مشاكل الزواج

لا اميل لخطيبتي و اريد فسخ خطوبتي

مشكلتي مشكلة كبيرة جدا انا خطبت خطيبتي عن أستعجال يعني خطوبة صالونات زي مبيقولو هي عندها 23 سنة وانا 25 سنة يعني التعارف و الخطوبة وكل القصة خدت أسبوع وتلبيس شبكة وبتاع بسرعة بسرعة كدة يعني وحبنا بعض موبيلات يعني حبيت واحدة من الكلام معها موبيل لن بشوفها حد تاني خالص لكن كل ماشوفها نفسيا مش حاسسها خالص وبببقا حاسس اني أستعجلت يعني هي محدودة الجمال بس محترمة أوي ويعني انا حبيتها علشان خاطر مبتزعلنيش أبدا وبتسمع كل كلامي وبتعمل كل اللي يرضيني بس بس مجرد ماشوفها مبقاش حاسسها خالص وببقا نفسي أسيبها بس بتكلمني بعديها واحس اني ببدا أشيل الفكرة من دماغي بتاعت اني أسيبها لغاية لما اشوفها تاني ارجع افكر التفكير دة تاني وهكذا الحال 3 شهور علي دة الحال
المشكلة اني خايف عليها هتتدمر نفسيا لكن هاعمل اية مش قادر بجد انا سعات بعيط وانا بكلمها بتصعب عليا وعلشان كدة برجع اغير المود بتاعي ووقلوها لا مفيش حاجة واتكلم معاها عادي علشان متلحظش نفسي أسيبها وخايف عليها اوووووي ضميري بيأنبني أوي لو عملت كدة لكن مش متخيلة بصراحة اني أكمل برضو معاها انا هتجنن خلاص واللهي مش قااااااااااااادر
لو حد عنو حل أسيبها من غير مأوجعها وأسببلها صدمة يقولي أرجوكو ويكون طريقة كويسة كدة وبشياكة وزوووووق يعني دلوقتي 3 شهور انا خايق الوقت يبقا لكتر واسيبها بعد سنة ولا حاجة ارجو الرد

مشاكل وحلول ذات صلة

اضيف بتاريخ: Sunday, February 19th, 2012 في 21:55

كلمات مشاكل وحلول: , ,

24 رد to “لا اميل لخطيبتي و اريد فسخ خطوبتي”

  1. نور
    05/04/2022 at 15:36

    اعاني من نفس المشكله… اتخطبت بسرعه جدا بقالنا اقل من شهر عارفين بعض والخطوبه كانت من 4 ايام وانا مش مياله لخطيبي خالص وبصلي استخاره وبدعي وقلبي بيتقبض اكتر… مش عارفه اتعامل او اتكلم معاه ومبديهوش مجال للكلام من كتر ما حاسه ان الموضوع تقيل ع قلبي… عايزه نصيحه او حل من غير ما اخسر اهلي لاني مش مبسوطه خااالص

  2. ياسر
    16/11/2014 at 17:47

    نصيحه طالما مش مرتاح سيبها داوقتي احسن ما تتعب وتتعبها معاك بعدين انا مريت بنفس الظروف دي

  3. نفس المشكله
    20/11/2013 at 16:00

    اولاً صلي استخاره ودعو ربنا بألحاح
    ولو شفت انه مش مرتاح برضو افسخ بسرعه وبطريقه متجرحش فيها البنت وكمان تتنازل عن الشبكه
    الا لوجابوها هما من نفسيهم,, وخلي بالك من سمعت البنت حتى لو على حساب سمعتك,,
    ربنا يشرح صدورنا لما يحبه ويرضاه,,والحمد لله والصلاة على رسول الله.

  4. الحياة حلوة
    25/06/2013 at 21:07

    انت طبعا لازم تسيبها دلوقتى لو مش متقبلها علشان الوقت ميعديش اكتر من كدة وتتوجع اكتر وبعدين بما انك مش قابل حتى تشوفها ازاى حتعيش معاها بقية عمرك ده جواز ومستقبل وان شاء الله ربنا يسهلك الامر وكل حاجة تبقى تمام

  5. انس
    18/06/2013 at 08:37

    يااااااه يارجل انتا مشكلتك نفس مشكلتي بالتمام،لدرجه حسيت انو انا اللي كاتب القصه. عالعموم بعد سنه ونص من كتابه هذا الموضوع لو انتا لسه موجود في المنتدى اتمنى اعرف ايش صار معاك وايش القرار اللي اتخذته، عشان انا عندي نفس المشكله وحاس نفسي ضايع.

  6. ريكو
    02/04/2012 at 02:28

    الله و لي التوفيق انا متزوج و صدقني الحب الحقيقي بعد الزواج

  7. ابراهيم
    27/03/2012 at 04:48

    مشكله كبيرة فعلا
    المشكله ان انتم الاثنين مظلومين
    انت من حقك تحب اللى هترتبط بيها و تعيش معاها اجمل ايام حياتك
    و هى من حقها انك تحبها زى ما انت بتحبها
    اصعب حاجة فى الدنيا الحب من طرف واحد

    انا جربت الموضوع ده و فعلا الوضع صعب
    انا لما بلاقى ولد و بنت الاتنين حاسين نفس الاحساس بالحب نحية بعض بحس انى باحسدهم
    بقول ليه مش كل الناس كده
    ليه فيه ناس بتتعذب و مش بايدها عشان محدش قلبه بايده
    ربنا يكرمك و يكرمها و يفرج كربك

  8. حســام
    26/03/2012 at 17:34

    بص يا عم عشاندي الخلاصة من تجربة مش من كلام ولا سمع من حد دي تجربتي الشخصية اناعرفت بنت 8 سنين ومكنتش راضي عن شكلها وكنت هموت واسيبها من غير ما اجرحها حاولت اشوق طريقة مناسبة عشان مجرحهاش حوالي 5 سنين وفيالنهاية ضيعت عمري معاها وضاعت مني 8 سنين وانا اللي خسرت اكتر منها بكتير عارف ليه عشان لما ربنا كرمني واخدت قرار اخدتو بعد 8 سنين وانا رديت عليك عشان حسيتك هتكرر حكايتي عارف انا عملت ايه وعايزك تقوله بالحرف عشان مش هينفع غيره تقولها انك مش عارف تحبها او حبك ليها من نوع تاني لكل حب نهاية بس نهاية نوع الحب اللي بينا الود والمحبة مش الجواز دة في حالة لو عايز تسيب دهبك ومش هامك بس اكيد الدهب يهمك يبقي تستعطفها الاول وتعرفا انك اضعف من انك تخسر دهبك لانو طبيعي اهلها مش هيدهولك ولو محسبتهاش صح هتخسرو هخسرو نسيت اقولك ان البنت اللي كلمتك عنها دلوقت متجوزة وعندها ابنها واتجوزت بعد ما جرحهتها باسبوع هاهاهاهاهاها وانا والله زي منا وعندي 32 سنة ومش مجوز ولا حتي خاطب نصيحة لوجه الله مدام مش مقتنع بحاجة اياك تكملها لان العيب اللي فيالحاجة دي هيفضصل يطاردك طول عمرك ومحدش بيموت عشان بيحب حد ضيف بقي علي كلامي دة طريقة شيك تطلع بيها مش خسران وسيبك من موضوع تجرحها دة عشان محدش هيتعب غيرك

  9. شيماء
    20/03/2012 at 20:23

    أنا برأيى تصلى صلاة استخارة

  10. ustazi
    06/03/2012 at 14:21

    السلام عليكم ورحمة الله و بركاته :
    * أنت تسرعت في الخطبة ، فلماذا لا تتعلم من ذلك ؟ لماذا تتسرع في إنهاء الخطبة ؟
    * هل تعتقد أنك سوف تحبها حين تريد ذلك ؟ هل ذلك بيدك ؟ لا يا أخي الحبيب : لا تحكم على علاقتكما بالفشل بهذه السرعة . انتظر قليلا فلربما رأيت منها من الخلق الرفيع و الحس المرهف و التفاعل النفسي ما يجعلك تحبها يوما بعد يوم .
    * هل لأنها ليست جميلة جدا تريد تركها ؟ أيها أفضل لك ؛ جمال مع سوء خلق أم قبول و محبة في حسن خلق ؟
    *ماذا رأيت منها من سوء حتى تؤذيها بتركك إياها ؟ لا تحبها ؟ وهل تبنى البيوت على الحب ؟ أليس هناك مودة و رحمة ؟
    * جاء رجل لعمرَ بنِ الخطاب يريد أن يطلق امرأته ، فلما سأله عن سبب ذلك قال الرجل : لا أحبها ، فقال عمر : ويحك !!! أو تُبنى البيوت على الحب ؟ أمسك عليك زوجك .لقد حذر الرسول الكريم صلى الله عليه وسلم من جمال المرأة في سوء خلق : ” إياكم و خضراءَ الدِمَن ! قالوا : وما خضراءُ الدِمَنِ يا رسول الله ؟ قال : المرأةُ الحسناءُ في المنبتِ السوءِ”
    * أخي الحبيب : كيف تختار زوجتك ؟ ماذا تريد منها وماذا تريده فيها ؟ إذا كانت مخطوبتك على خلق و دين فلا تتأخر في الزواج منه ، فَوَربِ الكعبة إنهن لقليلٌ هذه الأيام .
    * فإن كنت ولابد تاركَها فالبقول الحَسَن و بالمعروف ، و اسألوا الله من فضله .
    *** و الله أعلم***

  11. mona
    01/03/2012 at 21:48

    السلام عليكم انا شايفة ان محدش يقدر يحللك مشاكلك الا انت وصدقني البنت دة كويسة جدا وحدة زيي دة بتتمنالك الرضا ترضا ازاي مش حاسس بيها صدقني لو سبتها هتتعب لان محدش بيحس بقيمة الانسان اللي في ايدية غير لما يضيع منة ونصيحة مني الحكاية مش بالمظهر او بالجمال في بنات كتير زيي القمر بس ميستهلوش فكر واعرف انت عايز اية بس نصيحة مني الانسانة اللي في ايديك دة تستاهل واحد يحبها ويصونها ويحافظ عليها وربنا يهدي الجميع

  12. انا مين؟؟
    26/02/2012 at 00:10

    السلام عليكم

    اخي العزيز مع احترامي لكل الاراء اللي اتقالت واللي كلها واغلبها اراء ممتازه من ناس معودانا دايما علي الردود الجميله دي
    لكن مينفعش حد ياخدلك قرار زي ده

    الاول انت مشكلتك انك محتار تسيب الانسانه دي ولا لاء

    ولا مشكلتك انك محتار تسيبها ازاي؟؟

    لو كنت لسه مش مقرر تسيبها ولا لاء يبقي اسمع مني الكلام اللي جاي وبعدين خد قرارلك

    انا حبيت واحده بطريقه فوق الوصف واوقات كانت تجيلها نفس الافكار اللي في دماغك دي
    كانت بتفكر كتير اننا نبعد وانا اناقشها واكلمها واتمسك بيها لغايه يوم طلبت فيه اننا نبقي اخوات وعلي عكس رد ليها دايما المره دي قلتلها حاضر
    وسبتها اليوم كله مكنتش بكلمها زي ما متعود ولا حتي رنه
    ولما حست اني ضيعت من ايدها رجعتلي

    اللي عاوز اوصلهولك ان اي واحده هتتجوزها واي بنت واي ولد في الدنيا مش هيكونوا( كامل الاوصاف )
    لازم هيبقي فيهم عيوب

    الاهم انت عندك استعداد تتحمل ايه من العيوب دي؟؟

    تقدر تستحمل واحده مش جميله!!ولا تقدر تستحمل واحده لعابيه ومش متدينه!!
    ولا تقدر تستحمل واحده مغروره!!ولا تقدر تستحمل واحده غبيه!!ولا تقدر تستحمل واحده…

    لازم هتلاقي في كل واحده تتقدملها عيوب

    اقولك علي حاجه كمان
    انت فيك عيوب
    وكويس ان هي مستحمله عيوبك ومقدراك وبتسمع كلامك

    يا صاحبي شوف ايه اهم حاجه تتمناها في شريكه حياتك وقرر تكمل ولا تسيبها…واعرف ان نصيبك متقدر ومكتوب

    وربنا يكرمك في حياتك مع اللي تسعدك وتسعدها ..

  13. الله يكون في عون قلبي انا
    24/02/2012 at 19:16

    لااله الا الله والله انت لو خطيبي مسيبك وساعات متيجي عندي واشوفك مخليش تفكيرك يجي عند اني اسبه ابدااااااااا مستحيل بس الاي عايزه قولو ليك اني ده اسمو بارود في الحب او زهق سيبك شويه من الجو بتاع الحبيبه ده وهظر او اضحك شويه او سيبك شهر شهرين كده هتحس باشتياق ارجعله هتلقي نفسك حبته بس احنا كده لو سبته هتبكي بدموع عنيك بعد كده عارف ليه لانك هتسيب اللي بتقولك حاضر ونعم ومش بتزعلك وبتضرضيك افهم كده واسمع مني خليك معه البنت دي بتحبك قوله كده انا هسيبك وهزار هتلاقيه عييطه مش خوف انك تسيبه او او لالالالا خوف من البعد عن قلبه او الفراق او هتعيش طول عمره مع انسان حبيتو اوووووي

  14. HanyMoh
    23/02/2012 at 02:52

    بسم الله الرحمن الرحيم..

    يسرني ويسعدني أن أرد على مشكلتك أخي..

    الزواج هو اتحاد شخصين عقليا وجسديا..

    فيجب أن يكونا متفاهمين وممتقاربين في الأخلاق وفي الجمال الشكلي أيضا..

    وفي المقام الأول ووحده يكفي (الأخلاق)..

    غالبية الشباب يبحث عن الفتاة الجميلة حتى وإن تنازل عن بعض الصفات الأخرى (الثقافة الذكاء الأخلاق…. إلخ)

    وهذا خطأ كبير، لأن الجمال مهما زاد يؤلف، أي أنك ستعتاد عليها ولن تجد فيها متعتك الأولى، فإن لم تجد لها عقلا واعيا وصديقا محاورا وأما حنون فلا قيمة لجمالها الذي ألفتَه..

    بعيدا عن كلامي المتقدم أقول أنني أكره زواج الصالونات لأني أرى به امتهانا كبيرا للمرأة..

    ولكن طالما أنك وافقت عليها وأنت من تقدم وطلبها وطالما أنك لم تجدها سيئة الخلق ولا قبيحة الشكل فلا أرى سببا لتركها إلا إذا كنتَ ترى غيرها..

    أعلم أنك تريد حلا لتركهاولكني لا أؤيد هذا القرار..

    وإن أصررت عليه فلك الحرية ولكن تذكر قوله، وعسى أن تكرهوا شيئا وهو خير لكم، وقوله وعسى أن تكرهوا شيئا ويجعل الله فيه خيرا كثيرا..

    هذا رأيي ولكني لم أرها ولم أراك ولم أعيش ظروفكما فهكذا أفتيت لك بما كتبتَ لي…

  15. تقى
    23/02/2012 at 00:37

    انت 25 وهي 23 انتو لسه صغيرين ليه خدتها من صالونات وليه الاستعجال ده ؟
    يعني هي مش هتعنس من غيرك ..
    بس هي شكلها حاباك مادام بتسمع كلامك وهتتدمر نفسيا وكده
    انا ضد اخواتى اللي تحت مع احترامى لردودهم
    لكن لو غلطت فاسمها او تجاهلتها والله جرحها هيبقى اكبر ميه مره من انك تصارحها
    هي لو ظنت انك بتخونها دي ممكن تنهار بجد الخيانه صعبه وبتوجع القلب جاااامد
    وخصوصا فشخص كانت معلقه عليه امال .. هتحس انها مكانتش ماليه عنيك رحت دورت على غيرها
    ممكن تحس بالنقص وان الموضوع في شكلها مانت بتقول محدوده الجمال يعني ممكن تبدا تتعقد عشان الموضوع ده
    يعني هتبقى سبتها وجرحتها كمان لا كده كتير وانا مقبلهاش على نفسي اروح اقبلها على البنت
    انا اكرملى يسيبني بالذوق بدل مايعمل كل ده ويتقمص شخصيه غير بتاعته ويجرح قلبي
    زي مادخلت بيتها باحترام اطلع باحترام
    بس فكر تانى وصلي استخاره ولو مرتحتش سيبها دلوقتي بدل ماتتعلق اكتر
    ربنا معاكو

  16. sun
    22/02/2012 at 23:39

    حبينا بعض موبيلات !!! هو ده حب اصلا انت لو كنت بتحبها ولا كنت حتفكر في شكلها ولا تفكر لحظه انك تقدر تعيش من غيرها ما علينا انا مش شايفه في اي مشكله انت ارتبط ومش مرتاح ليها وبتفكر كل وقت والتاني ان العلاقه بنكوا مش نافعه يبقي كده انت محدد ان من ناحيتك مفيش اي مشاكل ولا انت بتحبها ولا حتندم علي انك تخليت عن حبك ونفكر فيها بصراحه واحده زي دي مؤدبه ومحترمه ومش بتزعلك وبتسمع الكلام تستاهل واحد يحبها ويقدرها ويشيلها في عيونه فمتفكرش فيها هيه ممكن تزعل بعد متسبها بس كن واثق انها لما تقابل انسان وتربط بغيرك ويحبها حتكون شاكره ليك وتحمد ربنا متزعلش من كلامي بس دي حقيقه انت سيبها وتاكد انها حتعيش في قمه السعاده من بعدك وسيبها فورا وبلاش تظلمها معاك وانت الجواز مش لعبه بعد كده متتسرعش وتعلق بنات الناس بيك وتدخل في حوارات ومشاكل انت في غني عنها 00اتركها بسلام لمن يستحقها شمس

  17. lola
    22/02/2012 at 23:01

    هي بنات الناس لعبة عندك يعني انت شوفتها كويس وكان قدامك فرصة تعرفها اكتر و تتفكر اكتر و تتاكد ان كنت عايزها و لا لاء لكن تعلقها بيك و تخليها تحبك و بعد كدة تقول لا مش هي دي البرواز اللي انا عايز اشتريه عايز برواز اجمل والله انت شخصية تافهة و ياريت تسيبها لانك مش تستاهل واحدة محترمة زي ما قولت كدةو تحبك كدة … و لما تشوف غيرها هتعرف ان الله حق

  18. lola
    22/02/2012 at 18:13

    ولله هوه كل شى قسمه وى نصيب ادام انت موش مقتنع بيها سبها احسن مضيع وقتها جمبك وى انت موش عوزها خليها حتى تشوف مصلحتها وى ربنا يرزقها بى غيرك وى ربنا يرزق بى الاحسن منها لى تبقى وخدها ع اقتناع وى موش لازم موضيع الافلام دى تكلمها وى تقول اسم وحده تانيه دى بجد غلط وى احراج ليها انت كلمها بى زواق وى قولها انكم موش متفقين مع بعض فى تفكير كلام من كده يعنى وى اخلع وى ربنا يزرهقها بى لى يقدرها وى يسعدها وى يرزق انت كمان بى لى تسعدك وى تبقى وخدها ع اقتناع

  19. Tota
    22/02/2012 at 05:40

    الغريب انك شوفتها قبل ما تخطبها بس عموما ده اللى حصل
    انا من رايى متتسرعش فى فسخ الخطوبة وادى نفسك فرصة من غير ما تعرفها قولها انك مسافر مكان وروح اى مكان مفهوش شبكة وقولها ان الخط بيقطع ومفيش شبكة واقعد يومين تلاتة اسبوع غايب فكر بهدوء جدا
    بعد ما تفكر اكيد هتوصل حل حتى لو متردد فيه ولو حسيت انك لسه مش قادر تكمل معاها
    تقدر تخليها هى اللى تسيبك من غير ما تجرحها كرها فيك من غير ما تجرحها اخنق عليها فى كل تصرفاتها بينلها انك انسان شكاك وبخيل ومتعجرف وانانى ومبيهمكش غير نفسك ولو حولت فى فترة اللى بتحاول تكرها فيك تتراجع وتبقى على طبيعتك وتقولها اى كلام حب يبقى بتظلمها لازم تقرر القرار بايدك وانت ادرى هتقدر تعيش معاها ولا لا وخلى بالك مش كل الحلوين تقدر تعيش معاهم ويسعدوك واستخير ربنا 3 ايام متصلة وتوكل على الله

  20. ماهينور
    20/02/2012 at 17:59

    اولا الموضوع مش هيجى بهذه السرعه بس محتاج خطوات
    اولا لاتهتم باتصالك بها نهائى ولو كلمتك ماتردش ابدا واتحجج انك مشغووووووووووول طول الوقت وع طول
    تانيا ماتظهرش اى اهتمام ليها خالص وحاول تتظاهر انك بتنسى اسمهاواتلخبط باى اسم تانى
    تالتاحاول تثبتهلها ف كل وقت انكم مش متفاهمين وف فجوة بينكم وانك مش قادر تفهم هى بتفكر ف ايه وقولها انها كمان مش قادرة تفهمك
    رابعا اعمل نفسك سافرت واقعد يومين متكلمهاش وقولها كنت ف شغل ونسيت اقولك انى مسافر
    خامسا اسالها اسالها تعجز عن الرد عليها مثل_تعملى ايه لو انا خونتك؟او ايه رايك نسافر مع بعض ونقعد طول اليوم؟
    وبكده هتبعد عنك واحدة واحدة وحتى لما تسيبوا بعض مش هترجع تتصل بيك تانى

  21. صاحب المشكلة
    20/02/2012 at 15:32

    خايف من غضب ربنا جدااااااااااا لو سبت البنت وفي نفس الوقت خايف أوصل لمرحلة اني اسيبها بعد سنة خطوبة او لا سمح الله تبقا طلاق بعد كدة مش عااااااااااارف هتجنن
    بصلي كل يوم وادي ربنا يهدينا ويشيل الوسواس من دماغي أةةةةةةةةةةةةة

  22. صاحب المشكلة
    20/02/2012 at 15:30

    فين الردور ياجماعة أرجو الردود ضروري تعبان اوي ومخنوق والتاثير النفسي دة اثر علي شغلي كمان
    وخلاني اغلط غلطاط كبيرة في شغلي ربنا يستر

  23. المتقى ربه
    20/02/2012 at 12:42

    ساعت من ما بنحسش بالنعمه اللى فى ايدينا الا لما بضيع مننا

  24. نونه
    20/02/2012 at 09:26

    ياريت لو كل انسان فكر ف خطوبة تكون عن حب واقتناع مش باستعجال يمكن تكون هيا حبتك ومش قادرة تبعد عنك بس انت واخد قرار بانك تسيبها عشان كدا لازم تقولها بشجاعة وتتكلم معاها براحة يمكن هيا تقدر تتفهم الموقف وتقول لاهلها بطريقة كويسه بس انا عايزة اقولك ع حاجة لانى بنت زيها اصعب حاجة ع البنت ان يتكسر قلبها انا عيزاك تفكر تانى كويس وتصلى صلاة استخارة وتشوف لو لسه مش عيزها يبقى لازم تتكلم معاها بصراحة وتقولها احنا استعجلنا ف موضوع خطبتنا وهيا اكيد هتفم وهتحاول تتفهم الوضع وتبلغ اهلها بالموضوع دا وياريت تسيبوا بعض من غير مشاكل خالص وتحاول تتنازل لها عن حاجتها اللى جبتهالها زى الشبكة او هدايا مهو مش معقولة هى تبقى شرياك وانت تبيع وكمان يبقى موت وخراب ديار ارحم دى الرحمة حلوة بردو بس بجد لو مش بتحبها انهى الموضوع دلوقتى عشان ميطولش ومطلعش فيها عيوب لاى حد خليك زوق وهات العيب من عندك وقول انك مش مستريح للموضوع دا او اعصابى تعبانة وكلام زى كدا بس عشان خطرى متجرحهاش بكلام وعيوب فيها قدمها او من وراها او لاى حد اوكيه وادعيلها تلاقى الانسان اللى يعوضها ويكون بيحبها بجد وتعيش حياة سعيدة وربنا يسعدك انت كمان ويهدى الموضوع وتلاقى بنوتة حلوة تحبها وتشاركها حياتها سلاااااااااااااااااااام

اترك رداً أو حلاً لهذه المشكلة