تعبت كثيرا من زوجتي , اريد طلاق زوجتي لاني ندمت على اللحظه التي تمت معرفتي بها وما اتمناها من ربي في دنيتي أن يخلصني منها مع اننا ارتبطنا بعد قصة حب
عارضت فيها اهلي ورغما عنهم رغم نصائح الكبار الذين لو حملت احذيتهم على رأسي ما وفيتهم حقهم وما علمت معنى كلامهم الا بعدما كنت اشتكيها لوالدها لأجد الجابه التي تفجع الصدروكأنه لم يسمع مني كلمه وبعد 7 سنوات اسفرت عن اجمل واحب طفل وطفله لم اعد اقدر على الاحتمال فقد أصبحت سليطة اللسان واليوم فاجأتني بالسب الأمر الذي لم احتمله ونويت طلاقها فهل من نصيحه وهل أكون ظلمت ابنائي أعز ما عندي
مشاكل الازواج
اريد طلاق زوجتي
اضيف بتاريخ: Tuesday, April 5th, 2011 في 03:09
كلمات مشاكل وحلول: طلاق, قصة حب, مشاكل الازواج, مشاكل زوجية
بصراحة اعجيني رد الاخت -مواطنة مصرية – واتفق معها في كل ماقالت لصاحب المشكلة اتمنى انه يعمل به لاجل صلاح واستقرار حياته الزوجية والله الموفق
اعتبر انها ماتت بالفعل وربى عيالك من غير ماتتدى ليها اى اهتمام اختصرها واهجرها وربتا معاك
اخى الكريم انا مع المواطنة فيما قالته وقد جربته فعلا وجاب مفعول لدرجةلايمكن تخيلها ضع ابنائك نصب عينك وشوف لو حصل انفصال هيحصل ايه وحاول تجلس مع الاولاد كتير وياريت تفسحهم ولو طلبت تخرج معاكم خرجها من غير ما تكلمها وهزر مع الولاد ولاعبهم واهم من هذا كله ان تدعو لها فى السحر وتحاول تقرب من ربنا لان هذا امتحان من الله عز وجل والقلوب بين يدى الرحمن يقلبها كيف يشاء كل ما تقرب من ربنا اكتر هتشوف الامور احسن واتقوا الله ويعلمكم الله وافتكر قول الله عز وجل واللاتى تخافون نشوزهن فعظوهن واهجروهن فى المضاجع عارف دى هتكون شديدة جدا لو قدرت تعملها يعنى تنام على السرير بجوارها عادى بدون ان تمسها وان شاء الله مش هتلجأ للضرب ولا للغضب الشديد من يملك نفسه عند الغضب وحاول انك تشغل قران كتير فى البييت وخصوصا سورة البقرة عندى كلام كتير بس اظن انى كدة انشاء الله هيكون فيها الشفاء
بلاش تسرع وتطلقها علشان الاطفال لكن في حلول كتير قدامك ممكن تربيها وتقومها علشان تعرف ازاي تحترمك انت الوحيد اللي تقدر تغيرها اولا لا بالسب ولا بالضرب طبعا شوف هقول حاجتين يجننوا اس ت في العالم حتى لو كانت بتكره زوجها الاهمال والهجر ( ماتزعلوش مني ياستات ) يعني اهملها شوية وخاصمها ماتكلمهاش ماتردش عليها هتجنن لكن لازم تسيبلها مصروف البيت وماتديهاش فرصة تقول عليك غلطة بالعكس حاسسها انها مش فرقة معاك خالص وقولها لما تعرفي ان زوجك له احترامة نبقى نتكلم وصدقني هيكون له مفعول السحر لكن اسمع مش يومين وتسلملا طبعا ده اعاده تاهيل علشان تراجع نفسها الف مرة قل ماتغلط فيك وصدقني هتحس هي انها غلطانه بس بلاش تغلط فيها ابدا ولا تتخانق معاها خلي تعاملك معها بكل برود يعني خد حقك بالحكمة وليس بالغضب فالشجاع هو من يتمالك نفسه وصدقني تلاقي النتيجة بس خليك كدا فترة وحسسها انك ناوي على شئ وبتعيد حساباتك هتقلق وتحاول تهدي الامور وربنا يصلح الحال بينكم
هيا غلطانه وستين غلطانه انها تشتمك ومحدش يقبل الشتيمه بس ده لسان وده اللي هيجر اكتي الناس لجهنم والعياذ بالله اعتبرها اخي زله لسان والانسان وهوا متضايق وزعلان بكون اعمى البصيره ومش بيعرف ولا يقدر هوا ال ايه والمسامح كريم انا عارفه انها غلطانه بس حرام تشرد اطفالك علشان زله لسان خليك شديد عليها شد عليها جامد ولو كررتها تاني وديها لعند اهلها فتره تهدا كدا وتراجع نفسها وتبقى توزن الكلام قبل ما تقوله بس ابعد عن الطلاق والله يا جماعه كل واحد مننا عنده مشاكل مش مشكله ولو كل حد فينا حصلت عنده مشكله وفكرنا نطلق ونبعد كلنا هنطلق خلينا نحل المشكله احسن ما نختار الطلاق الطلاق ده لما نوصل لطريق مسدود ونكون جربنا واستنفذنا كل الحلول وربنا يوفقك وطمنا عليك