس دى على اية وشوفوا اصحابه مين واتاكدوا بيعملوااية وطبعا هو اتعود على كدا من والغلطة غلطة والدك طبعا بس زى ما قالك احد الخوة شوفى حدا قريب منكم تثقوا برأيه ورحاجه عقله يمكن يهتدى على يدية ويرجعوا لصوابه والله القادر على كل شئ
ولكى التوفيق اختى الكريمة وهدى الله اخوكى وهدانا جميغا لما فيه ثواب الدنيا والاخرة
السلام عليكم ورحمة الله وبركاته
انك لا تهدى من احببت ولكن الله يهدى من يشاء
الحل الوحيد لاخوكى انك تدعيله كتير اوى ووالدته طبعا دعاها مستجاب هو طبعا والدك سلبى اوووى بس انتو ممكن تشوفو اكتر حد قريب من والدك عشان يتكلم معاه ويفهمه انه كده بيضيع ابنه
ربنا يهديه يارب ويجعله ولد صالح
اولا ربنا يقويكم على اخ من هذا النوع
اكتر حاجة هتأثر في اخوكي اصحابه لو قدرتوا تخلوه يمشسي مع صحبة كويسة اكيد هتغيره
وبيني وبينك هو كمان عايز يضرب كويس من والده وعلى موضوع العادة السرية دي مشكلة كبيرة علشان هو مش هيحس باضرارها دلوقتي بس هيشوف اضرارها بعدين 😐
وعلشان يبعد هنا ابعدوا عنه اي مثيرات بتخليه يعمل كده وخلي والدتك تكلم والدك وتقوله على تصرفات ابنه واكيد هو هيحس بالخطر الى ابنه فيه
الله المستعان
انا بقيت اسرق الفلوس من جيبه وارجعها لأمي تاني ولو ابويا عرف الدنيا بتتقلب انا نسيت اقولكم حاجة ده بيعمل العادة السرية كتير اوي حتي وهو نايم ولما حد بيدخل الاوضة يجيب حاجة بيشوف المنظر ده في اوقات كتيرة اوي بيعملها قدامنا وكل ما يلاقي حد يبصله يعمل نفسه كأنه بيهرش مثلا او ان في حاجة تعباه